1. NAFARROAKO FORU KOMUNITATEA
1.7. BESTELAKOAK
61/2022 EBAZPENA, martxoaren 21ekoa, Industria Antolamenduaren, Azpiegitura Energetikoen eta Meatzeen Zerbitzuko zuzendariak emana, aurretiazko administrazio baimena ematen duena “La Falconera” izeneko parke fotovoltaikoa, 1.920 kW-ekoa, sarearekin konektatzeko aurreproiekturako, Erriberrin.
2021eko azaroaren 29an, Metallbauen Solar SLk, Carcar Gaya A, Escalera Galar E, I, Escalera Landivar F eta Nuin Valencia J ordezkatuz, aurretiazko administrazio baimena eskatu du eguzki instalazio fotovoltaiko honetarako:
–Izena: “La Falconera” izeneko parke fotovoltaikoa, 1.920 kW-ekoa.
–Instalazioaren titularra: Carcar Gaya A, Escalera Galar E, I, Escalera Landivar F eta Nuin Valencia J, ondasun-erkidegoa.
–Instalazioaren kokalekua: Erriberriko udal mugarteko 15. poligonoko 943-J lurzatia.
–Instalazioaren ezaugarri teknikoak:
- autokontsumorako eguzki instalazio fotovoltaikoa, soberakinekin.
- Potentzia nominala, osotara: 1.920 kW.
- Sorgailu fotovoltaikoa:
–Muturreko potentzia, osotara, 2.187 kWp-koa, 180 serietan banatua, 27 modulurekin serie bakoitzean.
–Risen Solar / RSM144-7-450M motako modulu fotovoltaikoak (4.860 modulu) 450 Wp-koak, altzairu galbanizatuzko egitura baten gainean, Alusin Solar egitura, ardatz bati lotuta.
–Monitorizazio sistema, babesak eta neurketa ekipoak.
- Inbertsoreak:
- Hamabi ekipo, Ingecon Sun 3PLAY 160TL motakoak, paraleloan.
- 160 kW-eko gehieneko irteera-potentzia inbertsore bakoitzerako.
- Konexiorako instalazioa:
- Parke fotovoltaikoak sortutako energia I-DE Redes Inteligentesen jabetzako 13,2 kV-eko banaketa sarean injektatuko da.
- Inbertsore fotovoltaikoetako irteerako tentsioa mugako puntuko tentsiora jasoko da, parke fotovoltaikoaren lurzatian bertan egonen den “Abonatu fotovoltaikoaren Transformazio Zentroa” erabiliz. Zentroa elementu hauek osatuko dute: tentsio ertaineko Skide batek, tentsio ertaineko gelaxka batzuek (linea + Int. automatikoa + Neurketa) eta 2.000 / 3.200 kVA-ko potentziako transformadore batek.
- Ebakuazio linea, 13,2 kV-eko tentsio ertainekoa, lur azpitik joanen da “TBA Zidacos” izeneko azpiestazioraino, bertan dagoen bidearen areketan barna.
- Sarearekin konektatzeko puntua eta tentsioa: TBA Zidacos (13,2 kV) azpiestazioko 13,2 kV-eko barra-kolektorean dagoen posizio batean dago, identifikatzaile bakarreko 789791 kodearekin.
–Aurrekontua: 1.719.850,94 euro.
Espedientean Biodibertsitatearen Zerbitzuko zuzendariak 2021eko ekainaren 30ean emandako 173E/2021 Ebazpena dago, zeinaren bidez ingurumen ukipenetarako baimena ematen baitzaio parke fotovoltaiko baterako proiektu horri. Ingurumen ukipenetarako baimen horrek barne biltzen du lurzoru urbanizaezinean baimendu daitezkeen jardueretarako baimena.
Energia elektrikoa garraiatu, banatu, merkaturatu eta horniketa egiteko jarduerak eta energia elektrikoaren instalazioak baimentzeko prozedurak arautzen dituen abenduaren 1eko 1955/2000 Errege Dekretuaren 125. artikuluarekin bat etorriz, Industria Antolamenduaren, Azpiegitura Energetikoen eta Meatzeen Zerbitzuak jendaurrean jarri zuen eskaera hori, iragarkia argitaratuz 2022ko 25. Nafarroako Aldizkari Ofizialean, otsailaren 3koan, bai eta Nafarroako Gobernuaren Gobernu Irekiaren webgunean ere. 30 egun balioduneko epean ez zen inolako alegaziorik jaso.
Espedientean sargune eta konexiorako puntuaren onarpena jasota dago, Iberdrola Distribución Eléctrica SAUk (Erref.: 9040201711) emandakoa, 2021eko urriaren 8koa.
Aurkeztutako dokumentazioa ikusita, eta abenduaren 1eko 1955/2000 Errege Dekretuaren VII. tituluan (energia elektrikoa garraiatu, banatu, merkaturatu eta horniketa egiteko jarduerak eta energia elektrikoaren instalazioak baimentzeko prozedurak arautzen dituena), ekainaren 6ko 413/2014 Errege Dekretuan (energia-iturri berriztagarrietatik, kogeneraziotik eta hondakinetatik energia elektrikoa ekoizteko jarduera arautzen duena) eta apirilaren 5eko 244/2019 Errege Dekretuan (energia elektrikoa kontsumitzeko baldintzak arautzen dituena) xedatutakoari jarraikiz, bidezkoa da eskatutakoa onartzea.
Adierazitakoarekin bat, eta Industriaren, Energiaren eta S3 Proiektu Estrategikoen zuzendari nagusiak azaroaren 18an emandako 52/2019 Ebazpenaren bidez eskuordetu dizkidan eskumenak (2019ko 234. Nafarroako Aldizkari Ofiziala, azaroaren 27koa) erabiliz, Nafarroako Foru Komunitateko Administrazioari eta foru-sektore publiko instituzionalari buruzko martxoaren 11ko 11/2019 Foru Legearen 32. eta 11. artikuluetan ezarritakoa betetzeko,
EBAZTEN DUT:
1. Carcar Gaya A, Escalera Galar E, I, Escalera Landivar F eta Nuin Valencia Jri aurretiazko administrazio baimena ematea instalazio horretarako.
2. Aurretiazko administrazio baimen hau emanda ere, instalazioa gauzatzeko beharrezkoak diren kontzesio, lizentzia eta baimen guztiak, publikoak nahiz pribatuak, lortu beharko ditu instalazioaren eskatzaileak, aplikatzekoak diren beste xedapen batzuekin bat.
3. Ebazpen hau Industria Antolamenduaren, Azpiegitura Energetikoen eta Meatzeen Zerbitzura igortzea, behar diren ondorioak izan ditzan.
4. Ebazpen hau Nafarroako Aldizkari Ofizialean argitaratzea, orok jakin dezan.
5. Ebazpen hau Carcar Gaya A, Escalera Galar E, I, Escalera Landivar F eta Nuin Valencia Jri jakinaraztea, eta ohartaraztea ebazpen honek ez duela administrazio bidea amaitzen, eta haren aurka gora jotzeko errekurtsoa aurkez diezaioketela Garapen Ekonomiko eta Enpresarialeko kontseilariari, hilabeteko epean, jakinarazpena egin eta hurrengo egunetik hasita, espedientean zenbakia adierazita.
Iruñean, 2022ko martxoaren 21ean.–Industria Antolamenduaren, Azpiegitura Energetikoen eta Meatzeen Zerbitzuko zuzendaria, Laura Larraya Irigoyen.
Iragarkiaren kodea: F2204167
