1. NAFARROAKO FORU KOMUNITATEA
1.7. BESTELAKOAK
50/2023 EBAZPENA, apirilaren 24koa, Ingurumeneko zuzendari nagusiak emana, zeinaren bidez onesten baita 2023ko denboraldirako Soraurengo eta Uharteko karramarroen kontrol-tarteen kudeaketa lehiaketa bidez adjudikatzeko espedientea, 2024, 2025, 2026 eta 2027rako luzatzeko aukerarekin.
Nafarroako ibaietan eta ur-masetan bizi diren karramarro espezieen erabilera eta kudeaketa araututa daude Nafarroako ibai-karramarro autoktonoa berreskuratzeko planean (143/1996 Foru Dekretua) eta Nafarroako karramarro aloktonoak antolatzeko planean (144/1996 Foru Dekretua). Lehenak ibai-karramarro autoktonoaren banaketa-eremua mugatzen du, eta, zehazten dituen helburuen eta jardueren artean, karramarro autoktonoaren eremuan dauden karramarro aloktonoen populazioen aprobetxamendu antolatua jasotzen du. Bigarrenak, bestalde, karramarro autoktonoaren banaketa-eremutik kanpo zehazten du bere aplikazio eremua, eta jasotzen du arrantza barrutiak ezartzen ahal direla karramarro seinaledunaren aprobetxamendu ordenaturako.
Karramarro seinaleduna (Pacifastacus leniusculus), 630/2013 Errege Dekretuaren bidez, Espezie Exotiko Inbaditzaileen Espainiako Katalogoan sartu zen. Errege dekretu horretan berariaz adierazten da inola ere ezin izanen dela aurreikusi katalogoan sartutako espezieak sustatzeko jarduerarik edo jokabiderik; hala ere, 10.5 artikuluak honako hau ezartzen du:
Animalien hautakortasunaren eta ongizatearen irizpideak kontuan hartuta, agintari eskudunek harrapaketa metodo eta baldintza egokienak baimenduko dituzte katalogoko animalia espezieak kontrolatzeko, kudeatzeko eta desagerrarazteko. Ehiza eta arrantza hartzen ahalko dira katalogoan sartutako espezieak kontrolatzeko, kudeatzeko eta desagerrarazteko metodotzat, baldin eta abenduaren 13ko 42/2007 Legeak indarra hartu aurretik sartu baziren espezieak, helburu hori ehiza eta arrantzari buruzko tresna arauemaileetan jasota badago eta egun hori baino lehen espezie horiek hartutako banaketa-eremuetara mugatzen bada.
Karramarro seinaleduna 42/2007 Legeak indarra hartu aurretik sartu zen Nafarroan. Halaber, hala Nafarroako Ehizari eta Arrantzari buruzko 17/2005 Foru Legean nola haren erregelamenduan, zeina 48/2007 Foru Dekretuaren bidez onetsi baitzen, espezie horiek kontrolatzeko eta kudeatzeko metodoak eta baldintzak zehazten dira, besteak beste, arrantza.
Ibai-tarte batzuek, ibai-karramarro autoktonoa berreskuratzeko planaren aplikazio-eremuaren barnean, finkatuta daukate, gaur egun, karramarro seinaledunaren populazio bat. Landa Garapeneko eta Ingurumeneko Departamentuak egokitzat jo du karramarro exotikoen kontrol-tarte bat zehaztea eremu horretarako, arrantzaren bidez erauzketa kontrolatua egiteko. Horretarako, espezie exotikoen kudeaketa-plan tekniko bat prestatu da tarte bakoitzerako.
Era berean, arrantzaren bidez erauzketa kontrolatua antolatu eta gauzatzeko, egokitzat jo da lehiaketara ateratzea karramarro exotikoen kontrol-tarte horietako arrantzaren kudeaketaren adjudikazioa, aldi jakin baterako.
Lehenengo deialdian, karramarro exotikoen kontrol-tarteak adjudikatzeko lehen prozedura egin zen, eta kontrol-tarte batzuk adjudikatu ziren Ingurumeneko zuzendari nagusiaren otsailaren 24ko 8/2023 Ebazpenaren bidez. Prozedura horretan, hutsik gelditu ziren Soraurengo eta Uharteko karramarro exotikoen kontrol-tarteak.
Biodibertsitatearen Zerbitzuaren proposamena ikusirik, adierazitakoarekin bat, eta erabiliz Nafarroako Foru Komunitateko Administrazioari eta foru-sektore publiko instituzionalari buruzko martxoaren 11ko 11/2019 Foru Legeak eta Landa Garapeneko eta Ingurumeneko Departamentuaren egitura organikoa onesten duen urriaren 23ko 258/2019 Foru Dekretuak ematen dizkidaten eskudantziak,
EBAZTEN DUT:
1. Lehiaketako proposamenak aurkezteko tramitea abian jartzea, ondotik zehazten diren karramarro exotikoen kontrol-tarteen kudeaketa adjudikatzeko, 2023ko denboraldirako, aukera emanda elkarrekin adostuta 2027ko denboraldira arte urtez urte luzatzeko, baldintza tekniko eta administratiboen agiriekin bat.
1.–Uharteko karramarro exotikoen kontrol-tarteak, Arga ibaian (ARG-1460-C).
2.–Soraurengo karramarro exotikoen kontrol-tarteak, Ultzama ibaian (ULZ-1630-C).
2. Ebazpen hau Nafarroako Aldizkari Ofizialean argitaratzea.
3. Tarte bakoitzeko baldintza agiriak eta kudeaketako plan teknikoak interesdunen eskura egonen dira Nafarroako Gobernuaren zerbitzuen katalogoan (https://www.navarra.es/eu/tramiteak), "Soraurengo eta Uharteko karramarro exotikoen kontrol-tarteen kudeaketa adjudikatzeko lehiaketa" izeneko tramitearen bidez.
4. Ebazpen hau argitaratzen den egunetik, 10 egun naturaleko epea ezartzen da azaldutako arrantza barrutiak kudeatzeko adjudikazioan parte hartu nahi duten irabazi asmorik gabeko erakundeek beren proposamenak aurkez ditzaten.
5. Eskaerak Ibai Ingurunearen Atalera zuzendu behar dira (Biodibertsitatearen Zerbitzua), eta modu telematikoan sinadura elektronikoarekin aurkeztu egoitza elektronikoko berariazko tramitearen bidez (https://www.navarra.es/eu/tramiteak).
6. Ebazpen hau Biodibertsitatearen Zerbitzura igortzea, behar diren ondorioak izan ditzan.
Iruñean, 2023ko apirilaren 24an.–Ingurumeneko zuzendari nagusia, Pablo Muñoz Trigo.
Iragarkiaren kodea: F2306475
