Iragarkia

10. ALDIZKARIA - 2023ko urtarrilaren 16a

1. NAFARROAKO FORU KOMUNITATEA

1.2. AGINTARIAK ETA LANGILEAK

1.2.1. Kargu-uzteak, izendapenak eta bestelako egoerak

3036/2022 EBAZPENA, azaroaren 21ekoa, Funtzio Publikoko zuzendari nagusiak emana, Nafarroako Foru Komunitateko Administrazioaren eta haren erakunde autonomoen zerbitzuko funtzionarioak izendatzen dituena, lehen mailako ofizialen eta mantentze-lanetako ofizialen lanpostuetan aritzeko, eta lanpostua esleitzen diena.

Funtzio Publikoko zuzendari nagusiak martxoaren 8an emandako 695/2021 Ebazpenaren bidez onetsi zen Nafarroako Foru Komunitateko Administrazioaren eta haren erakunde autonomoen zerbitzuko lehen mailako ofizial eta mantentze-lanetako ofizial izateko berrogeita hamahiru lanpostu oposizio bidez betetzeko deialdia. Deialdi hori 2021eko 80. Nafarroako Aldizkari Ofizialean argitaratu zen, apirilaren 12koan.

Funtzio Publikoko zuzendari nagusiaren maiatzaren 25eko 1546/2021 Ebazpenaren bidez, deialdian onartu eta baztertutako izangaien behin-behineko zerrenda onetsi zen. Ebazpen hori 2021eko 134. Nafarroako Aldizkari Ofizialean argitaratu zen, ekainaren 9koan.

Funtzio Publikoko zuzendari nagusiaren abuztuaren 4ko 2203/2021 Ebazpenaren bidez, izangai onartuen eta baztertuen behin betiko zerrenda onetsi, eta oposizioko lehenbiziko proba egiteko eguna, tokia eta ordua finkatu ziren. Ebazpen hori 2021eko 211. Nafarroako Aldizkari Ofizialean argitaratu zen, irailaren 8koan.

Hautaprobak bukaturik, Funtzio Publikoko zuzendari nagusiaren ekainaren 14ko 1588/2022 Ebazpenaren bidez, deialdiko 8. oinarrian ezarritako betebeharrak frogatzeko epea ireki zen, eta, ondoren, irailaren 5eko 2284/2022 Ebazpenaren bidez, lanpostu hutsak aukeratzeko ekitaldirako deia egin zen eta 10 egun balioduneko epea ireki zen lanpostuak aukeratzeko.

Azkenik, kalifikazio epaimahaiak izendapen proposamena egin zuen, probak gainditu dituzten izangaietatik deialdiko lanpostuetan sartzen direnak izenda daitezen, deialdian eskatutako betebeharrak betez gero. Proposamen hori 2022ko 204. Nafarroako Aldizkari Ofizialean argitaratu zen, urriaren 14koan.

Eskatutako dokumentazioa behar zen epean aurkezturik eta proposatutako izangaiek betebeharrak betetzen dituztela egiaztaturik, bidezkoa da izendapena egitea eta bakoitzari dagokion lanpostu hutsa esleitzea.

Horrenbestez, eta otsailaren 21eko 30/2005 Foru Dekretuaren bidez esleiturik ditudan eskudantziak erabiliz,

EBAZTEN DUT:

1. Honako hauek izendatzea Nafarroako Foru Komunitateko Administrazioaren eta haren erakunde autonomoen zerbitzuko funtzionario, lehen mailako ofizialen eta mantentze-lanetako ofizialen lanpostuetan aritzeko: Julio Gómez Hernández jauna, %33ko edo hortik gorako desgaitasuna duten pertsonentzako erreserba-txandakoa; Emilio José Fernández Sanz jauna, Paulino María Huarte Huertas jauna, Javier Orduña Herrera jauna, José Ramón Olleta Lacunza jauna, Gonzalo Araiz Oteiza jauna, Sergio Sáinz Ibañez jauna, Juan Luis Caño Rodríguez jauna, Facundo Recondo Berecoechea jauna, Martín Zubiri Lora jauna eta Mikel Cía Goñi jauna, igoera txandakoak; eta Ibai Garjón Ibarra jauna, Joshua Pozo Lana jauna, José Miguel Azcárate Azanza jauna, Francisco Javier Larralde Camprovin jauna, José Sarasate García jauna, Eduardo Ibarrola Gil jauna, Rubén Soto Blasco jauna, Iñaki Elías López jauna, Blas Alonso Gómara jauna, Javier Zulet Ganuza jauna, Iván Pinillos Moreno jauna, Iosu Marturet Martínez jauna, Alberto Benítez García jauna, Xabier Ciriza Bereau jauna, Iñaki Ocaña Aldaz jauna, Javier Estaun Atares jauna, Oskar Irigoyen Martín jauna, Óscar Hernández Vaquero jauna, Gorka Sola Urriza jauna, Ángel María Aldaz Escudero jauna, Gorka Osta Gárate jauna, David Urbiola Medrano jauna, Karlos Compains Aranguren jauna, Miguel Ayarra Ullate jauna, Juan Diego Beloqui Igoa jauna, Ibai Iriarte Ariztimuño jauna, Roberto Valentín Vélaz jauna, Iosu Barrena Arana jauna, José Javier de Antonio Goñi jauna, Ibai Torrea Castera jauna, Mikel Esnaola Alegría jauna, Pedro Manuel Yuste Antolín jauna, Ricardo Rebolé Villamayor jauna, Jon Oloriz Satrústegui jauna, Alberto Beltrán Marchite jauna, Iñaki Izcue Cía jauna, Luis Areta Gaztañaga jauna, Igor Beloqui Elizalde jauna, Unai Sueskun Muzas jauna, Mikel Gamboa Rodríguez jauna, Roberto Fuertes Oña jauna eta Gorka Irisarri Serrano jauna, txanda irekikoak.

2. Lanpostu hutsak esleitzea I. eranskinean xedatutakoarekin bat.

3. Xedatzea ezen izendatu diren izangaiek kasuan-kasuan hartu beharko dutela lanpostuaren jabetza, Migrazio Politiketako eta Justiziako Departamentuko Idazkaritza Tekniko Nagusian edo atxiki zaien zentroko edo eremuko langileria unitatean, hilabeteko epean, izendapena Nafarroako Aldizkari Ofizialean argitaratu eta biharamunetik hasita, kontuan izanik argitaratze horrek jakinaraztearen ondorio berberak izanen dituela, Administrazio Publikoen Administrazio Prozedura Erkideari buruzko urriaren 1eko 39/2015 Legearen 45. artikuluan ezarritakoari jarraikiz.

Aipatutako epean lanpostuaren jabetza hartzen ez duenak, behar bezala justifikatutako ezinbesteko kasuetan izan ezik, Nafarroako Foru Komunitateko Administrazioko eta haren erakunde autonomoetako funtzionario izateko eskubide guztiak galduko ditu.

4. Adierazi behar da Mikel Gamboa Rodríguez jaunak, Roberto Fuertes Oña jaunak eta Gorka Irisarri Serrano jaunak euskarazko jakite-maila zehaztuta duten lanpostu elebidunak betetzeko prozesuetan besterik ezin izanen dutela parte hartu, hala ezartzen baitu bere 33.2 artikuluan abuztuaren 30eko 251/1993 Legegintzako Foru Dekretuak, Nafarroako Administrazio Publikoen zerbitzuko langileen estatutuaren testu bategina onesten duenak.

5. Ebazpen hau igortzea Migrazio Politiketako eta Justiziako Departamentuko eta Hezkuntza Departamentuko idazkaritza tekniko nagusietara, Hezkuntza Departamentuko Langileen Araubide Juridikoaren Zerbitzura, Osasunbidea-Nafarroako Osasun Zerbitzuko Langileriaren eta Lan Harremanen Zuzendariordetzara eta Funtzio Publikoko Zuzendaritza Nagusiko Langileriaren Kudeaketako Zerbitzura, Langileriaren Gastuaren Kontrolaren eta Nominen Zerbitzura, Egituraren, Lanpostuen Antolaketaren eta Langileen Plantillaren Zerbitzura, eta interesdunei jakinaraztea. Interesdunei aditzera ematen zaie ezen ebazpenaren aurka gora jotzeko errekurtsoa jartzen ahal dutela, Lehendakaritzako, Berdintasuneko, Funtzio Publikoko eta Barneko kontseilariari zuzendua, jakinarazi eta biharamunetik hilabeteko epean, Administrazio Publikoen Administrazio Prozedura Erkideari buruzko urriaren 1eko 39/2015 Legearen 121. eta 122. artikuluetan xedatutakoarekin bat.

6. Nafarroako Aldizkari Ofizialean argitara dadila agintzea.

Iruñean, 2022ko azaroaren 21ean.–Funtzio Publikoko zuzendari nagusia, Amaia Goñi Lacabe.

I. ERANSKINA

Esleitutako lanpostuak

Iragarkiaren kodea: F2216439