1. NAFARROAKO FORU KOMUNITATEA
1.7. BESTELAKOAK
JENDAURREKO INFORMAZIOA. Ingurumen baimen integratuan aldaketa funtsezko bat egiteko prozeduraren eta ingurumen inpaktuaren ebaluazio arruntaren nahitaezko fasea, Valle de Odieta SCL/Hibridación Termosolar Navarra SL enpresak sustatua.
Bat etorriz Ingurumen Ebaluazioari buruzko abenduaren 9ko 21/2013 Legearen 36. artikuluarekin eta Kutsaduraren Prebentzio eta Kontrol Integratuei buruzko Legea garatzen duen Emisio Industrialen Erregelamenduaren 15. artikuluarekin (urriaren 18ko 815/2013 Errege Dekretuaren bidez onetsi zen aipatu erregelamendua), aditzera ematen da dokumentazioa jendaurrean egonen dela hogeita hamar egun balioduneko epean, iragarki hau Nafarroako Aldizkari Ofizialean argitaratzen denetik hasita, Landa Garapeneko eta Ingurumeneko Departamentuaren bulegoetan (González Tablas kalea 9, beheko solairua, Iruña), jendea hartzeko orduetan (08:30etik 14:30era), eta beherago adierazten den Interneteko helbidean, edozein pertsona fisikok edo juridikok azter dezan eta, nahi izanez gero, alegazioak aurkez ditzan hogeita hamar egun balioduneko epe horretan.
Espediente mota | Ingurumen inpaktuaren ebaluazio arruntaren nahitaezko fasea |
Espedientearen kodea | 0001-0225-2022-000007 | Hasiera eguna | 2022/12/02 |
Unitate kudeatzailea | Ekonomia Zirkularraren eta Klima Aldaketaren Zerbitzua |
Telefonoa | 848426254-848427587 | Helbide elektronikoa | autprema@navarra.es |
Sailkapena | Legeria | Jarduera |
17/2020 Foru Legea, abenduaren 16koa | Zentroa ez dago sartua |
1/2016 Legegintzako Errege Dekretua, abenduaren 16koa | I. eranskina / 5.4.a) |
2010/75/EB Zuzentaraua, azaroaren 24koa | I. eranskina / 5.3.b).i) |
21/2013 Legea, abenduaren 9koa | II. eranskina/1.f) 2 taldea |
Instalazioa | Esnetarako behien ustiategia eta hondakin organikoen biometanizazio instalazioa |
Titularra | VALLE DE ODIETA SCL / HIBRIDACIÓN TERMOSOLAR NAVARRA SL |
Zentroaren zenbakia | 3106509002 |
Tokia | 17. poligonoa, 43. lurzatia |
Koordenatuak | UTM-ETRS89, 30N ardatza, X: 607.519,000 eta Y: 4684429,000 |
Udalerria | CAPARROSO |
Proiektua | Instalazioak egokitzeko proiektua eta azienda-errolda handitzea |
Proiektua baimentzeko eskumena duen organoa | Ingurumen Zuzendaritza Nagusia |
Informazioa eskatzeko organoa | BAIMEN BULEGOA autprema@navarra.es |
Alegazioak aurkezteko organoa | BAIMEN BULEGOA Alegazioak bide hauetako bat erabiliz aurkeztuko dira: –Aurrez aurre: Nafarroako Gobernuko Erregistroaren bulegoak. –Telematika bidez: Nafarroako Atarian dagoen Erregistro Orokor Elektronikoaren bitartez (www.nafarroa.eus). –Administrazio Publikoen Administrazio Prozedura Erkideari buruzko urriaren 1eko 39/2015 Legearen 16.4 artikuluan ezarritako gainontzeko bideetako edozein erabilita. |
Ikusgai dagoen dokumentazioa | –Ingurumen baimen integratuari buruzko proiektua –Ingurumen inpaktuaren azterketa |
Dokumentazioa kontsultatzeko Interneteko helbidea | https://extra.navarra.es/InformacionPublicaPRTR/DocumentosInformacionPublica.aspx |
Iruñean, 2022ko abenduaren 13an.–Ekonomia Zirkularraren eta Klima Aldaketaren Zerbitzuko zuzendaria, Pedro Zuazo Onagoitia.
Iragarkiaren kodea: F2216895