152. ALDIZKARIA - 2023ko uztailaren 21a

1. NAFARROAKO FORU KOMUNITATEA

1.2. AGINTARIAK ETA LANGILEAK

1.2.1. Kargu-uzteak, izendapenak eta bestelako egoerak

2348/2023 EBAZPENA, ekainaren 27koa, Funtzio Publikoko zuzendari nagusiak emana, zeinaren bidez onartzen baita Alfonso Arrieta Aniz jaunak Nafarroako Foru Komunitateko Administrazioaren eta haren erakunde autonomoen zerbitzuko funtzionario izateari egindako ukoa.

2023ko ekainaren 26an aurkeztutako eskabidearen bidez, Alfonso Arrieta Aniz jaunak, Osasunbidea-Nafarroako Osasun Zerbitzuko Oinarrizko Osasun Laguntzako Kudeatzailetzako Larrialdietako Zerbitzu Bereziko mediku lanpostua duen funtzionarioak (60181 lanpostu zenbakia), adierazi du behin betiko baja eman nahi diola Osasunbidea-Nafarroako Osasun Zerbitzuarekin duen zerbitzu-harremanari, eta, ondorioz, uko egin nahi diola Nafarroako Foru Komunitateko Administrazioaren eta haren erakunde autonomoen zerbitzuko funtzionario izateari.

Osasunbidea-Nafarroako Osasun Zerbitzuari atxikitako langileen berariazko araubidea arautzen duen urriaren 20ko 11/1992 Foru Legearen 4. artikuluan xedatutakoa aplikatuz, Nafarroako Administrazio Publikoen zerbitzuko Langileen Estatutuaren 10. artikuluko a) letrak ezartzen du funtzionario izaera galtzeko arrazoietako bat dela funtzionario izateari berariaz uko egitea.

Dena dela, arau horren 11.1 artikuluak ezartzen du funtzionario izaerari uko egiteak ez duela desgaitzen funtzio publikoan berriz sartzeko.

Administrazio Publikoen Administrazio Prozedura Erkideari buruzko urriaren 1eko 39/2015 Legearen 94. artikuluak, berriz, ezartzen du interesdun orok bere eskubideei uko egiten ahalko diela, ordenamendu juridikoak uko hori debekatzen ez badu, eta Administrazioak ukoa onartu beharko duela, salbuespenak salbuespen. Kasu honetan, ez dago salbuespenik aplikatzerik.

Hori dela-eta, bidezkoa da Alfonso Arrieta Aniz jaunak aurkeztutako ukoa onartzea.

Horrenbestez, eta otsailaren 21eko 30/2005 Foru Dekretuaren bidez esleiturik ditudan eskudantziak erabiliz,

EBAZTEN DUT:

1. Onartzea Alfonso Arrieta Aniz jaunak Nafarroako Foru Komunitateko Administrazioaren eta haren erakunde autonomoen zerbitzuko funtzionario izateari egindako ukoa, zeinak mediku lanpostu bat baitu Osasunbidea-Nafarroako Osasun Zerbitzuko Oinarrizko Osasun Laguntzako Kudeatzailetzako Larrialdietako Zerbitzu Berezian (60181 lanpostu zenbakia).

2. Alfonso Arrieta Aniz jauna larrialdietako zerbitzu bereziko mediku lanpostutik kentzea. Hala, bere azken laneguna 2023ko uztailaren 3a izanen da, dagozkion hartzekoen eta oporren erregularizazioa egin ondoren.

3. Ebazpen hau igortzea, behar diren ondorioak izan ditzan, Osasunbidea-Nafarroako Osasun Zerbitzura (Langileriaren eta Lan Harremanen Zuzendariordetzara eta Oinarrizko Osasun Laguntzako Kudeaketa Zuzendaritzara), eta Funtzio Publikoko Zuzendaritza Nagusiko Langileriaren Gastuaren Kontrolaren eta Nominen Zerbitzura, eta interesdunari jakinaraztea, eta adieraztea ebazpen honen kontra gora jotzeko errekurtsoa jartzen ahalko dela, Lehendakaritzako, Berdintasuneko, Funtzio Publikoko eta Barneko kontseilariari zuzendua, jakinarazi eta biharamunetik hilabeteko epean, bat etorriz Administrazio Publikoen Administrazio Prozedura Erkideari buruzko urriaren 1eko 39/2015 Legearen 121. eta 122. artikuluekin.

4. Ebazpen hau Nafarroako Aldizkari Ofizialean argitara dadila agintzea, behar diren ondorioak izan ditzan.

Iruñean, 2023ko ekainaren 27an.–Funtzio Publikoko zuzendari nagusia, Amaia Goñi Lacabe.

Iragarkiaren kodea: F2310261