3. ESTATUKO ADMINISTRAZIOA
GOBERNUAREN ORDEZKARITZA
Ebazpena, Energia Politikako eta Meatzeetako Zuzendaritza Nagusiak emana, zeinaren bidez administrazio-baimena ematen baitzaio Desarrollos Renovables del Norte SLri 11,4 MW-ko potentzia instalatuko La Senda haize-parkea eta haren ebakuazio-azpiegiturak eraikitzeko, Azuelo, Aguilar Kodes, Aras eta Vianako udal mugarteetan, Nafarroako probintzian, eta haren onura publikoa zehazki deklaratzen baita. SEE/DGPEM/SGEE/Ebazpena PEol-707 (AAC eta DUP)
Desarrollos Renovables del Norte SLk (aurrerantzean, sustatzailea edo Desarrollos Renovables del Norte SL), 2021eko uztailaren 23an, aurretiazko administrazio-baimena eta ingurumen-inpaktuaren adierazpena eskatu zituen 11,4 MW-eko potentzia instalatuko La Senda haize-parkerako eta haren ebakuazio-azpiegituretarako.
Energia elektrikoko instalazioen garraioko, banaketako, merkaturatzeko eta hornidurako jarduerak, eta instalazioak baimentzeko prozedurak, aurretiazko administrazio-baimena eta eraikitzeko administrazio-baimena arautzen dituen martxoaren 29ko 6/2022 Errege Lege-dekretuaren 7. artikuluan jasotako prozedura sinplifikatuari jarraikiz, 2023ko urtarrilaren 11n aurretiazko administrazio-baimena eta eraikitzeko administrazio-baimena eskatu zituen, dagokion proiektua aurkeztuta, baita onura publikoa zehazki deklaratzea ere, 11,4 MW-ko potentzia instalatuko La Senda haize-parkerako eta haren ebakuazio-azpiegituretarako, Azuelo, Aguilar Kodes, Aras eta Vianako udal mugarteetan, Nafarroako probintzian.
Energia Politikako eta Meatzeetako Zuzendaritza Nagusiaren 2023ko apirilaren 17ko Ebazpenaren bidez, aurretiazko administrazio-baimena eman zitzaion Desarrollos Renovables del Norte SLri 11,4 MW-ko potentzia instalatuko La Senda haize-parkerako eta haren ebakuazio-azpiegituretarako, Azuelo, Aguilar Kodes, Aras eta Vianako udal mugarteetan, Nafarroako probintzian (aurrerantzean, aurretiazko administrazio-baimenaren ebazpena); Estatuko Aldizkari Ofizialean argitaratu zen, 2021eko 101. zenbakian, apirilaren 28koan.
Gobernuaren Nafarroako Ordezkaritzako Industria eta Energia Arloan ireki zen espedientea. Aipatutako martxoaren 29ko 6/2022 Errege Lege-dekretuaren 7. artikuluaren arabera, espedientea tramitatu zen Energia elektrikoko instalazioen garraio-, banaketa-, merkaturatze- eta hornidura-jarduerak eta baimen-prozedurak arautzen dituen abenduaren 1eko 1955/2000 Errege Dekretuaren arabera, eta martxoaren 29ko 6/2022 Errege Lege-dekretuaren 7. artikuluan adierazitako moduan aplikatu zen epeen murrizketa.
Nafarroako Gobernuko Vianako Printzea Erakundea-Kultura Zuzendaritza Nagusiaren eta DISELDICE-BERRUEZAren erantzunak jaso dira, eta ez da ondorioztatzen instalazioaren kontra daudela. Sustatzaileari igorri zaizkio erantzun horiek, eta ados dagoela jakinarazi du.
Herri-lanen eta Azpiegituren Zuzendaritza Nagusiaren, Lurralde Antolamenduko Zuzendaritza Nagusiaren, Osasun Zuzendaritza Nagusiaren eta Barne Zuzendaritza Nagusiaren (Babes Zibila) erantzunak jaso dira; horietan baldintza teknikoak ezartzen dira eta, kasuren batean, erakunde horietan baimena eskatzeko betebeharra, instalazioak haien eskumeneko ondasunak edo zerbitzuak okupatzen edo gurutzatzen dituelako. Sustatzaileari igorri zaizkio erantzun horiek, eta ados dagoela jakinarazi du.
Galdera eginda Arasko Udalari, Azueloko Udalari, Aguilar Kodeseko Udalari, Vianako Udalari eta Industriaren, Energiaren eta S4 Proiektu Estrategikoen Zuzendaritza Nagusiari, ez da erantzunik jaso, eta, beraz, abenduaren 1eko 1955/2000 Errege Dekretuaren 131.1 eta 146.1 artikuluetan xedatutakoari jarraituz, ados daudela ulertzen da.
Halaber, 2023ko urtarrilaren 11ko eskaeran aurkeztutako dokumentazioa jendaurrean jarri zen, abenduaren 1eko 1955/2000 Errege Dekretuaren 144. artikuluan ezarritakoaren arabera, honakoetan argitaratuta: 2023ko 41. Estatuko Aldizkari Ofizialean, otsailaren 17koan, 2023ko 49. Nafarroako Aldizkari Ofizialean, martxoaren 9koan, Diario de Navarra egunkarian, 2023ko otsailaren 16koan, eta udaletako ediktu-tauletan. Zenbait alegazio jaso ziren, eta sustatzaileak erantzun egin zituen.
Jendaurreko informazioaren eta kontsulten nahitaezko tramiteak bete ondoren, Gobernuaren Nafarroako Ordezkaritzako Industria eta Energia Arloak txostena egin zuen 2023ko apirilaren 4an.
Trantsizio Ekologikorako eta Erronka Demografikorako Ministerioaren Ingurumen Kalitatearen eta Ebaluazioaren Zuzendaritza Nagusiak ingurumen eragina zehazteko txostena eman zuen (aurrerantzean, IEZT edo ingurumen eragina zehazteko txostena), 2022ko abuztuaren 30eko Ebazpenaren bidez gauzatu zena. Txosten hori aldekoa da, eta bertan ingurumen arloko baldintzak ezartzen dira, barne daudela prebentzio-, zuzenketa- eta konpentsazio-neurriak, egindako ingurumen-ebaluazioaren ondoriozkoak direnak.
IEZTan ezarritakoaren arabera, proiektuari aplikatuko zaizkio ezarritako ingurumen arloko baldintzak, prebentzio-, zuzenketa- eta konpentsazio-neurriak eta, hala badagokio, ingurumen-inpaktuaren azterketan (aurrerantzean, IIAZ) jasotako jarraipen-neurriak, jendaurreko informazioaren eta kontsulten ondoren onetsitakoak, eta informazio gehigarrian proposatutakoak, betiere IEZTan xedatutakoaren aurkakoak ez badira.
Era berean, onespena eman baino lehen, IIAZn eta IEZTan ezarritako baldintza eta neurri guztiak definitu eta aurrekontuan sartu beharko ditu sustatzaileak proiektuan nahiz haren eranskin batean, xehakatuta, halako eran non aipatutako IEZTan zehaztutako neurri bakoitza identifikatzen ahalko baita.
Eraikitzeko administrazio-baimen hau eta proiektua onura publikokoa dela zehazki deklaratzea lortzeko, sustatzaileak IEZTan eta aurretiazko administrazio-baimenaren ebazpenean ezarritako baldintzak betetzen dituela egiaztatzen duten agiriak aurkeztu zituen 2023ko maiatzaren 22an, baita erantzukizunpeko adierazpena ere, abenduaren 26ko 24/2013 Legearen 53.4 artikuluan xedatutakoa betez.
Abenduaren 26ko 24/2013 Legearen 21.5 artikuluaren arabera, ekoizpen-instalazioak ebakuazio-azpiegiturak izanen ditu, horien artean garraio- edo banaketa-sarearekiko konexioa eta, hala badagokio, energia elektrikoaren eraldaketa.
IEZTaren eta sustatzaileak tramitazioan onartutako baldintzen arabera, ebakuazio-azpiegiturak honako jarduketa hauek aurreikusten ditu:
• Konexiorako 20 kV-ko lurpeko zirkuitua, La Senda haize-parkearen transformazio-zentroa eta Las Llanas de Codés TAE 12/20/220 kV-ko azpiestazioa lotzen dituena.
Garraio-sarerainoko gainerako ebakuazio-azpiegiturak ebazpen honen irismenetik kanpo geratzen dira:
–Las Llanas de Codés TAE 12/20/220 kV-eko azpiestazio jasotzailea; zerbitzuan dago eta ebakuazio-azpiegitura komunaren parte da. Instalazio horretara konektatzeko posizioa Nafarroako Foru Komunitatearen ebazpen bidez baimenduta dago (169/2022 Ebazpena, 2022ko abenduaren 21ekoa).
–220 kV-eko goi tentsioko aireko linea, Las Llanas de Codés TAE 12/20/220 kV-eko azpiestazioa Laguardia TAE 220 kV-eko azpiestazioarekin konektatzen duena, zerbitzuan dago eta ebakuazio-azpiegitura komunaren parte da.
–Laguardia TAE 220 kV-eko azpiestazioa; zerbitzuan dago eta ebakuazio-azpiegitura komunaren parte da.
Abenduaren 26ko 24/2013 Legearen 53.1 artikuluaren arabera, eraikitzeko administrazio-baimenak aukera ematen dio titularrari instalazioa eraikitzeko, eskatutako baldintza teknikoak betez gero.
Sustatzaileak, 2023ko urtarrilaren 25ean, erantzukizunpeko adierazpena sinatu zuen, aplikatu beharreko araudia betetzen zuela egiaztatzeko.
Abenduaren 26ko 24/2013 Legeak enpresa ekimen askea aitortzen du energia elektrikoaren hornidurarako jardueretan aritzeko.
Aintzat hartuz Administrazioaren jarduera zuzendu behar duten printzipioak, prozesuaren azkartasuna eta ekonomia, alegia, bidezkoa da egintza bakar baten bidez ebaztea eskatzailearen eskaera, aipatutako jarduketari proiektua eraikitzeko administrazio-baimena emateari eta haren onura publikoa zehazki deklaratzeari buruzkoa.
Baimen hori ematen bada ere, lurraldearen antolamenduari eta ingurumenari dagozkien eta beharrezkoak diren kontzesio eta baimenak beharko dira, bai eta aplikatzekoak diren xedapenek eragindako beste guztiak ere. Halaber, obra egiteko beharrezkoak diren gainerako baimen guztiak eskuratu beharko dira.
Azaldutakoaren ondorioz, Energia Politikako eta Meatzeetako Zuzendaritza Nagusi honek,
EBAZTEN DU:
Lehena.–Administrazio-baimena ematea Desarrollos Renovables del Norte SLri 11,4 MW-ko potentzia instalatuko La Senda haize-parkea eta haren ebakuazio-azpiegiturak eraikitzeko, Azuelo, Aguilar Kodes, Aras eta Vianako udal mugarteetan, Nafarroako probintzian, 2022ko azaroko "La Senda haize-parkea" proiektuan zehaztutako ezaugarriekin eta ebazpen honetan jasotzen diren berezitasunekin.
Proiektuaren xedea da haize-parke bat eraikitzea, energia elektrikoa sortzeko eta energia hori sarera eramateko.
Haize-parkearen ezaugarri nagusiak hauek dira:
–Teknologia mota: eolikoa.
–Instalatutako potentzia: 11,4 MW.
–Haize-sorgailuen modeloa: Nordex 163/5700 TS 118 m.
–Haize-sorgailuen kopurua: 2 haize-sorgailu, 5,7 MW-ekoa bakoitza, hiru palako 163 metroko diametroko errotorearekin eta 118 metroko altuerako abatzekin.
–Dorre mota: zilindrikoa eta altzairuzkoa.
–Sarbiderako ahalmena, Red Eléctrica de España SAUk emandako sarbide eta konexio baimenetan ezarritakoaren arabera: 10,3 MW.
–Ukitutako udal mugarteak: Azuelo, Aguilar Kodes, Aras eta Viana, Nafarroako probintzian.
Ebakuazio-azpiegitura baimenduak, 2022ko azaroko "La Senda haize-parkea" proiektuan bilduak, honako hauek dira:
• Konexiorako 20 kV-ko lurpeko zirkuitua, aluminiozko XLPE kableaz egina, La Senda haize-parkearen transformazio-zentroa eta Las Llanas de Codés TAE 12/20/220 kV-ko azpiestazioa lotzen dituena.
- Erabilitako sekzioak: 1 x 240 mm² eta 1 x 800 mm².
- Luzera: 7.260 metro.
Ebakuazio-azpiegituraren gainerakoa, garraio-sarearekiko konexiora artekoa, zerbitzuan dago eta ebakuazio-azpiegitura komunaren parte da. La Senda haize-parkea Las Llanas de Codés TAE azpiestazioarekin lotzeko posizioa baimenduta dago Nafarroako Foru Komunitatearen 2022ko abenduaren 21eko 169/2022 Ebazpenaren bidez.
Zerbitzuan daude ebazpen honen irismenetik kanpo dauden ebakuazio-azpiegiturak, Las Llanas de Codés TAE 12/20/220 kV-ko azpiestazioarekin lotzeko posizioa izan ezik, zeina baimenduta baitago Nafarroako Foru Komunitatearen 2022ko abenduaren 21eko 169/2022 Ebazpenaren bidez.
Sustatzaileak bete beharko ditu tramitazioan onartutako baldintzak, bai eta Ingurumen Kalitate eta Ebaluaziorako Zuzendaritza Nagusiaren ingurumen-inpaktuaren adierazpenean ezarritakoak eta aurretiazko administrazio-baimena emateko ebazpenean ezarrita daudenak ere.
Era berean, bete beharko ditu Sistemaren Operadoreak ezartzen dituen arau teknikoak eta jarduteko prozedurak.
Baimen hau ematen da ezertan galarazi gabe aplikatu beharreko beste xedapen batzuen arabera beharrezkoak diren bestelako kontzesio eta baimenak, eta, bereziki, lurraldearen antolamenduari eta ingurumenari dagozkionak; halaber, obra gauzatzeko behar diren gainerako baimenak ere beharko dira.
Proiektuari aldaketak aurkezteko, abenduaren 1eko 1955/2000 Errege Dekretuaren 115. artikuluan ezarritakoa aplikatuko da.
Bigarrena.–Baimentzen den instalazioa onura publikokoa dela zehazki deklaratzea, sustatzaileak aurkeztutako ukitutako ondasun eta eskubideen zerrenda zehatz eta banakatuarekin. Zerrenda hori 2023ko 41. Estatuko Aldizkari Ofizialean, otsailaren 17koan eta 2023ko 49. Nafarroako Aldizkari Ofizialean, martxoaren 9koan, aipatutako abenduaren 1eko 1955/2000 Errege Dekretuan aurreikusitako ondorioetarako.
Abenduaren 26ko 24/2013 Legearen 56.2 artikuluan ezarritakoarekin bat etorriz, onura publikoaren deklarazio horrek berekin dakar, zehazki, dagokion baldintza teknikoak eskatu zaizkien erakundeek dagokion baimena emateko eskubidea, instalazio elektrikoa ezartzeko, pasatzeko edo okupatzeko baimena alegia, Estatuaren edo autonomia-erkidegoen jabari, erabilera edo zerbitzu publikoko edo ondareko lurretan edo probintziaren edo udalerriaren erabilera publikoko lurretan, berekietan nahiz herri lurretan, bai eta horien obra eta zerbitzuetan eta zortasun publikoko eremuetan ere.
Administrazio Publikoen Administrazio Prozedura Erkideari buruzko urriaren 1eko 39/2015 Legearen 121. eta 122. artikuluetan eta Sektore Publikoaren Araubide Juridikoari buruzko urriaren 1eko 40/2015 Legearen 62.2.i) artikuluan xedatutakoarekin bat, ebazpen honek ez du administrazio bidea amaitzen, eta honen kontra gora jotzeko errekurtsoa aurkezten ahalko da Energiaren estatu-idazkariaren aurrean, Estatuko Aldizkari Ofizialean argitaratzen den egunetik hasita hilabeteko epean.
Epe hori iraganik errekurtsoa jarri gabe, ebazpena irmoa izanen da ondorio guztietarako. Epeak hilabeteka zenbatzeko, urriaren 1eko 39/2015 Legearen 30. artikuluan xedatutakoa bete beharko da.
Madrilen, 2023ko maiatzaren 31n.–Zuzendari nagusia, Manuel García Hernández.
BAIMENERAKO BALDINTZA BEREZIAK
Eraikitzeko administrazio-baimena ematen da, abenduaren 1eko 1955/2000 Errege Dekretuan xedatutakoarekin bat eta baldintza berezi hauekin:
1. Lanak egin beharko dira aurkeztu den proiektuarekin eta aplikatzekoak zaizkion erregelamenduzko xedapenekin bat, eskatu eta baimentzen diren aldaketak eginda, beharrezkoak badira.
2. 1955/2000 Errege Dekretuaren 131.10 artikuluarekin bat, ustiatzeko baimena emateko epea hogeita lau hilabetekoa izanen da, ebazpen hau eskatzaileari jakinarazten zaion egunetik aurrera, baina beti kontuan harturik Ekonomia berpizteko energia arloko eta beste arlo batzuetako neurriak onesten dituen ekainaren 23ko 23/2020 Errege Lege-dekretuaren 1. artikuluan ustiatzeko baimena lortzeko ezarritako epeen egutegia bete beharko dela.
3. Instalazio horren titularrak lanen amaieraren berri eman beharko dio probintziako organo eskudunari, ustiapen baimena behin betikoz onartu eta zabaltzeko.
4. Sustatzaileak bete beharko ditu IEZTan ezarritako baldintza guztiak, martxoaren 29ko Errege Lege-dekretuaren 6. artikuluari jarraikiz. Horien artean, proiektua gauzatzen eta ustiatzen den bitartean, eta, bereziki, obrak egin aurretik, proiektua garatzeko baldintzak ezartzen dira. Hala ere, eta agerian geratu den bezala, proiektuari lotutako jarduketetan aztertu gabeko inpakturen bat edo ebaluatutakoa baino handiagoa den inpakturen bat atzematen bada, horren berri emanen zaio autonomia-erkidegoko organo eskudunari, jarduteko modua zehaztu dezan.
–Nafarroako Gobernuko Landa Garapeneko eta Ingurumeneko Departamentuak planteatutako baldintzak betetzea, bereziki onura publikoko mendiei dagokienez.
–Ebroko Konfederazio Hidrografikoak Jabari Publiko Hidraulikoaren gaineko zortasunei eta jarduketei buruz planteatutako baldintzak betetzea.
–Aldez aurreko prospekzio bat eginen da, proiektuaren eremutik hurbil mehatxatutako flora eta fauna daudela baztertzeko.
–Eraikitzeko administrazio-baimenak ez du inola ere instalazioaren titularra salbuesten instalazioek behar dituzten gainerako baimen osagarriak lortzetik; besteak beste, lortu beharko ditu industria segurtasunaren arloko legeriak, sistema laguntzaileei dagokienez, horiek instalatu edo abian jarri aurretik, eskatzen dituen baimenak, autonomia-erkidegoen eskumenekoak, edo, bestela, kontrolerako beste formalitate guztiak bete beharko ditu.
5. Administrazioak ondoriorik gabe utziko du ebazpen hau baldin eta ikusten bada, denboraren joanean, ebazpenean ezartzen diren eskubideen titularrak ez dituela betetzen bertan ezarritako baldintzak. Kasu horietan, Administrazioak, behar den espedientea bideratu ondoren, kasuko baimena baliogabetzea erabakiko du, horrek dakartzan ondorio administratibo eta zibil guztiekin, indarra duten lege xedapenekin bat.
6. Instalazioaren titularrak kontuan hartuko du, exekuziorako, erakundeek ezarri dituzten baldintzak, zeinak jakinarazi zaizkion eta berak berariaz onartu dituen.
Iragarkiaren kodea: E2308794
