2. NAFARROAKO TOKI ADMINISTRAZIOA
2.1. OPOSIZIOAK ETA LEHIAKETAK. LAN PUBLIKOAREN ESKAINTZA
AZKOIEN
Deialdia, izangaien zerrenda bat eratzeko, zerbitzu anitzetako peoiaren lanpostua aldi baterako kontratuarekin betetzeko
Tokiko Gobernu Batzarrak 2022ko apirilaren 13an egin bilkuran hala erabakita, oinarriak eta deialdia onetsi ziren aldi baterako kontrataziorako izangaien zerrenda bat osatzeko, oposizio bidez, D mailako zerbitzu anitzetako peoiaren lanpostuan jarduteko, Azkoiengo Udalaren Obra eta Zerbitzuen Alorrean. Hala bada, eskabideak aurkezteko epea irekitzen da, 15 egun naturalekoa, iragarki hau Nafarroako Aldizkari Ofizialean argitaratu eta biharamunetik hasita.
Hautapen-prozesu hori honako hauetan xedatutakoari jarraikiz eginen da: Nafarroako Administrazio Publikoen zerbitzuko Langileen Estatutuaren testu bategina, abuztuaren 30eko 251/1993 Legegintzako Foru Dekretuaren bidez onetsi zena, aipatu estatutua garatu eta gauzatzeko Sartzeko Erregelamendua onesten duen 113/1985 Foru Dekretua, gainerako aplikazio arauak eta deialdi honen oinarriak.
Deialdia bideratuko duten oinarri arautzaileak Azkoiengo Udalaren egoitza elektronikoan argitaratuko dira (http://peralta.sedelectronica.es), honako atal honetan: Gardentasuna/Enplegu publikoa/Abian diren hautapen prozesuak.
Deialdi honen gaineko hurrengo iragarkiak, oinarrien arabera beharrezkoak direnean, Udal honen egoitza elektronikoan emanen dira argitara:
http://peralta.sedelectronica.es
Azkoienen, 2022ko apirilaren 13an.–Alkate udalburua, Juan Carlos Castillo Ezpeleta.
Iragarkiaren kodea: L2205669
