1. NAFARROAKO FORU KOMUNITATEA
1.2. AGINTARIAK ETA LANGILEAK
1.2.2. Oposizioak eta lehiaketak. Lan publikoaren eskaintza
181/2023 EBAZPENA, ekainaren 29koa, Hezkuntza Departamentuko Irakasleak Hautatzeko eta Lanpostuak Betetzeko Zerbitzuko zuzendariak emana, zeinaren bidez zuzentzen baita maiatzaren 18ko 155/2023 Ebazpenean atzemandako akatsa. Ebazpen horren bidez, zerbitzu eginkizunetan aritzeko destinoa esleitzen zaie Nafarroako Hezkuntza Ekitaterako Baliabide Zentroan (NHEBZ) aholkulari lanpostu batzuk zerbitzu eginkizunetan betetzeko merezimendu-lehiaketaren deialdian hautatu diren izangaiei.
Akats bat atzeman da Hezkuntza Departamentuko Irakasleak Hautatzeko eta Lanpostuak Betetzeko Zerbitzuko zuzendariaren maiatzaren 30eko 155/2023 Ebazpenean, zeinaren bidez zerbitzu eginkizunetan aritzeko destinoa esleitzen baitzaie Nafarroako Hezkuntza Ekitaterako Baliabide Zentroan (NHEBZ) aholkulari lanpostu batzuk zerbitzu eginkizunetan betetzeko merezimendu-lehiaketaren deialdian hautatu diren izangaiei.
Administrazio Publikoen Administrazio Prozedura Erkideari buruzko urriaren 1eko 39/2015 Legearen 109.2 artikuluaren arabera, "administrazio publikoek edozein unetan zuzendu ditzakete, ofizioz edo interesdunek eskaturik, beren egintzetako oker materialak, egitezkoak edo aritmetikoak".
Horrenbestez, Hezkuntza Departamentuko Hezkuntza Baliabideen zuzendari nagusiaren azaroaren 28ko 208/2019 Ebazpenaren bidez eskuordetutako eskudantziak erabilita,
EBAZTEN DUT:
1. Hezkuntza Departamentuko Irakasleak Hautatzeko eta Lanpostuak Betetzeko Zerbitzuko zuzendariaren maiatzaren 30eko 155/2023 Ebazpenean atzemandako akatsa zuzentzea, honela:
1. ebazpen-zatian, honako hau dio:
–María Isabel Soto Enériz, komunikazio programarako, Entzumena eta Hizkuntzako maistra lanpostuan (euskara).
Honako hau behar du:
–María Isabel Soto Enériz, komunikazio programarako, Bigarren Hezkuntzako Hezkuntza Orientazioko irakasle lanpostuan (euskara).
2. Ebazpen hau Nafarroako Aldizkari Ofizialean argitara dadila agintzea.
3. Ebazpen honen kontra interesdunak gora jotzeko errekurtsoa jartzen ahal du, Lehendakaritzako, Berdintasuneko, Funtzio Publikoko eta Barneko kontseilariari zuzendua, hilabeteko epean, Nafarroako Aldizkari Ofizialean argitaratu eta biharamunetik aurrera.
4. Ebazpen hau honako hauetara igortzea, behar diren ondorioak izan ditzaten: Hezkuntza Departamentuko Idazkaritza Tekniko Nagusira, Aldi Baterako Langileak Kudeatzeko Zerbitzuko Plantillen Atalera, Langileen Araubide Juridikoaren Zerbitzuko Kontrol Administratiboaren Atalera, Azterlan Ekonomikoen eta Nominen Zerbitzuko Nominen eta Gizarte Aseguruen Atalera, Inklusio, Berdintasun eta Bizikidetza Zerbitzura, eta Irakasleak Hautatzeko eta Lanpostuak Betetzeko Zerbitzuko Lanpostuak Betetzeko Atalera.
Iruñean, 2023ko ekainaren 29an.–Irakasleak Hautatzeko eta Lanpostuak Betetzeko Zerbitzuko zuzendaria, Amalia Cuartero Arteta.
Iragarkiaren kodea: F2310200
