2. NAFARROAKO TOKI ADMINISTRAZIOA
2.2. XEDAPEN ETA IRAGARKIAK, HERRIEN ARABERA ANTOLATUAK
BURLATA
Deialdi publikoa, burlatarrak euskalduntzen eta alfabetatzen aritzen diren entitateei dirulaguntzak emateko 2022-2023 ikasturtean. Laburpena
Dirulaguntzen Datu Base Nazionala (identif.): 704599.
Dirulaguntzei buruzko azaroaren 17ko 38/2003 Legearen 17.3.b eta 20.8.a artikuluetan ezarritakoaren arabera, deialdiaren laburpena argitaratzen da. Horren testu osoa aurki daiteke Dirulaguntzen Datu Base Nazionalean (https://www.infosubvenciones.es/bdnstrans/GE/eu/convocatoria/704599).
–Deialdiaren xedea:
Euskara ikasteko ikasketak 2022ko uztailaren 1etik 2023ko ekainaren 30era bitartean egiten dituzten eta Burlatan erroldatuta dauden pertsonak euskalduntzera eta alfabetatzera dedikatzen diren erakunde guztiei lehia-araubidean dirulaguntzak ematea sustatzea, 2012ko abuztuaren 16ko 161. zenbakiko Nafarroako Aldizkari Ofizialean onartutako eta argitaratutako oinarriak arautzen dituen udal-ordenantzaren arabera.
–Erakunde eskatzaileen betekizun nagusiak.
Legez eratutako pertsona juridikoa izatea, eta dagokion elkarteen erregistroan inskribatuta egotea.
Burlatan erroldatutako ikasleak izatea. Baldintza hori betetzen ez bada diruz lagundutako ikastaro osoa egiten den bitartean, laguntzaren zenbatekoa murriztu egingo da ikasleak Burlatan erroldatuta egondako denboraren proportzioan.
Izaera soziala izatea eta irabazi-asmorik ez izatea.
–Eskabideak aurkezteko epea eta tokia.
Eskabideak aurkezteko epea 2023ko irailaren 1etik 30era bitartekoa izango da. Eskabideak aurkezteko epea ezin izango da luzatu. Eskabideak Burlatako Udalaren egoitza elektronikoaren bidez egin beharko dira.
Testu honetan arautu ez den guztirako, eskatzaileek Burlatako Udalaren web-orrian argitaratutako deialdi osoa, 2012ko abuztuaren 16ko Nafarroako Aldizkari Ofizialean (161. zk.) eta Burlatako Udalaren Dirulaguntzen Ordenantza Orokorrean (2021eko abuztuaren 9ko 18 zk.) horretarako argitaratu ziren oinarri arautzaileak hartuko dituzte kontuan.
Burlatan, 2023ko ekainaren 13an.–Alkatea, Ana M.ª Góngora Urzaiz.
Iragarkiaren kodea: L2309628
