Iragarkia

96. ALDIZKARIA - 2022ko maiatzaren 18a

1. NAFARROAKO FORU KOMUNITATEA

1.7. BESTELAKOAK

150/2022 EBAZPENA, apirilaren 13koa, Hezkuntza Baliabideen zuzendari nagusiak emana, zeinaren bidez ebazten baita Nafarroako Foru Komunitateko ikastetxeetan Haur Hezkuntzako bigarren zikloko eta Batxilergoko unitateen hezkuntza ituna berritzea 2022-2023 ikasturtetik aurrera.

Nafarroako Gobernuak 2021eko abenduaren 15ean hartutako Erabakiaren bidez, baimena eman zitzaion Hezkuntza Baliabideen zuzendari nagusiari Haur Hezkuntzako bigarren zikloko eta Batxilergoko unitateen hezkuntza ituna finantzatuko duen urte anitzeko gastu konpromiso bat hartzeko, Nafarroako Foru Komunitateko ikastetxe itunduetan 2022-2023, 2023-2024, 2024-2025 eta 2025-2026 ikasturteetarako.

Hezkuntza Baliabideen zuzendari nagusiak abenduaren 28an emandako 489/2021 Ebazpenaren bidez, hezkuntza itunen araubidea aplikatzeko prozedura ezarri zen 2022-2023 eta 2025-2026 ikasturteen arteko aldirako, Haur Hezkuntzako bigarren zikloko eta Batxilergoko etapetan. (2022ko 19. Nafarroako Aldizkari Ofiziala, urtarrilaren 17koa).

Ikusirik I. eta II. eranskinetan zerrendatzen diren gizarte ekimeneko ikastetxeek hezkuntza itunak berritu eta izenpetzeko egindako eskaerak eta Itunen Batzordeak 2022ko martxoaren 21ean egindako proposamena, bidezkoa da onestea Haur Hezkuntzako bigarren zikloko eta Batxilergoko itunak berritzea.

Hezkuntza Departamentuaren egitura organikoa ezartzen duen urriaren 30eko 267/2019 Foru Dekretuak ematen dizkidan ahalmenak erabiliz,

EBAZTEN DUT:

1. Onestea Haur Hezkuntzako bigarren zikloko eta Batxilergoko hezkuntza itunak berritzea ebazpen honen I. eta II. eranskinetan zerrendatzen diren ikastetxe pribatuekin, bat etorriz Itunen Batzordeak hartutako erabakiekin.

2. Ebazpen honen bidez berritutako hezkuntza itunak indarrean egonen dira 2022ko irailaren 1etik 2026ko abuztuaren 31ra arte.

3. Ebazpen honen bidez ezartzen diren hezkuntza itunak ebazpen honen I. eta II. eranskinetan zehazten diren unitateetarako dira, deusetan galarazi gabe Hezkuntza Itunei buruzko Arauen Erregelamenduaren 46. artikuluaren arabera bidezko diren aldaketak egitea.

Atal honetan aipatzen diren aldaketak 2022-2023 ikasturtean aplikatuko dira, hala badagokio, ikasturte horretarako ikasleak onartzeko prozedura bukatu ondoren.

4. Aurreko atalean xedatutakoa dela-eta gerta litezkeen aldaketak gorabehera, ikastetxeek ituna berritzea ahalbidetu duten baldintzak betetzen segitu beharko dute ituna indarrean den bitartean.

5. Ikastetxeen, Finantzaketaren eta Ikasketetarako Laguntzen Atalak interesdunei jakinaraziko die zein egun eta tokitan agertu behar duten hezkuntza ituna formalizatzeko administrazio agiria sinatzera. Agiri hori Hezkuntza Baliabideen zuzendari nagusiaren abenduaren 28ko 489/2021 Ebazpenaren III. eta IV. eranskin gisa onetsitakoa da (2022ko 19. Nafarroako Aldizkari Ofiziala, urtarrilaren 27koa).

6. Hezkuntza ituna formalizatzeko administrazio agiria, batetik, Hezkuntza Baliabideen zuzendari nagusiak eta, bestetik, ikastetxe pribatuko titularrak edo behar bezala egiaztatutako legezko ordezkariak sinatuko dute.

7. Ebazpen honen aurka ikastetxe interesdunek gora jotzeko errekurtsoa jar dezakete, Hezkuntzako kontseilariari zuzendua, jakinarazi edo argitaratu eta biharamunetik hilabeteko epean.

8. Ebazpen hau eta eranskinak Nafarroako Aldizkari Ofizialean argitara daitezela agintzea.

9. Ebazpen hau eta dagozkion eranskinak igortzea Hezkuntza Departamentuko kontu-hartzailetza delegatuari, Hezkuntza Baliabideen zuzendari nagusiari, Hezkuntza Departamentuko idazkari tekniko nagusiari, Hezkuntzako Ikuskapen Zerbitzura, Inklusio, Berdintasun eta Bizikidetza Zerbitzura, Lanbide Heziketaren Plangintza eta Integraziorako Zerbitzura, Lanbide Kualifikazio, Enpresa eta Enplegurako Zerbitzura, Lanbide Heziketaren Plangintza eta Garapenerako Atalera, Ikastetxeen Finantzaketaren eta Ikasketetarako Laguntzen Atalera eta Itunpeko eta Diruz Lagundutako Ikastetxeetako Nominen Bulegora, behar diren ondorioak izan ditzan.

Iruñean, 2022ko apirilaren 13an.–Hezkuntza Baliabideen zuzendari nagusia, Begoña Unzué Vela.

Iragarkiaren kodea: F2205811