2. NAFARROAKO TOKI ADMINISTRAZIOA
2.2. XEDAPEN ETA IRAGARKIAK, HERRIEN ARABERA ANTOLATUAK
BURLATA
Alkateordeak eta Tokiko Gobernu Batzarreko kideak izendatzea
Udal honetako alkateak, 2023ko ekainaren 19an, 801/2023 Ebazpena eman zuen. Hona hemen haren testua:
Udalbatza 2023ko ekainaren 17ko osoko bilkura berezian eraturik eta, Toki Araubidearen Oinarriak arautzen dituen apirilaren 2ko 7/1985 Legearen 20.1.a) artikuluan xedaturikoaren arabera, beharrezkoa delarik alkateordeak izendatzea.
Apirilaren 2ko 7/1985 Legearen 21.2 artikuluan, apirilaren 18ko 781/86 Legegintzako Errege Dekretuaren 22. artikuluan eta azaroaren 28ko 2568/86 Errege Dekretuaren 46. artikuluan xedatuari jarraikiz,
EBAZTEN DUT:
1.–Honako zinegotzi hauek alkateorde titular izendatzea:
Lehen alkateordea: José M.ª Noval Galarraga.
Bigarren alkateordea: Amaiur Guindeo Arandigoien.
Hirugarren alkateordea: Irantzu Urdaniz Guembe.
2.–Toki Araubidearen Oinarriak arautzen dituen Legearen 23.3 artikuluan eta Toki Entitateen Antolaketaren eta Funtzionamenduaren gaineko Erregelamenduaren 47.1 artikuluan xedatutakoari jarraikiz, izendatuei dagokie Alkatetza honen ordezko izatea eginkizun guztietan, izendapen hurrenkeraren arabera, kargua hutsik edo alkatea kanpoan edo eri dagoenean, aldez aurretik eskuordetza eginik.
3.–Ebazpen hau izendatuei jakinaraztea, aditzera eman dezaten karguak onartzen dituzten ala ez.
4.–Aipatutako izendapenen iragarkia igortzea Nafarroako Aldizkari Ofizialera, argitara dadin, eta Udalaren iragarki-taulan ikusgai jartzea.
5.–Udalbatzari ebazpen honen berri ematea, egiten den hurrengo osoko bilkuran.
6.–Izendapenek indarra hartuko dute ebazpen honen dataren biharamunean.
Halaber, udal honetako alkateak 812. Ebazpena eman zuen 2023ko ekainaren 21ean. Hona hemen testua:
Udal hauteskundeak 2023ko maiatzaren 28an izan ondotik, Udalbatza eraturik 2023ko ekainaren 17an egin bilkura berezian, eta ikusirik Udaleko Idazkaritza Nagusiak eginiko txostena.
Bat etorriz xedaturik dagoenarekin apirilaren 2ko 7/1985 Legearen 20.1 b) eta 23.1 artikuluetan eta azaroaren 28ko 2568/86 Errege Dekretuaren 35.2.d) eta 112.3 artikuluetan, legeak ematen dizkidan eskudantziak erabiliz, honako honen bidez,
EBAZTEN DUT:
1–Tokiko Gobernu Batzarreko kide izendatzea ondotik aipatzen diren zinegotziak, ez baitira zinegotzien herena baino gehiago, alkatea kenduta, bera izanik batzarreko burua:
1. José M.ª Noval Galarraga.
2. Amaiur Guindeo Arandigoien.
3. Irantzu Urdaniz Guembe.
4. Lourdes Garrido Belza.
5. Ana M.ª Góngora Urzaiz.
6. Sergio Barasoain Rodrigo.
7. Mariluz Moraza Busto.
2.–Alkatetza hau buru dela, horrela osaturiko Tokiko Gobernu Batzarrari dagokio Alkatetzari etengabe laguntzea bere eskudantzietan ari denean, bai eta Udaleko edozein organok haren esku uzten dituen eskudantzietan edo legeek espresuki esleitzen dizkiotenetan ari denean ere.
3.–Aditzera ematea Tokiko Gobernu Batzarra eratzeko bilkura heldu den uztailaren 5ean izanen dela, ostegunarekin, 08:00etan; eta hasiera batez finkatzea urteko asteazken guztiak, 08:00etan, Tokiko Gobernu Batzarraren ohiko bilkurak egiteko. Jaieguna edo zubia izanez gero, edo oporraldietan, alkatetzak erabakitzen ahalko du aurreko egun baliodunera aldatzea, ohiko bilkura izanen dela betiere.
4.–Ebazpen hau izendatuei jakinaraztea, aditzera eman dezaten karguak onartzen dituzten ala ez.
5.–Aipatutako izendapenen iragarkia igortzea Nafarroako Aldizkari Ofizialera, argitara dadin, eta Udalaren iragarki-taulan ikusgai jartzea.
6.–Udalbatzari ebazpen honen berri ematea, egiten den hurrengo osoko bilkuran.
7.–Izendapenek indarra hartuko dute ebazpen honen dataren biharamunean.
Burlatan, 2023ko ekainaren 22an.–Alkatea, Berta Arizkun González.
Iragarkiaren kodea: L2309829
