Iragarkia

149. ALDIZKARIA - 2023ko uztailaren 18a

1. NAFARROAKO FORU KOMUNITATEA

1.7. BESTELAKOAK

JENDAURREKO INFORMAZIOA. Los Arcosen goi tentsioko instalazio elektrikorako aurretiazko administrazio baimena, eraikitzeko administrazio baimena eta haren onura publikoa zehazki deklaratzea. SAT7896-2 espedientea.

Sektore Elektrikoari buruzko abenduaren 26ko 24/2013 Legearen 53., 54., 55. eta 56. artikuluetan eta abenduaren 1eko 1955/2000 Errege Dekretuaren 125. eta 144. artikuluetan ezarritako ondorioetarako, jendaurrean jartzen da Berrueza SAren eskaera, goi tentsioko honako instalazio elektriko honi aurretiazko administrazio baimena eta eraikitzeko administrazio baimena emateko eta haren onura publikoa zehazki deklaratzeko:

a) Instalazioaren tokia: Los Arcosko udal mugartea.

b) Xedea: Los Arcosko industrialdearen energia-hornidura bermatzea.

c) Ezaugarri nagusiak: "Los Arcos TBA - Perguita industrialdea" aireko eta lurpeko 13,2 kV-eko linea mistoa, zirkuitu bikoitz eta bakunekoa, jartzeko proiektua, honela osatua:

–Lurpeko tartea, zirkuitu bikoitzekoa, 80 metroko luzerakoa, Berrueza SAren jabetzakoa den Los Arcos azpiestazioaren eta 01 euskarriaren artean.

–Aireko tartea: zirkuitu bikoitzekoa, 855 metroko luzerakoa, 01 euskarriaren eta 06 euskarriaren artean.

–Aireko tartea, zirkuitu bakunekoa, 1.744 metroko luzerakoa, 06 euskarriaren eta 16 euskarriaren artean.

–Lurpeko tartea, zirkuitu bakunekoa, 1.480 metroko luzerakoa, 16 euskarriaren eta Los Arcosko Perguita industrialdeko 1. transformazio-zentroaren artean.

d) Aurrekontua: 475.392,00 euro.

Onura publikoaren deklarazioak berekin dakar ondasunak okupatu beharra edo ukitutako eskubideak eskuratu beharra, eta presako okupazioa ekarriko du, Desjabetzeari buruzko Legearen 52. artikuluaren ondorioetarako. Enpresa eskatzailea onuradun bihurtuko da desjabetze espedientean, Nahitaezko Desjabetzeari buruzko Legearen 2.2 artikuluan ezarritakoari jarraikiz.

Espedientea jendaurrean jarriko da Industria Antolamenduaren, Azpiegitura Energetikoen eta Meatzeen Zerbitzuan (Tomás Caballero parkea 1, 5. solairua, Iruña), kontsultak egin ahal izateko. Era berean, esteka honetan eskuratu daiteke informazioa:

https://gobiernoabierto.navarra.es/eu/gardentasuna/jendaurreko-informazioaren-tramitea/espediente-sat7896-2

Alegazioak, iradokizunak edo oharrak idatziz aurkeztu beharko dira, edozein erregistro bulegotan, Nafarroako Gobernuaren erregistro orokor elektronikoaren bidez edo Administrazio Publikoen Administrazio Prozedura Erkideari buruzko urriaren 1eko 39/2015 Legearen 16. artikuluan ezarritako moduetatik edozeinetan. 30 egun balioduneko epean aurkeztuko dira, iragarki hau Nafarroako Aldizkari Ofizialean argitaratu eta biharamunetik hasita, eta zuzendu behar dira Garapen Ekonomiko eta Enpresarialeko Departamentuko Industria Antolamenduaren, Azpiegitura Energetikoen eta Meatzeen Zerbitzuko Azpiegitura Energetikoen Atalera, espediente zenbakia zein den adierazita.

Iruñean, 2023ko ekainaren 22an.–Industria Antolamenduaren, Azpiegitura Energetikoen eta Meatzeen Zerbitzuko zuzendaria, Laura Larraya Irigoyen.

PROIEKTUAK UKITZEN DITUEN ONDASUN ETA ESKUBIDEEN ZERRENDA

"Los Arcos TBA - Perguita industrialdea" aireko eta lurpeko 13,2 kV-eko linea mistoa, zirkuitu bikoitz eta bakunekoa, Los Arcosko udal mugartean (Nafarroa)

Aireko linea.

Aireko linea.

Iragarkiaren kodea: F2309855