1. NAFARROAKO FORU KOMUNITATEA
1.7. BESTELAKOAK
100/2022 EBAZPENA, martxoaren 24koa, Hezkuntzako zuzendari nagusiak emana, Iruñeko “Kid’s Garden” Haur Hezkuntzako lehen zikloko ikastetxe pribatuaren baimena aldatzen duena, titulartasuna aldatzeagatik.
“Fomento de Centros de Enseñanza, S. A.” entitateak (IFZ: A28126597) eskaera egin du, Iruñeko “Kid’s Garden” Haur Hezkuntzako lehen zikloko ikastetxe pribatuaren baimena aldatzeko, entitate eskatzaileak ikastetxearen entitate titularra bereganatu duelako. Eskaera horri buruzko espedientea aztertu da.
Aztertu da, halaber, entitate titular berriak aurkeztu duen dokumentazioa.
Eta kontuan hartu da Nafarroako Foru Komunitatean Haur Hezkuntzako lehen zikloa arautu eta hura ematen duten ikastetxeek bete beharreko baldintzak eta zikloaren hezkuntza edukiak ezarri zituen martxoaren 26ko 28/2007 Foru Dekretuaren 29. artikuluan ezarritakoa.
Horrenbestez, Nafarroako Foru Komunitateko Administrazioari eta foru-sektore publiko instituzionalari buruzko martxoaren 11ko 11/2019 Foru Legearen 32.1.d) artikuluak ematen dizkidan ahalmenak erabiliz, eta Hezkuntzako Ikuskapen Zerbitzuak proposaturik,
EBAZTEN DUT:
1. Aldatzea Iruñeko “Kid’s Garden” Haur Hezkuntzako lehen zikloko ikastetxe pribatuaren baimena (ikastetxearen kodea: 31014736), titularra aldatu delako; titular berria “Fomento de Centros de Enseñanza S. A.” entitatea izanen da (IFZ: A28126597), helbidea Madrilen duena (Costa Brava kalea 6).
2. Adieraztea titular berriak subrogatuak izanen dituela indarra duen legerian ezarritako eskubide, betebehar eta karga guztiak, ikastetxean eragina dutenak; bereziki, Hezkuntza Departamentuarekiko harremanekin zerikusia duen guztia.
3. Ebazpen hau Nafarroako Aldizkari Ofizialean argitaratzea.
4. Ebazpen hau ikastetxearen titularrari jakinaraztea, eta aditzera ematea haren aurka gora jotzeko errekurtsoa jar daitekeela, Hezkuntza Departamentuko kontseilariari zuzendua, jakinarazi eta biharamunetik hasita hilabeteko epean.
5. Ebazpen hau igortzea Hezkuntzako Ikuskapen Zerbitzura, Haur Eskolen Zerbitzura, Hezkuntzako Informazio Sistemen Zerbitzura, Hezkuntzako Azpiegituren Zerbitzura, Ikastetxeen Finantzaketaren eta Ikasketetarako Laguntzen Atalera eta Ikastetxeetako Informazioa Kudeatzeko Bulegora.
Iruñean, 2022ko martxoaren 24an.–Hezkuntzako zuzendari nagusia, Gil Sevillano González.
Iragarkiaren kodea: F2204520
