2. NAFARROAKO TOKI ADMINISTRAZIOA
2.2. XEDAPEN ETA IRAGARKIAK, HERRIEN ARABERA ANTOLATUAK
BURLATA
Egunsenti Haur Eskolan jantoki-zerbitzua emateko kudeaketa-gomendioa Alkatetzan eskuordetzea
Burlatako Udalak, 2022ko martxoaren 31n egindako osoko bilkuran, hitzez hitz transkribatzen den erabakia onartu du:
Nafarroako Gobernuko Hezkuntza eta Gizarte Eskubideen Departamentuaren arteko lankidetza-hitzarmena aztertu da, Haur Hezkuntzako lehen zikloko plazak batera eskaintzeko eta Hilarión Eslava HLHIP udal eraikineko espazioen erabilera lagatzeko. Hitzarmen hori 2022ko martxoaren 31ko osoko bilkuran onartu zen.
Ikusi da hitzarmen horren arrazoia izan dela obrak egin behar direla «Egunsenti» izeneko haur-zentroan, eraikina larriki kaltetu baita 2021eko abenduaren 10eko uholdeen ondorioz.
Ikusirik Hezkuntza Sailak eta Burlatako Udalak zenbait neurri hartzea erabaki dutela, 2022-2023 ikasturtearen hasierarako haur-hezkuntzako lehen zikloko (0-3 urte) zentroa den aldetik, «Egunsenti» ikastetxearen jarduera behar bezala garatzeko, herritarrei ahalik eta hezkuntza-zerbitzurik onenak emanez, eskura dauden baliabideak behar bezala aprobetxatuz.
Ikusirik hitzarmenaren bosgarren klausula, zeinak aurreikusten baitu Nafarroako Gobernuak Burlatako Udalari batera kudeatzeko gomendioa egitea jangela zerbitzua Egunsenti ikastetxean emateko, eta zerbitzuaren eguneroko kudeaketa zentro horren kontura geratzen da.
Toki Araubidearen Oinarriak arautzen dituen apirilaren 2ko 7/1985 Legearen 22.2.g) artikuluan xedatutakoaren arabera, Udalbatzari dagokio beste administrazio publiko batzuek eskuordetzan emandako eskumenak onartzea.
Toki-erakundeen Antolaketa, Funtzionamendu eta Araubide Juridikoaren Araudiko 51. eta 114. artikuluek osoko bilkura honi ematen dizkioten ahalmenez baliatuz, beren eskumenak, osorik edo zati batean, alkatetzari eskuordetzeko ahalmena ematen eta arautzen dute.
Zerbitzu Orokorren Udal Informazio Batzordeak 2022ko martxoaren 23an emandako aldeko irizpena kontuan hartuta, osoko bilkurak,
ERABAKI DU:
1. 2022-2023 eta 2023-2024 ikasturteetan, Nafarroako Foru Komunitateko Administrazioak 0 eta 3 urte bitarteko haurrentzako jantoki-zerbitzua emateko kudeaketa-gomendioa onartzeko izapidea Alkatetzari eskuordetzea.
2. Erabaki hau alkatetzari helaraztea, onar dezan. Eskuordetza isilbidez onartu dela ulertuko da, baldin eta, erabakia jakinarazi eta hiru egun balioduneko epean, eskuordetza jaso duen kideak edo organoak eskuordetza onartzen ez duela berariaz adierazten ez badio eskuordetza eman duen organoari.
3. Erabaki hau Nafarroako Aldizkari Ofizialean argitaratzea, baina hartu eta hurrengo egunetik aurrera izango ditu ondorioak.
Burlatan, 2022ko apirilaren 4an.–Alkatea, Ana María Góngora Urzaiz.
Iragarkiaren kodea: L2204892
