2. NAFARROAKO TOKI ADMINISTRAZIOA
2.1. OPOSIZIOAK ETA LEHIAKETAK. LAN PUBLIKOAREN ESKAINTZA
LEITZA
2022rako lan publikoaren eskaintza
Honen bidez aditzera ematen da ezen, Alkatetzaren 2022ko maiatzaren 10eko 2022/0123 Ebazpenaren bidez, onetsi dela Leitzako Udalaren 2022. urterako lan publikoaren eskaintza, honela:
1.–Onestea Leitzako Udalaren 2022rako lan publikoaren eskaintza (egonkortzekoa), zeinak honako lanpostu hauek betetzea jasotzen baitu, kontuan hartuta abenduaren 28ko 20/2021 Legeak xedatutakoa (Enplegu publikoan behin-behinekotasuna murrizteko premiazko neurriei buruzko legea):
1.–Izaera: lan-kontratudun finkoa. Lanpostu kopurua: 2. Lanpostua: haur eskolako hezitzailea, plantilla organikoko 15. zenbakia. C maila. Sarbidea: lehiaketa (20/2021 Legearen 6. xedapen gehigarria). Betetzeko aurreikuspena: 2023-2024.
2–Izaera: lan-kontratudun finkoa, lanaldi partzialean. Lanpostu kopurua: 1. Lanpostua: haur eskolako hezitzailea, plantilla organikoko 15. zenbakia. C maila. Sarbidea: lehiaketa (20/2021 Legearen 6. xedapen gehigarria). Betetzeko aurreikuspena: 2023-2024.
3–Izaera: lan-kontratudun finkoa, lanaldi partzialean. Lanpostu kopurua: 1. Lanpostua: jangelako laguntzailea, plantilla organikoko 20. zenbakia. D maila. Sarbidea: lehiaketa (20/2021 Legearen 6. xedapen gehigarria). Betetzeko aurreikuspena: 2023-2024.
2.–Lan publikoaren eskaintza argitaratzea udal honen egoitza elektronikoan, iragarki-taulan eta Nafarroako Aldizkari Ofizialean, orok jakin dezan eta interesdunek egokitzat jotzen dituzten errekurtsoak jar ditzaten, kasua bada.
3.–Ebazpen hau jakinaraztea lan publikoaren eskaintzak ukitutako lanpostuetan diharduten Leitzako Udaleko aldi baterako langileei.
4.–Ebazpen honen aurka, hautara, errekurtso hauetako bat aurkez daiteke:
a) Berraztertzeko errekurtsoa, egintzaren organo egileari zuzendua, hilabeteko epean, erabaki hau Nafarroako Aldizkari Ofizialean argitaratu eta biharamunetik hasita,
b) Administrazioarekiko auzi-errekurtsoa, zuzendua Iruñeko Administrazioarekiko Auzien Epaitegiari, bi hilabeteko epean, iragarki hau Nafarroako Aldizkari Ofizialean argitaratu eta biharamunetik hasita, edo;
c) Gora jotzeko errekurtsoa, Nafarroako Administrazio Auzitegiari zuzendua, hilabeteko epean, iragarki hau Nafarroako Aldizkari Ofizialean argitaratu eta biharamunetik hasita.
Leitzan, 2022ko maiatzaren 10ean.–Alkatea, Mikel Zabaleta Aramendia.
Iragarkiaren kodea: L2206800
