1. NAFARROAKO FORU KOMUNITATEA
1.7. BESTELAKOAK
78/2023 EBAZPENA, ekainaren 1ekoa, Industriaren, Energiaren eta S4 Proiektu Estrategikoen zuzendari nagusiak emana, zeinaren bidez aurretiazko administrazio baimena eta eraikitzeko administrazio baimena ematen baitira Los Arcos udal-mugartean "ASO P2" izeneko eta 1,8 MW-ko potentzia instalatutako eguzki instalazio fotovoltaikoa ezartzeko.
1.–2022ko abuztuaren 17ko eskabidea.
2022ko abuztuaren 17an, Área Sostenible SLk, Sektore Elektrikoari buruzko abenduaren 26ko 24/2013 Legearen 53. artikuluan xedatutakoaren arabera, aurretiazko administrazio baimena eta eraikitzeko administrazio baimena eskatu zituen instalazio honetarako:
–Izena: "ASO P2" eguzki instalazio fotovoltaikoa.
–Instalazioaren titularra: ÁREA SOSTENIBLE SL.
–Instalazioaren kokapena: beheko sekzioa, E azpilurzatia, 8. poligonoko 250 lurzatia (23. lurzatia), Los Arcos udal-mugartean.
–Instalazioaren ezaugarri teknikoak: lurzoruaren gainean 1,8 MW-ko eguzki instalazio fotovoltaikoa ezartzeko proiektua, Berrueza SAren 13,2 kV-ko sarera konektatua. Honako hauek biltzen ditu proiektuak:
–Behe tentsioko instalazio fotovoltaikoa.
- Moduluak: 3.960 modulu fotovoltaiko, 515 Wp-ko potentziakoa bakoitza.
- Gehieneko potentzia, guztira: 2,039 Mwp.
- Inbertsoreak: 1.000 kW-ko 2 inbertitzaile.
- Guztizko potentzia nominala (potentzia inbertitzailea): 1,8 MW-ra automugatua.
- Instalazioaren babesak eta lur konexioa.
–Energia husteko goi tentsioko instalazioa.
- Transformazio zentroa, 2 makinarekin, bakoitza 1 MVA-koa.
- Ebakitze zentroa
- Transformadoreak ebakitze zentroarekin eta, horren ondoren, Berrueza SAren goi tentsioko banaketa sarearekin (13,2 kV) konektatzeko goi tentsioko lurpeko linea elektrikoak.
–Gauzatze materialerako aurrekontua: 1.148.512,25 euro.
- Instalazioa Berrueza SAren 13,2 kV-ko banaketa sarera konektatuko da, "Sansol" izeneko linearen 5. euskarrian.
- Instantzia berean, Área Sostenible SLk lurzoru urbanizaezinean baimentzen ahal diren jarduerak baimentzeko eta instalazio horrek ingurumenean dituen eraginak ebaluatzeko izapidea hasteko eskatu zuen.
- Aurreko eskabideak 2022ko irailaren 2an helarazi zitzaizkien Lurraldearen Antolamenduaren Atalari eta Ingurumen Eraginaren Atalari, hurrenez hurren.
2.–Proiektuaren informazio publikoa.
Abenduaren 1eko 1955/2000 Errege Dekretuaren 125. Artikuluari jarraikiz, Industria Antolamenduaren, Azpiegitura Energetikoen eta Meatzeen Zerbitzuak jendaurrean jarri zituen 30 eguneko epean, Área Sostenible SLren eskabidea, iragarkia argitaratuz 2023ko azaroaren 15eko Nafarroako Aldizkari Ofizialean –226. Zenbakikoan–, bai eta Nafarroako Gobernuaren Gobernu Irekia webgunean ere.
Halaber, iragarkia Lor Arcoseko Udalari igorri zitzaion, epe berean jendaurrean jar zezaten. Egintza hori egiaztatzen duten eginbideak daude espedientean.
3.–Kontsultak ukitutako administrazio publikoei, erakundeei eta enpresei.
Industria Antolamenduaren, Azpiegitura Energetikoen eta Meatzeen Zerbitzuak, abenduaren 1eko 1955/2000 Errege Dekretuaren 127. eta 131. artikuluetan xedatutakoari jarraikiz, ukitutako administrazio publiko hauei egin zien kontsulta, bidezko baldintza teknikoak ezar zitzaten, eta taulan adierazitako txostenak jaso zituen:
| ERAKUNDEA | TXOSTENAREN DATA |
1. | Los Arcoseko Udala | 2022/11/17 |
2. | Ondare Historikoaren Zerbitzua | 2022/11/30 |
Prozeduran duen udal eskumenari dagokionez, Los Arcoseko Udalak ondorioztatzen du aurreikusitako instalazioa bateragarria dela lurzoruaren indarreko hirigintza araubidearekin –nola udal alorrekoarekin hala lurralde esparrukoarekin–, Nafarroako Gobernuko Kultura eta Turismo Departamentuko Ondare Arkitektonikoaren Atalak adierazitako kondizioei eta dagozkion gainerako baimenetan ezarritakoei jarraikiz betiere.
Ondare Historikoaren Zerbitzuko Ondare Arkitektonikoaren Atalak bere txostenean adierazi zuenez, lurzatiak Donejakue Bidearekin egiten du muga (Kultura Intereseko Ondasun izendatuta dago Donejakue Bidea). Alabaina, proiektuari oniritzia eman zion, honako bi kondizio hauekin: instalazioaren hesia Donejakue Bidearen 30 metroko babes zerrendatik kanpo eginen da, bidearen ertzetik zenbatuta, eta esparruaren hegoaldean landaredi lerro bat landatuko da, instalazioaren altuera berera iritsiko dena, Donejakue Bidearen ibilbidean inpaktu bisual txikiagoa izan dezan.
4.– Jasotako txosten eta alegazioen sustatzailearen erantzuna.
Abenduaren 1eko 1955/2000 Errege Dekretuaren 127. eta 131. artikuluei jarraikiz, Industria Antolamenduaren, Azpiegitura Energetikoen eta Meatzeen Zerbitzuak Área Sostenible SLri igorri zizkion aurretiko tostenak.
2022ko abenduaren 12an, sustatzaileak jendaurreko informazioaren izapidean jasotako txostenei erantzuteko dokumentua aurkeztu zuen, eta bi txostenekin ados zegoela adierazi zuen.
5.–Ingurumen ukipenen txostena.
Espedientean jasota dago 45E/2023 Ebazpena, otsailaren 10ekoa, Biodibertsitatearen Zerbitzuko zuzendariak emana. Ebazpen horren bidez, "ASO P2" eguzki instalazio fotovoltaikoaren proiektuaren aldeko ingurumen eraginen txostena egin da; ebazpenean bertan jasotako neurriak aplikatu beharko ditu proiektuak, hala nola honako hauek:
–Instalazio fotovoltaikoa lursailaren topografia naturalaren arabera egokitu beharko da, obrak egin bitartean erasanak guztiz ezinbestekoak diren eremuei soilik eragiteko moduan eta lur mugimenduak ahalik eta txikienak izan daitezen.
–Moduluei eusten dieten egitura finkoak zuzenean finkatuko dira lurrean, zuzenean iltzatuta.
–Ordeztu nahi den 5. euskarrian, linea nagusiko zubi lasaiak isolatuko dira, bai eta linea nagusitik lurpeko desbideratze guztiak ere. Era berean, isolagailu eredu bat erabiliko da, elementu eroalearen eta posatze eremuaren artean gutxienez metro bateko distantzia isolatua errespetatzen dela bermatze aldera, eta ez da luzagarririk erabiltzen ahalko.
–Obrak bukatutakoan, behin-behineko instalazioak desmuntatu eta kenduko dira eta obra hondarrak garbituko dira okupatu den eremu osoan.
–Lanak egin bitartean lur azpian aztarna arkeologikoren bat agertuko balitz, ordura arte ezezaguna, sustatzaileari gogorarazi behar zaio legezko betebeharra duela horren berri berehala ematea Nafarroako Gobernuaren Ondare Historikoaren Zerbitzuari.
–Donejakue Bidearen gaineko eraginari dagokionez, Baso Plangintzarako eta Ingurumen Hezkuntzarako Atalak eta Baso eta Ehiza Zerbitzuak xedatutakoa beteko da, eta haren aldeko txostena lortu beharko da obrak hasi aurretik.
Aurreko ebazpena 2023ko otsailaren 20an bidali zen Área Sostenible SLra.
6.–Lurzoru urbanizaezinean baimentzen ahal diren jardueretarako baimena.
Espedientean jasota dago 205E/2023 Ebazpena, maiatzaren 21ekoa, Lurralde eta Paisaia Zerbitzuko zuzendariarena, zeinaren bidez baimena eman zen "ASO P2" eguzki instalazio fotovoltaikorako (998,76 kWp), aipatutako ebazpenean jasotako zehaztapenak betetzeko baldintzapean.
7.–Aurretiazko administrazio baimenaren eta eraikitzeko administrazio baimenaren proposamena.
Abenduaren 1eko 1955/2000 Errege Dekretuaren 121. artikuluaren arabera, espedientean jasota daude Área Sostenible SLren gaitasun teknikoa, ekonomikoa eta legala egiaztatzeko agiriak.
Abenduaren 26ko 24/2013 Legearen 53. artikuluan eta Energia elektrikoaren garraio eta banaketa sareetarako sarbideari eta konexioari buruzko abenduaren 29ko 1183/2020 Errege Dekretuaren 15. artikuluan xedatutakoaren arabera, espedientean jasota daude "ASO P2" instalaziorako banaketa sarerako sarbide eta konexio baimenak, Berrueza SA banatzaileak emandakoak.
Aurkeztutako dokumentazioa ikusita, eta abenduaren 1eko 1955/2000 Errege Dekretuaren VII. tituluan (energia elektrikoa garraiatu, banatu, merkaturatu eta horniketa egiteko jarduerak eta energia elektrikoaren instalazioak baimentzeko prozedurak arautzen dituena), ekainaren 6ko 413/2014 Errege Dekretuan (energia iturri berriztagarrietatik, kogeneraziotik eta hondakinetatik energia elektrikoa ekoizteko jarduera arautzen duena) eta apirilaren 5eko 244/2019 Errege Dekretuan (energia elektrikoa kontsumitzeko baldintzak arautzen dituena) xedatutakoari jarraikiz, bidezkoa da eskatutakoa onartzea.
Adierazitakoarekin bat, eta Nafarroako Foru Komunitateko Administrazioari eta foru sektore publiko instituzionalari buruzko martxoaren 11ko 11/2019 Foru Legearen 32. artikuluak ematen dizkidan eskudantziak erabiliz, honako hau
EBAZTEN DUT:
1. Área Sostenible SLri aurretiazko administrazio baimena eta eraikitzeko administrazio baimena ematea aipatutako instalaziorako.
2. Onestea instalazio horiek egiteko aurkeztutako proiektua, Pablo González Hevia industria ingeniari teknikoak sinatua. Hogeita lau hilabete eman zaizkio obrak burutzeko.
3. Instalazioak aurkeztutako proiektuari jarraikiz gauzatu beharko dira, eta bat etorri beharko dute honako hauetan xedatutakoarekin: Goi tentsioko instalazio elektrikoen baldintza teknikoei eta segurtasun bermeei buruzko erregelamendua onesten duen maiatzaren 9ko 337/2014 Errege Dekretua; Goi tentsioko linea elektrikoen baldintza teknikoei eta segurtasun bermeei buruzko erregelamendua onesten duen otsailaren 15eko 223/2008 Errege Dekretua; eta Behe tentsiorako Erregelamendu elektroteknikoa onesten duen abuztuaren 2ko 842/2002 Errege Dekretua.
4. Administrazio baimen hau emanda ere, instalazioa gauzatzeko beharrezkoak diren kontzesio, lizentzia eta baimen guztiak, publikoak nahiz pribatuak, lortu beharko ditu instalazioaren eskatzaileak, aplikatzekoak diren beste xedapen batzuekin bat.
5. Ebazpen hau Nafarroako Aldizkari Ofizialean argitaratzea, orok jakin dezan.
6. Ebazpen hau igortzea, behar diren ondorioak izan ditzan, Ondare Historikoaren Zerbitzura, Lurraldea eta Paisaia Antolatzeko Zerbitzura, Biodibertsitatearen Zerbitzura eta Industria Antolamenduaren, Azpiegitura Energetikoen eta Meatzeen Zerbitzura.
7. Ebazpen hau Área Sostenible SLri eta Berrueza SAri jakinaraztea, eta ohartaraztea ebazpenak ez duela administrazio bidea amaitzen eta haren aurka gora jotzeko errekurtsoa jartzen ahal dela, Garapen Ekonomiko eta Enpresarialeko kontseilariari zuzendua, jakinarazi eta biharamunetik hilabeteko epean. Hartan espediente zenbakia adierazi beharko da.
8. Ebazpen hau Los Arcoseko Udalari jakinaraztea, eta aditzera ematea honen kontra administrazioarekiko auzi-errekurtsoa jartzen ahal dela, eskumena duen ordena jurisdikzionalari zuzendua, honako hau jakinarazi eta biharamunetik hasita bi hilabeteko epean, alde batera utzi gabe Nafarroako Gobernuan aldez aurreko errekerimendua egin ahal izatea, Administrazioarekiko Auzien Jurisdikzioa arautzen duen uztailaren 13ko 29/1998 Legearen 44. artikuluan ezarritako moduan eta epean.
Iruñean, 2023ko ekainaren 1ean.–Industriaren, Energiaren eta S4 Proiektu Estrategikoen zuzendari nagusia, Uxue Itoiz Mariñelarena.
Iragarkiaren kodea: F2308743