1. NAFARROAKO FORU KOMUNITATEA
1.7. BESTELAKOAK
184/2023 EBAZPENA, maiatzaren 17koa, Hezkuntzako zuzendari nagusiak emana, 2023-2024 ikasturteko eskola egutegia eta ordutegia prestatzeko jarraibideak onesten dituena, hain zuzen, Helduen Oinarrizko Hezkuntzako ikastetxe publikoetan eta ikasgeletan emanen diren irakaskuntzetarako eta ikastetxe publiko baimenduetan emanen diren Helduentzako Bigarren Hezkuntzako irakaskuntzetarako eta erdi mailako eta goi mailako zikloetara sartzeko ikastaroetarako.
Ikusirik Antolamendu, Prestakuntza eta Kalitate Zerbitzuko zuzendariak 2023-2024 ikasturteko eskola egutegia prestatzeko jarraibideak onestearen aldeko txostena eman duela, hain zuzen, Helduen Oinarrizko Hezkuntzako ikastetxe publikoetan eta ikasgeletan emanen diren irakaskuntzetarako eta ikastetxe publiko baimenduetan emanen diren Helduentzako Bigarren Hezkuntzako irakaskuntzetarako eta erdi mailako eta goi mailako zikloetara sartzeko ikastaroetarako.
Hezkuntza Departamentuaren egitura organikoa ezartzen duen urriaren 30eko 267/2019 Foru Dekretuak ematen dizkidan ahalmenak erabilita,
EBAZTEN DUT:
1. Onestea 2023-2024 ikasturteko egutegia eta ordutegia prestatzeko jarraibideak, hain zuzen, Helduen Oinarrizko Hezkuntzako ikastetxe publikoetan eta ikasgeletan emanen diren irakaskuntzetarako eta ikastetxe publiko baimenduetan emanen diren Helduentzako Bigarren Hezkuntzako irakaskuntzetarako eta erdi mailako eta goi mailako zikloetara sartzeko ikastaroetarako; eranskin hauetan zehazten dira jarraibide horiek:
–I. eranskina: jarraibideak, Helduen Oinarrizko Hezkuntzako ikastetxe publikoetan eta ikasgeletan emanen diren irakaskuntzetarako.
–II. eranskina: jarraibideak, ikastetxe publiko baimenduetan emanen diren Helduentzako Bigarren Hezkuntzako irakaskuntzetarako.
–III. eranskina: jarraibideak, ikastetxe publiko baimenduetan emanen diren erdi mailako eta goi mailako zikloetara sartzeko ikastaroetarako.
2. Ebazpen hau eta eranskinak Nafarroako Aldizkari Ofizialean argitaratzea.
3. Ebazpen hau eta eranskinak igortzea Hezkuntza Baliabideen Zuzendaritza Nagusira, Lanbide Heziketaren Zuzendaritza Nagusira, Antolamendu, Prestakuntza eta Kalitate Zerbitzura, Hezkuntzako Ikuskapen Zerbitzura eta Ikastetxeetako Informazioa Kudeatzeko Bulegora, behar diren ondorioak izan ditzaten.
Iruñean, 2023ko maiatzaren 17an.–Hezkuntzako zuzendari nagusia, Gil Sevillano González.
I. ERANSKINA.–JARRAIBIDEAK, HELDUEN OINARRIZKO HEZKUNTZAKO IKASTETXE PUBLIKOETAN ETA IKASGELETAN EMANEN DIREN IRAKASKUNTZEN ESKOLA EGUTEGIA ETA ORDUTEGIA PRESTATZEKO, 2023-2024 IKASTURTERAKO
1.–Egutegia.
Nafarroako Foru Komunitateko eskola egutegiak baldintza hauek beteko ditu:
1. Ikastetxeetan eta ikasgeletan, 2023-2024 ikasturtea 2023ko irailaren 1ean hasiko da, eta 2024ko ekainaren 30ean bukatuko.
2. Ikasturtea lau hileko bi kurtsotan banatuko da. Irakaslan guztiak lauhilekoaren araberako antolaketa horri egokituko zaizkio.
3. Altsasu, Lizarra, Zangoza, Elizondo-Lekaroz eta Tafalla aldeko ikastetxeek eta irakasle taldeek baldintza hauek beteko dituen berariazko proposamena egin beharko dute egutegirako:
a) Lauhileko bakoitzeko eskola egunen kopurua: 80, gutxienez ere.
b) Lehen lauhilekoa: klaseak ez dira irailaren 18a baino lehen hasiko, eta ez dira otsailaren 5a baino geroago bukatuko.
c) Bigarren lauhilekoa: klaseak ez dira otsailaren 12a baino lehen hasiko, eta ez dira ekainaren 20a baino geroago bukatuko.
d) Eguberrietako oporrak: abenduaren 23tik urtarrilaren 7ra bitarte, biak barne.
e) Aste Santuko oporrak: martxoaren 28tik apirilaren 7ra bitarte, biak barne.
f) Jaiegunak, Nafarroako lan egutegi arruntaren arabera: urriaren 12a, azaroaren 1a, abenduaren 4a, abenduaren 6a, abenduaren 8a eta maiatzaren 1a. Antolamendu, Prestakuntza eta Kalitate Zerbitzuak beharrezko jarraibideak emanen ditu erabakitzen bada beste jaiegunen bat ezartzea eta, horrenbestez, eskola egutegia aldatzea.
g) Hezkuntza mailako zaindariaren jaieguna: azaroaren 27a. Ikastetxeek zilegi izanen dute egun hori aldatzea.
h) Herriko festa eguna, Nafarroako Foru Komunitateko herrietako festa egunak zehazten dituen arauaren arabera. Data hori eskola eguna ez den egun batean egokitzen denean, ikastetxeak beste egun bat hautatzen ahalko du.
i) Ikastetxeak erabakitako eskola egunez gainerako egunak, aurreko ataletan jaiegun gisa finkatu ez direnak, eskolarik gabeko lanegunak izanen dira, gehienez ere 5 egun, eskolak hasten direnetik amaitzen diren arte.
j) Ezin izanen dira erabili g), h) eta i) atalek aipatzen dituzten egunak Eguberrietako eta Aste Santuko oporraldiak luzatzeko.
4. Abenduaren 22a eta martxoaren 27a eskola egunak izanen dira, baina goizez bakarrik.
5. Irailaren 1etik eskolak hasi bitarteko egunetan ikaskuntzaren hasierako balorazioaren (IHB) plangintza, programazio lanak, mailako lantaldeen bilerak, klaustroak eta ikasturtearen antolaketarekin zerikusia duten bestelako jarduerak eginen dituzte irakasleek.
6. Lehenengo lauhilekoaren bukaeratik bigarrena hasi bitarteko egunak lan hauetarako erabiliko dira: kurtsoak berrikusi eta ebaluatzea, ikasleak ebaluatzeko agiriak betetzea (lehenengo lauhilekokoak), sartu berri diren ikasleen ikaskuntzaren hasierako balorazioa (IHB) egitea eta bigarren lauhilekoan eginen diren prestakuntza ekintzak planifikatzea. Egun horietan, irakasleek ikastetxera edo ikasgelara joan beharra izanen dute, lan horiek egiteko.
7. Eskolak bukatu eta ekainaren 30era arte, kurtsoaren berrikusketa eta ebaluazio lanak, memoria didaktikoak, ikasturte bukaerako memoria eta beharrezkoak diren administrazio egintza guztiak eginen dira.
8. Ebaluazio batzarrak edo klaustroak ezin dira eskola orduetan egin.
9. Egutegia onetsi ondoren, Helduen Oinarrizko Hezkuntzako ikastetxe publiko eta ikasgela guztietan nahitaez bete beharko da, eta ikastetxeko zuzendariaren eta eskualdeko irakasle taldeko buruaren erantzukizuna izanen da hura betearaztea; Hezkuntzako Ikuskapen Zerbitzuari dagokio haren aplikazioa gainbegiratu eta kontrolatzea. Irakasleek nahitaez bete behar dute oinarrizko ikastetxerako onetsitako ordutegia; hau da, zerbitzuak ematen dituen udalerriren batean jaieguna baldin bada, egun hori laneguntzat hartuko da, eta irakasleek oinarrizko ikastetxera joan beharko dute zuzendariak edo taldeko buruak bidezkotzat jotzen dituen lanak egitera.
10. Ikastetxe eta ikasgela bakoitzaren egutegia iragarki-taulan ikusgai jarriko da, eta ezin izanen da aldatu Hezkuntzako Ikuskapen Zerbitzuak baimendu gabe.
2.–Ordutegia.
Helduen Oinarrizko Hezkuntzako ikastetxe eta eskualdeek aste osoan zehar banatuko dituzte prestakuntza ekintzak, astelehenetik ostiralera.
Ikastetxeak eta ikasgelak ordu-malgutasunaren printzipioari jarraikiz antolatuko dira, kasuan kasuko eskualdeko helduen prestakuntza eskaerari ahalik eta hobekien erantzuteko eta egokitzeko. Hala, behar izanez gero, jarduerak goizeko, arratsaldeko eta gaueko txandetan antolatzen ahalko dira.
3.–Salbuespenak.
Aurreko edozein atalen gaineko salbuespenak Hezkuntzako Ikuskapen Zerbitzuari eskatu beharko zaizkio, hark azter ditzan.
4.–Tramitazioa.
Tramitazioa egiteko, honela jokatuko da:
1. Ikastetxeetako zuzendariek eta eskualdeetako irakasle taldeko buruek egutegirako eta ordutegirako proposamenak igorriko dituzte Hezkuntzako Ikuskapen Zerbitzura 2023ko ekainaren 14a baino lehen, "Educa" kudeaketa programaren bidez, Eskola Kontseiluaren onespena jaso ondoren.
2. Hezkuntzako Ikuskapen Zerbitzuak egutegiak eta ordutegiak onetsi edo ukatuko ditu, aztertu ondoren. Ikuskapen Zerbitzuaren komunikazio hori, orobat, "Educa" kudeaketa programaren euskarri informatikoaren bidez eginen zaie ikastetxeei. 2023ko ekainaren 24rako inolako jakinarazpenik jasotzen ez duten ikastetxeen egutegiak eta ordutegiak onetsitzat joko dira.
Ikastetxe edo eskualdeko irakasle talderen batek bere egutegi proposamena aipatu epean bidaltzen ez badu, Hezkuntzako Ikuskapen Zerbitzuak ofizioz esleituko dio eranskinaren 1. atalean (Egutegia) ezarritako baldintzak betetzen dituen egutegi bat. Eranskin honetako egutegia, hain zuzen.
II. ERANSKINA.–JARRAIBIDEAK, IKASTETXE PUBLIKO BAIMENDUETAN EMANEN DIREN HELDUENTZAKO BIGARREN HEZKUNTZAKO IRAKASKUNTZEI DAGOKIEN ESKOLA EGUTEGIA ETA ORDUTEGIA PRESTATZEKO, 2023-2024 IKASTURTERAKO
1.–Egutegia.
Nafarroako Foru Komunitateko eskola egutegiak baldintza hauek beteko ditu:
1. Ikastetxeetan, 2023-2024 ikasturtea 2023ko irailaren 1ean hasiko da, eta 2024ko ekainaren 30ean bukatuko.
2. Ikasturtea lau hileko bi kurtsotan banatuko da.
3. Ikastetxeek berariazko egutegi proposamen bat prestatu beharko dute, honako baldintza hauek betez:
a) Lauhileko bakoitzeko eskola egunen kopurua: 80, gutxienez ere.
b) Lehen lauhilekoa: klaseak ez dira irailaren 12a baino lehen hasiko, eta ez dira urtarrilaren 31 baino geroago bukatuko.
c) Bigarren lauhilekoa: klaseak ez dira otsailaren 8a baino lehen hasiko, eta ez dira ekainaren 20a baino geroago bukatuko.
d) Eguberrietako oporrak: abenduaren 23tik urtarrilaren 7ra bitarte, biak barne.
e) Aste Santuko oporrak: martxoaren 28tik apirilaren 7ra bitarte, biak barne.
f) Jaiegunak, Nafarroako lan egutegi arruntaren arabera: urriaren 12a, azaroaren 1a, abenduaren 4a, abenduaren 6a, abenduaren 8a eta maiatzaren 1a. Antolamendu, Prestakuntza eta Kalitate Zerbitzuak beharrezko jarraibideak emanen ditu erabakitzen bada beste jaiegunen bat ezartzea eta, horrenbestez, eskola egutegia aldatzea.
g) Hezkuntza mailako zaindariaren jaieguna: urtarrilaren 29a. Ikastetxeek zilegi izanen dute egun hori aldatzea.
h) Herriko festa eguna, Nafarroako Foru Komunitateko herrietako festa egunak zehazten dituen arauaren arabera. Data hori eskola eguna ez den egun batean egokitzen denean, ikastetxeak beste egun bat hautatzen ahalko du.
i) Ikastetxeak erabakitako eskola egunez gainerako egunak, aurreko ataletan jaiegun gisa finkatu ez direnak, eskolarik gabeko lanegunak izanen dira, gehienez ere 5 egun, eskolak hasten direnetik amaitzen diren arte.
j) Ezin izanen dira erabili g), h) eta i) atalek aipatzen dituzten egunak Eguberrietako eta Aste Santuko oporraldiak luzatzeko.
4. Abenduaren 22a eta martxoaren 27a eskola egunak izanen dira, baina goizez bakarrik.
5. Irailaren 1etik eskolak hasi bitarteko egunetan, ikasturtearen antolaketarekin zerikusia duten jarduerak eginen dituzte irakasleek.
6. Lauhilekoen arteko eskola gabeko egunetan berariazko lan hauek eginen dira: kurtsoa berrikusi eta ebaluatzea, ikasleei arreta ematea eta erreklamazioak erantzutea, ikasleen ebaluazio agiriak betetzea (lehenengo lauhilekokoak) eta behar diren gainerako administrazio egintzak.
7. Eskolak bukatu eta ekainaren 30a arte, honako jarduera hauek eginen dira: kurtsoa berrikusi eta ebaluatzeko berariazko lanak, irakasgai bakoitzaren memoria didaktikoak, koordinazio didaktikorako departamentuen memoriak, bukaerako memoria, erreklamazioak, ikasleei arreta ematea eta behar diren administrazio egintza guztiak.
8. Ebaluazio batzarrak edo klaustroak ezin dira eskola orduetan egin.
9. Egutegia, onetsi ondoren, nahitaez bete beharko dute ikastetxe publiko guztiek; ikastetxeko zuzendariaren eta eskualdeko irakasle taldeko buruaren erantzukizuna izanen da hura betearaztea; Hezkuntzako Ikuskapen Zerbitzuari dagokio haren aplikazioa gainbegiratu eta kontrolatzea.
10. Ikastetxe bakoitzaren egutegia iragarki-taulan ikusgai jarriko da, eta ezin izanen da aldatu Hezkuntzako Ikuskapen Zerbitzuak baimendu gabe.
2.–Ordutegia.
Helduen Bigarren Hezkuntzako asteko eskola ordutegia 15 ordukoa izanen da modalitate presentzialean, 16 ordukoa D edo A hizkuntza-ereduen kasuan, eta 10 ordukoa gehienez urrutiko modalitatean.
129/2009 Foru Aginduaren 7.4 oinarriak adierazi bezala, ikastetxeen ordutegia ordubetetik beherako eskola saioetan antolatzen bada (inoiz ez 45 minutu baino gutxiagokoak), aurreko paragrafoan adierazitako asteko eskola karga betetzeko adina saio eman beharko dira.
Helduen Bigarren Hezkuntzako kurtso presentzialetan, asteko ordutegia, oro har, modu homogeneoan banatuko da astelehenetik ostiralera.
3.–Salbuespenak.
Aurreko edozein atalen gaineko salbuespenak Hezkuntzako Ikuskapen Zerbitzuari eskatu beharko zaizkio, hark azter ditzan.
4.–Tramitazioa.
Tramitazioa egiteko, honela jokatuko da:
1. Zuzendariek eta eskualdeetako irakasle taldeko buruek egutegirako eta ordutegirako proposamenak igorriko dituzte Hezkuntzako Ikuskapen Zerbitzura 2023ko ekainaren 14a baino lehen, "Educa" kudeaketa programaren bidez, Eskola Kontseiluaren onespena jaso ondoren.
2. Hezkuntzako Ikuskapen Zerbitzuak egutegiak eta ordutegiak onetsi edo ukatuko ditu, aztertu ondoren. Ikuskapen Zerbitzuaren komunikazio hori, orobat, "Educa" kudeaketa programaren euskarri informatikoaren bidez eginen zaie ikastetxeei. 2023ko ekainaren 24rako inolako jakinarazpenik jasotzen ez duten ikastetxeen egutegiak eta ordutegiak onetsitzat joko dira.
Ikastetxeren batek bere egutegi proposamena aipatutako epean bidaltzen ez badu, Hezkuntzako Ikuskapen Zerbitzuak ofizioz esleituko dio eranskin honen 1. atalean (Egutegia) ezarritako baldintzak betetzen dituen egutegi eta ordutegi bat.
III. ERANSKINA.–JARRAIBIDEAK, IKASTETXE PUBLIKO BAIMENDUETAN EMANEN DIREN ERDI MAILAKO ETA GOI MAILAKO ZIKLOETARA SARTZEKO IKASTAROEI DAGOKIEN ESKOLA EGUTEGIA ETA ORDUTEGIA PRESTATZEKO
1.–Egutegia.
Nafarroako Foru Komunitateko eskola egutegiak baldintza hauek beteko ditu:
1. Ikastetxeetan, 2023-2024 ikasturtea 2023ko irailaren 1ean hasiko da, eta 2024ko ekainaren 30ean bukatuko.
2. Ikastetxeek berariazko egutegi proposamen bat prestatu beharko dute, honako baldintza hauek betez:
a) Eskolen hasiera: irailaren 13an.
b) Eskolen bukaera: ekainaren 14an. Azken bost eskola egunetan 2023-2024 ikasturteko deialdi bereziko azterketak eginen dira.
c) Eguberrietako oporrak: abenduaren 23tik urtarrilaren 7ra bitarte, biak barne.
d) Aste Santuko oporrak: martxoaren 28tik apirilaren 7ra bitarte, biak barne.
e) Jaiegunak, Nafarroako lan egutegi arruntaren arabera: urriaren 12a, azaroaren 1a, abenduaren 4a, abenduaren 6a, abenduaren 8a eta maiatzaren 1a. Antolamendu, Prestakuntza eta Kalitate Zerbitzuak beharrezko jarraibideak emanen ditu erabakitzen bada beste jaiegunen bat ezartzea eta, horrenbestez, eskola egutegia aldatzea.
f) Hezkuntza mailako zaindariaren jaieguna: urtarrilaren 29a. Ikastetxeek zilegi izanen dute egun hori aldatzea.
g) Herriko festa eguna, Nafarroako Foru Komunitateko herrietako festa egunak zehazten dituen arauaren arabera. Data hori eskola eguna ez den egun batean egokitzen denean, ikastetxeak beste egun bat hautatzen ahalko du.
h) Ikastetxeak erabakitako eskola egunez gainerako egunak, aurreko ataletan jaiegun gisa finkatu ez direnak, eskolarik gabeko lanegunak izanen dira, gehienez ere 5 egun, eskolak hasten direnetik amaitzen diren arte.
i) Ezin izanen dira erabili f), g) eta h) ataletan aipatzen diren egunak Eguberrietako eta Aste Santuko oporraldiak luzatzeko.
3. Abenduaren 22a eta martxoaren 27a eskola egunak izanen dira, baina goizez bakarrik.
4. Irailaren 1etik eskolak hasi bitarteko egunetan, ikasturtearen antolaketarekin zerikusia duten jarduerak eginen dituzte irakasleek.
5. Eskolak bukatu eta ekainaren 30a arte, honako jarduera hauek eginen dira: kurtsoa berrikusi eta ebaluatzeko berariazko lanak, irakasgai bakoitzaren memoria didaktikoak, koordinazio didaktikorako departamentuen memoriak, bukaerako memoria, erreklamazioak, ikasleei arreta ematea eta behar diren administrazio egintza guztiak.
6. Ebaluazio batzarrak edo klaustroak ezin dira eskola orduetan egin.
7. Egutegia, onetsi ondoren, nahitaez bete beharko dute ikastetxe publiko guztiek; ikastetxeko zuzendariaren erantzukizuna izanen da hura betearaztea, eta Hezkuntzako Ikuskapen Zerbitzuari dagokio haren aplikazioa gainbegiratu eta kontrolatzea.
8. Ikastetxe bakoitzaren egutegia iragarki-taulan ikusgai jarriko da, eta ezin izanen da aldatu Hezkuntzako Ikuskapen Zerbitzuak baimendu gabe.
2.–Ordutegi orokorra.
Erdi mailako zikloetarako sartzeko ikastaroen asteko eskola ordutegia 16 ordukoa izanen da modalitate presentzialean, eta oro har, astelehenetik ostiralera banatuko dira ordu horiek, modu homogeneoan.
3.–Salbuespenak.
Aurreko edozein atalen gaineko salbuespenak Hezkuntzako Ikuskapen Zerbitzuari eskatu beharko zaizkio, hark aztertu eta onar edo ezets ditzan, dagokionaren arabera.
4.–Tramitazioa.
Tramitazioa egiteko, honela jokatuko da:
1. Zuzendariek egutegi eta ordutegi proposamenak bidaliko dituzte Hezkuntzako Ikuskapen Zerbitzura, "Educa" kudeaketa programaren bidez, Eskola Kontseiluak onetsi ondoren. Horretarako azkeneko eguna 2023ko ekainaren 14a izanen da.
2. Hezkuntzako Ikuskapen Zerbitzuak egutegiak eta ordutegiak onetsi edo ukatuko ditu, aztertu ondoren. "Educa" kudeaketa programak ematen duen informatikako euskarriaren bidez iritsiko zaie ikastetxeei Hezkuntzako Ikuskapen Zerbitzuaren jakinarazpena. 2023ko ekainaren 24rako inolako jakinarazpenik jasotzen ez duten ikastetxeen egutegiak eta ordutegiak onetsitzat joko dira.
Ikastetxeren batek bere egutegi proposamena aipatu epean bidaltzen ez badu, Hezkuntzako Ikuskapen Zerbitzuak ofizioz esleituko dio eranskinaren 1. atalean (Egutegia) ezarritako baldintzak betetzen dituen egutegi bat.
Iragarkiaren kodea: F2307844
