1. NAFARROAKO FORU KOMUNITATEA
1.7. BESTELAKOAK
74/2022 EBAZPENA, apirilaren 6koa, Lanbide Heziketaren zuzendari nagusiak emana, zeinaren bidez ezartzen baita goi mailako heziketa zikloetara sartzeko proben eta ikastaroen modalitateek zer lanbide arlotarako ematen duten lehentasuna, Nafarroako Foru Komunitatean.
Hezkuntzari buruzko maiatzaren 3ko 2/2006 Lege Organikoak, abenduaren 29ko 3/2020 Lege Organikoak emandako testuan, 41. artikuluan ezartzen du Lanbide Heziketako goi mailako heziketa zikloetan sartzeko baldintza dela, besteak beste, sarbide proba bat gainditzea edo goi mailako zikloetara sartzeko prestakuntza ematen duen ikastaro bat gainditzea hezkuntza administrazioak baimendutako ikastetxe publiko zein pribatuetan.
Sarbide probetarako deia urtero egiten da, Lanbide Heziketaren zuzendari nagusiaren ebazpen bidez. Horren apartatuetako batean aipatzen da, batetik, urte bakoitzean goi mailako heziketa zikloetara sartzeko probaren modalitate bakoitzak zer lanbide arlotarako lehentasuna ematen duen, eta, bestetik, 25 urtetik gorakoak unibertsitatera sartzeko probaren aukera bakoitzak zer lanbide arlotarako lehentasuna ematen duen; izan ere, proba horrek goi mailako heziketa zikloetara sartzeko bidea ere ematen du.
2021-2022 ikasturtean lehendabiziko aldiz ezarri da Nafarroan goi mailako zikloetara sartzeko ikastaroa, zeina antolatu baita Hezkuntzari buruzko maiatzaren 3ko 2/2006 Lege Organikoan ezarritako baldintza berriekin bat, alegia, Hezkuntzari buruzko maiatzaren 3ko 2/2006 Lege Organikoa aldatzen duen abenduaren 29ko 3/2020 Lege Organikoak emandako testuan ezarritakoaren arabera. Sarbide ikastaro hori zenbait modalitatetan antolatzen da, eta horren arabera lanbide arlo jakin batzuetarako dago lehentasuna.
Lanbide Heziketaren Plangintza eta Integraziorako Zerbitzuko zuzendariak aldeko txostena eman du, ebazpen bat eman eta hartan ezar dadin zer lanbide arlotarako izanen den lehentasuna goi mailako zikloetara sartzeko probaren eta ikastaroaren modalitatearen arabera, aurrerantzean hori aplikatze aldera bai sarbide proben urteko deialdietan bai sarbide ikastaroetan.
Hezkuntza Departamentuaren egitura organikoa ezartzen duen urriaren 30eko 267/2019 Foru Dekretuaren bidez esleitutako ahalmenak erabiliz,
EBAZTEN DUT:
1. Ezartzea zer lanbide arlotarako emanen duten lehentasuna goi mailako zikloetara sartzeko probaren eta ikastaroaren modalitateek, ebazpen honen 1. eta 2. eranskinetan xedatutakoaren arabera, hurrenez hurren.
2. Ezartzea zer lanbide arlotarako emanen duten lehentasuna 25 urtetik gorakoak unibertsitatera sartzeko probaren aukerek, ebazpen honen 3. eranskinean xedatutakoaren arabera.
3. Ebazpen hau eta eranskinak Nafarroako Aldizkari Ofizialean argitaratzea.
4. Ebazpen hau eta haren eranskinak igortzea Hezkuntzako Ikuskapen Zerbitzura, Antolamendu, Prestakuntza eta Kalitate Zerbitzura, Inklusio, Berdintasun eta Bizikidetza Zerbitzura, Lanbide Heziketako Proiektuen eta Kualifikazioen Zerbitzura, Lanbide Heziketaren Plangintza eta Integraziorako Zerbitzura, Ikasketak Antolatzeko Atalera, Arte Ikasketen Atalera, Kudeaketa Juridiko-administratiboaren Atalera, Eskolatze Bulegora, Orientazio Bulegora eta Ikastetxeetako Informazioa Kudeatzeko Bulegora, behar diren ondorioak izan ditzaten.
Iruñean, 2022ko apirilaren 6an.–Lanbide Heziketaren zuzendari nagusia, Tomás Rodríguez Garraza.
1. ERANSKINA Goi mailako zikloetan sartzeko probaren modalitate bakoitzak zer lanbide arlotarako lehentasuna ematen duen |
PROBA MODALITATEA | HONAKO LANBIDE ARLO HAUETAN SARTZEKO LEHENTASUNA EMATEN DU |
Zientziak eta Ingeniaritza | Gorputz eta Kirol Jarduerak Nekazaritza Arte Grafikoak Eraikuntza eta Obra Zibila Elektrizitatea eta Elektronika Energia eta Ura Fabrikazio Mekanikoa Irudia eta Soinua Elikagaien Industriak Erauzketa Industriak | Informatika eta Komunikazioak Instalazioa eta Mantentze-lanak Zurgintza, Altzarigintza eta Kortxogintza Itsasoko eta Arrantzako Jarduerak Kimika Segurtasuna eta Ingurumena Ehungintza, Jantzigintza eta Larrugintza Garraioa eta Ibilgailuen Mantentze-lanak Beira eta Zeramika |
Osasun Zientziak | Gorputz eta Kirol Jarduerak Nekazaritza Ostalaritza eta Turismoa Irudi Pertsonala | Kimika Osasuna Segurtasuna eta Ingurumena Gizarte eta Kultur Zerbitzuak eta Komunitatearentzako Zerbitzuak |
“Lanbide arriskuen prebentzioa” goi mailako heziketa zikloa, Instalazioa eta Mantentze-lanak lanbide arlokoa |
Gizarte Zientziak | Gorputz eta Kirol Jarduerak Administrazioa eta Kudeaketa Merkataritza eta Marketina Ostalaritza eta Turismoa Irudi Pertsonala | Informatika eta Komunikazioak Osasuna Segurtasuna eta Ingurumena Gizarte eta Kultur Zerbitzuak eta Komunitatearentzako Zerbitzuak |
“Lanbide arriskuen prebentzioa” goi mailako heziketa zikloa, Instalazioa eta Mantentze-lanak lanbide arlokoa |
Giza Zientziak | Gorputz eta Kirol Jarduerak Arte Grafikoak Merkataritza eta Marketina | Ostalaritza eta Turismoa Irudi Pertsonala Gizarte eta Kultur Zerbitzuak eta Komunitatearentzako Zerbitzuak |
“Lanbide arriskuen prebentzioa” goi mailako heziketa zikloa, Instalazioa eta Mantentze-lanak lanbide arlokoa |
Arteak | Arte Plastikoetako eta Diseinuko lanbide arloak Gorputz eta Kirol Jarduerak Arte Grafikoak Arteak eta Artisautza | Ostalaritza eta Turismoa Irudia eta Soinua Zurgintza, Altzarigintza eta Kortxogintza Ehungintza, Jantzigintza eta Larrugintza Beira eta Zeramika |
2. ERANSKINA Goi mailako zikloetan sartzeko ikastaroaren modalitate bakoitzak zer lanbide arlotarako lehentasuna ematen duen |
SARBIDE IKASTAROAREN MODALITATEA | HONAKO LANBIDE ARLO HAUETAN SARTZEKO LEHENTASUNA EMATEN DU |
Zientziak eta Ingeniaritza | Gorputz eta Kirol Jarduerak Nekazaritza Arte Grafikoak Eraikuntza eta Obra Zibila Elektrizitatea eta Elektronika Energia eta Ura Fabrikazio Mekanikoa Irudia eta Soinua Elikagaien Industriak Erauzketa Industriak | Informatika eta Komunikazioak Instalazioa eta Mantentze-lanak Zurgintza, Altzarigintza eta Kortxogintza Itsasoko eta Arrantzako Jarduerak Kimika Segurtasuna eta Ingurumena Ehungintza, Jantzigintza eta Larrugintza Garraioa eta Ibilgailuen Mantentze-lanak Beira eta Zeramika |
Osasun Zientziak | Gorputz eta Kirol Jarduerak Nekazaritza Ostalaritza eta Turismoa Irudi Pertsonala | Kimika Osasuna Segurtasuna eta Ingurumena Gizarte eta Kultur Zerbitzuak eta Komunitatearentzako Zerbitzuak |
“Lanbide arriskuen prebentzioa” goi mailako heziketa zikloa, Instalazioa eta Mantentze-lanak lanbide arlokoa |
Gizarte Zientziak | Gorputz eta Kirol Jarduerak Administrazioa eta Kudeaketa Arte Grafikoak Merkataritza eta Marketina Ostalaritza eta Turismoa | Irudi Pertsonala Informatika eta Komunikazioak Osasuna Segurtasuna eta Ingurumena Gizarte eta Kultur Zerbitzuak eta Komunitatearentzako Zerbitzuak |
“Lanbide arriskuen prebentzioa” goi mailako heziketa zikloa, Instalazioa eta Mantentze-lanak lanbide arlokoa |
3. ERANSKINA
25 urtetik gorakoak unibertsitatean sartzeko probaren aukera bakoitzak zer lanbide arlotarako ematen duen lehentasuna
25 URTETIK GORAKOAK UNIBERTSITATEAN SARTZEKO PROBAREN AUKERA | HONAKO LANBIDE ARLO HAUETAN SARTZEKO LEHENTASUNA EMATEN DU |
A aukera (Arteak eta Giza Zientziak) | Gorputz eta Kirol Jarduerak Arte Grafikoak Arteak eta Artisautza Merkataritza eta Marketina Ostalaritza eta Turismoa Irudi Pertsonala Irudia eta Soinua Zurgintza, Altzarigintza eta Kortxogintza Gizarte eta Kultur Zerbitzuak eta Komunitatearentzako Zerbitzuak Ehungintza, Jantzigintza eta Larrugintza Beira eta Zeramika Arte Plastikoetako eta Diseinuko lanbide arloak |
B aukera (Zientziak) | Gorputz eta Kirol Jarduerak Nekazaritza Arte Grafikoak Elektrizitatea eta Elektronika Energia eta Ura Irudi Pertsonala Elikagaien Industriak Informatika eta Komunikazioak Instalazioa eta Mantentze-lanak Itsasoko eta Arrantzako Jarduerak Kimika Osasuna |
C aukera (Osasun Zientziak) | Gorputz eta Kirol Jarduerak Nekazaritza Ostalaritza eta Turismoa Irudi Pertsonala Kimika Osasuna Segurtasuna eta Ingurumena Gizarte eta Kultur Zerbitzuak eta Komunitatearentzako Zerbitzuak |
D aukera (Gizarte Zientziak eta Zientzia Juridikoak) | Gorputz eta Kirol Jarduerak Administrazioa eta Kudeaketa Merkataritza eta Marketina Ostalaritza eta Turismoa Irudi Pertsonala Informatika eta Komunikazioak Gizarte eta Kultur Zerbitzuak eta Komunitatearentzako Zerbitzuak |
E aukera (Ingeniaritza eta Arkitektura) | Gorputz eta Kirol Jarduerak Nekazaritza Arte Grafikoak Eraikuntza eta Obra Zibila Elektrizitatea eta Elektronika Energia eta Ura Fabrikazio Mekanikoa Irudia eta Soinua Elikagaien Industriak Erauzketa Industriak Informatika eta Komunikazioak Instalazioa eta Mantentze-lanak Zurgintza, Altzarigintza eta Kortxogintza Garraioa eta Ibilgailuen Mantentze-lanak |
Iragarkiaren kodea: F2205242