Iragarkia

84. ALDIZKARIA - 2022ko maiatzaren 2a

1. NAFARROAKO FORU KOMUNITATEA

1.2. AGINTARIAK ETA LANGILEAK

1.2.1. Kargu-uzteak, izendapenak eta bestelako egoerak

695/2022 EBAZPENA, martxoaren 21ekoa, Funtzio Publikoko zuzendari nagusiak emana, behean aipatzen diren izangaiak Nafarroako Foru Komunitateko Administrazioaren eta haren erakunde autonomoen zerbitzuko funtzionario izendatzen dituena, ogasuneko kudeatzaile eta ikertzaile laguntzaileen lanpostuetan aritzeko, eta lanpostua esleitzen diena.

Funtzio Publikoko zuzendari nagusiaren abenduaren 28ko 3024/2020 Ebazpenaren bitartez, deialdi bat onetsi zen Nafarroako Foru Komunitateko Administrazioaren eta haren erakunde autonomoen zerbitzuko ogasuneko kudeatzaile eta ikertzaile laguntzaileen hogeita zortzi lanpostu oposizio bidez betetzeko. Ebazpen hori 2021eko 22. Nafarroako Aldizkari Ofizialean argitaratu zen, urtarrilaren 29koan.

Funtzio Publikoko zuzendari nagusiaren martxoaren 8ko 689/2021 Ebazpenaren bidez, deialdian onartu eta baztertutako izangaien behin-behineko zerrenda onetsi zen. Ebazpen hori 2021eko 70. Nafarroako Aldizkari Ofizialean argitaratu zen, martxoaren 29koan.

Eta Funtzio Publikoko zuzendari nagusiaren apirilaren 19ko 1112/2021 Ebazpenaren bidez, izangai onartuen eta baztertuen behin betiko zerrenda onetsi, eta oposizioko lehenbiziko proba egiteko eguna, tokia eta ordua finkatu ziren. Ebazpen hori 2021eko 108. Nafarroako Aldizkari Ofizialean argitaratu zen, maiatzaren 10ekoan.

Hautaprobak bukaturik, Funtzio Publikoko zuzendari nagusiaren azaroaren 30eko 3193/2021 Ebazpenaren bidez, deialdiko 8. oinarrian ezarritako betebeharrak frogatzeko epea ireki zen, eta, ondoren, abenduaren 28ko 3388/2021 Ebazpenaren bidez, lanpostu hutsak aukeratzeko ekitaldirako deia egin zen eta 10 egun balioduneko epea ireki zen lanpostuak aukeratzeko.

Azkenik, kalifikazio epaimahaiak izendapen proposamena egin zuen, probak gainditu dituzten izangaietatik deialdiko lanpostuetan sartzen direnak izenda daitezen, deialdian eskatutako betebeharrak betez gero. Proposamen hori 2022ko 32. Nafarroako Aldizkari Ofizialean argitaratu zen, otsailaren 14koan.

Eskatutako dokumentazioa behar zen epean aurkezturik eta proposatutako izangaiek betebeharrak betetzen dituztela egiaztaturik, bidezkoa da izendapena egitea eta bakoitzari dagokion lanpostu hutsa esleitzea.

Horrenbestez, eta otsailaren 21eko 30/2005 Foru Dekretuaren bidez esleiturik ditudan eskudantziak erabiliz,

EBAZTEN DUT:

1. Honako izangai hauek Nafarroako Foru Komunitateko Administrazioaren eta haren erakunde autonomoen zerbitzuko funtzionario izendatzea, ogasuneko kudeatzaile eta ikertzaile laguntzaileen lanpostuetan aritzeko: Susana Maldonado Barahona andrea eta Beatriz Larrión Zabaleta andrea, igoera txandatik; eta Marcos Vicente Aranguren jauna, Paula Pérez Esteban andrea, Nuria Villanueva Pérez andrea, Ángela Adrián Pascual andrea, Gonzalo Rodrigo Irurtia jauna, Isabel Ager García Ramos andrea, Tania Díez García andrea, Iván Azcue Vigor jauna, Ainhoa Elizalde Usoz andrea, Julia Hernández Martínez andrea, Paula Izu Iriarte andrea, Itziar Aldabe Muro andrea, Ana Olalde Armendáriz andrea, María Pilar Alegría Zueco andrea, Raquel Hernández Monago andrea, María Pilar Redal García andrea, Gemma Aristu Lizarraga andrea, Óscar Eguaras Lanuza jauna, María Araus García andrea, Arantxa Iriarte Azcona andrea, Laura Millares Senosiáin andrea, Leire Ciaurriz Sola andrea, Beatriz Fernández Pou andrea, Beatriz Goicoechea Ferrandez andrea, Irati Álvarez Pérez de Albéniz andrea eta Marta Arandigoyen Martínez andrea, txanda irekitik.

2. Lanpostu hutsak esleitzea I. eranskinean xedatutakoarekin bat.

3. Xedatzea ezen proposatu diren izangaiek Nafarroako Foru Ogasuneko Administrazio Atalean hartu beharko dutela lanpostuaren jabetza (Karlos III.aren etorbidea 4, 31002 Iruña), hilabeteko epean, izendapena Nafarroako Aldizkari Ofizialean argitaratu eta biharamunetik hasita, kontuan izanik argitaratze horrek jakinaraztearen ondorio berberak izanen dituela, Administrazio Publikoen Administrazio Prozedura Erkideari buruzko urriaren 1eko 39/2015 Legearen 45. artikuluan ezarritakoari jarraikiz.

Aipatutako epean lanpostuaren jabetza hartzen ez duenak, behar bezala justifikatutako ezinbesteko kasuetan izan ezik, Nafarroako Foru Komunitateko Administrazioko eta haren erakunde autonomoetako funtzionario izateko eskubide guztiak galduko ditu.

4. Ebazpen hau igortzea Nafarroako Foru Ogasuna erakunde autonomora, Funtzio Publikoko Zuzendaritza Nagusiko Langileriaren Kudeaketako Zerbitzura, Langileriaren Gastuaren Kontrolaren eta Nominen Zerbitzura, Egituraren, Lanpostuen Antolaketaren eta Langileen Plantillaren Zerbitzura eta Gizarte Prestazioen Zerbitzura, eta interesdunei jakinaraztea. Interesdunei aditzera ematen zaie ezen ebazpenaren aurka gora jotzeko errekurtsoa jartzen ahal dutela, Lehendakaritzako, Berdintasuneko, Funtzio Publikoko eta Barneko kontseilariari zuzendua, jakinarazi eta biharamunetik hilabeteko epean, Administrazio Publikoen Administrazio Prozedura Erkideari buruzko urriaren 1eko 39/2015 Legearen 121. eta 122. artikuluetan xedatutakoarekin bat.

5. Nafarroako Aldizkari Ofizialean argitara dadila agintzea.

Iruñean, 2022ko martxoaren 21ean.–Funtzio Publikoko zuzendari nagusia, Amaia Goñi Lacabe.

Iragarkiaren kodea: F2204512