1. NAFARROAKO FORU KOMUNITATEA
1.7. BESTELAKOAK
98/2022 EBAZPENA, maiatzaren 5ekoa, Lanbide Heziketaren zuzendari nagusiak emana, zeinaren bidez onesten baita 2022-2023 ikasturterako prozeduraren egutegia Nafarroako Foru Komunitateko ikastetxe publikoetan, pribatu itunduetan eta baimendutako erakundeetan Lanbide Heziketako oinarrizko mailako ikasketak egin nahi dituzten ikasleak onartzeko.
Lanbide Heziketaren arloan eskumena duen zuzendaritza nagusiaren ebazpen batean finkatu behar dira ikasturte bakoitzeko prozedura zehazten duten datak, halaxe xedatzen baita ekainaren 6ko 67/2016 Foru Aginduaren 2. oinarriko 3. apartatuan. Foru agindu horren bidez, arautu egin zen Nafarroako Foru Komunitateko ikastetxe publikoetan, pribatu itunduetan eta erakundeetan ebazpen honen xede diren heziketa zikloak egin nahi dituzten ikasleak onartzeko prozedura.
Hezkuntza Departamentuaren egitura organikoa ezartzen duen urriaren 30eko 267/2019 Foru Dekretuaren bidez esleitutako ahalmenak erabiliz,
EBAZTEN DUT:
1. Ikastetxe publikoetan, pribatu itunduetan eta baimendutako erakundeetan ikasleak onartzeko prozeduraren egutegia onestea, Lanbide Heziketako oinarrizko mailako ikasketak egiteko 2022-2023 ikasturtean. Ebazpen honen eranskinean dago jasota.
2. Ebazpen hau eta eranskina igortzea Hezkuntzako Ikuskapen Zerbitzura; Antolamendu, Prestakuntza eta Kalitate Zerbitzura; Inklusio, Berdintasun eta Bizikidetza Zerbitzura; Hezkuntzako Teknologien eta IKT Azpiegituren Zerbitzura; Hezkuntzako Informazio Sistemen Zerbitzura; Lanbide Kualifikazio, Enpresa eta Enplegurako Zerbitzura; Lanbide Heziketaren Plangintza eta Berrikuntzarako Zerbitzura; Azterlan Ekonomikoen eta Nominen Zerbitzura; Ikastetxeen Finantzaketaren, Ikasketetarako Laguntzen eta Zerbitzu Osagarrien Zerbitzura; Hezkuntzako Azpiegituren Zerbitzura; Irakasleak Hautatzeko eta Lanpostuak Betetzeko Zerbitzura; Aldi Baterako Langileak Kudeatzeko Zerbitzura; Nafarroako Eskolatze Batzorde Nagusira; Kudeaketa Juridiko-administratiboaren Atalera; Eskolatze Bulegora; Orientazio Bulegora, eta Ikastetxeetako Informazioa Kudeatzeko Bulegora, behar diren ondorioak izan ditzaten.
3. Ebazpen honen eta eranskinaren aurka gora jotzeko errekurtsoa jar daiteke, Hezkuntzako kontseilariari zuzendua, hilabeteko epean, Nafarroako Aldizkari Ofizialean argitaratu eta hurrengo egun baliodunetik hasita.
4. Ebazpen hau eta eranskina Nafarroako Aldizkari Ofizialean argitaratzea.
Iruñean, 2022ko maiatzaren 5ean.–Lanbide Heziketaren zuzendari nagusia, Tomás Rodríguez Garraza.
ERANSKINA 2022-2023 ikasturteko onartze prozesuaren egutegia Lanbide Heziketako oinarrizko mailako ikasketak Inskripzioa egiteko epea. |
LHKO OINARRIZKO MAILAKO IKASKETETAN INSKRIPZIOA EGITEKO EPEA | HASIERA EGUNA | BUKAERA EGUNA |
Inskripzioa egiteko epe arrunta (inskribatzeko orriak aurkeztea) | Maiatzaren 26a | Ekainaren 3a | 14:00ak arte |
Azken eguna, inskripzioa egin duten ikasleen datuak EDUCA sisteman sartzeko (inskripzioa egiten den ikastetxeak) | | Ekainaren 17a | |
Azken eguna, EDUCA sisteman “ERREP” zutabea betetzeko, “Ikastetxearen matrikula-aurreikuspena” izeneko atalean (inskripzioa egiten den ikastetxeak) | | Ekainaren 23a | 14:00ak arte |
Onartze prozesuko urratsen egutegia |
EPE ARRUNTA | HASIERA EGUNA | BUKAERA EGUNA |
Azken eguna, oinarrizko mailako Lanbide Heziketan inskribatzeko azken proposamena aurkezteko | | Ekainaren 24a | 14:00ak arte |
Azken eguna, sarrera nota frogatzen duen dokumentazioa aurkezteko | | Ekainaren 24a | 14:00ak arte |
Azken eguna, bertaratze portzentajea frogatzen duen dokumentazioa aurkezteko | | Ekainaren 24a | 14:00ak arte |
Azken eguna, ikaspostuak gordetzeko frogagiriak aurkezteko, desgaitasuna izateagatik, goi mailako edo errendimendu handiko kirolaria izateagatik edo hezkuntza laguntzako berariazko premiak izateagatik | | Ekainaren 24a | 14:00ak arte |
Onartuen behin-behineko zerrenda argitaratzea | | Ekainaren 28a | |
Onartuen behin-behineko zerrendari buruzko erreklamazioak aurkeztea | Ekainaren 28a | Ekainaren 30a | 14:00ak arte |
Onartuen behin betiko 1. zerrenda argitaratzea | | Uztailaren 1a | |
Onartuen behin betiko 1. zerrendari dagozkion matrikulazio egunak | Uztailaren 4a | Uztailaren 11 | 14:00ak arte |
Onartuen behin betiko 2. zerrenda argitaratzea | | Uztailaren 13a | |
Onartuen behin betiko 2. zerrendari dagozkion matrikulazio egunak | Uztailaren 14a | Uztailaren 18a | 14:00ak arte |
Onartuen behin betiko 3. zerrenda argitaratzea | | Uztailaren 20a | |
Onartuen behin betiko 3. zerrendari dagozkion matrikulazio egunak | Uztailaren 21a | Uztailaren 22a | 14:00ak arte |
IKASPOSTU HUTSAK ESLEITZEKO PROZEDURA | HASIERA EGUNA | BUKAERA EGUNA |
Hezkuntza Departamentuak hutsik dauden ikaspostuak zehaztea, ikaspostu hutsak esleitzeko prozedurarako | | Irailaren 7a | |
Ikaspostu hutsak esleitzeko prozedurarako eskaerak aurkeztea | Irailaren 8a | Irailaren 9a | 14:00ak arte |
Azken eguna ikaspostu hutsak esleitzeko prozeduran inskribatu diren ikasleak sartzeko EDUCA sisteman (inskripzio ikastetxeak) | | Irailaren 12a | 14:00ak arte |
Ikaspostu hutsak esleitzeko prozeduran onartzen direnen 1. zerrenda argitaratzea | | Irailaren 13a | |
Ikaspostu hutsak esleitzeko prozeduran onartzen direnen 1. zerrendako ikasle onartuen matrikula | Irailaren 14a | Irailaren 15a | 14:00ak arte |
Ikaspostu hutsak esleitzeko prozeduran onartzen direnen 2. zerrenda argitaratzea | | Irailaren 16a | |
Ikaspostu hutsak esleitzeko prozeduran onartzen direnen 2. zerrendako ikasle onartuen matrikula | | Irailaren 19a | 14:00ak arte |
Iragarkiaren kodea: F2206517
