92. ALDIZKARIA - 2022ko maiatzaren 12a

2. NAFARROAKO TOKI ADMINISTRAZIOA

2.1. OPOSIZIOAK ETA LEHIAKETAK. LAN PUBLIKOAREN ESKAINTZA

RIBAFORADA

2022rako lan publikoaren eskaintza

Alkate-udalburuaren apirilaren 27ko 33/2022 Ebazpenaren bidez, Ribaforadako Udalaren 2022rako lan-eskaintza onetsi da, bete beharrez abenduaren 28ko 20/2021 Legeak xedaturikoa (Enplegu publikoan behin-behinekotasuna murrizteko premiazko neurriei buruzko Legea). Hona hemen, hitzez hitz, ebazpen horren xedapen zatia:

“Lehena.–Onestea Ribaforadako Udalaren 2022rako lan publikoaren eskaintza, bete beharrez abenduaren 28ko 20/2021 Legeak xedaturikoa (Enplegu publikoan behin-behinekotasuna murrizteko premiazko neurriei buruzko Legea); hona hemen:

–Zerbitzu anitzetako enplegatu lanpostu bat (1), E maila, mailako osagarria: %15, lanpostuko osagarria: %20,55, lan kontratudun finkoa; merezimendu-lehiaketa bidez beteko da, behin bakarrik eta salbuespenez.

–Zerbitzu anitzetako enplegatu lanpostu bat (1), E maila, mailako osagarria: %15, lanpostuko osagarria: %14,33, lan kontratudun finkoa; merezimendu-lehiaketa bidez beteko da, behin bakarrik eta salbuespenez.

–Kultur etxeko mandatari lanpostu bat (1), E maila, mailako osagarria: %15, lanpostuko osagarria: %13,69, lan kontratudun finkoa; merezimendu-lehiaketa bidez beteko da, behin bakarrik eta salbuespenez.

–Ikastetxe publikoko etxezain-zerbitzu anitzetako enplegatu lanpostu bat (1), D maila, mailako osagarria: %12, lanpostuko osagarria: %20,35, funtzionarioa; merezimendu-lehiaketa bidez beteko da, behin bakarrik eta salbuespenez.

–Administrari-ofizial lanpostu bat (1), C maila, mailako osagarria: %12, lanpostuko osagarria: %16,52, funtzionarioa; oposizio-lehiaketa bidez beteko da, behin bakarrik eta salbuespenez.

Bigarrena.–Lan publikoaren eskaintza honen iragarkia argitaratzea Nafarroako Aldizkari Ofizialean, alorrean indarrean dagoen araudia bete dadin”.

Ribaforadan, 2022ko apirilaren 27an.–Alkatea, Tirso Calvo Zardoya.

Iragarkiaren kodea: L2206067