Iragarkia

131. ALDIZKARIA - 2023ko ekainaren 22a

1. NAFARROAKO FORU KOMUNITATEA

1.7. BESTELAKOAK

182/2023 EBAZPENA, maiatzaren 30ekoa, Lanbide Heziketaren zuzendari nagusiak emana, zeinaren bidez ezartzen baitira, 2023-2024 ikasturterako, Nafarroako Foru Komunitateko ikastetxe publikoetako Lanbide Heziketako moduluen araberako eskaintza eta ikasleak onartzeko prozeduraren egutegia.

Lanbide Heziketaren antolamenduari eta integrazioari buruzko martxoaren 31ko 3/2022 Lege Organikoaren 3. artikuluan ezarritakoaren arabera, honako hauek dira Lanbide Heziketaren sistema garatzeko printzipioetako batzuk, besteak beste: lan egiteko adinean dauden pertsonen prestakuntza beharrak asetzea, bizitzan zehar lanbide kualifikazioa etengabe hobetzea, kalitatezko lanbide heziketa egiteko modalitate ezberdinak bermatzea eta prestakuntza egiaztagarriaren eskaintza malgua eta moduluen araberakoa egitea.

Hezkuntzari buruzko maiatzaren 3ko 2/2006 Lege Organikoaren 39.2 artikuluan xedatuta dago Lanbide Heziketaren xedea dela, hezkuntza sistemaren barnean, ikasleak egokitzen laguntzea bizitzan zehar lanaren arloan izan daitezkeen aldaketetara bai eta haien garapen pertsonalean eta herritar demokratiko eta baketsu izan daitezen ere.

Emakumeen eta gizonen arteko berdintasunari buruzko apirilaren 4ko 17/2019 Foru Legearen 35.1 artikuluan ezarritakoaren arabera, Hezkuntza Administrazioak genero-ikuspegia bermatuko du lanbide heziketako planetan. Lanbide Heziketako goi mailako tituluen artean dago "Genero-berdintasunaren Sustapena" deritzona, zeinak bi lanbide-kualifikazio hauek egiaztatzen dituen prestakuntza ematen baitu: "Dinamizazio Komunitarioa" eta "Gizonen eta Emakumeen arteko benetako Berdintasunaren Sustapena". Hezkuntza Departamentuak ekintza positibotzat jotzen du "Sustapena eta Genero-berdintasuna" alorreko prestakuntza espezifikoa eskaintzea, moduluen araberakoa, ulertzen baitu eskaintza hori bat datorrela aipatutako foru legearen printzipioekin. Gehienbat, Lanbide Heziketako goi mailako teknikariaren titulua dutenei zuzenduta dago. Hain zuzen, 2021-2022 ikasturtean egin zen aurrenekoz eskaintza hau, eta bat dator, esan bezala, apirilaren 4ko 17/2019 Foru Legearen xedearekin. Izan ere, balioen aldaketa bultzatzen laguntzen du goi mailako teknikariaren titulazioa duten pertsonen artean. Aldaketa horren bidez, emakumeen posizio soziala, ekonomikoa eta politikoa indartu nahi da, haien autonomia eta ahalduntzea sendotzeko. 2023-2024 ikasturtean ere eginen da moduluen araberako eskaintza hori, barne hartzen dituena, behin gaindituz gero, lanbide ziurtagiria eskuratzea ahalbidetzen duten lanbide modulu guztiak.

2023-2024 ikasturtean ikasleak onartzeko prozesua zehazteko datak ezarri behar dira eta, horretarako, genero-berdintasunaren sustapeneko LHko moduluen araberako eskaintzan ikasleak onartzeko prozesuaren egutegia onetsi.

Hezkuntza Departamentuaren egitura organikoa ezartzen duen urriaren 30eko 267/2019 Foru Dekretuaren bidez esleitutako ahalmenak erabiliz,

EBAZTEN DUT:

1. Genero-berdintasunaren Sustapeneko Lanbide Heziketako moduluen araberako eskaintza ezartzea Nafarroan, 2023-2024 ikasturterako, ebazpen honen 1. eranskinean xedatuta dagoenarekin bat etorriz.

2. 2023-2024 ikasturtean, Genero-berdintasunaren Sustapeneko LHko moduluen araberako eskaintzan ikasleak onartzeko egutegia onestea, ebazpen honen 2. eranskinean xedatutakoarekin bat etorriz.

3. Ebazpen hau eta eranskinak Nafarroako Aldizkari Ofizialean argitaratzea.

4. Ebazpen hau eta eranskinak igortzea, behar diren ondorioak izan ditzaten, Hezkuntzako Ikuskapen Zerbitzura, Hezkuntzako Teknologien eta IKT Azpiegituren Zerbitzura, Hezkuntzako Informazio Sistemen Zerbitzura, Lanbide Heziketako Proiektuen eta Kualifikazioen Zerbitzura, Lanbide Heziketaren Plangintza eta Integraziorako Zerbitzura, Azterlan Ekonomikoen eta Nominen Zerbitzura, Ikastetxeen Finantzaketaren, Ikasketetarako Laguntzen eta Zerbitzu Osagarrien Zerbitzura, Hezkuntzako Azpiegituren Zerbitzura, Irakasleak Hautatzeko eta Lanpostuak Betetzeko Zerbitzura, Aldi Baterako Langileak Kudeatzeko Zerbitzura, Nafarroako Eskolatze Batzorde Nagusira, Kudeaketa Juridiko-administratiboaren Atalera, Eskolatze Bulegora eta Ikastetxeetako Informazioa Kudeatzeko Bulegora.

5. Ebazpen honen eta eranskinen aurka gora jotzeko errekurtsoa jartzen ahal da, Hezkuntzako kontseilariari zuzendua, hilabeteko epean, Nafarroako Aldizkari Ofizialean argitaratu eta hurrengo egun baliodunetik hasita.

Iruñean, 2023ko maiatzaren 30ean.–Lanbide Heziketaren zuzendari nagusia, Tomás Rodríguez Garraza.

1. ERANSKINA.–LANBIDE HEZIKETAKO MODULUEN ARABERAKO ESKAINTZA

Eskaintza.

1. Lanbide Heziketako moduluen araberako eskaintza genero-berdintasunaren sustapenaren esparruari dagozkion moduluen unitate batekoa da, taula honetan zehazten den moduan:

2. Ratioa, oro har, hogeita bost ikaspostukoa da.

3. Eranskin honetan ezartzen den LHko moduluen araberako eskaintzan ikasleak onartzeko prozesurako egutegia ebazpen honen 2. eranskinean jasota dago.

2. ERANSKINA.–GENERO-BERDINTASUNAREN SUSTAPENEKO LHKO MODULUEN ARABERAKO ESKAINTZAN IKASLEAK ONARTZEKO ETA MATRIKULA EGITEKO PROZESUAREN EGUTEGIA. 2023-2024 IKASTURTEA

Iragarkiaren kodea: F2308496