Iragarkia

132. ALDIZKARIA - 2023ko ekainaren 23a

1. NAFARROAKO FORU KOMUNITATEA

1.4. DIRU-LAGUNTZAK, LAGUNTZAK ETA BEKAK

181/2023 EBAZPENA, maiatzaren 30ekoa, Lanbide Heziketaren zuzendari nagusiak emana, zeinaren bidez Nafarroako Foru Komunitatean 2021-2022 ikasturteari dagozkion sari bereziak adjudikatzen baitira hezkuntza sistemako Lanbide Heziketako irakaskuntzetan (oinarrizko, erdi mailako eta goi mailako Lanbide Heziketa) eta Arte Plastikoetako eta Diseinuko lanbide irakaskuntzetan.

Lanbide Heziketaren Plangintza eta Integraziorako Zerbitzuak txosten bat aurkeztu du, eta bertan proposatu du Nafarroako Foru Komunitatean 2021-2022 ikasturteari dagozkion sari bereziak eman dakizkiela beren ikasketa ibilbide bikainagatik merezi izan dituzten ikasleei, zehazki, hezkuntza sistemako Lanbide Heziketako irakaskuntzetako ikasleei (oinarrizko, erdi mailako eta goi mailako Lanbide Heziketa) eta Arte Plastikoetako eta Diseinuko lanbide irakaskuntzetako ikasleei. Sari horien deialdia Lanbide Heziketaren zuzendari nagusiak abenduaren 22an emandako 302/2022 Ebazpenaren bidez egin zen.

Hezkuntza Departamentuaren egitura organikoa ezartzen duen urriaren 30eko 267/2019 Foru Dekretuak ematen dizkidan ahalmenak erabiliz,

EBAZTEN DUT:

1. Ebazpen honen eranskinean ageri diren ikasleei adjudikatzea Nafarroako Foru Komunitateko hezkuntza sistemako Lanbide Heziketako irakaskuntzetako (oinarrizko, erdi mailako eta goi mailako Lanbide Heziketa) eta Arte Plastikoetako eta Diseinuko lanbide irakaskuntzetako sari bereziak, 2021-2022 ikasturteari dagozkionak.

2. Ikasle horiek aipatu saria aitortzen dien diploma jaso dezatela xedatzea.

3. 9.850 euro ordaintzea agintzea, honela banakatuta: 300 euro goi mailan saria jaso duten hogei pertsonetako bakoitzari, 250 euro erdi mailan saria jaso duten hamahiru pertsonetako bakoitzari eta 200 euro oinarrizkoan saria jaso duten hiru pertsonetako bakoitzari, deialdietako hamaikagarren oinarrian ezarritakoari jarraikiz (deialdia Lanbide Heziketaren zuzendari nagusiaren abenduaren 22ko 302/2022 Ebazpenaren bidez onetsi zen). Diru kopuru horiek 2023ko gastuen aurrekontuko 422001 43100 2268 322E00 "Sariak eta lehiaketak" izeneko partidaren kargura ordainduko dira.

4. Konpromisotik askatzea exekutatu gabe gelditu den zenbatekoa, 150 eurokoa, diru hori 2023ko gastuen aurrekontuko "Sariak eta lehiaketak" izeneko 422001 43100 2268 322E00 partidara itzul dadin.

5. Goi mailako ikasle sarituak 2021-2022 ikasturteko sariketa hauetara aurkezten ahalko dira, kasuan kasukora, aldez aurretik izena emanda: goi mailako Lanbide Heziketako sari nazionaletara eta ikasleen errendimendu akademikoa saritzeko Hezkuntzako sari nazionaletara, Arteetako Lanbide Irakaskuntzen modalitatean, musikaren, dantzaren eta arte plastikoak eta diseinuaren arloetan.

6. Agintzea ikasle sarituen ikasketa-espedientean ager dadila behar den eginbidea, egiaztatzen duena ikasleak lortu duela Nafarroako Foru Komunitatean Lanbide Heziketako sari berezia edo Arte Plastikoetako eta Diseinuko lanbide irakaskuntzen sari berezia, 2021-2022 ikasturteari dagokiona.

7. Ebazpen honen aurka gora jotzeko errekurtsoa jar daiteke, Hezkuntzako kontseilariari zuzendua, argitaratu eta biharamunetik hilabeteko epean.

8. Ebazpen hau eta eranskina Nafarroako Aldizkari Ofizialean argitara daitezela agintzea.

9. Ebazpen hau eta eranskina igortzea, behar diren ondorioak izan ditzaten, Ogasuneko eta Finantza Politikako Departamentuak Hezkuntza Departamentuan duen kontu-hartzailetza delegatura, Aurrekontu eta Kudeaketa Ekonomikoaren Atalera, Lanbide Heziketaren Plangintza eta Integraziorako Zerbitzura, Lanbide Heziketako Proiektuen eta Kualifikazioen Zerbitzura, Hezkuntzako Ikuskapen Zerbitzura, saritutako ikasleek ikasketak egin dituzten ikastetxeetara eta ikasle sarituei.

Iruñean, 2023ko maiatzaren 30ean.–Lanbide Heziketaren zuzendari nagusia, Tomás Rodríguez Garraza.

ERANSKINA

Oinarrizko lanbide titulua izanik, oinarrizko LHko sari berezia jaso duten ikasleak

Lanbide Heziketako Teknikari titulua eta Arte Plastikoetako eta Diseinuko titulua izanik, erdi mailako sari berezia lortu duten ikasleak

LHko goi mailako eta Arte Plastikoetako eta Diseinuko teknikari titulua izanik,
goi-mailako sari berezia jaso duten ikasleak

Iragarkiaren kodea: F2308744