1. NAFARROAKO FORU KOMUNITATEA
1.7. BESTELAKOAK
46/2023 EBAZPENA, ekainaren 13koa, Nekazaritza Zerbitzuko zuzendariak emana, zeinaren bidez baimena ematen baita Fitopelsa SL Landareen Operadoreen Erregistro Ofizialean inskribatzeko, 4., 5., 9., 10., 11., 13. eta 14. espezie taldeen merkatari gisa.
Sagrario Palacios Ilundainek 2023ko maiatzaren 31n eskatu zuen Fitopelsa SL (IFK: B31927411) Landareen Operadoreen Erregistro Ofizialean inskribatzeko, honako hauen merkatari gisa: espezie aromatikoak, espezie apaingarriak, zerealak, artoa eta basartoa, olio-landareak eta ehungintzarakoak, bazkarakoak eta belardikoak, erremolatxa haziak eta baratze haziak.
Enpresa horrek urteak daramatza jarduera horretan eta produktu fitosanitarioak saltzen.
Landare espezieen halako sorta zabala merkaturatzeko baimenak berekin dakar inskribatutako operadoreak landare osasunari buruzko araudietan ezarritako baldintzak bete beharko dituela, zeinak funtsean honako hauetan bilduta baitaude: Europako Parlamentuaren eta Kontseiluaren 2016ko urriaren 26ko 2016/2031 (EB) Erregelamendua, landareen izurriteen aurkako babes-neurriei buruzkoa, eta Batzordearen 2019ko martxoaren 13ko 2019/827 (EB) Erregelamendu Delegatua, operadore profesionalek 2016/2031 (EB) Erregelamenduaren 89. artikuluko 1. apartatuko a) letran ezarritako baldintzak izateko bete behar dituzten irizpideei buruzkoa.
Eskatzaileak konpromisoa hartu du indarreko arauetako betekizunak betetzeko; nagusiki, hauetan bildutakoak: Europako Parlamentuaren eta Kontseiluaren 2016ko urriaren 26ko 2016/2031 (EB) Erregelamendua, landareen izurriteen aurkako babes-neurriei buruzkoa eta 1054/2021 Errege Dekretua, azaroaren 30ekoa, zeinaren bidez ezartzen eta arautzen baitira Landareen Operadore Profesionalen Erregistroa, pasaporte fitosanitarioak emateko baimena duten operadore profesionalek bete beharreko neurriak eta ugalketarako landare-materialaren operadore profesionalen betebeharrak.
Estatuko Administraziotik Nafarroako Foru Komunitatera nekazaritza, abeltzaintza eta mendi arloetako eginkizunak eskualdatzeari buruzko abenduaren 18ko 2654/85 Errege Dekretuan xedatutakoari jarraikiz.
Adierazitakoarekin bat eta Nekazaritzako eta Abeltzaintzako zuzendari nagusiaren abuztuaren 28ko 16/2019 Ebazpenaren bidez emandako eskuordetzea erabiliz, ebazpen horren bidez Nekazaritza Zerbitzuko zuzendariaren esku utzi baitziren indarreko araudiak Nekazaritzako eta Abeltzaintzako zuzendari nagusiari esleitutako nekazaritza arloko administrazio eskumen batzuk,
EBAZTEN DUT:
1. Baimena ematea Fitopelsa SL (IFK: B31927411) Landareen Operadoreen Erregistro Ofizialean erregistratzeko, 4., 5., 9., 10., 11., 13. eta 14. espezie taldeen merkatari gisa, ES15310475 kodearekin.
2. Ebazpen hau interesdunari eta Nekazaritza eta Elikadura Ministerioko Nekazaritzako Merkatu eta Produkzioen Zuzendaritza Nagusiari jakinaraztea eta Nafarroako Aldizkari Ofizialean argitaratzea.
3. Ebazpen honen aurka gora jotzeko errekurtsoa jar daiteke, Nafarroako Gobernuko Landa Garapeneko eta Ingurumeneko kontseilariari zuzendua, jakinarazi eta biharamunetik hilabeteko epean.
Iruñean, 2023ko ekainaren 13an.–Nekazaritza Zerbitzuko zuzendaria, Rubén Palacios Goñi.
Iragarkiaren kodea: F2309232