Iragarkia

101. ALDIZKARIA - 2023ko maiatzaren 15a

1. NAFARROAKO FORU KOMUNITATEA

1.7. BESTELAKOAK

61/2023 EBAZPENA, apirilaren 24koa, Industriaren, Energiaren eta S4 Proiektu Estrategikoen zuzendari nagusiak emana, zeinaren bidez ematen baita aurretiazko administrazio baimena energia elektrikoa ekoizteko 49,96 MWp-ko "Castejón I" izeneko eguzki instalazio fotovoltaikorako, Corella eta Castejongo udal mugarteetan.

1.–2020ko abenduaren 4an egindako eskaera.

2020ko abenduaren 4an, Rigel 860 Energías SLk aurretiazko administrazio baimena eta eraikuntzako administrazio baimena eskatu zituen Corella eta Castejongo udal mugarteetan energia elektrikoa ekoizteko 49,95 MWp-ko "Castejón I eguzki instalazio fotovoltaikoa" izeneko instalazioa ezartzeko, Ingurumen Ebaluazioari buruzko abenduaren 9ko 21/2013 Legearen 36. artikuluak eta Sektore Elektrikoari buruzko abenduaren 26ko 24/2013 Legearen 53. artikuluak ezartzen dutena aplikatuz.

2020ko abenduaren 4ko eskaera osatu zuen 2021eko maiatzean aurkeztutako dokumentazioarekin.

Eguzki instalazio fotovoltaikoaren itxiturari dagozkion lurzatien katastroko azalera 177,72 hektareakoa da.

Instalazioan aurreikusitako potentziarako, 500 Wp-ko 100.386 modulu monokristalino erabiliko dira, 2.222 x 1.108 x 40 mm-ko tamaina eta 28,5 kg-ko pisua dutenak; beraz, moduluen azalera osoa 242.934 metro koadrokoa izanen da, gutxi gorabehera.

"Castejón I" instalazio fotovoltaikoak sortutako energia ebakuatzeko behar diren sareak eta azpiestazio jasotzaileak eginen dira, eta 30 kV-ko linea baten bidez, SET "Corella" 400/30 kV azpiestazio jasotzailearekin lotuko da, Corellako udal mugartean. Azpiestazio jasotzaile horrek instalazio fotovoltaikoaren potentzia 400 kV-ko aireko linea batetik eramanen du "SET Castejón Promotores" azpiestaziora, eta ondoren, Red Eléctrica de España SAUk han duen Castejón azpiestazio transformatzailera ebakuatuko da.

2.–Proiektuaren eta ingurumen eraginaren azterketaren jendaurreko informazioa.

Ingurumen Ebaluazioari buruzko abenduaren 9ko 21/2013 Legearen 36. artikuluarekin bat, Industria Antolamenduaren, Azpiegitura Energetikoen eta Meatzeen Zerbitzuak jendaurrean jarri zuen Rigel 860 Energías SLk egindako eskaera, iragarki bat argitara emanez 2021eko 152. Nafarroako Aldizkari Ofizialean, uztailaren 1ekoan, eta Nafarroako Gobernuko Gobernu Irekiaren webgunean. Halaber, iragarkia Corella eta Castejongo Udalei bidali zitzaien, jendaurrean jar zezaten ediktuen taulan.

3.–Kontsulten tramitea.

Ingurumen Ebaluazioari buruzko abenduaren 9ko 21/2013 Legearen 37 artikuluan ezarritakoarekin bat, Industria Antolamenduaren, Azpiegitura Energetikoen eta Meatzeen Zerbitzuak kontsulta egin zien ondoko erakunde hauei, eta taulan ageri diren txostenak jaso zituen:

Txosten horien edukia espedientean jaso da, eta ebazpen honen I. eranskinean laburbiltzen da.

4.–Jasotako alegazioak.

Jendaurreko informazio tramitearen esparruan, Industria Antolamenduaren, Azpiegitura Energetikoen eta Meatzeen Zerbitzuak alegazio hauek jaso zituen:

Alegazioen edukia espedientean jaso da, eta ebazpen honen II. eranskinean laburbiltzen da.

5.–Jendaurreko informazioaren eta kontsulten emaitza sustatzaileari igortzea.

Ingurumen Ebaluazioari buruzko abenduaren 9ko 21/2013 Legearen 38. artikuluarekin bat, Industria Antolamenduaren, Azpiegitura Energetikoen eta Meatzeen Zerbitzuak Rigel 860 Energías SLri igorri zizkion aipatutako txostenak eta alegazioak.

6.–Ingurumen eraginaren ebaluazio arrunta hasteko eskaera, 2020ko urriaren 19koa.

2022ko urtarrilaren 27an, Rigel 860 Energías SLk jendaurreko aldian jasotako alegazio eta txostenei ematen zien erantzuna aurkeztu zuen.

Ondoren, Ingurumen Ebaluazioari buruzko abenduaren 9ko 21/2013 Legearen 39.1 artikuluari jarraiki, 2022ko martxoaren 23an, Rigel 860 Energías SLk dokumentazioa aurkeztu zuen, ingurumen ebaluazio arrunta hasteko eskatuz. Era berean, lurzoru urbanizaezineko jardueretarako eta erabileretarako baimena ere eskatu zuen.

Ingurumen Ebaluazioari buruzko abenduaren 9ko 21/2013 Legearen 39.3 artikuluan ezarritakoarekin bat, 2020ko urriaren 20an, Industria Antolamenduaren, Azpiegitura Energetikoen eta Meatzeen Zerbitzuak aipatutako eskaera igorri zuen Ingurumen Zuzendaritza Nagusiko Ingurumen Eraginaren Atalera. Lurraldearen Antolamendu Atalera ere igorri zen.

7.–2022ko azaroaren 8an aurkeztutako dokumentazioa.

2022ko azaroaren 8an, kontsulten tramitean jasotako txostenak kontuan hartuta, Rigel 860 Energías SLk martxoan aurkeztutakoa egokitzen zuen dokumentazioa aurkeztu zuen. Aldaketa nagusiak hauek dira:

–400 kV-ko aireko linearen ordez, 30 kV-ko lurpeko linea bat jarriko da.

–Lehen aurkeztutako "LAAT 400 kV SET Corella 400/30 kV-SET Promotores Castejón 400/132/30 kV" proiektuaren ordez "LSMT 30 kV FV Castejón-SET Promotores Castejón 400/132/30 kV" lurpeko linea jarri da.

–400/30 kV SET Corella kendu da.

–2022ko martxoaren 23an aurkeztutako Castejón I eguzki instalazio fotovoltaikoaren proiektuari eutsi zaio. Proiektu horri aldaketa txiki batzuk gehitu zaizkio, zenbait errekerimenduri erantzuteko:

• Abelbideei buruzko txostena: instalaziorako sarbidea birformulatzea.
• Lurraldearen Antolamenduaren Atalaren errekerimenduak: hesia eta inguruko moduluren bat pixka bat birformulatzea, Corellako Udal Plan Orokorreko lurzoru urbanizaezineko zuhaixka eta belar formazioen Ingurumen Zaintzari eta aztarnategi bati ukipenik ez eragiteko.

–Eguzki instalazio fotovoltaikotik kanpoko 30 kV-ko lurpeko linea, Corella azpiestazioarekin lotzen zuena, kendu da eta haren ordez "LSMT 30 kV FV Castejón I-SET Promotores Castejón 400/132/30 kV" proiektua jarri da.

–Ingurumen eraginaren azterketari eranskin bat erantsi zaio, "LSMT 30 kV Castejón-SET Promotores Castejón 400/132/30 kV" linearen inpaktuak aztertzen dituena.

Dokumentazio hori Ingurumen Eraginaren Atalera eta Lurraldearen Antolamendurako Atalera helarazi zitzaien, 2022ko azaroaren 9an.

8.–Aldeko ingurumen eraginaren adierazpena.

Ingurumeneko zuzendari nagusiaren urtarrilaren 16ko 40E/2023 Ebazpenaren bidez, aldeko ingurumen eraginaren adierazpena eman da "Castejón I" eguzki instalazio fotovoltaikorako eta haren ebakuazioko azpiegituretarako.

Ingurumen eraginaren adierazpenaren arabera, instalazio fotovoltaikoa ezartzearen ondoriozko inpaktu nagusiak aurreikusten dira geologian eta edafologian, lurzoruaren kalitatea narrastearen ondorioz, eraikuntza eta eraispen fasean. Garapen sozioekonomikoan, lurzoruaren harrera ahalmenean eta erabilera tradizionaletan duen eraginagatik, eraikuntza eta ustiapen aldietan. Eta paisaian, ustiapen aldian proiektatutako azpiegiturak paisaian sartzeagatik. Inpaktu horiek guztiak neurrizkotzat jotzen dira. Ezarritako prebentzio eta zuzenketa neurriak aplikatu ondoren, sustatzaileak hondar inpaktu horiek bateragarritzat jotzen ditu. Berotegi efektuko gasen emisioa gutxitzeak kliman eragin positiboa izanen duela aurreikusten da, baita garapen sozioekonomikoan ere, inguruko ekonomia dinamizatzearen ondorioz.

Ingurumen eraginaren adierazpenak zenbait baldintza ezartzen ditu, bi ataletan sailkatuak: proiektuaren baldintza orokorrak eta eragin garrantzitsuenetarako prebentzio, zuzenketa eta konpentsazio neurriei buruzko baldintzak. Hona hemen aipagarrienak:

–Obrak hasi aurretik, zehaztu eginen dira lan eremuak, makinak igarotzeko eremuak eta materialak biltzeko eremuak.

–Obrak hasi aurretik, analisi eta kartografia xehatua eginen dute langile kualifikatuek, obrek ukitutako landaredi naturalaren eta Europar Batasunaren intereseko habitaten benetako azalera jasoz.

–Azterketa geotekniko zehatza egin ondoren, modulu edo jarraitzaile fotovoltaikoen euskarrien egitura lurrean zuzenean tinkatuko da, ahal den guztietan, pilote edo hormigoizko zapataren erabilera ahalik eta txikiena izan dadin.

–Aurkeztutako ingurumen eraginaren azterketaren 8.2.3 atalean deskribatzen denez, instalazio fotovoltaikoa ezartzeko lurraren berdintze lanetan eginen diren aldaketa morfologikoak oso neurritsuak izanen dira, eremuaren topografia ez baita oso malkartsua. Zelaitze lanek ez dute ekarriko 2 m-tik gorako altuerako lur erauzketarik edo betelanik (salbuespen gisa 3 m). Ezpondarik sortzen bada, etzanak izanen dira, 2H:1V baino gutxiagoko maldarekin, haien goialdeak biribilduak izanen dira, eta lubeta ezponden gainean gutxienez lur begetalezko 30 cm-ko geruza jarriko da.

–Inguruko hesia zutoinen bidez bakarrik tinkatuko da lurrean, fauna txikiari azpitik igarotzeko aukera uzteko, eta horretarako, azpitik tarte bat utzi beharko du, lurretik 15-20 cm-ra altxatuta.

9.–Ebakuazioko azpiegituren aurreproiektua jendaurrean jartzea.

Abenduaren 1eko 1955/2000 Errege Dekretuaren 125. artikuluarekin bat etorriz, Industria Antolamenduaren, Azpiegitura Energetikoen eta Meatzeen Zerbitzuak jendaurrean jarri zituen ebakuazioko azpiegituren aurreproiektuari egindako aldaketak, iragarkia argitaratuz 2023ko 20. Nafarroako Aldizkari Ofizialean, urtarrilaren 30ean, eta Nafarroako Gobernuaren Gobernu Irekia webgunean. Halaber, iragarkia Castejon eta Corellako Udalei bidali zitzaien, jendaurrean jar zezaten ediktuen taulan.

10.–Kontsulten bigarren tramitea.

Industria Antolamenduaren, Azpiegitura Energetikoen eta Meatzeen Zerbitzuak kontsulta egin zien ukitutako erakunde hauei, eta taulan adierazten diren txostenak jaso zituen:

Txosten horien edukia espedientean jaso da, eta ebazpen honen I. eranskinean laburbiltzen da.

11.–Jasotako alegazioak.

Jendaurreko informazio tramitearen esparruan, Industria Antolamenduaren, Azpiegitura Energetikoen eta Meatzeen Zerbitzuak alegazio hauek jaso zituen:

Alegazioen edukia espedientean jaso da, eta ebazpen honen II. eranskinean laburbiltzen da.

12.–Lurzoru urbanizaezineko baimena ukatzea.

Lurralde eta Paisaia Zerbitzuak 2023ko martxoaren 21ean txostena eman zuen, adieraziz Ureztalurren eta Lurzati Berrantolamenduaren Atalaren 2023ko otsailaren 27ko txostenarekin bat, proposamenak ukipen larria eragiten duela egungo ureztalurretan eta Ureztalurren Foru Planean, eta bateraezina dela Nafarroako Ureztalurren Planean eremu horretarako aurreikusitako balio eta erabilerekin.

Horrenbestez, Lurralde eta Paisaia Zerbitzuaren martxoaren 22ko 112E/2023 Ebazpenaren bidez, lurzoru urbanizaezineko jardueretarako eta erabileretarako baimena ukatu egin zen.

13.–2023ko martxoaren 31n egindako eskaera.

2023ko martxoaren 31n, Rigel 860 Energías SLk lurzoru urbanizaezinerako baimen eskaera berria aurkeztu zuen.

Aurkeztutako dokumentazioan, Castejón I eguzki instalazio fotovoltaikoaren ezarpena aldatu da, Ureztalurren eta Lurzati Berrantolamenduaren Atalak txostenean ezarritako baldintzetara egokitzeko. Ondoriozko instalazioak 49,96 MWp-ko puntako potentzia du. Hesitutako azalera 55,45 ha-ra murriztu da, kanpoan utzita III. Mota Agrologiko gisa identifikatutako eremu guztiak, hektarea bat baino txikiagoko eremu bat izan ezik.

14.–Lurzoru urbanizaezineko baimena ematea.

Lurralde eta Paisaia Zerbitzuaren apirilaren 24ko 161E/2023 Ebazpenaren bidez, lurzoru urbanizaezinean jarduerak eta erabilerak egiteko baimena eman zen proiekturako.

15.–Aurretiazko administrazio baimenaren proposamena.

Maiatzaren 8ko 56/2019 Foru Dekretuaren 5. artikuluak xedatzen duena betez, espedientean Rigel 860 Energías SLren gaitasun tekniko, ekonomiko eta juridikoaren ziurtagiria dago.

Era berean, Sektore Elektrikoari buruzko abenduaren 26ko 24/2013 Legearen 53. artikuluak ezartzen duenarekin bat, Rigel 860 Energías SLk banaketa sarearen kudeatzailearen baimena du sarbidea eta konexioa egiteko proiektuan jasotzen den puntuan.

Abenduaren 1eko 1955/2000 Errege Dekretuaren 123.2 artikuluaren arabera, jasoa dago "Castejongo lotunearen (400 kV) konexioko azpiegitura komunak garatzeko akordioa", Iberenova Promociones SA, EDP Renovables España SLU eta RIGEL 860 Energías SL enpresen artean 2021eko martxoaren 4an lotua.

Jaso diren alegazioen eta txostenen analisia ebazpen honen I. eta II. eranskinetan jaso da.

Aurkeztutako dokumentazioa ikusita, eta espedientea aztertu ondoren, Industria Antolamenduaren, Azpiegitura Energetikoen eta Meatzeen Zerbitzuko Azpiegitura Energetikoen Atalak ondorioztatu du prozedura behar bezala egin dela, eta proposatu du Rigel 860 Energías SLk eskatutako aurretiazko administrazio baimena ematea.

Adierazitakoarekin eta espedientean jasotako agiriekin bat, eta Nafarroako Foru Komunitateko Administrazioari eta foru sektore publiko instituzionalari buruzko martxoaren 11ko 11/2019 Foru Legearen 32. artikuluak ematen dizkidan eskudantziak erabiliz,

EBAZTEN DUT:

1. Aurretiazko administrazio baimena ematea Rigel 860 Energías SLri, energia elektrikoa ekoizteko "Castejón I eguzki instalazio fotovoltaikoa" deitzen den eta 49,96 MW-ko potentzia instalatua izanen duen instalaziorako eta haren ebakuazio azpiegituretarako, Corellako eta Castejongo udal mugarteetan, baldintza jarrita Ingurumeneko zuzendari nagusiaren urtarrilaren 16ko 40E/2023 Ebazpenean eta Lurralde eta Paisaia Zerbitzuko zuzendariaren apirilaren 24ko 161E/2023 Ebazpenean ezarritako baldintzak betetzea.

2. Aurretiazko administrazio baimen hau emanda ere, instalazioa gauzatzeko beharrezkoak diren kontzesio, lizentzia eta baimen guztiak, publikoak nahiz pribatuak, lortu beharko ditu instalazioaren eskatzaileak, aplikatzekoak diren beste xedapen batzuekin bat.

3. Ebazpen hau igortzea Industria Antolamenduaren, Azpiegitura Energetikoen eta Meatzeen Zerbitzura; Ingurumen Eraginaren Atalera; Lurralde Antolamenduaren Atalera; Ondare Historikoaren Zerbitzura; eta Herri Lan eta Azpiegituren Zuzendaritza Nagusira, behar diren ondorioak izan ditzan.

4. Ebazpen hau Nafarroako Aldizkari Ofizialean argitaratzea, orok jakin dezan.

5. Ebazpen hau jakinaraztea hauei: Rigel 860 Energías SL; Administrador de Infraestructuras Ferroviarias (ADIF); Sustrai Erakuntza Fundazioa; Nafarroako Ekologistak Martxan elkartea; Ongaitz-Ekologistak Martxan elkartea; Ongaitz-Zangozerriko Ekologistak Martxan elkartea; Landazuria-Erriberako Ekologistak Martxan elkartea; Gurelur-Ingurune Naturala Babesteko Nafarroako Funtsa elkartea; eta Red Eléctrica de España SAUko Sarera Lotzeko Departamentua; eta ohartaraztea ebazpen honen aurka, zeinak ez baitu administrazio bidea amaitzen, gora jotzeko errekurtsoa jartzen ahal dela, Garapen Ekonomiko eta Enpresarialeko kontseilariari zuzendua, hilabeteko epean, jakinarazi eta biharamunetik hasita, betiere espediente zenbakia adierazita.

6. Ebazpen hau jakinaraztea erakunde hauei: Corellako Udala; Castejongo Udala; Garraioetako, Mugikortasuneko eta Hiri Agendako Ministerioaren Trenbide Plangintzarako eta Ebaluaziorako Zuzendaritza Nagusia; eta Ebroko Konfederazio Hidrografikoa; eta ohartaraztea honen kontra administrazioarekiko auzi-errekurtsoa jartzen ahal dela, Nafarroako Justizia Auzitegi Nagusiko Administrazioarekiko Auzien Salari zuzendua, bi hilabeteko epean, galarazi gabe Nafarroako Gobernuan aldez aurreko errekerimendua egin ahal izatea, Administrazioarekiko Auzien Jurisdikzioa arautzen duen uztailaren 13ko 29/1998 Legearen 44. artikuluan ezarritako moduan eta epean.

Iruñean, 2023ko apirilaren 24an.–Industriaren, Energiaren eta S4 Proiektu Estrategikoen zuzendari nagusia, Uxue Itoiz Mariñelarena.

I. ERANSKINA.–Jasotako txostenak

Jarraian, Industria Antolamenduaren, Azpiegitura Energetikoen eta Meatzeen Zerbitzuak administrazio publikoei eta interesdunei egindako kontsulten izapideetan jasotako txostenak laburbiltzen eta aztertzen dira:

1. txostena.–Ingurumen Eraginaren Atala.

Ingurumen Eraginaren Atalak 2021eko azaroaren 13an txostena eman du (0003-0226-2021-000052 espedientea).

2. txostena.–Lurraldearen Antolamenduaren Atala.

Lurraldearen Antolamenduaren Atalak 2021eko martxoaren 12an txostena eman zuen (0003-OT12-2021-000156 espediente kodea).

3. txostena.–Ondare Historikoaren Zerbitzua.

Ondare Arkitektonikoaren Atalak aditzera eman du eguzki instalazioaren eremua bat datorrela, zati batean, Aracieleko errege gaztelu zaharraren kokapenarekin. Gazteluaren aztarnak Arkeologiaren Inbentarioan sarturik daudenez, Ondare Historikoaren Zerbitzuko Erregistro, Ondasun Higigarri eta Arkeologia Atalak zehazten duena bete beharko da.

Erantzuna: sustatzaileak jakinarazi du eguzki parkearen oinplanoa aldatu duela, Corellako indarreko Hirigintza Plan Orokorrean zehaztutako 2. mailako aztarnategi arkeologikoa zaintzeko. Era berean, ukitutako eremuan beste prospekzio arkeologiko bat eginen dela berresten du, araudiak ezartzen duenaren arabera, beharrezkoa izanez gero. Halaber, ondare arloko baimena eskatzeko behar diren izapideak egiten ari da.

4. txostena.–Herri Lan Zuzendaritza Nagusia.

Zainketa Zerbitzuak zehaztu zituen ukitutako errepideen gaineko aireko gurutzatzeei buruz kontuan hartu beharko diren baldintzak, eta sustatzaileari gogorarazi zion ezen, lanak egin aurretik, aipatu Zuzendaritza Nagusiaren baimena behar duela.

Erantzuna: sustatzaileak adostasuna adierazten du eta baimena eskatuko duela berresten du.

5. txostena.–Corellako Udala.

Corellako Udaleko arkitektoak egindako txostenak dio ez dagoela bateragarritasun urbanistikorik instalazio fotovoltaikoarentzat eta haren instalazio osagarrientzat.

Erantzuna:

Sustatzaileak Udalak planteatutako galderei erantzuten die, baina uste du etorkizuneko parkearen bateragarritasun urbanistikoa Corellako Udal Plan Orokor berriaren arabera aztertu beharko dela (Lurraldearen Antolamendu, Etxebizitza, Paisaia eta Proiektu Estrategikoetako kontseilariak urriaren 14an emandako 131E/2021 Foru Agindua). Sustatzaileak ulertzen du plan berri horren arabera beharrezkoa dela parkearen diseinua aldatzea.

Kontsulten bigarren tramitean, Industria Antolamendu, Energia Azpiegitura eta Meategien Zerbitzuak berriro eskatu zion txostena Corellako Udalari, eta ez zuen erantzunik jaso.

Nolanahi ere, hirigintza arloko bateragarritasuna lurzoru urbanizaezineko jarduera eta erabileretarako baimenaren esparruan aztertu da, eta aldeko ebazpena eman da.

6. eta 6. bis txostenak.–Trenbide Azpiegituren Administratzailea (ADIF).

Lehen txostenean, ADIFek adierazi du ez duela eragozpenik aurreikusitako gurutzaketa baimentzeko, eta sustatzaileari eskatzen dio ADIFen berariazko baimena lortzeko, jabari publikoko eta trenbidearen babeseko eremuetan obrak edo instalazioak egin aurretik.

Bigarren txostenean, ADIFek adierazi du proiektuak ez duela zuzeneko ukipenik eragiten "Abiadura handiko Kantauri-Mediterraneoa Korridorearen plataformaren proiektua. Tartea: Zaragoza/Altsasu linea konbentzionalaren eta Castejon-Iruñerria AHLaren arteko lotura. Ebro ibaia"; beraz, ez da haren baimenik behar.

Erantzuna: sustatzaileari txostenak bidali zaizkio, eta horiekin ados dagoela adierazi du.

7. txostena.–Ureztalurren eta Lurzati Berrantolamenduaren Atala.

Nekazaritzako Azpiegituren Zerbitzuak 2021eko abuztuaren 11n egindako txostenean adierazi du proiektuak ukipen larria eragiten diela gaur egun dauden ureztalurrei eta Nafarroako Foru Komunitateko Ureztalurren Planari.

8. txostena.–Baso Plangintzarako eta Ingurumen Hezkuntzarako Atala.

Espedientean VP117/21 txostena dago, 2021eko irailaren 29koa, Baso Plangintzaren eta Ingurumen Hezkuntzaren Atalak emana eta Ingurumen Eraginaren Atalari zuzendua.

9. txostena.–Castejongo Udala.

Kontsulten lehenengo tramitean ez zen Castejongo Udalaren txostenik jaso.

Kontsulten bigarren tramitean, Udal horrek honako hau adierazi du:

–Proiektuak ekarriko luke Udalak datozen 30 urteetan herri-lurrak errentamendu, ureztatze eta bazkaleku erabileretarako okupatzeagatik izanen dituen diru-sarrerak murriztea, eta eragin handia izanen luke ureztatze sistemetan eta bideetan.

–"Promotores Castejón" azpiestazioa ezartzeko proposamena ez da hirigintza aldetik bideragarria, eta Antonio Alegría eta José Joaquín Equiza arkitektoen txostena aurkeztu du.

–"Castejón I" eguzki instalazio fotovoltaikoa instalatzeko proposamenaren oinarria konexio elektrikoak egitea da, eta horrekin batera, "Promotores Castejón" azpiestazioaren kokapena, hirigintza eta ingurumen aldetik oso eztabaidatua.

–Baimena emanez gero, eskatzen du okupatutako herri-lurrak lehengoratzea, azpiestazioa lekuz aldatzea, indarrean dagoen hirigintza araudiarekin hobeki egokitzen den kokapen batera, eta linea guztiak lurpetik eramatea.

Erantzuna:

Nabarmentzekoa da jendaurreko bigarren informazio prozesua abenduaren 1eko 1955/2000 Errege Dekretuaren 125. artikuluaren ondorioetarako egin dela, eta proiektuak ingurumen eraginaren aldeko adierazpena lortu ondoren, erakunde eskudunak ingurumen auzi guztiak ebaluatu ondoren.

Sustatzaileak gogorarazi du, ingurumen arrazoiengatik, hain zuzen, 400 kV-eko aireko linearen hasierako proiektua 30 kV-ko lurpeko lineara aldatu zuela, eta ez dela ukipen nabarmenik eragiten, orain bideez eta lurrez egiten diren erabilerak kontuan hartuta.

Sustatzaileak adierazi du, halaber, azpiegitura partekatu bat proiektatzearen helburua dela proiektuek lurraldean izan dezaketen eragina minimizatzea, handiagoa izanen bailitzateke proiektu bakoitza, banan-banan, sarbidea eta konexioa dituen garraio sareko puntu batera konektatzen bada.

Proiektuen ikus-onespenari dagokionez, adierazi behar da espediente honen xede diren proiektuak ez daudela sartuta abuztuaren 5eko 1000/2010 Errege Dekretuaren 2. artikuluan (nahitaezko ikus-onespenak). Nolanahi ere, jendaurrean jarritako proiektuak ikus-onetsita daude.

Hirigintza bateragarritasunari dagokionez, jakinarazi behar da lurzoru urbanizaezineko jarduera eta erabileretarako baimenaren esparruan aztertu dela, baimena ematea ebatzi dela, eta Ureztalurren eta Lurzati Berrantolamenduaren Atalak txostena eman zuela aurretik.

10. txostena.–Red Eléctrica de España SAU.

Red Eléctrica de España SAUk 2023ko martxoaren 10ean M/L/23-0259 txostena eman zuen, honako hau adieraziz:

–Eguzki instalazio fotovoltaikoari eta "Promotores" azpiestazioari dagokienez, erakunde horrek ez du eragozpenik, ez baitago eraginik Red Eléctricaren jabetzako instalazioetan.

–30 kV-ko lurpeko ebakuazioko lineari dagokionez, Red Eléctricak ez du eragozpenik, behar diren segurtasun distantziak gordetzen direlako 400 kV D/C Castejón-Serna 1 eta 2 linearekiko eta 220 kV Erriberri-Serna linearekiko.

II. ERANSKINA.–Jasotako alegazioak

Jarraian, jendaurreko informazioaren izapideetan jasotako alegazioak laburtzen eta aztertzen dira.

1. alegazioa.–Enerfin Sociedad de Energía SL.

2021eko abuztuaren 4an, Enerfin Sociedad de Energía, SLk alegazio idazkia aurkeztu zuen, eta bertan adierazi zuen ez zegoela ados proiektuarekin, "La Senda parke eolikoa" proiektuarekin bateraezintzat jotzen baita, proiektuari zuzenean eragiten diolako. Halaber, separata bat bidaltzeko eskatu du, proiektua definitu ondoren.

Erantzuna: sustatzaileak alegazio honi erantzuna ematen dio bere proiektua egokituz, eguzki instalazioaren azalera okupatua murriztuz.

2. alegazioa.–Sustrai Erakuntza Fundazioa.

2021eko abuztuaren 6an, Sustrai Erakuntza Fundazioak alegazio idazki bat aurkeztu zuen, honako hau adierazten duena:

1. Aurkeztutako proiektuak energia berriztagarrien produkzioa handitzea du xede, baina ez du Nafarroako energia egoera aztertzen.

2. Ez da aztertzen proiektua eraikitzearen eta landare estalkia kentzearen ondorioz sortzen den CO2 isuria.

3. Aurkeztutako proiektuak ingurumen balioa duten eremuetan lur mugimenduak egitea dakar.

4. Aurkeztutako proiektuak ingurumen eragin larriak ditu naturaguneetan.

5. Alternatiben azterketa ez dago ongi enfokatuta eta ez ditu denak aztertu.

6. Proiektua nekazaritzako ureztalurretan kokatzen da.

7. Ez da egoki baloratu zenbait laboretan duen eragina, besteak beste, almendrondo, mahatsondo eta olibondoetan.

8. Proiektuen bideragarritasunak energia ebakuatzeko linea elektriko berri bat eraikitzea eskatzen du, eta horrek proiektuaren eraginak lurraldearen zati handi batera zabaltzen ditu.

9. Proiektuak paisaiari eta bizimodu tradizionalei eragiten die, eta horrek landa garapena eta biztanleria mantentzea arriskuan jartzen ditu.

10. Aurkeztutako proiektuak ingurumen eragin larriak ditu faunan.

Erantzuna:

Proiektua Nafarroako egoera energetikorako egokia izateari dagokionez, proiektuan Sektore Elektrikoari buruzko abenduaren 26ko 24/2013 Legeak ezartzen dituen baldintzak eta helburuak betetzen dira, eta bat dator Estatuko sektore elektrikoaren planarekin eta 2030erako Nafarroako Energia Planarekin. Era berean, adierazi behar da 2030erako Nafarroako Energia Planak aurreikuspen orientagarri batzuk biltzen dituela, eta Nafarroak energiaren gaian eramanen duen estrategia markatzen badu ere, ez dela erregelamendu bat.

Ingurumenaren arloko auziak, barne dela alternatiben azterketa aipatzen duena, ebaluatu eta aintzat hartu dira ingurumen eraginaren adierazpenaren esparruan.

Nekazaritzako ureztalurren gaineko ukipenei dagokienez, adierazi behar da proiektuak faktore horretan duen eraginaren balorazioa kontuan hartu dela lurzoru urbanizaezineko jarduera baimengarrien baimenaren esparruan.

3., 4., 5., 5. bis eta 7. alegazioak.–Nafarroako Ekologistak Martxan elkartea, Ongaitz-Ekologistak Martxan elkartea, Ongaitz-Zangozerriko Ekologistak Martxan elkartea eta Landazuria-Erriberako Ekologistak Martxan elkartea.

Horien edukia ia berbera denez, elkarrekin aztertu dira aipatutako elkarteek jendaurreko informazioaren izapideetan aurkeztutako alegazio idazkiak. Honako hau adierazi dute:

1. Nafarroako egoera energetikoa.

2. Proiektuen inpaktuak.

3. Klima aldaketaren ondorioak gehitzea. Proiektuak fase guztietan klima aldaketan eta CO2 emisioetan eta beste kutsatzaile batzuen emisioetan edukiko duen eragina kuantifikatu beharko litzateke.

4. "Castejon I" parke eolikoaren eta haren ebakuazio linearen inguruneko ingurumen balioak, eta proiektatutako parke eolikoak eta haren ebakuazio lineak izanen dituzten inpaktuak.

5. Energia kontsumoa murrizteko alternatibak; efizientzia energetikoa; autokontsumoa; erregai fosilen ordez energia berriztagarriak erabiltzea.

6. Ingurumen erantzukizunari buruzko Legea aldatzea.

Erantzuna:

Nafarroako Energia Planari eta Nafarroako egoera energetikoari dagokienez, bidezkoa da 2. alegazioan emandako erantzuna hona ekartzea.

Lehen ere esan denez, ingurumenaren arloko auziak ebaluatu eta aintzat hartu dira ingurumen eraginaren adierazpenaren esparruan, eta aldeko adierazpena ematea abatzi zen.

6. alegazioa.–Gurelur.

Elkarte horrek idazki bat aurkeztu du, ondoko gai hauei buruzko alegazioak biltzen dituena:

1. "Castejón I" instalazioak okupatu nahi duen azalera.

2. Alternatiben azterlanak ez du betetzen araudiak agintzen duena.

3. Indarra duen Planaren aurreko Nafarroako Energia Planen aipamenak.

4. Zuhaitzik gabeko baso gisa kalifikatutako labore eta lurren gaineko ukipena.

5. Ez dira betetzen 2030erako Nafarroako Energia Planaren helburuak.

6. Ingurumen eraginaren azterketaren edukia eta instalazio fotovoltaikoaren potentzia instalatuari buruzko erreferentziak.

7. "Egungo landaredia" ataleko informazioa.

8. Ingurumen eraginaren azterketaren akatsak.

9. Berezko landaredia dagoela ez aintzakotzat hartzea.

10. "La Senda" parke eolikoaren aipamenak.

11. Proiektu fotovoltaikoak ukitutako lurzatien egungo topografiari dagokion planorik ez izatea, ez eta hasierako eta bukaerako egoeraren profilik ere.

12. Ehunka almendrondo, olibondo eta mahasti erauzi eta kentzea.

13. Labore lurren gaineko ukipena.

14. Perimetroa hesitzea.

15. Ez dago ebaluaziorik "Promotores" azpiestazioaren eta "Castejon" azpiestazioaren arteko konexioaren eraginei buruz.

Erantzuna:

Sustatzaileak argitu du proiektuaren zenbait aldaketa egiten ari direla, ebazpen honen azalpenean zehaztu bezala. Proiektua berrikusi egin da, "La Senda" parke eolikoko aerosorgailu batzuen kokapena kontuan hartuta.

2030erako Nafarroako Energia Planari buruzko aipuei dagokienez, bidezkoa da adieraztea plan horrek prebisio orientagarri batzuk biltzen dituela, eta Nafarroak energiaren gaian eramanen duen estrategia markatzen badu ere, ez dela erregelamendu bat, eta aurreko plan energetikoak ere ez.

Ingurumen arloko gaiak, Ingurumen Eraginaren Azterketaren edukiarekin zerikusia dutenak barne, ebaluatu eta kontuan hartu dira ingurumen eraginaren adierazpenaren esparruan, eta aldeko ebazpena eman da.

Azkenik, esan behar da Industria, Energia eta S4 Proiektu Estrategikoen Zuzendaritza Nagusia ez dela ari bere eskumenen esparrua gainditzen, Sektore Elektrikoari buruzko abenduaren 26ko 24/2013 Legearen 3. artikuluak ezartzen duen moduan.

8. alegazioa.–Renovables del Cierzo SL.

2021eko abuztuaren 4an, Renovables del Cierzo SLk alegazio idazkia aurkeztu zuen, "Castejón I" eguzki instalazio fotovoltaikoaren ebakuazioko azpiegiturek inguru horretan garatzen ari den proiektuetan eragiten dituzten ukipenak azaltzeko. Zehazki, 5 gurutzatze daudela jakinarazi du, eta horiek araudiaren arabera egiteko eskatu du, eraikuntza fasean segurtasun neurriak hartzeko, eta kontuan hartzeko parke eoliko horietako obren gaineko edozein kalte behar bezala ordaindu beharko dela. Era berean, ukipenak jasotzen dituen separata bat bidaltzeko eskatu dio sustatzaileari.

Erantzuna: sustatzaileak adierazi du eskatutakoarekin ados dagoela eta adierazi du separata bidaliko duela eraikuntza proiektua prestatzeko azken fasean. Aditzera eman du eraikuntza osoa Renovables del Cierzo SLrekin koordinatuko duela, edozein kalte edo eragozpen gutxitzeko, eta araudiaren arabera gauzatuko dela.

Iragarkiaren kodea: F2306502