2. NAFARROAKO TOKI ADMINISTRAZIOA
2.2. XEDAPEN ETA IRAGARKIAK, HERRIEN ARABERA ANTOLATUAK
CORELLA
Eskuordetzeak zenbait arlotan
Nik, Gorka García Izalek, Corellako Udaleko alkate udalburuak, Nafarroako Toki Entitateen Antolaketaren, Funtzionamenduaren eta Araubide Juridikoaren gaineko Erregelamenduaren 43.3 eta 45. artikuluek emandako ahalmenak erabiliz,
DEKRETATZEN DUT:
Alkatetzaren 1045/2023 Ebazpena.–Barne zuzendaritza eta kudeaketaren eskuordetze berezia berdintasunaren arloan:
I.–Eskuordetze berezia egitea Pilar Pérez Gil zinegotziaren alde, berdintasunaren arloko barne zuzendaritza eta kudeaketarako.
II.–Berdintasunaren arloko kudeaketa zuzentzen duten egungo jarraibideak ezarrita daude 2016-2019 urteetarako Emakumeen eta gizonen arteko aukera-berdintasunerako Corellako II. planean eta "Zaintzarako Tokiko Itunean", eta etorkizunean horiek ordezkatzen dituztenetan.
III.–Eginkizun zehatz hauek izanen ditu:
–Berdintasunaren arloko ekintzak koordinatu eta gainbegiratzea, teknikari profesionalarekin/profesionalekin batera.
–Oinarrizko gizarte zerbitzuekin, erakundeekin eta entitate publiko eta pribatuekin koordinatu eta lan egitea, berdintasunaren arloan.
–Begiratzea ea betetzen diren Corellako Berdintasunerako Planean eta Zaintzarako Tokiko Itunean zehazten diren proposamenak eta ekintzak.
–Ekintzak koordinatzea Udaleko beste zinegotzitzekin, elkarrekin lan eginez eta zeharkako jardunbidearen bidez sustatzeko egiazko berdintasuna lor dadin emakumeen eta gizonen artean.
–Berdintasunerako Aholkularitza Kontseiluan buru izatea, ekintza eta batzorde guztietan lan egiteko.
–Udalaren eta corellar guztien ordezkari izatea berdintasunaren arloan, behar den toki orotan.
Alkatetzaren 1046/2023 Ebazpena.–Barne zuzendaritza eta kudeaketaren eskuordetze berezia gazteria arloan.
I.–Eskuordetze berezia egitea Amaia Bienzobas Gómez zinegotziaren alde, gazteriaren arloko barne zuzendaritza eta kudeaketarako.
II.–Eginkizun zehatz hauek izanen ditu:
–Gazteriaren arloko ekintzak koordinatu eta gainbegiratzea, teknikari profesionalarekin/profesionalekin batera.
–Oinarrizko Gizarte Zerbitzuarekin, Nafarroako Gazteriaren Institutuarekin eta/edo gazteriaren arloan aritzen diren beste entitate publiko eta pribatu batzuekin koordinatu eta lan egitea.
Alkatetzaren 1047/2023 Ebazpena.–Eskuordetze orokorra nekazaritzaren, abeltzaintzaren eta herri-lurren arloan.
I.–Eskuordetze orokorra egitea Félix Bienzobas Lázaro zinegotziaren alde, nekazaritza, abeltzaintza eta herri-lurren arloan, barne-zuzendaritza eta kudeaketa orokorra egin ditzan, barnean izanik hirugarrenei eragiten dieten administrazio egintzen bidez ebazteko ahalmena, eta kanpoan utzirik Alkatetzaren 1043/2023 Ebazpenaren bidez Tokiko Gobernu Batzarrari eginiko eskuordetzeak.
II.–Eginkizun hauek izanen ditu, besteak beste:
–Koordinatzea eta gainbegiratzea nekazaritza, abeltzaintza eta herri-lurren arloan eginiko ekintzak.
–Erakundeekin eta entitate publiko eta pribatuekin koordinatu eta lan egitea, nekazaritza, abeltzaintza eta herri-lurren arloan.
–Ekintzak koordinatzea gainerako zinegotzitzekin.
–Udalaren eta corellar guztien ordezkari izatea nekazaritza, abeltzaintza eta herri-lurren arloan, behar den toki orotan.
Alkatetzaren 1048/2023 Ebazpena.–Eskuordetze orokorra hirigintzaren arloan:
I.–Eskuordetze orokorra egitea Félix Bienzobas Lázaro zinegotziaren alde, hirigintzaren arloan, barnean izanik hirugarrenei eragiten dieten administrazio egintzen bidez ebazteko ahalmena, eta kanpoan utzirik Alkatetzaren 1043/2023 Ebazpenaren bidez Tokiko Gobernu Batzarrari eginiko eskuordetzeak.
II.–Eginkizun hauek izanen ditu, besteak beste:
–Koordinatu eta gainbegiratzea hirigintza eta industriatik gauzatutako ekintzak.
–Erakundeekin eta entitate publiko eta pribatuekin koordinatu eta lan egitea, hirigintzaren eta industriaren arloan.
–Ekintzak koordinatzea gainerako zinegotzitzekin.
–Udalaren eta corellar guztien ordezkari izatea hirigintza eta industria arloan, behar den toki orotan.
Dekretu hauek Nafarroako Aldizkari Ofizialean argitaratzea; dena dela, dekretuok indarrean jarriko dira ebazpen hau sinatu eta biharamunetik aitzina.
Corellan, 2023ko ekainaren 29an.–Alkatea, Gorka García Izal.
Iragarkiaren kodea: L2310234