1. NAFARROAKO FORU KOMUNITATEA
1.7. BESTELAKOAK
JENDAURREKO INFORMAZIOA. "Las Planillas" (5321-CE), "Los Mulares" (5322-CE), "La Caya" (5323-CE) eta "Baretón" (5447-CE) eguzki-instalazio fotovoltaikoak, Erriberriko eta Tafallako udal mugarteetan.
Sektore Elektrikoari buruzko abenduaren 26ko 24/2013 Legearen 53. artikuluan eta abenduaren 1eko 1955/2000 Errege Dekretuaren 125. artikuluan ezarritako ondorioetarako, jendaurrean jartzen da Ríos Renovables SLUren eskaera, honako instalazio elektriko hauei aurretiazko administrazio baimena eta eraikitzeko administrazio baimena emateari buruzkoak:
–Eskatzailea: Ríos Renovables SLU.
–Instalazioen deskribapena: "Las Planillas" (4,28 MW), "Los Mulares" (4,02 MW), "La Caya" (4,95 MW) eta "Baretón" (4,95 MW) eguzki-instalazio fotovoltaikoak (lurraren gainean instalatzekoak) eta haien ebakuazio-azpiegiturak.
-Xedea: jendaurrean jartzea elektrizitatea sortzeko instalazioen proiektuak, aurretiazko administrazio baimena eta eraikitzeko administrazio baimena lortzeko.
–Proiektua baimentzeko eskumena duen organoa: Industriaren, Energiaren eta S4 Proiektu Estrategikoen Zuzendaritza Nagusia.
Espedienteak jendaurrean jarriko dira Industria Antolamenduaren, Azpiegitura Energetikoen eta Meatzeen Zerbitzuan (Tomás Caballero parkea 1, 5. solairua, 31005 Iruña), kontsultak egin ahal izateko. Era berean, esteka hauen bidez eskuratu daiteke informazioa:
–"Las Planillas" (5321-CE) eguzki-instalazio fotovoltaikoa:
https://gobiernoabierto.navarra.es/eu/gardentasuna/jendaurreko-informazioaren-tramitea/eguzki-planta-fotovoltaikoa-espediente-5321-ce
–"Los Mulares" (5322-CE) eguzki-instalazio fotovoltaikoa:
https://gobiernoabierto.navarra.es/eu/gardentasuna/jendaurreko-informazioaren-tramitea/eguzki-planta-fotovoltaikoa-espediente-5322-ce
–"La Caya" (5323-CE) eguzki-instalazio fotovoltaikoa:
https://gobiernoabierto.navarra.es/eu/gardentasuna/jendaurreko-informazioaren-tramitea/eguzki-planta-fotovoltaikoa-espediente-5323-ce
–"Baretón" (5447-CE) eguzki-instalazio fotovoltaikoa:
https://gobiernoabierto.navarra.es/eu/gardentasuna/jendaurreko-informazioaren-tramitea/eguzki-planta-fotovoltaikoa-espediente-5447-ce
Alegazioak, iradokizunak edo oharrak idatziz aurkeztu beharko dira, edozein erregistro bulegotan, Nafarroako Gobernuaren Erregistro Orokor Elektronikoaren bidez edo Administrazio Publikoen Administrazio Prozedura Erkideari buruzko urriaren 1eko 39/2015 Legearen 16. artikuluan ezarritako moduetatik edozeinetan. 30 egun balioduneko epean aurkeztuko dira, iragarki hau Nafarroako Aldizkari Ofizialean argitaratu eta biharamunetik hasita, eta zuzendu behar dira Garapen Ekonomiko eta Enpresarialeko Departamentuko Industria Antolamenduaren, Azpiegitura Energetikoen eta Meatzeen Zerbitzuko Azpiegitura Energetikoen Atalera, kasuan kasuko espediente kodea zein den adierazita.
Iruñean, 2023ko ekainaren 26an.–Industria Antolamenduaren, Azpiegitura Energetikoen eta Meatzeen Zerbitzuko zuzendaria, Laura Larraya Irigoyen.
Iragarkiaren kodea: F2310034
