1. NAFARROAKO FORU KOMUNITATEA
1.3. LURRALDEAREN ANTOLAMENDUA ETA HIRIGINTZA
116E/2023 FORU AGINDUA, ekainaren 15ekoa, Lurralde Antolamenduko, Etxebizitzako, Paisaiako eta Proiektu Estrategikoetako kontseilariak emana, behin betiko onesten duena San Adriango Udal Plan Orokorraren aldaketa 1. poligonoko 893. lurzatian. Sustatzailea Lucía Urra Muro da.
San Adriango Udalak idazpuruan azaltzen den espedientea aurkeztu du Lurralde Antolamenduko, Etxebizitzako, Paisaiako eta Proiektu Estrategikoetako Departamentuan, behin betiko onets dadin.
Espedientearen xedea da araudiaren berariazko eremua aldatzea San Adriango 1. poligonoko 893. lurzatirako (Juanmalo alderdia), zeinak, indarreko plangintzaren arabera, gorde beharreko lurzoru urbanizaezinaren sailkapena baitu, natura aldetik ustiatzeko balioaren azpikategoriarekin. Orobat, araubide bereziko nekazaritzako eta abeltzaintzako araudiaren berariazko eremua aldatzen da, araubide orokorreko nekazaritzako eta abeltzaintzako araudiaren berariazko eremua izatera pasatuko baita, dauden balioen errealitatera egokitzeko.
Ingurumeneko zuzendari nagusiaren martxoaren 23ko 274E/2023 Ebazpenaren bidez, aldeko ingurumen-txosten estrategikoa egin zen Lucia Urra Muro andreak San Adriango Udal Plan Orokorrean (1. poligonoko 893. lurzatia) sustatu duen aldaketa egituratzaileari buruz, eta ondorioztatu zen ez zuela eraginik ingurumenean.
Ebazpen hori 2023ko 77. Nafarroako Aldizkari Ofizialean argitaratu zen, apirilaren 17koan.
Ikusirik aurkeztutako dokumentazioa, bai eta Lurralde eta Paisaia Zerbitzuaren txostena ere, bidezkoa da espedientea behin betiko onestea.
Adierazitakoarekin bat, eta Lurralde Antolamenduko, Etxebizitzako, Paisaiako eta Proiektu Estrategikoetako Departamentuaren egitura organikoa ezartzen duen urriaren 30eko 262/2019 Foru Dekretuari jarraikiz,
AGINTZEN DUT:
1. Behin betiko onestea Lucía Urra Muro andreak San Adriango Udal Plan Orokorrean (1. poligonoko 893. lurzatia) sustatu duen aldaketa.
2. Adieraztea foru agindu honek ez duela administrazio bidea amaitzen. Administrazio publikoak ez diren interesdunek gora jotzeko errekurtsoa jartzen ahalko dute, Nafarroako Gobernuari zuzendua, legezkotasunaren kontrola onesteko egintza honen aurka, hilabeteko epean, foru agindu hau jakinarazi edo, hala badagokio, Nafarroako Aldizkari Ofizialean argitaratu eta biharamunetik hasita.
Halaber, onetsitako hirigintza-araudiaren aurka administrazioarekiko auzi-errekurtsoa jar daiteke, Nafarroako Justizia Auzitegi Nagusiko Administrazioarekiko Auzien Salari zuzendua, bi hilabeteko epean, dagokion udalak eskaturik, edukia Nafarroako Aldizkari Ofizialean argitaratzen denetik aurrera.
Administrazio publikoek administrazioarekiko auzi-errekurtsoa jartzen ahalko dute, Nafarroako Justizia Auzitegi Nagusiko Administrazioarekiko Auzien Salari zuzendua, bi hilabeteko epean. Horrek ez du galarazten Nafarroako Gobernuari aurretiazko errekerimendua egin ahal izatea, Administrazioarekiko Auzien Jurisdikzioa arautzen duen uztailaren 13ko 29/1998 Legearen 44. artikuluan ezarritako moduan eta epean.
3. Foru agindu hau espedientearen sustatzaileari eta Ingurumen Eraginaren Atalari jakinaraztea, behar diren ondorioak izan ditzan.
4. Foru agindu hau San Adriango Udalera igortzea, jakinaren gainean egon dadin eta behar diren ondorioak izan ditzan, eta, zehazki, dagokion hirigintza araudia argitara dezan Nafarroako Aldizkari Ofizialean eta, hala, onetsitako hirigintza tresnak indarra har dezan.
5. Foru agindu hau Nafarroako Aldizkari Ofizialean argitaratzea, behar diren ondorioak izan ditzan.
Iruñean, 2023ko ekainaren 15ean.–Lurralde Antolamenduko, Etxebizitzako, Paisaiako eta Proiektu Estrategikoetako kontseilaria, José María Aierdi Fernández de Barrena.
Iragarkiaren kodea: F2309422
