2. NAFARROAKO TOKI ADMINISTRAZIOA
2.1. OPOSIZIOAK ETA LEHIAKETAK. LAN PUBLIKOAREN ESKAINTZA
IRUÑA
–IRUÑEKO UDALAREN HAUR ESKOLAK–
Gora jotzeko errekurtsok, honako deialdi honi buruzkoak: deialdia, hainbat lanpostutako 74 plaza betetzeko lekualdatze-lehiaketaren bidez
Iragarki honen bidez aditzera ematen da honako hauek gora jotzeko errekurtsoak jarri dituztela Iruñeko Udalaren Haur Eskolen Erakunde Autonomoaren zerbitzuko 74 lanpostu huts lekualdatze-lehiaketa bidez betetzeko deialdiaren aurka (2023ko 61. Nafarroako Aldizkari Ofizialean argitaratua, martxoaren 27an): Lourdes Alústiza Setuain, Oihana Elizalde Echarri, Ana María París Goñi, Pedro González Arricibita, Miriam Santiago Jaso, Edurne Íñiguez Martínez, María Cristina Morán Martínez, Sonia Bolea Torralba, Marta Azcarate Murillo, Estíbaliz Pérez Leria, Marta Sánchez Soto, Sandra Carmona Navas, Iranzu Iriguibel Gorraiz, Nerea París Archanco, Ainara Iturralde Borda eta Barbara Ugarte Arrondo. Haien ustez, 2. puntua ("Betekizunak") eta, zehazki, haren e) eta f) (2. eta 3. puntuak) apartatuak funtzio publikoan sartzeko berdintasun-printzipioaren kontrakoak dira, zeina Espainiako Konstituzioak ezartzen baitu aukera-berdintasunaren berme gisa, bai eta Espainiako Konstituzioaren 27. artikuluko irakaskuntza-askatasunaren kontrakoa eta Konstituzioko 9.3 artikuluaren kontrakoa, botere publikoen arbitrariotasun-debekua urratzen baitu denboran eta forman.
Horiek horrela, eta bat etorriz urriaren 1eko 39/2015 Legearen 45. eta 118. artikuluetan xedatutakoarekin (Administrazio Publikoen Administrazio Prozedura Erkideari buruzko Legea), interesdun diren guztiak epatzen dira alegazioak egin ahal izan ditzaten, iragarki hau Nafarroako Aldizkari Ofizialean argitaratu eta biharamunetik hamar egun balioduneko gehieneko epean. Alegazioak Iruñeko Udalaren Haur Eskolak erakunde autonomoaren erregistroan aurkeztu beharko dira (Iruñeko Oliveto Kondearen etorbidea 4, 2. ezkerra), edo, bestela, Administrazio Publikoen Administrazio Prozedura Erkideari buruzko urriaren 1eko 39/2015 Legean ezarritako bideetatik edozein erabilita.
Jarritako errekurtsoen kopia bat eskuratzeko, interesdunek aurkeztu diren gora jotzeko errekurtsoak bidaltzeko eskatzen ahalko dute, aurreko paragrafoan adierazitako erregistroen bidez aurkeztu beharreko eskabide baten bidez, zeina Haur Eskolak erakunde autonomoari zuzenduko baitzaio. Eskabidean helbide elektroniko bat adierazi beharko dute, errekurtsoak hara bidaltzeko.
Iruñean, 2023ko ekainaren 19an.–Zuzendari kudeatzailea, Ana Sesma Morteruel.
Iragarkiaren kodea: L2309520