3. ESTATUKO ADMINISTRAZIOA
EBROKO KONFEDERAZIO HIDROGRAFIKOA
Iragarki oharra. Erreferentzia: 2019-A-22
Jesusa Beruete Azparrenek honako datu eta ezaugarri hauek dituen ur publikoen aprobetxamenduaren emakida eskatu du:
Ezaugarriak:
Eskatzailea: Jesusa Beruete Azparren.
Ur-ibilgua: Arganbela sakana, euri-uren jariatzeak.
Arganbela sakaneko hargunearen koordenatuak: UTMX: 600782; UTMY: 4730138 (ETRS89 zona, HUSO30T).
Jariatze-uren hargunearen koordenatuak: UTMX: 600728; UTMY: 4730067 (ETRS89 zona, HUSO30T).
Hargune bakoitzaren uneko gehieneko emaria: 1,94 l/s.
Gehieneko bolumena urtean: 78 m³ (39 m³ Arganbela sakanean eta 39 jm³ ariatze-uretan).
Bolumena hilean, gehieneko kontsumoa: 14 m³ (7 m³ Arganbela sakanean eta 7 m³ jariatze-uretan).
Batez besteko emari baliokidea kontsumo handieneko hilean: 0,0052 l/s.
Hargunearen udalerria: Legarda (Nafarroa).
Xedea: ureztatzea.
Ureztatu beharreko azalera: 0,295 Ha (0,145 Ha 342. lurzatian eta 0,15 Ha 426. lurzatian).
Aprobetxamenduan, ura hartuko da Arganbela sakanetik, koordenatu puntu honetan: UTMX: 600782; UTMY: 4730138 (ETRS89, HUSO30T), eta jariatzeetako euri-uren bilketa eginen da UTMX koordenatu puntu honetan: 600728; UTMY: 4730067 (ETRS89, HUSO30T), Legardako udal mugartean (Nafarroa), aipatutako udalerri horretako 2. poligonoko 342. eta 426. lurzatietan baratzeak tantaz tanta ureztatzeko (0,295 ha).
Aprobetxamendua grabitate bidez eginen da jariatze-uren hargunean, eta Argambela sakanean, berriz, 1 HP potentziako motoponpa eramangarri baten bidez. Bi hartune horietatik, emariak polietilenozko 1” diametroko hodietatik eramanen dira guztira 8 m³ biltegiratzeko edukiera duten zenbait andeletara, eta handik ura ureztatze-azaleran banatuko da.
Aditzera ematen da orok jakin dezan eta eskaera honek kalte egiten diela uste dutenek beren erreklamazioak Ebroko Konfederazio Hidrografikoari idatziz aurkezteko aukera izan dezaten, hogeita bost egun balioduneko epean, iragarki hau Nafarroako Aldizkari Ofizialean argitaratzen denetik hasita. Eta, horretarako, espedientea eta dokumentazio teknikoa ikusgai egonen dira Ebroko Konfederazio Hidrografikoaren Jendaurreko Informazioaren Zerbitzuan (Sagasta pasealekua 24-28, Zaragoza), bulego orduetan (9:00etatik 14:00etara). Aurrez aurre jasotzeko beharrezkoa izanen da aldez aurretik hitzordua eskatzea 976711000 telefonoan edo informacionciudadana@chebro.es posta elektronikoan.
Era berean, aipatutako agiriak epe horretan ikusten ahalko dira arroaren erakundearen web orrian, esteka honetan: https://iber.chebro.es/webche/ipCriterios.aspx.
Edozein pertsona fisikok edo juridikok egiten ahalko du alegaziorik ezarritako epean, baina alegaziorik egiteak ez dio ematen egiten duenari espedientean interesduna delako izaera.
Zaragozan, 2022ko apirilaren 20an.–Komisario albokoa, Javier San Román Saldaña.
Iragarkiaren kodea: E2205687
