1. NAFARROAKO FORU KOMUNITATEA
1.7. BESTELAKOAK
721/2022 EBAZPENA, abenduaren 20koa, Toki Administrazioaren eta Despopulazioaren zuzendari nagusiak emana, jendaurrean jartzen dituena "Untzueko (Nafarroa) hondakin uren tratamendua" izeneko proiektua eta haren ondoriozko obrek ukitutako ondasun eta eskubideen zerrenda.
Nafarroako Toki Azpiegiturak SA (NILSA) enpresak, Mairagako Mankomunitatearekin finkatua duen lankidetzaz baliatuz diharduela, zuzendaritza nagusi honi eskatu dio jendaurrean jar ditzala ''Untzueko (Nafarroa) hondakin uren tratamendua'' izeneko proiektua eta hark ukitutako ondasun eta eskubideen zerrenda. Era berean, desjabetze espedientea presako prozeduraz tramitatzeko eskatu du, Nahitaezko Desjabetzeari buruzko 1954ko abenduaren 16ko Legeak 52. artikuluan ezartzen duen bezala, hori guztia Mairagako Mankomunitatearen mesedetan.
Udalaren zerbitzu publikoa izanik, Nahitaezko Desjabetzeari buruzko Legearen 10. artikuluan eta Nafarroako Toki Administrazioari buruzko uztailaren 2ko 6/1990 Foru Legearen 215.2 artikuluan ezarritakoari jarraituz, tokiko obra eta zerbitzuen proiektuak onesteak berekin dakar hartzen dituzten ondasunen onura publikoaren deklarazioa eta ondasun horiek okupatu behar izatea, nahitaezko desjabetzea egiteko.
Horrenbestez, Nahitaezko Desjabetzeari buruzko Legearen 18. artikuluan xedatutakoari jarraikiz, eta Lurralde Kohesiorako Departamentuaren egitura organikoa ezartzen duen urriaren 30eko 263/2019 Foru Dekretuarekin bat,
EBAZTEN DUT:
1. Hamabost egunez jendaurrean jartzea "Untzueko (Nafarroa) hondakin uren tratamendua" izeneko proiektua eta hark ukitutako ondasun eta eskubideen zerrenda, behean ematen dena, proiektuak ukitutakoek egoki jotzen dituzten alegazioak aurkez ditzaten eta, argitaratzen den zerrendan akatsik badago, akats horiek zuzentzeko behar diren datuak eman ditzaten, hori guztia idatziz, Toki Administrazioaren eta Despopulazioaren Zuzendaritza Nagusiari (Arrieta kalea 12, 3. solairua, 31002 Iruña), Untzueko Udalari edo Mairagako Mankomunitateari zuzenduta. Leku horietan proiektuaren kopia bat eta lurzatien planoak izanen dira eskuragarri.
2. Mairagako Mankomunitatea deklaratzea desjabetzeko espedientearen onuradun.
3. Ebazpen hau, ukitutako ondasun eta eskubideen zerrendarekin batera, Nafarroako Aldizkari Ofizialean eta Untzueko Udalaren eta Mairagako Mankomunitatearen iragarki tauletan argitaratuko da. Orobat, iragarki bat argitaratuko da Foru Komunitateko egunkari batean.
Iruñean, 2022ko abenduaren 20an.–Toki Administrazioaren eta Despopulazioaren zuzendari nagusia, Jesús M.ª Rodríguez Gómez.
UNTZUEKO (NAFARROA) HONDAKIN UREN TRATAMENDUA
Ukitutako ondasun eta eskubideen zerrenda
FINKAREN KODEA | TITULARRA/K | JARD. | BEHIN BETIKO OKUP. m² | ZORTASUNA | ALDI BATERAKO OKUPAZIOA m² | ERREGISTROAK/KUTXATILAK | POL. | LURZ. | LUR MOTA |
ml | m² | un. | m² |
Herria: UNTZUE |
UNZ-1 | Untzueko Udalaren herri-lurrak | SA | 1.435,22 | 14,39 | 43,17 | 3.047,15 | - | - | 2 | 405 | Lehorreko alorra |
Horn. | - | 102,00 | 306,00 | - | - | - |
SH | - | 31,00 | 93,00 | - | - | - |
UNZ-2 | Ebroko Konfederazio Hidrografikoa | SA | 13,07 | 3,55 | - | 17,91 | - | - | - | - | Erreka |
UNZ-3 | Untzueko Udala | Horn. | - | 9,26 | 27,78 | - | - | - | 2 | 410 | Lehorreko alorra |
SH | 8,02 | 22,56 | 67,68 | 192,91 | 1 | 2 |
UNZ-4 | Untzueko Udalaren herri-lurrak | SA | - | 1,33 | 3,99 | 147,43 | - | - | 2 | 412 | Oihana, larreak |
Horn. | 0,00 | 7,49 | 22,47 | 0,00 | - | - |
UNZ-5 | Untzueko Udalaren herri-lurrak | Horn. | 0,00 | 17,70 | 53,10 | 147,18 | - | - | 2 | 404 | Oihana, larreak-bidea |
UNZ-6 | Untzueko Udala | Horn. | 0,00 | 26,25 | 78,75 | 129,90 | - | - | - | - | Bidea |
UNZ-7 | Untzueko Udala | Horn. | 0,00 | 33,31 | 99,93 | 284,15 | 1 | 1 | - | - | Bidea |
(*) Laburdurak: Jard: Jarduketa; SA: Saneamendua; Horn.: Hornidura; SH: Saneamendua eta hornidura; Behin betiko okup.: Behin betiko okupazioa HUArako; Aldi baterako okup.: Aldi baterako okupazioa; Pol.: Poligonoa; Lurz.: Lurzatia. |
Iragarkiaren kodea: F2217323
