1. NAFARROAKO FORU KOMUNITATEA
1.2. AGINTARIAK ETA LANGILEAK
1.2.2. Oposizioak eta lehiaketak. Lan publikoaren eskaintza
DEIALDIA, Osasunbidea-Nafarroako Osasun Zerbitzuan Kirurgia Orokorreko eta Digestio Aparatuko barrutiko fakultatibo espezialisten 14 lanpostu oposizio-lehiaketa bidez betetzeko. Izendapen proposamen osagarria.
Osasunbidea-Nafarroako Osasun Zerbitzuan Kirurgia Orokorreko eta Digestio Aparatuko barrutiko fakultatibo espezialisten 14 lanpostu oposizio-lehiaketa bidez betetzeko deialdiaren 9. oinarrian xedatutakoa betetzeko (2020ko 254. Nafarroako Aldizkari Ofiziala, urriaren 30ekoa), deialdi horretako kalifikazio epaimahaiak probak gainditu dituzten izangaien izenen zerrenda aurkeztu du, lortutako puntuazioaren araberakoa, eta, horrekin batera, probak gainditu eta puntuaziorik altuenak izateagatik deialdiko lanpostuetan sartzen ahal diren izangaiak izendatzeko proposamena egin du, baldintzak betetzen dituztela egiaztatu ondoren.
Lehendakaritzako, Berdintasuneko, Funtzio Publikoko eta Barneko kontseilariaren urtarrilaren 2ko 6E/2023 Foru Aginduaren bidez, partez baietsi da Aida Rico Arrastia andreak Funtzio Publikoko zuzendari nagusiaren irailaren 5eko 2251/2022 Ebazpenaren aurka jarritako gora jotzeko errekurtsoa. Ebazpen horren bidez, behar ziren izangaiak Nafarroako Foru Komunitateko Administrazioaren eta haren erakunde autonomoen zerbitzuko funtzionario izendatu ziren, Kirurgia Orokorreko eta Digestio Aparatuko barrutiko fakultatibo espezialisten lanpostuetan aritzeko, eta lanpostua esleitu zitzaien.
Foru agindu horretan, Osasunbidea-Nafarroako Osasun Zerbitzuko Profesionalen Zuzendaritzari eta Funtzio Publikoko Zuzendaritza Nagusiari agindu zitzaien behar diren administrazio jarduketak egin zitzaten Aida Rico Arrastia andrea funtzionario izendatzeko, Kirurgia Orokorreko eta Digestio Aparatuko barrutiko fakultatibo espezialista gisa, eta 64840 lanpostu hutsa esleitu zitzaion.
Horrenbestez, onesten da Nafarroako Foru Komunitateko Administrazioko Osasunbidea-Nafarroako Osasun Zerbitzuan Kirurgia Orokorreko eta Digestio Aparatuko barrutiko fakultatibo espezialisten lanpostuetan aritzeko izendapen proposamena, honako honen alde:
–Txanda irekia.
RICO ARRASTIA, AIDA
1. Deialdiaren 9.2 oinarrian ezarritakoa betez, proposaturiko izangaiek 30 egun naturaleko epea izanen dute, proposamen hau Nafarroako Aldizkari Ofizialean argitaratu eta biharamunetik hasita, aipatu oinarrian aipatzen diren agiriak aurkezteko Nafarroako Foru Komunitateko Administrazioaren Erregistro Orokor Elektronikoaren bidez.
2. Argitara bedi hori guztia Nafarroako Aldizkari Ofizialean, behar diren ondorioak izan ditzan.
Iruñean, 2023ko urtarrilaren 3an.–Osasunbidea-Nafarroako Osasun Zerbitzuko Profesionalen zuzendaria, Pedro Ardaiz Labairu.
Iragarkiaren kodea: F2300216
