122. ALDIZKARIA - 2023ko ekainaren 9a

3. ESTATUKO ADMINISTRAZIOA

GARRAIOETAKO, MUGIKORTASUNEKO ETA HIRI AGENDAKO MINISTERIOA

Informazio publikoa, "N-232 (A-68) errepidearen sarbideen berrantolaketa, 295+100 KParen eta 297+825 KParen artean, Mallengo (Zaragoza) eta Cortesko (Nafarroa) udal mugarteetan" egiteko proiektuari buruz

Errepideei buruzko irailaren 29ko 37/2015 Legearen 36. artikuluaren eta Errepideen Erregelamendu Orokorra onesten duen irailaren 2ko 1812/94 Errege Dekretuaren 102.2 eta 104.5 artikuluen ondorioetarako, eta Administrazio Publikoen Administrazio Prozedura Erkideari buruzko urriaren 1eko 39/2015 Legearekin bat etorriz, jendaurrean jartzen da, hogei egun balioduneko epean, "N-232 (A-68) errepidearen sarbideen berrantolaketa, 295+100 KParen eta 297+825 KParen artean, Mallengo (Zaragoza) eta Cortesko (Nafarroa) udal mugarteetan" egiteko proiektua.

Proiektuaren dokumentazioa toki hauetan kontsultatzen ahalko da, bulegoko egun eta orduetan: Estatuko Errepideen Aragoiko Barrutian (Santa Cruz plaza 19, Zaragoza) eta Mallengo (Zaragoza) eta Cortesko (Nafarroa) udaletxeetan. Halaber, dgc.demara.jefatura@mitma.es helbidean eskatzen ahal da.

Aipatutako epean, eta aipatutako legeez baliatuz, Estatuko errepideen barruti horretan aurkezten ahalko dira, idatziz, aipatutako proiektuari dagokionez egokitzat jotzen diren alegazioak eta oharrak, edo, bestela, Administrazio Publikoen Administrazio Prozedura Erkideari buruzko urriaren 1eko 39/2015 Legearen 16. artikuluan eta azken xedapenetako zazpigarrenean aipatzen diren sistemetako edozein erabiliz.

Aditzera ematen dut, orok jakin dezan.

Zaragozan, 2023ko ekainaren 1ean.–Estatuko Errepideen Aragoiko Barrutiko ingeniari burua, Sandra de Francisco Méndez.

Iragarkiaren kodea: E2308773