1. NAFARROAKO FORU KOMUNITATEA
1.7. BESTELAKOAK
ERABAKIA, Nafarroako Gobernuak 2023ko maiatzaren 17an hartua, foru intereseko inbertsio deklaratzen duena "Montes de Cierzo haize-parkea berrindartzea", "Montes de Cierzo I. haize-parkea berrindartzea" eta "Montes de Cierzo II. haize-parkea berrindartzea" haize-parkeen proiektua, Eólica Montes de Cierzo SLUk Tutera eta Cintruenigoko udal-mugarteetan sustatuak.
2023ko urtarrilaren 23an, Enpresa edo lanbide jarduerak abian jartzeko xedearekin administrazioa errazteko neurriei buruzko abenduaren 9ko 15/2009 Foru Legean ezarritakoari jarraikiz, Eólica Montes de Cierzo SLUk eskatu du foru intereseko inbertsio deklaratzea "Montes de Cierzo haize-parkea berrindartzea", "Montes de Cierzo I. haize-parkea berrindartzea" eta "Montes de Cierzo II. haize-parkea berrindartzea" haize-parkeen proiektua.
Eólica Montes de Cierzo SLU Tutera eta Cintruenigoko udal-mugarteetan dauden eta ustiatzen ari diren parke eoliko hauen titularra da: "Montes de Cierzo I" (29,67 MW) eta "Montes de Cierzo II" (30,8 MW). Enpresak bi parke horiek berrindartzea proposatu du, "Montes de Cierzo I. haize-parkea berrindartzea" eta "Montes de Cierzo II. haize-parkea berrindartzea" haize-parkeak eraikiz eta 32 MW-ko potentziako "Montes de Cierzo haize-parkea berrindartzea" parke berria garatuz.
Klima-aldaketari eta energia-trantsizioari buruzko martxoaren 22ko 4/2022 Foru Legeak, 28. artikuluko c) apartatuan, ezartzen du ezen "haize-parkeei bultzada berria ematea aurreikusten duten proiektuak" foru intereseko inbertsiotzat joko direla, Enpresa edo lanbide jarduerak abian jartzeko xedearekin administrazioa errazteko neurriei buruzko abenduaren 9ko 15/2009 Foru Legearen 4. artikuluan ezarritakoaren ondorioetarako.
Eólica Montes de Cierzo SLUren inbertsio proiektuak haize-parkeak berrindartzea aurreikusten duenez, martxoaren 22ko 4/2022 Foru Legearen 28. artikuluaren c) apartatuan eskatzen dena betetzen du.
Industriaren, Energiaren eta S4 Proiektu Estrategikoen Zuzendaritza Nagusiaren txostenean proposatzen den bezala, foru intereseko inbertsio deklaratzen bada, proiektua garatzeko behar diren tramite administratiboei lehentasunezko eta presako bultzada emanen zaie Nafarroako administrazio publiko guztietan, Enpresa edo lanbide jarduerak abian jartzeko xedearekin administrazio bideak errazteko neurriei buruzko abenduaren 9ko 15/2009 Foru Legean xedatutakoarekin bat etorriz.
Adierazitakoarekin bat, Nafarroako Gobernuak, Garapen Ekonomiko eta Enpresarialeko kontseilariak proposaturik,
ERABAKITZEN DU:
1. Eólica Montes de Cierzo SLUk sustaturiko "Montes de Cierzo haize-parkea berrindartzea", "Montes de Cierzo I. haize-parkea berrindartzea" eta "Montes de Cierzo II. haize-parkea berrindartzea" haize-parkeen proiektua foru intereseko inbertsio deklaratzea, Enpresa edo lanbide jarduerak abian jartzeko xedearekin administrazioa errazteko neurriei buruzko abenduaren 9ko 15/2009 Foru Legearen 4. artikuluan ezarritakoaren ondorioetarako. Deklarazio honek inbertsio proiektua bukatu arte izanen ditu ondorioak.
2. Erabaki hau Nafarroako Parlamentuko Garapen Ekonomikorako Batzordera igortzea, abenduaren 9ko 15/2009 Foru Legearen 4. artikuluan ezarritakoaren ondorioetarako.
3. Erabaki hau Nafarroako Aldizkari Ofizialean argitaratzea, orok jakin dezan, eta Eólica Montes de Cierzo SLUri jakinaraztea, behar diren ondorioak izan ditzan.
Iruñean, 2023ko maiatzaren 17an.–Nafarroako Gobernuko kontseilari-idazkaria, Javier Remírez Apesteguía.
Iragarkiaren kodea: F2307778
