2. NAFARROAKO TOKI ADMINISTRAZIOA
2.2. XEDAPEN ETA IRAGARKIAK, HERRIEN ARABERA ANTOLATUAK
FONTELLAS
Alkateordeen izendapena eta eskumenak eskuordetzea
Fontellasko Udaleko alkate udalburuak 2023ko ekainaren 21ean 22/23 Ebazpena eman zuen:
Azaroaren 28ko 1568/1986 Errege Dekretuaren bitartez onetsitako Toki Entitateen Antolaketaren, Funtzionamenduaren eta Araubide Juridikoaren gaineko Erregelamenduaren 43., 44., 45. eta 46. artikuluetan, Toki Araubidearen Oinarriak arautzen dituen apirilaren 2ko 7/1985 Legearen 21., 23. eta 24.4 artikuluei dagokienez, ezarritakoari jarraituz,
EBAZTEN DUT:
1. Zinegotzi hauek Fontellasko Udaleko alkateorde izendatzea, honako hurrenkera honetan:
–Lehen alkateordea: David Peña Jiménez.
–Bigarren alkateordea: Sheila Pérez Martínez.
2. Eskumenak oro har eskuordetzea, ondotik adierazten diren alorretan Alkatetzari dagozkion eskumenetan ari daitezen, legearen arabera eskuordetu ezin direnak salbu, honako zinegotzi hauei:
–David Peña Jiménez, Kirolaren, Gazteriaren eta Gizarte Zerbitzuen Alorrak.
–Sheila Pérez Martínez: Kulturaren, Teknologia Berrien eta Emakumearen Alorrak.
–Víctor Sangüesa Pérez, Nekazaritzaren eta Hirigintzaren Alorrak.
–Sara Lorente Baigorri, Jaien eta Hezkuntzaren Alorrak.
3. Ebazpen hau Nafarroako Aldizkari Ofizialean argitaratzea.
4. Ebazpen honen berri ematea Osoko Bilkurari eta izendatuei.
Fontellasen, 2023ko ekainaren 23an.–Alkate udalburua, Mª Érika Lasheras Munárriz.
Iragarkiaren kodea: L2310257