2. NAFARROAKO TOKI ADMINISTRAZIOA
2.2. XEDAPEN ETA IRAGARKIAK, HERRIEN ARABERA ANTOLATUAK
LONGIDA
2023rako karga-tasak
Longidako Udalak, honako hau erabaki zuen 2022ko abenduaren 14an egindako osoko bilkuran, bete dadin Nafarroako Toki Ogasunei buruzko martxoaren 10eko 2/1995 Foru Legean ezarritakoa:
ERABAKIA:
1.1. Karga-tasa hauek onestea, 2023ko urtarrilaren 1eko ondorioekin:
–Hiri-lurraren gaineko kontribuzioa: %0,18.
–Landa-lurraren gaineko kontribuzioa: %0,18.
–Eraikuntzen, instalazioen eta obren gaineko zerga:
- Etxebizitzak zaharberritzea: %2,06.
- Nekazaritzako nahiz abeltzaintzako nabeak egitea edo moldatzea: %2,575.
- Etxebizitza berriak: %3,09.
- Bestelako eraikuntza, instalazio eta obrak egitea: %3,09.
–Ekonomia-jardueren gaineko zerga: 1 indizea.
–Hiri-lurren balio-gehikuntzaren gaineko zerga: %14,42ko karga-tasa. Koefizienteak: aplikatuko dira balio-gehikuntzaren sortzealdiaren arabera martxoaren 10eko 2/1995 Foru Legean ezarririko gehieneko koefizienteak (Nafarroako Toki Ogasunei buruzko Foru Legea).
1.2. Arauzko izapidea egitea.
Erabaki horren aurka, errekurtso hauetako bat aurkez daiteke, hautara:
1. Administrazioarekiko auzi-errekurtsoa, Nafarroako Justizia Auzitegi Nagusiko arlo horretako Salari zuzendua, edo Administrazioarekiko Auzien Epaitegiari zuzendua, uztailaren 13ko 29/1998 Legearen 8.1 artikuluak ezarritako kasuetan (lege horren bidez arautu zen Administrazioarekiko Auzietako Jurisdikzioa), bi hilabeteko epean, erabaki hau Nafarroako Aldizkari Ofizialean argitaratu eta biharamunetik hasita; nolanahi ere, aitzinetik eta hautara, jarri ahalko da berraztertzeko errekurtsoa egintza ebatzi duen organo berari zuzendua, hilabeteko epean, erabaki hau Nafarroako Aldizkari Ofizialean argitaratu eta biharamunetik hasita, edo bestela,
2. Gora jotzeko errekurtsoa, zuzenean Nafarroako Administrazio Auzitegiari zuzendua, hilabeteko epean, Nafarroako Aldizkari Ofizialean argitaratu eta biharamunetik hasita.
Longidan, 2022ko abenduaren 15ean.–Alkatea, Roberto Zazpe Bariain.
Iragarkiaren kodea: L2217911
