153. ALDIZKARIA - 2023ko uztailaren 24a

2. NAFARROAKO TOKI ADMINISTRAZIOA

2.2. XEDAPEN ETA IRAGARKIAK, HERRIEN ARABERA ANTOLATUAK

EGUESIBAR

Tokiko Gobernu Batzarreko kideen izendapena eta eskumenak eskuordetzea

Iragarki honen bidez, argitara ematen da Eguesibarko alkate Xuriñe Peñas Lópezek, 2023ko ekainaren 30eko 1853. eta 1854. Ebazpenen bidez, ebatzi zuela:

Toki Araubidearen Oinarriak arautzen dituen apirilaren 2ko 7/1985 Legearen 20.1 b) eta 23. artikuluekin eta Toki Entitateen Antolaketaren, Funtzionamenduaren eta Araubide Juridikoaren Erregelamendua onesten duen azaroaren 28ko 2568/1986 Errege Dekretuaren 35.2 eta 52. artikuluetan xedatutakoarekin bat, tokiko gobernu batzarraren burutzapean, haren kide izendatzea honako udalkideak:

1.–José Javier Marquínez Echegoyen.

2.–Juan Jesús San Julián Aranguren.

3.–Luisa Mateo Zozaya.

4.–Sabi Atipov Keskinev.

5.–Javier Villanueva Aldave.

Toki Araubidearen Oinarriak arautzen dituen apirilaren 2ko 7/1985 Legearen 23. artikuluarekin eta Toki Entitateen Antolaketaren, Funtzionamenduaren eta Araubide Juridikoaren gaineko Erregelamendua onesten duen azaroaren 28ko 2568/1986 Errege Dekretuaren 52. eta 112. artikuluekin bat etorriz:

1. Gobernu Batzarraren esku uztea ondotik zehazten diren eskumenak:

1.1.–Langileak:

1.1.1.–Lan publikoaren eskaintza onestea.

1.1.2.–Langileak hautatzeko eta lanpostuak betetzeko oinarriak onestea.

1.2.–Hirigintza:

1.2.1.–Planeamendu orokorra garatzeko planeamenduko tresnen hasierako onespena, Osoko Bilkurari berariaz ez badagozkio (Plan Partzialak, Plan Bereziak, Xehetasun-azterketak).

1.2.2.–Hirigintza kudeatzeko tresnak onestea (Konpentsazio, birzatiketa eta desjabetze proiektuak).

1.2.3.–Hirigintza proiektuak onestea.

1.2.4.–Kudeaketako hirigintza hitzarmenak onestea.

1.3.–Kontratazioa:

1.3.1.–Hornidurak, zerbitzuak, zerbitzuen kudeaketa (zerbitzuen kontzesioa barne hartuz, baita pribatuena ere) kontratatzea, baldin eta 15.000 euro baino gehiagoko balioa badaukate, BEZa kanpo.

1.3.2.–Obrak kontratatzea, baldin eta 40.000 euro baino gehiagokoak badira, BEZa kanpo.

1.4.–Dirulaguntzak:

1.4.1.–Dirulaguntzetarako deialdiak onestea, Osoko Bilkuraren eskumena ez direnean.

2. Eskuordetutako eskumenak alkateak beregana ditzakeela adieraztea, Sektore Publikoaren Araubide Juridikoari buruzko urriaren 1eko 40/2015 Legearen 10. artikuluan ezarritakoaren arabera.

3. Ebazpen hau indarrean izanen da emandako egunaren biharamunetik, baina Nafarroako Aldizkari Ofizialean argitaratuko da eta haren berri emango zaie Osoko Bilkurari eta tokiko gobernu batzarrari, haien hurrengo bilkura arruntetan.

Sarrigurenen, 2023ko ekainaren 30ean.–Alkatea, Xuriñe Peñas López.

Iragarkiaren kodea: L2310346