83. ALDIZKARIA - 2022ko apirilaren 29a

1. NAFARROAKO FORU KOMUNITATEA

1.2. AGINTARIAK ETA LANGILEAK

1.2.1. Kargu-uzteak, izendapenak eta bestelako egoerak

DEIALDIA, Nafarroako Kontuen Ganberaren zerbitzuko auditoretzako teknikarien hiru lanpostu huts oposizio bidez betetzekoa Izendapena.

Bukatu da Nafarroako Kontuen Ganberaren zerbitzuko auditoretzako teknikarien hiru lanpostu oposizio bidez betetzeko deialdia, lehendakaritza honek 2021eko otsailaren 10ean emandako ebazpenaren bidez onetsi ondoren Nafarroako Aldizkari Ofizialaren 2021eko 45. zenbakian eta Nafarroako Parlamentuko Aldizkari Ofizialaren 2021eko 27. zenbakian argitaratu zena otsailaren 26an, batean zein bestean.

Kalifikazio epaimahaiak egindako izendapen proposamena argitara eman da Nafarroako Aldizkari Ofizialaren 2022ko 56. zenbakian eta Nafarroako Parlamentuko Aldizkari Ofizialaren 2022ko 35. zenbakian, biak ala biak 2022ko martxoaren 18koak. Hortaz, deialdiko 8. oinarrian xedatutakoarekin bat etorriz, eta deialdiko 7.3 oinarrian adierazten diren agiriak aurkeztu dituztenez, bidezkoa da hautapen prozesua gainditu duten izangaietatik proposatu diren pertsonak izendatzea.

Aurreko guztia kontuan harturik, lehendakaritza honek, dagozkion ahalmenak eta eskumenak erabiliz,

EBAZTEN DU:

Lehenengoa.–Carlos Ruiz Remírez, Miryam Sola Núñez eta Irantzu Landívar Roque Nafarroako Kontuen Ganberaren zerbitzuko funtzionario izendatzea, auditoretzako teknikarien lanpostuetan aritzeko.

Bigarrena.–Zehaztea ezen izendatutako izangaiek hilabeteko epean jabetu behar dutela lanpostuaz, izendapenaren jakinarazpenaren egunetik kontatzen hasita.

Hirugarrena.–Ebazpen hau Nafarroako Aldizkari Ofizialean eta Nafarroako Parlamentuko Aldizkari Ofizialean argitaratzeko agintzea, eta interesdunei eta Nafarroako Kontuen Ganberako idazkari nagusiari jakinarazteko agintzea.

Iruñean, 2022ko apirilaren 11n.–Nafarroako Kontuen Ganberako lehendakaria, Asunción Olaechea Estanga.

Iragarkiaren kodea: F2205505