1. NAFARROAKO FORU KOMUNITATEA
1.7. BESTELAKOAK
68/2022 EBAZPENA, martxoaren 30ekoa, Lanbide Heziketaren zuzendari nagusiak emana, zeinaren bidez onesten baita Nafarroako Foru Komunitatean 2022-2023 ikasturtean ikastetxe publikoetako eta pribatu itunduetako ikasleak onartzeko prozeduraren egutegia, Lanbide Heziketako irakaskuntzetako eta Arte Plastikoetako eta Diseinuko lanbide irakaskuntzetako erdi mailako eta goi mailako heziketa zikloak egiteko.
Nafarroako Foru Komunitatean, Lanbide Heziketaren arloan eskumena duen zuzendaritza nagusiaren ebazpen batean finkatuko dira ikasturte bakoitzeko prozedura zehaztuko duten datak, halaxe xedatu baita apirilaren 29ko 54/2016 Foru Aginduaren 2. oinarriko 3. apartatuan. Foru Agindu horren bidez, onartze prozedura arautzeko oinarriak onetsi ziren, hezkuntza sistemako Lanbide Heziketako irakaskuntzetako eta Arte Plastikoetako eta Diseinuko lanbide irakaskuntzetako erdi mailako eta goi mailako heziketa zikloak egiteko.
Hezkuntza Departamentuaren egitura organikoa ezartzen duen urriaren 30eko 267/2019 Foru Dekretuaren bidez esleitutako ahalmenak erabiliz,
EBAZTEN DUT:
1. Ikastetxe publikoetako eta pribatu itunduetako onartze prozedura garatzeko egutegia onestea, Lanbide Heziketako irakaskuntzetako eta Arte Plastikoetako eta Diseinuko lanbide irakaskuntzetako erdi mailako eta goi mailako heziketa zikloak egiteko 2022-2023 ikasturtean. Ebazpen honen eranskinean dago jasota.
2. Ebazpen hau eta eranskina igortzea Hezkuntzako Ikuskapen Zerbitzura; Antolamendu, Prestakuntza eta Kalitate Zerbitzura; Inklusio, Berdintasun eta Bizikidetza Zerbitzura; Hezkuntzako Teknologien eta IKT Azpiegituren Zerbitzura; Hezkuntzako Informazio Sistemen Zerbitzura; Lanbide Kualifikazio, Enpresa eta Enplegurako Zerbitzura; Lanbide Heziketaren Plangintza eta Berrikuntzarako Zerbitzura; Azterlan Ekonomikoen eta Nominen Zerbitzura; Ikastetxeen Finantzaketaren, Ikasketetarako Laguntzen eta Zerbitzu Osagarrien Zerbitzura; Hezkuntzako Azpiegituren Zerbitzura; Irakasleak Hautatzeko eta Lanpostuak Betetzeko Zerbitzura; Aldi Baterako Langileak Kudeatzeko Zerbitzura; Nafarroako Eskolatze Batzorde Nagusira; Kudeaketa Juridiko-administratiboaren Atalera; Eskolatze Bulegora; Orientazio Bulegora, eta Ikastetxeetako Informazioa Kudeatzeko Bulegora, behar diren ondorioak izan ditzaten.
3. Ebazpen honen eta eranskinaren aurka gora jotzeko errekurtsoa jar daiteke, Hezkuntzako kontseilariari zuzendua, hilabeteko epean, Nafarroako Aldizkari Ofizialean argitaratu eta hurrengo egun baliodunetik hasita.
4. Ebazpen hau eta eranskina Nafarroako Aldizkari Ofizialean argitaratzea.
Iruñean, 2022ko martxoaren 30ean.–Lanbide Heziketaren zuzendari nagusia, Tomás Rodríguez Garraza.
ERANSKINA 2022-2023 ikasturteko onartze prozesuaren egutegia Erdi mailako eta goi mailako heziketa zikloak Izena emateko epea (bietarako: erdi mailako eta goi mailako zikloetan izena emateko). |
ERDI MAILAKO ETA GOI MAILAKO ZIKLOETAN IZENA EMATEKO EPEA | HASIERA EGUNA | BUKAERA EGUNA |
Izena emateko epe arrunta (izena emateko orriak aurkeztea) | Apirilaren 29a | Maiatzaren 10a | 14:00ak arte |
Azken eguna, izena eman duten ikasleen datuak EDUCA sisteman sartzeko (inskripzio ikastetxeak) | | Maiatzaren 31 | |
Azken eguna, EDUCA sisteman “ERREP” zutabea betetzeko, “Ikastetxearen matrikula-aurreikuspena” izeneko atalean (inskripzioa egiten den ikastetxeak) | | Ekainaren 23a | 14:00ak arte |
Erdi mailako zikloetan onartzeko prozesuko urratsen egutegia |
ERDI MAILA EPE ARRUNTA | HASIERA EGUNA | BUKAERA EGUNA |
Azken eguna sarrerako baldintza aldatzeko | | Ekainaren 24a | 14:00ak arte |
Azken eguna, beste baldintza batzuk aurkezteko (gaitasun artistikoaren proba), zein den kasua | | Ekainaren 24a | 14:00ak arte |
Azken eguna, ikaspostuak gordetzeko frogagiriak aurkezteko, desgaitasuna izateagatik, goi mailako edo errendimendu handiko kirolaria izateagatik edo hezkuntza laguntzako berariazko premiak izateagatik | | Ekainaren 24a | 14:00ak arte |
Onartuen behin-behineko zerrenda argitaratzea | | Ekainaren 28a | |
Onartuen behin-behineko zerrendari buruzko erreklamazioak aurkeztea | Ekainaren 28a | Ekainaren 30a | 14:00ak arte |
Onartuen behin betiko 1. zerrenda argitaratzea (onartze prozesuko 1. fasea) | | Uztailaren 1a | |
Onartuen behin betiko 1. zerrendari dagozkion matrikulazio egunak | Uztailaren 4a | Uztailaren 11 | 14:00ak arte |
Onartuen behin betiko 2. zerrenda argitaratzea (onartze prozesuko 1. fasea) | | Uztailaren 13a | |
Onartuen behin betiko 2. zerrendari dagozkion matrikulazio egunak | Uztailaren 14a | Uztailaren 18a | 14:00ak arte |
Onartuen behin betiko 3. zerrenda argitaratzea (onartze prozesuko 2. fasea) | | Uztailaren 20a | |
Onartuen behin betiko 3. zerrendari dagozkion matrikulazio egunak | Uztailaren 21a | Uztailaren 22a | 14:00ak arte |
Onartuen behin betiko 4. zerrenda argitaratzea (onartze prozesuko 2. fasea) | | Uztailaren 26a | |
Onartuen behin betiko 4. zerrendari dagozkion matrikulazio egunak | Uztailaren 27a | Uztailaren 28a | 14:00ak arte |
ERDI MAILA IKASPOSTU HUTSAK ESLEITZEKO PROZEDURA | HASIERA EGUNA | BUKAERA EGUNA |
Hezkuntza Departamentuak hutsik dauden ikaspostuak zehaztea, ikaspostu hutsak esleitzeko prozedurarako | | Abuztuaren 26a | |
Ikaspostu hutsak esleitzeko prozedurarako eskaerak aurkeztea | Abuztuaren 29a | Abuztuaren 30a | 14:00ak arte. |
Azken eguna, ikaspostu hutsak esleitzeko prozeduran izena eman duten ikasleak sartzeko EDUCA sisteman (inskripzio ikastetxeak) | | Irailaren 1a | 14:00ak arte. |
Ikaspostu hutsak esleitzeko prozeduran onartzen direnen 1. zerrenda argitaratzea | | Irailaren 2a | |
Ikaspostu hutsak esleitzeko prozeduran onartzen direnen 1. zerrendako ikasle onartuen matrikula | Irailaren 5a | Irailaren 6a | 14:00ak arte. |
Ikaspostu hutsak esleitzeko prozeduran onartzen direnen 2. zerrenda argitaratzea | | Irailaren 8a | |
Ikaspostu hutsak esleitzeko prozeduran onartzen direnen 2. zerrendako ikasle onartuen matrikula | | Irailaren 9a | 14:00ak arte. |
Goi mailako zikloetan onartzeko prozesuko urratsen egutegia |
GOI MAILA EPE ARRUNTA | HASIERA EGUNA | BUKAERA EGUNA |
Azken eguna, sarrerako baldintza aldatzeko | | Ekainaren 30a | 14:00ak arte |
Azken eguna, beste baldintza batzuk aurkezteko (gaitasun artistikoaren proba), zein den kasua | | Ekainaren 30a | 14:00ak arte |
Azken eguna, ikaspostuak gordetzeko frogagiriak aurkezteko, desgaitasuna izateagatik, goi mailako edo errendimendu handiko kirolaria izateagatik edo hezkuntza laguntzako berariazko premiak izateagatik | | Ekainaren 30a | 14:00ak arte |
Azken eguna, atzerriko hizkuntzako B1 mailaren egiaztagiria aurkezteko, kasua bada | | Ekainaren 30a | 14:00ak arte |
Onartuen behin-behineko zerrenda argitaratzea | | Uztailaren 11 | |
Onartuen behin-behineko zerrendari buruzko erreklamazioak aurkeztea | Uztailaren 11 | Uztailaren 13a | 14:00ak arte |
Onartuen behin betiko 1. zerrenda argitaratzea (onartze prozesuko 1. fasea) | | Uztailaren 15a | |
Onartuen behin betiko 1. zerrendari dagozkion matrikulazio egunak | Uztailaren 18a | Uztailaren 20a | 14:00ak arte |
Onartuen behin betiko 2. zerrenda argitaratzea (onartze prozesuko 1. fasea) | | Uztailaren 22a | |
Onartuen behin betiko 2. zerrendari dagozkion matrikulazio egunak | Uztailaren 26a | Uztailaren 28a | 14:00ak arte |
Onartuen behin betiko 3. zerrenda argitaratzea (onartze prozesuko 2. fasea) | | Abuztuaren 26an | |
Onartuen behin betiko 3. zerrendari dagozkion matrikulazio egunak | Abuztuaren 29a | Abuztuaren 30a | 14:00ak arte |
Onartuen behin betiko 4. zerrenda argitaratzea (onartze prozesuko 2. fasea) | | Irailaren 1a | |
Onartuen behin betiko 4. zerrendari dagozkion matrikulazio egunak | Irailaren 2a | Irailaren 5a | 14:00ak arte |
GOI MAILA IKASPOSTU HUTSAK ESLEITZEKO PROZEDURA | HASIERA EGUNA | BUKAERA EGUNA |
Hezkuntza Departamentuak hutsik dauden ikaspostuak zehaztea, ikaspostu hutsak esleitzeko prozedurarako | | Irailaren 7a | |
Ikaspostu hutsak esleitzeko prozedurarako eskaerak aurkeztea | Irailaren 8a | Irailaren 9a | 14:00ak arte |
Azken eguna ikaspostu hutsak esleitzeko prozeduran inskribatu diren ikasleak sartzeko EDUCA sisteman (inskripzio ikastetxeak) | | Irailaren 12a | 14:00ak arte |
Ikaspostu hutsak esleitzeko prozeduran onartzen direnen 1. zerrenda argitaratzea | | Irailaren 13a | |
Ikaspostu hutsak esleitzeko prozeduran onartzen direnen 1. zerrendako ikasle onartuen matrikula | Irailaren 14a | Irailaren 15a | 14:00ak arte |
Ikaspostu hutsak esleitzeko prozeduran onartzen direnen 2. zerrenda argitaratzea | | Irailaren 16a | |
Ikaspostu hutsak esleitzeko prozeduran onartzen direnen 2. zerrendako ikasle onartuen matrikula | | Irailaren 19a | 14:00ak arte |
Iragarkiaren kodea: F2204806