1. NAFARROAKO FORU KOMUNITATEA
1.7. BESTELAKOAK
165/2023 EBAZPENA, uztailaren 5ekoa, Vianako Printzea Kultura Erakundea-Kulturako zuzendari nagusiak emana, zeinaren bidez onesten baita Dokumentuen Ebaluaziorako Batzordeak proposatutako ebaluazio erabakia, Iruñerriko Mankomunitateari eta Iruñerriko Zerbitzuak sozietateari dokumentazioa ezabatzeko baimena ematekoa.
Kontuan hartuta Nafarroako Artxibo Garaikidearen Ataleko buruak Artxiboen eta Dokumentu Ondarearen Zerbitzuko zuzendariaren ikus-onespenarekin egindako txostenean azaldutakoa, non jakinarazten baita Dokumentuen Ebaluaziorako Batzordearen 808. erabakia, Iruñerriko Mankomunitateari eta Iruñerriko Zerbitzuak sozietateari dokumentazioa ezabatzeko eskatu duten baimena ematekoa.
Iruñerriko Mankomunitateak honako dokumentazio hau ezabatzeko eskaera aurkeztu du:
SERIEA | EGUNAK | DOKUMENTUEN EBALUAZIORAKO BATZORDEAREN ERABAKIA |
Nominak egiteko espedienteak (Iruñerriko Mankomunitatea) | 1987-2017 | 717 |
TC-1 eta TC-2 kotizazio-parteak (Iruñerriko Mankomunitatea) | 1987-2017 | 720 |
Eskualdeko hiri-garraiorako txartel pertsonalizatuaren eskaera (Iruñerriko Mankomunitatea) | 2009-2019 | 778 |
Era berean, Iruñerriko Zerbitzuak sozietateak honako dokumentazio hau ezabatzeko eskaera aurkeztu du:
SERIEA | EGUNAK | DOKUMENTUEN EBALUAZIORAKO BATZORDEAREN ERABAKIA |
Nominak egiteko espedienteak (Iruñerriko Zerbitzuak) | 1982-2017 | 717 |
TC-1 eta TC-2 kotizazio-parteak (Iruñerriko Zerbitzuak) | 1982-2011 | 720 |
Horrenbestez, Kultura eta Kirol Departamentuaren egitura organikoa ezartzen duen urriaren 30eko 273/2019 Foru Dekretuak ematen dizkidan eskudantziak erabiliz,
EBAZTEN DUT:
1. 808. ebaluazio erabakia onestea, Iruñerriko Mankomunitateari eta Iruñerriko Zerbitzuak sozietateari dokumentazioa ezabatzeko eskatu duten baimena emateari buruzkoa.
2. Erabakiaren testua Nafarroako Aldizkari Ofizialean argitaratzea.
3. Ebazpen hau igortzea Kultura eta Kirol Departamentuko Idazkaritza Tekniko Nagusiari, Kultura eta Kirol Departamentuko Artxiboen eta Dokumentu Ondarearen Zerbitzuari, Iruñerriko Mankomunitateari eta Iruñerriko Zerbitzuak sozietate anonimoari, behar diren ondorioak izan ditzan.
Iruñean, 2023ko uztailaren 5ean.–Vianako Printzea Erakundea-Kulturako zuzendari nagusia, Ignacio Apezteguía Morentin.
Iragarkiaren kodea: F2310417
