Iragarkia
75. ALDIZKARIA - 2022ko apirilaren 19a
1. NAFARROAKO FORU KOMUNITATEA
1.4. DIRU-LAGUNTZAK, LAGUNTZAK ETA BEKAK
31/2022 FORU AGINDUA, martxoaren 11koa, Landa Garapeneko eta Ingurumeneko kontseilariak emana, araubide orokorra ezartzen duena nekazaritza, ingurumen eta klimaren laguntzak (10. neurria) eta nekazaritza ekologikoarenak (11. neurria) eman, kudeatu eta kontrolatzeko Nafarroako Foru Komunitatean. Laguntza horiek Nafarroako Foru Komunitateko Landa Garapenerako 2014-2020 Programaren barnean daude.
Landa Garapeneko, Ingurumeneko eta Toki Administrazioko kontseilariak maiatzaren 20an eman 209/2015 Foru Aginduaren bidez, araubide orokorra ezarri zen nekazaritza, ingurumen eta klimaren laguntzak (10. neurria) eta nekazaritza ekologikoarenak (11. neurria) eman, kudeatu eta kontrolatzeko Nafarroako Foru Komunitatean. Laguntza horiek Nafarroako Foru Komunitateko Landa Garapenerako 2014-2020 Programaren barnean daude. Foru agindu hori, gero, Landa Garapeneko, Ingurumeneko eta Toki Administrazioko kontseilariaren apirilaren 1eko 104/2016 Foru Aginduak aldatu zuen, eta geroago, otsailaren 27ko 61/2018 Foru Aginduak.
2015eko azaroaren 18an, Europako Batzordeak Nafarroako Landa Garapenerako 2014-2020 Programa onetsi zuen, eta hainbat aldiz aldatu da.
Europako Parlamentuak eta Kontseiluak Landa Garapenerako Europako Nekazaritza Funtsaren (LGENF) bidez landa garapena laguntzeari buruz 2013ko abenduaren 17an onetsitako 1305/2013 (EB) Erregelamenduak zenbait neurri ezartzen ditu landa eremuen garapen jasangarrirako, besteak beste nekazaritza ekologikoaren laguntzak eta nekazaritza, ingurumen eta klimaren laguntzak. Batzordearen 2014ko martxoaren 11ko 807/2014 (EB) Erregelamendu Delegatuak osatzen du Europako Parlamentuaren eta Kontseiluaren 1305/2013 (EB) Erregelamendua.
Batzordearen 2014ko uztailaren 17ko 808/2014 (EB) Exekuzio Erregelamenduak xedapenak ezartzen ditu Europako Parlamentuaren eta Kontseiluaren 1305/2013 (EB) Erregelamendua aplikatzeko.
Europako Parlamentuaren eta Kontseiluaren 2013ko abenduaren 17ko 1306/2013 (EB) Erregelamenduak, nekazaritzako politika bateratuaren finantzaketari, kudeaketari eta jarraipenari buruzkoak, Kontseiluaren 352/78 (EE), 165/94 (EE), 2799/98 (EE), 814/2000 (EE), 1290/2005 (EE) eta 485/2008 (EE) Erregelamenduak indargabetzen ditu.
Batzordearen 2014ko martxoaren 11ko 640/2014 (EB) Erregelamendu Delegatuak Europako Parlamentuaren eta Kontseiluaren 1306/2013 (EB) Erregelamendua osatzen du kudeaketaren eta kontrolaren sistema integratuari dagokionez, ordainketak ukatu edo kentzeko baldintzei dagokienez eta ordainketa zuzenei, landa garapeneko laguntzari eta baldintzazkotasunari aplika dakizkiekeen zehapen administratiboei dagokienez.
Batzordearen uztailaren 17ko 809/2014 (EB) Exekuzio Erregelamenduak xedapenak ezartzen ditu Europako Parlamentuaren eta Kontseiluaren 1306/2013 (EB) Erregelamendua honako hauei dagokienez aplikatzeko: kudeaketaren eta kontrolaren sistema integratua, landa garapeneko neurriak eta baldintzazkotasuna.
Europako Parlamentuaren eta Kontseiluaren 2020ko abenduaren 23ko 2020/2220 (EB) Erregelamenduak, alde batetik, zenbait xedapen iragankor ezartzen ditu Landa Garapenerako Europako Nekazaritza Funtsaren (LGENF) eta Nekazaritza Bermatzeko Europako Funtsaren (NBEUF) laguntzarako, 2021. eta 2022. urteetan, eta, bestetik, aldatzen ditu 1305/2013, 1306/2013 eta 1307/2013 (EB) Erregelamenduak, baliabideei eta 2021. eta 2022. urteetan aplikatzeari dagokienez, eta 1308/2013 (EB) Erregelamendua, baliabideei eta laguntza hori 2021. eta 2022. urteetan banatzeari dagokionez.
Abenduaren 19ko 1075/2014 Errege Dekretuak erregulatzen ditu nekazaritzari eta abeltzaintzari 2015etik aurrera egiten zaizkien ordainketa zuzenak eta laguntzeko beste araubide batzuk, baita ordainketa zuzenen eta landa garapenerako ordainketen kudeaketa eta kontrola ere.
Otsailaren 8ko 45/2019 Errege Dekretuak abere arrazak zaindu, hobetu eta sustatzeko programa nazionala ezarri ditu, eta arrazen katalogo nazionala arautu.
Dirulaguntzei buruzko azaroaren 9ko 11/2005 Foru Legea aplikatuko zaio foru agindu honi.
Nafarroako Landa Garapenerako 2014-2020 Programak ondoko laguntzak biltzen dituzten neurriak hartzen ditu:
10. neurria.–Nekazaritza, ingurumena eta klima.
1. Hazitarako patataren nekazaritzako eta ingurumeneko ekoizpenerako laguntza.
2. Abeltzaintzako sistema jasangarriak, animaliak larratuz eta sistema estentsiboa zabalduz.
3. Nekazaritzako estepa habitatak hobetzea.
4. Nekazaritzako sistema mediterraneo jasangarriak zaintzea.
5. Galzorian dauden tokiko arrazak kontserbatu eta hobetzea.
6. Natura balio handiko zereal-agrosistemetan ardi-aziendaren larratze jasangarria.
7. Estepako habitatak hobetzea basoiloarentzat eta basoilo handiarentzat.
8. Lehorreko lur erdiaridoetan karbonoa harrapatzeko laguntza.
11. neurria.–Produkzio ekologikoa.
9. Nekazaritza ekologikoaren metodo eta jarduketetara aldatzea.
10. Nekazaritza ekologikoaren metodo eta jarduketak mantentzea.
Nafarroako Foru Komunitateko Landa Garapenerako 2014-2020 Programako (LGP) laguntzak emateko epea amaitu denez, eta 2022ko kanpainarako indarrean ez dagoenez, aldi iragankor bat ireki da LGPko laguntzen aldi berria hasi arte, eta, horren ondorioz, berriz egin behar da laguntzen deialdia. Beharrezkoa da otsailaren 27ko 61/2018 Foru Agindua berrantolatzea eta eguneratzea, eta, horretarako, ordutik hona gertatu diren aldaketak sartzea, laguntzaren zenbateko unitarioak eguneratzea, eta araua zuzentzea eta doitzea.
Urtarrilaren 23ko 7/2013 Foru Dekretuaren azken xedapenetako bigarrenak (foru dekretu horren bidez Nekazaritza Bermatzeko Europako Funtsak (NBEUF) eta Landa Garapenerako Europako Nekazaritza Funtsak (LGENF) finantzatutako gastuak Nafarroako Foru Komunitatean ordaintzen dituen erakundea baimendu zen eta haren antolamendua eta funtzionamendua ezarri ziren) ahalmena eman dio Landa Garapeneko eta Ingurumeneko kontseilariari, bere eskumenen barnean, behar diren xedapen guztiak eman ditzan foru dekretua garatu eta betearazteko, eta bereziki, nekazaritzarako Europako funtsekin osorik edo hein batean finantzatzen diren dirulaguntzei buruzko arauak ezartzeko.
Azaldutakoarekin bat, eta Nafarroako Gobernuari eta Lehendakariari buruzko abenduaren 3ko 14/2004 Foru Legearen 41.1 g) artikuluak ematen dizkidan eskudantziak erabiliz,
AGINTZEN DUT:
I. TITULUA
Alderdi orokorrak
1. artikulua. Xedea.
Foru agindu honen helburua da araubide orokorra ezartzea Nafarroako Foru Komunitateko Landa Garapenerako 2014-2020 Programaren barnean dauden ondoko neurri hauei dagozkien laguntzak eman, kudeatu eta kontrolatzeko Nafarroako Foru Komunitatean:
–10. neurria.–Nekazaritza, ingurumena eta klima.
–11. neurria.–Nekazaritza ekologikoa.
2. artikulua. Jarduketa eremua.
Foru agindu honetan ezarritako laguntzen araubidea Nafarroako Foru Komunitatean kokatutako nekazaritzako eta abeltzaintzako ustiategi guztiei aplikatuko zaie.
3. artikulua. Arau esparrua eta laguntzen identifikazioa.
1. 28. artikulua (Nekazaritza, ingurumena eta klima) eta 29.a (Nekazaritza ekologikoa), Kontseiluaren 1698/2005 (EE) Erregelamendua indargabetzeko eta Landa Garapenerako Europako Nekazaritza Funtsaren bidezko landa garapeneko laguntzei buruz Europako Parlamentuak eta Kontseiluak 2013ko abenduaren 17an onetsitako 1305/2013 (EB) Erregelamenduan.
2. 7. artikulua (Nekazaritza, ingurumena eta klima), 8.a (Baliabide genetikoak kontserbatzea nekazaritzan eta basozaintzan) eta 9.a (Klimarako eta ingurumenerako onuragarriak diren nekazaritzako jarduketen eta antzeko jarduketen finantzabide bikoitza baztertzea), 1305/2013 (EB) Erregelamendua osatzeko Batzordearen 2014ko martxoaren 11ko 807/2014 (EB) Erregelamendu Delegatuan.
3. 10. artikulua (Kostu gehigarriei eta diru-sarreren galerei buruzko hipotesi normalizatuak) eta 11.a (Konpromisoen konbinazioa eta neurrien konbinazioa), 1305/2013 (EB) Erregelamendua aplikatzeko xedapenak ezartzeko Batzordearen 2014ko uztailaren 17ko 808/2014 (EB) Exekuzio Erregelamenduan.
4. artikulua. Nafarroako Landa Garapenerako 2014-2020 Programaren aipamena.
1. Laguntza hauek Nafarroako Landa Garapenerako 2014-2020 Programaren barnean sartzen dira, zeina 1305/2013 (EB) Erregelamendutik baitator, eta Landa Garapenerako Programan neurri hauei buruz ezarritakoari jarraituko diote:
–10. neurria.–Nekazaritza, ingurumena eta klima.
–11. neurria.–Nekazaritza ekologikoa.
2. Aplikagarria izanen da 1305/2013 (EB) Erregelamenduaren 48. artikuluan zehaztutako berrikuspen baldintza foru agindu honen babespean egindako kontratuetan, haiek egokituko direla bermatzeko baldin eta aplikatu beharreko nahitaezko arauak, betekizunak eta betebeharrak aldatzen badira.
5. artikulua. Definizioak.
1. Foru agindu honen ondorioetarako, ondokoetan zehaztutako definizioak aplikatuko dira: Europako Parlamentuaren eta Kontseiluaren 2013ko abenduaren 17ko 1305/2013 (EB) Erregelamendua, Landa Garapenerako Europako Nekazaritza Funtsaren bidezko landa garapeneko laguntzei buruzkoa; Europako Parlamentuaren eta Kontseiluaren 2013ko abenduaren 17ko 1307/2013 (EB) Erregelamendua, nekazaritzako politika bateratuaren esparruan laguntzaren araubideen arabera nekazariei ordainketa zuzenak egiteko aplikagarriak diren arauak ezartzekoa; Batzordearen martxoaren 11ko 640/2014 (EB) Erregelamendu Delegatua, 1306/2013 (EB) Erregelamendua osatzen duena; eta abenduaren 19ko 1075/2014 Errege Dekretua, hizpide duen, batetik, nola aplikatu nekazaritzari eta abeltzaintzari 2015etik aurrera egiten zaizkien zuzeneko ordainketak eta laguntzeko beste araubide batzuk, eta bestetik, nola kudeatu eta kontrolatu zuzeneko ordainketak eta landa garapenerako ordainketak.
2. Halaber, foru agindu honen ondorioetarako, honako definizioak hartuko dira aintzat:
a) Nekazaritza ekologikoaren metodo eta jarduketak mantentzea: ziurtapen erakunde ofizial batek kontrolatu eta ziurtatutako produkzioa egitea, hasierako aldatze epea iraganda, 834/2007 (EE) Erregelamenduaren, 889/2008 (EE) Erregelamenduaren eta 617/1999 Foru Dekretuaren araberako ekoizpen metodoak erabilita. Foru dekretu horren bidez, onetsi zen Nafarroako Foru Komunitatearen eremuan, nekazaritza produkzio ekologikoaren eta nekazaritzako produktu eta elikagaietan horren igarbidea jartzearen gaineko erregelamendua.
b) Nekazaritza ekologikoaren metodo eta jarduketetara aldatzea: nekazaritza ez-ekologikotik nekazaritza ekologikora pasatzea denbora jakin batean, zeinetan produkzio ekologikoari buruzko xedapenak aplikatuko baitira.
c) Belar-laboreak: zerealen, proteina-landareen, olio-landareen eta lekadunen laboreak, lur goldagarrien gainean, urtero txandakatuak. Haiekin, tokian tokiko baldintza arruntetan egiten da nekazaritzako jarduera.
d) Bazka-laboreak: larre naturaletan dauden ereindako bazka belar guztiak, edo larreetarako edo ebakitzeko belardietarako hazien nahasketetan daudenak, baita bazkarako lekadunak eta bazkarako artoa ere, ebakitzeko izan edo larratzeko izan.
e) Bazka-azalera: nekazaritzako azalera erabilgarria, abereak bazkatzeko, dela animaliak larratuz dela ebakiz. Halaber, halakotzat joko da ustiategiaren titularrak larratzerako erabiltzen duena, banaka edo taldeka izan, urtaroaren araberako aprobetxamendurako eskubidea edukitzeagatik. Bazka-azaleraren eremua honakoek eraturik dago: larre iraunkorrek (larrea, zuhaixka-larrea edo larre zuhaiztuna), kontuan izanda larreen onargarritasunaren koefizientea, eta aurreko atalean zehazturiko bazka-laboreek.
f) Larratzeko belardiak: bazkatzeko belardi naturalak (espontaneoak) edo landutakoak (ereinak), larre iraunkorrak barne daudela, larratzeko erabiliak SIGPAC erabilera edozein dela ere.
g) Larreen azalera garbia: azalera gordinari larreen onargarritasunaren koefizientea aplikatzearen emaitza.
h) Abeltzaintza estentsiboa: Nafarroako Abeltzaintzako Ustiategien Erregistroan inskribatutako ustiategiak, elikaduraren zati handi bat larratzearen bidez lortzen dutenak eta ondoko sailkapen zooteknikoak dituztenak:
–Behi-azienda: haragitarako ugalketan aritzen diren ustiategiak, zezenketarakoak kanpo utzita. Esnea ekoizten aritzen direnak honetatik kanpo daude, abeltzaintzako ustiategi ekologikoak izan ezik.
–Ardi- eta ahuntz-aziendak: haragitarako ugalketa edo esnetarako ugalketa, arraza nagusia latxa bada.
–Zaldi-aziendak: haragitarako ugalketa.
–Zerri-azienda: Euskal Txerri arrazaren haragitarako ugalketa modu estentsiboan.
Nolanahi ere, zezenketarako behi-azienda abeltzaintza estentsibotzat hartzen ahal da abereak benetan larrean dabiltzala frogatzen ahal bada, eta hala dokumentatutako azalera, laguntza jaso dezakeen azaleratzat hartuko da.
i) Bazka-labore monofitoak: espezie bakar batek osatutako bazka-laboreak dira. Gehienbat hura ebakiz aprobetxatzen da, eta, maiz, zikloaren bukaeran, abereak hartan larratuz.
Laguntza hauen ondorioetarako, labore monofitotzat hartuko dira honako laboreak eta labore-nahasketak:
LABOREAREN KODEA | LABORE-NAHASKETAK | LABOREAREN KODEA | LABOREAK | |
328 | Sudango belarra | Lehorreko lurretan bakarrik onargarriak | ||
241 | Zalkea-Oloa | 60 | Alpalpa | |
242 | Zalkea-Tritikalea | 4 | Artoa | |
243 | Zalkea-Garia | 40 | Ilarra | |
244 | Zalkea-Garagarra | 52 | Zalkea | |
245 | Suila-Oloa | 61 | Ailorbea | |
246 | Suila-Garagarra | Lehorreko lurretan eta ureztaketa eremuetan onargarriak | ||
298 | Ilarra-Garagarra | 67 | Astorkia | |
299 | Ilarra-Oloa | 68 | Arrauka | |
338 | Zalkea-Llollobelarra | 69 | Llollobelarra | |
70 | Agrostisa | |||
71 | Arrhenatheruma | |||
72 | Alka-belarra | |||
73 | Larre-pleotza | |||
74 | Poa | |||
76 | Suila | |||
77 | Hirusta |
j) Azienda larriko unitatea (AzLU): Abeltzaintzako ustiategien erregistroko erregistro ofizialetan sartuta dauden ustiategietako animaliei dagozkienak, baliokidetzen taula honen arabera:
AZIENDA MOTA | AZIENDA LARRIKO UNITATEA (AzLU) |
6 hilabetetik gorako zaldi-azienda | 1,00 AzLU |
2 urtetik gorako behi-azienda | 1,00 AzLU |
Behi-azienda, 6 hilabetetik 2 urtera bitartekoa (biak barne) | 0,60 AzLU |
Ugalketarako ardi-azienda (emeak eta hazitarako arrak) | 0,15 AzLU |
Ugalketarako ahuntz-azienda (emeak eta hazitarako abereak) | 0,15 AzLU |
Ugalketarako zerri-azienda (erregimen estentsiboan) | 0,50 AzLU |
k) Ugalketarako animaliak edo etorkizunean ugalketarako direnak: erditu diren emeak edo gutxieneko adina dutenak, espeziearen arabera etorkizunean ugalketarako erabiltzeko modukoak:
i. Ardi eta ahuntz espezieko ugalketarako emeak: ugalketarako direnak, banakako identifikazio ofiziala dutela.
ii. Behi espezieko ugalketarako emeak: erditu direnak edo gutxienez 18 hilabete dituztenak.
iii. Zaldi espezieko ugalketarako emeak: erditu direnak edo gutxienez 18 hilabete dituztenak.
iv. Zerri espezieko ugalketarako emeak: erditu direnak edo gutxienez urte 1 dutenak.
l) Arraza autoktonoak eta “galzorian” dauden Nafarroako arraza autoktonoak: halakotzat jotako arrazak, Landa Garapeneko, Ingurumeneko eta Toki Administrazioko kontseilariak Nafarroako Abere Arrazen Katalogo Ofiziala onesteko abuztuaren 29an eman 309/2014 Foru Aginduaren arabera.
m) Mahasti zaharra: mahats landaketa erregularrak edo errenkadan eginak finken muga edo ertzetan, baldin eta laboreen %75 gutxienez 1985 baino lehenago landatu bazen eta laborantza baldintza onean badaude.
n) Olibadi zaharra: olibondoen landaketa erregularrak edo lerrokoak finken ertzetan edo mugetan, baldin eta azaleraren %75 gutxienez 1955. urtea baino lehen landatutako zuhaitzak badira eta laborantza baldintza onean badaude; azaleraren beste %25a olibondo berriek edo zurezko beste labore batzuek okupatuta egon daiteke.
Nekazaritzako sistema mediterraneo jasangarrien laguntzarako onargarriak diren olibadi zaharraren azalerak erregistro grafiko batean jasota daude (Landa Garapeneko eta Ingurumeneko Departamentuko Nekazaritzako Informazio Sistemen Bulegoak kudeatzen du erregistro grafikoa). Olibadien titularrek olibadi zaharretan gertatzen diren aldaketak jakinarazi beharko dituzte, dela olibondo zaharren erauzketak, dela olibondo zaharrak gaztetzeko inausketak edo beste partzela batzuetara egiten diren birlandaketak.
6. artikulua. Konpromisoak zabaltzea eta luzatzea.
1. Ez da aurreikusten konpromisoak zabaltzea edo luzatzea 2 urteko deialdietan.
2. Laguntzen lehendabiziko deialdiaren ondoko urteetan laguntzen deialdia egiten bada berriz baldintza berriekin, konpromisoa duten titularrek aukera izanen dute beren konpromisoak egokitzeko deialdi berrian aurreikusitako baldintzetara, aldi berri baterako.
7. artikulua. Konpromisoak eskualdatzea.
2 urteko deialdietan, ezinbesteko kasuetan baino ez dira onartuko konpromisoak eskualdatzea.
8. artikulua. Konpromisoak betetzeko salbuespeneko zailtasunak edo ez betetzeko ezinbesteko arrazoiak.
1. Jasotako laguntza itzultzeko ez da eskatuko 1306/2013 (EB) Erregelamenduaren 2. artikuluan eta abenduaren 19ko 1076/2014 Errege Dekretuaren 17. artikuluan bildutako salbuespeneko inguruabarrak eta ezinbesteko arrazoiak suertatuz gero.
2. Onuradunak erretiroa hartzen duenean ere ez da eskatuko.
3. Onuradunek idatziz jakinarazi behar diote Landa Garapeneko eta Ingurumeneko Departamentuari, horren berri jakin bezain pronto, ustiategian gertatutako edozein gorabehera, horrek baldintzak eta konpromisoak ez betetzea baldin badakar.
II. TITULUA
10. neurria.–Nekazaritza, ingurumena eta klima
I. KAPITULUA
Hazitarako patataren nekazaritzako eta ingurumeneko laborantza sustatzea
9. artikulua. Laguntzaren deskripzioa.
Kapitulu honetan araututako laguntzen bidez nekazariei lagundu gogo zaie hazitarako patataren laborantzari euts diezaioten hazitarako patata produzitzeko eremu baimenduetan, nekazaritzako eta ingurumeneko ekoizpen teknikei jarraituz, inguruneak nekazaritzaren eta ingurumenaren aldetik dituen balioak gorde eta zaintzeko.
10. artikulua. Laguntza mota.
1. Laguntza urteroko prima bat da, hazitarako patataren laborantzarako erabiltzen den azalera hautagarriaren hektarea bakoitzeko, nekazaritzako eta ingurumeneko ekoizpenerako arauak betetzen dituena, konpromisoa 2 urtekoa delarik.
2. Foru agindu honen 11. artikuluan jasotzen diren onargarritasun baldintzak betetzen dituztenei emanen zaizkie laguntzak.
3. Laguntzak emateko prozedura norgehiagokako araubideari jarraikiz tramitatuko da.
11. artikulua. Onargarritasun baldintzak.
Laguntzak emanen dira, soil-soilik, laguntza eskatzeko epea bukatzen denean eta konpromisoak irauten duen bitartean ondoko baldintzak betetzen dituzten eskatzaileei edo ustiategiei:
–Onuradunak:
a) Nekazaritza, ingurumen eta klimaren laguntzen araubidetik baztertua ez izatea.
–Ustiategiak.
b) Nekazari-laguntzaile gisa integraturik egotea hazitarako edo goi mailako patataren ekoizle-ugaltzaile titulua duen entitate batean. Laguntzaren xedeko lurzatiak jasota egonen dira nekazariaren eta entitatearen arteko kontratuan.
c) Araubideari atxikitzea, bere urteko ereintza aitorpenean sartuta dauden ustiategiko lurzatiak zehaztuta, hazitarako patata landatzeko Nafarroako eremu baimenduetan baitaude, eta konpromisoa hartzea hazitarako patataren azalera landatua mantentzeko edo handitzeko, 2 kanpainako aldian.
d) Laguntzaren azalera hautagarria hektarea batekoa izatea, gutxienez.
e) Nekazaritza eta ingurumeneko produkzioko hazitarako patata edukitzea Nafarroako Foru Komunitateko lurzatietan, uztailaren 11ko 255/2006 Foru Aginduan eta ondoko aldaketetan zerrendatutako udalerriren batean, zeinak lau produkzio eremutan banatzen baitira:
I.–Pirinio aldea.
II.–Kodes aldea.
III.–Izarbeibar aldea.
IV.–Baimendutako beste eremu batzuk.
12. artikulua. Konpromisoak eta beste betebehar batzuk.
Eskatzaileek bi urtez konpromiso hauek borondatez hartu behar dituzte beren gain:
a) Ongarritzeak ez ditu dosi hauek gaindituko: 100 OU N/ha, 100 OU (P2O5)/ha eta 200 OU (K2O)/ha. Soilik limoa edo limo hareatsua duten lurzoruen kasuan %20 handitzen ahalko dira muga horiek.
b) Zipriztingailuek urteko ikuskapen teknikoa gainditua izan behar dute.
c) Urtero kontrolatzea lurzoruaren emankortasunari eusten zaiola, honako hauei dagokienez: PH-aren mailak, azidotasun aldakorra, truke kationikorako gaitasuna eta fosforo eta potasio asimilerrazaren mailak.
d) Urtero eskatzea kanpainaren eskaera bakarrean laguntza ordaintzeko, Batzordearen 2014ko martxoaren 11ko 640/2014 (EB) Erregelamendu Delegatuan xedatuarekin bat.
e) Hazitarako patataren nekazaritzako eta ingurumeneko ekoizpenaren azalerari eustea eta, ahal izanez gero, handitzea, eta kanpaina bakar batean ere norberaren ustiategian landatutako azalera ez izatea gehieneko konpromisoaren laguntzaren araubideari atxiki zitzaion urtean zehaztutako azaleraren %90etik beherakoa. Baldintza hau betetzetik salbuetsita daude, ez-betetzerik sortu gabe, hasiera batean laborantza horretarako hartutako soroak, azterketak egin ondoren haietan ezin bada erein nematodoak egoteagatik eta ezin badira beste soro batzuekin ordezkatu.
f) Parte hartzea, hala eskatzen zaionean, neurriari lotuta Landa Garapeneko eta Ingurumeneko Departamentuak edo Nafarroako Gobernuari atxikitako edozein organok antolatzen dituen prestakuntza ekintzetan. Horri dagokionez, konpromisoa betetzat joko da baldin eta onuradunaren ordez hark eskuordetutako pertsona bat joaten bada. Pertsona horrek, edonola ere, konpromisoaren xede diren lurzatietako laborantza eragiketak egin eta kontrolatzeko ardura izan beharko du.
g) Nafarroan taldeka antola litezkeen babes fitosanitarioko programetan parte hartzea, baldin eta Landa Garapeneko eta Ingurumeneko Departamentuak berak edo horren entitate instrumentalek hala gomendatzen badute.
h) Onartutako edo jasotako dirulaguntzei eta hartutako konpromisoei dagokienez, onartzea Landa Garapeneko eta Ingurumeneko Departamentuak egiten dituen egiaztatze-jarduerak oro. Hartarako, Administrazioko ikuskatzaileei eta ziurtapen eta kontrol agintaritzari libre utzi beharko zaie lurzatietara sartzen, eta laguntzaren xedeko jardueraren gainean eskatzen zaien informazio guztia emanen zaie.
i) Oinarrizko lerroko konpromisoak betetzea, laguntza horri buruz foru agindu honen II. eranskinean jasoak.
13. artikulua. Araubidean sartzea.
1. Laguntzaren araubidean sartzeko eskaerak laguntzen eskaera bakarrean aurkeztuko dira. 2 urterako urteko laguntza ematen ahalko zaie 11. artikuluan ezarritako onargarritasun baldintzak betetzen dituzten eskatzaileei. Laguntzaren eskaerak ebaluatuko dira, eta organo eskudunak onartu edo ukatuko ditu 3 hilabeteko epean, ebazpen baten bidez. Epe hori igarota, administrazioaren isiltasunez ezetsitzat joko dira.
14. artikulua. Laguntzaren zenbatekoa.
1. Hautagarritzat hartutako azalerari aplikatu beharreko zenbateko unitarioa produkzio eremuaren araberakoa izanen da:
I.–Pirinio aldea: 600 euro/ha.
II.–Kodes aldea: 400 euro/ha.
III.–Izarbeibar aldea: 400 euro/ha.
IV.–Beste eremu batzuk: 400 euro/ha.
2. Emakidaren zenbatekoa eragiketa honen emaitza izanen da: zenbateko unitarioa bider zehazturiko azalerak, administrazio kontrolak eta tokian bertakoak egin ondoren eta jartzen diren penalizazioak aplikatu baino lehen.
3. Onuradun bakoitzari emaniko laguntzaren zenbateko osoa gehieneko muga izanen da, konpromisoaldiaren hurrengo urteetan kobratzeko eskaerari aplikatzeko orduan.
15. artikulua. Urteroko ordainketen eskaerak.
1. 2 urteko laguntzaren onuradunek urtero eskatu behar dute hura ordaintzeko laguntzaren eskaera bakarrean. Laguntza jasotzeko, 11. artikuluko baldintzak eta 12. artikuluko konpromisoak eta beste baldintza batzuk bete beharko dituzte.
2. Ordainketaren zenbatekoa kalkulatzeko, zenbateko unitarioa biderkatuko da kasuan kasuko kontrol administratibo eta landa kontrol guztiak egin ondoren ordaintzeko kalkulatzen den azalerarekin, foru agindu honen 17. artikuluko penalizazioak aplikatuta.
16. artikulua. Bateraezintasunak eta hautaketa irizpideak.
1. Hazitarako patataren nekazaritzako eta ingurumeneko ekoizpenerako laguntza bateraezina da laborantza bererako produkzio ekologikorako laguntzarekin.
2. Laguntzak emateko, hautaketa-irizpide hauen baremazioa aplikatuko da:
a) Natura 2000 Sarean sartutako azaleraren portzentajea.
- > %50: 2 puntu.
- > 0 eta < 50: 1 puntu.
b) Ustiategiaren batez besteko maldaren portzentajea:
- < %5: 5 puntu.
- > = 5 eta < 10: 4 puntu.
- > = 10 eta < 20: 3 puntu.
- > = 20 eta < 25: 2 puntu.
Eskaera batek laguntza jaso ahal izateko gutxieneko puntuazioa 2 puntukoa da; guztira 7 puntu dira.
Espedienteen puntuazioan berdinketarik gertatzen bada, b) irizpidea (“bataz besteko malda”) erabiliko da berdinketa hausteko. Berdinketak jarraituz gero, eragiketa honi atxikitako azalera handieneko espedienteei emanen zaie lehentasuna.
17. artikulua. Ez-betetzeen mailaketak.
1. 11. eta 12. artikuluetan zehaztatutako betebeharren eta konpromisoen ez-betetzeak honako taula honetan ezartzen dira, eta haiei dagokien zehapena, III. eranskinean.
EZ-BETETZE MOTA | |
Baztertzailea (B) | Onartua izateko baldintzak. 11. artikulua. a) Nekazaritza, ingurumen eta klimaren laguntzen araubidetik baztertua ez izatea. b) Nekazari-laguntzaile gisa integraturik egotea hazitarako edo goi mailako patataren ekoizle-ugaltzaile titulua duen entitate batean. Laguntzaren xedeko lurzatiak jasota egonen dira nekazariaren eta entitatearen arteko kontratuan. c) Araubideari atxikitzea, hazitarako patata landatzeko Nafarroako eremu baimenduetan dauden bere ustiategiko lurzatiak zehaztuta, eta konpromisoa hartzea azalera mantentzeko, gutxienez 2 kanpainako aldian. d) Laguntzaren azalera hautagarria hektarea batekoa izatea, gutxienez. e) Nekazaritza eta ingurumeneko ekoizpeneko laborantzan hazitarako patata edukitzea Nafarroan baimendutako ekoizpen eremuetako lurzatietan. Konpromisoak eta beste betebehar batzuk. 12. art. b) Urtero eskatzea kanpainako eskaera bakarrean laguntzaren urteko ordainketa. |
Oinarrizkoa (O) | Konpromisoak eta beste betebehar batzuk. 12. art. e) Laguntza jasotzen duen azaleraren %90 mantentzea. h) Landa Garapeneko eta Ingurumeneko Departamentuak egiten duen edozein egiaztatze-jarduera onartzea. i) Oinarrizko lerroko konpromisoak betetzea, laguntza horri buruz foru agindu honen II. eranskinean jasoak. |
Nagusia (N) | Konpromisoak eta beste betebehar batzuk. 12. art. a) Ongarritzeak ez ditu dosi hauek gaindituko: 100 OU N/ha, 100 OU (P2O5)/ha eta 200 OU (K2O)/ha. Soilik limoa edo limo hareatsua duten lurzoruen kasuan %20 handitzen ahalko dira muga horiek. b) Zipriztingailuek urteko ikuskapen teknikoa gainditua izan behar dute. |
c) Urtero kontrolatzea lurzoruaren emankortasunari eusten zaiola, honako hauei dagokienez: PH-aren mailak, azidotasun aldakorra, truke kationikorako gaitasuna eta fosforo eta potasio asimilerrazaren mailak. | |
Bigarren mailakoa (BI) | Konpromisoak eta beste betebehar batzuk. 12. art. f) Prestakuntza ekintzetan parte hartzea. g) Babes fitosanitarioei buruzko programetan parte hartzea. |
2. Behar baino azalera gehiago deklaratzeari buruzko neurriak ez badira betetzen, murrizketak eta bazterketak aplikatuko dira, Batzordearen martxoaren 11ko 640/2014 (EB) Erregelamendu Delegatuaren 19. artikuluan ezarritakoarekin bat. Erregelamendu horren bidez, Europako Parlamentuaren eta Kontseiluaren 1306/2013 (EE) Erregelamenduaren aplikazio-xedapenak ezarri ziren. Batzordearen martxoaren 11ko 640/2014 (EB) Erregelamendu Delegatuaren 35. artikuluaren araberako beste konpromiso edo betebehar batzuk ez betetzeak penalizazioak ezartzea ekarriko du, zehazki, IV. eranskinean deskribatutakoak, baldin eta ez-betetzeak egiten diren lurren eremua, guztira, ordainketetarako deklaratutako guztizko eremuaren %20 baino handiagoa edo 0,1 ha baino handiagoa bada.
II. KAPITULUA
Abeltzaintzako sistema jasangarriak, animaliak larratuz eta sistema estentsiboa zabalduz
18. artikulua. Laguntzaren deskripzioa.
1. Laguntza horren xedea da larratzean oinarritzen diren abeltzaintzako ustiapen sistema estentsibo tradizionalak bultzatzea, abeltzaintzako karga kontrolatuz sistemaren jasangarritasuna bermatzeko. Gainera, nekazariak adoretu nahi ditu lurrari lotutako abere arraza autoktonoak mantentzeko.
2. Ekintza horrekin ondoko onurak bultzatu gogo dira nekazaritzaren, ingurumenaren eta gizartearen arloetan:
a) Abere espezieen dibertsitate genetikoa zaintzea, Nafarroako Foru Komunitateari lotutako arrazak mantenduz, eta, batik bat, arraza autoktonoak eta “galzorikotzat” katalogatu direnak.
b) Laguntzea abeltzaintza ingurune hauskorren zaintzarekin bateragarria izan dadin higadura izateko arrisku handiko tokietan eta larratzeko azalerak era jasangarriak erabil daitezen, abeltzaintzako karga egokitasunez gobernatuz, behar baino gehiago edo gutxiago larratzea saihestuz.
c) Bazkatzeko azaleren kontrol naturala hobetzea, haien narriadura murriztu nahian, eta basoetan suteak sor ditzaketen zuhaixkak kontrolatzea, baita potentzial ekologikoari eustea ere abeltzaintzako bazka aprobetxamendu tradizionaleko eremuetan.
3. Halaber, landa paisaia eta abeltzaintzari lotutako ekosistemak zaintzen dira.
19. artikulua. Laguntza mota.
1. Laguntzak ematen dira kostu gehigarriak, osorik edo partez, konpentsatzeko, baita jaso gabeko errentak ere, modu aktiboan larratzeko hartutako konpromisoen ondorioz, eta ustiategia era estentsiboan gobernatzeko sistema tradizionalei eusteko.
2. Hau da laguntza: prima bat bazkatzeko azaleraren hektarea bakoitzeko, eta ezin izanen du ustiategiko abeltzaintza estentsiboko AzLUen balioa gainditu. Kontuan hartu beharreko AzLUa izanen da SIMOGAN datu basean jasotako bost balioen batez bestekoa. Horretarako, laguntzen eskaerak aurkezteko epea bukatu eta hurrengo bost hilabeteetako bakoitzaren lehendabiziko lanegunean erregistratutako abereak zenbatuko dira.
Lekuan bertan egindako kontrolik bada, bertatik bertarako ikuskapenean zehaztutako AzLUak bakarrik hartuko dira kontuan laguntza kalkulatzeko.
3. Deialdi honen xedeko dirulaguntzak norgehiagokako araubidea erabiliz emanen dira.
20. artikulua. Onargarritasun baldintzak.
1. Laguntzak emanen dira, soil-soilik, laguntza eskatzeko epea bukatzen denean eta konpromisoak irauten duen bitartean ondoko baldintzak betetzen dituzten eskatzaileei edo ustiategiei:
–Onuradunak:
a) Nekazaritza, ingurumen eta klimaren neurrian sartutako laguntzetatik baztertuta ez izatea.
–Ustiategiak:
b) Ustiategian ugalketarako abereak izatea (honako espezie hauetakoak: behi-, ardi-, ahuntz-azienda, zerri-azienda estentsiboan, edo zaldi-azienda), abeltzaintza estentsiboko araubidean eta modu aktiboan larratzea.
c) Laguntza jaso nahi duten abeltzainek honako hau egin beharko dute: urtero eskaera bat aurkeztu eta ustiategiko bazka-azalera osatzen duten lurzatiak adierazi.
21. artikulua. Konpromisoak eta beste betebehar batzuk.
Neurri honi atxikitzen zaizkion titularrek ondoko konpromisoak bete beharko dituzte 2 urtez:
a) Ustiategiko bazka-azalera osoaren urteko aprobetxamendua egitea, animaliak larratuz, bazka-labore monofitoen azaleretan izan ezik. Belardi naturalak mantenduko dira abereak haietan larratuta, errefusak segatuta eta sasiak bitarteko mekanikoen bidez kenduta.
b) Abeltzaintzako dentsitatea izatea 0,4 AzLU/ha-koa edo handiagoa eta 1,5 AzLU/ha-koa edo txikiagoa. Abere dentsitate hori kalkulatzeko, bazka-azalera eta ustiategiaren abeltzaintza estentsiboko AzLUak hartuko dira kontuan. Unitate horiek kalkulatzeko, SIMOGAN datu basean kontabilizatutako bost balioen batez bestekoa aterako da; balioak laguntzaren eskaerak aurkezteko epea bukatu eta hurrengo bost hilabeteetako bakoitzaren lehendabiziko lanegunean hartutakoak izanen dira.
Tokian berean egindako kontrolik bada, abere dentsitatea kalkulatzeko bazka-azalera eta bertatik bertarako ikuskapenean zehaztutako AzLUak bakarrik hartuko dira kontuan.
c) Bazka-labore monofitoen proportzioa %20tik beherakoa izatea bazka-azalera garbian.
d) Bazka-azalerak ez dira oinarrizko primarako ezarritako hektareen %90etik beherakoak izanen laguntzaren araubideari atxikitzen zaion urtean.
e) Landa Garapeneko eta Ingurumeneko Departamentuak hala agintzen dienean, antolatutako prestakuntza-ekintzetan parte hartzea. Horri dagokionez, konpromisoa betetzat joko da baldin eta onuradunaren ordez hark eskuordetutako pertsona bat joaten bada. Pertsona horrek, edonola ere, konpromisoaren xede diren lurzatietako laborantza eragiketak egin eta kontrolatzeko ardura izan beharko du.
f) Onartutako edo jasotako dirulaguntzei eta hartutako konpromisoei dagokienez, onartzea Landa Garapeneko eta Ingurumeneko Departamentuak egiten dituen egiaztatze-jarduerak oro. Hartarako, Administrazioko ikuskatzaileei eta ziurtapen eta kontrol agintaritzari libre utzi beharko zaie lurzatietara sartzen, eta laguntzaren xedeko jardueraren gainean eskatzen zaien informazio guztia emanen zaie.
g) Urtero eskatzea kanpainaren eskaera bakarrean laguntza ordaintzeko, Batzordearen 2014ko martxoaren 11ko 640/2014 (EB) Erregelamendu Delegatuan xedatuarekin bat.
22. artikulua. Araubidean sartzea eta laguntzaren zenbatekoa.
1. Laguntzaren araubidean sartzeko eskaerak laguntzen eskaera bakarrean aurkeztuko dira.
2. 2 urterako urteko laguntza eman ahalko zaie 20. artikuluan ezarritako onargarritasun baldintzak betetzen dituzten eskatzaileei.
3. Laguntzaren eskaerak ebaluatuko dira, eta organo eskudunak onartu edo ukatuko ditu 3 hilabeteko epean, ebazpen baten bidez. Epe hori igarota, administrazioaren isiltasunez ezetsitzat joko dira.
4. Honako hau izanen da hautagarritzat hartutako azalerari aplikatu beharreko zenbateko unitarioa:
I.–Oinarrizko prima: 25 euro/ha.
II.–Prima osagarria: 6,25 euro/ha. AzLU ugaltzaileen %50 baino gehiago inskribatuta izatea Nafarroako arraza autoktonoen liburu genealogikoetan, abenduaren 26ko 2129/2008 Errege Dekretuarekin bat, eskaerak aurkezteko epearen bukaeran.
PRIMA OSAGARRIA JASO DEZAKETEN ARRAZAK | |
Espeziea | Arraza |
Behi-azienda | Pirenaikoa |
Ardi-azienda | Latxa, Nafarroakoa |
5. Emakidaren zenbatekoa kalkulatzeko, oinarrizko primaren zenbateko unitarioa biderkatuko da prima horretarako ezarritako azalerarekin, eta prima osagarriaren zenbateko unitarioa, berriz, prima horretarako ezarritako azalerarekin, bi kasuetan, kontrol administratiboak eta tokian bertakoak egin ondoren eta jartzen diren penalizazioak aplikatu baino lehen.
6. Onuradun bakoitzari emaniko laguntzaren zenbateko osoa gehieneko muga izanen da, konpromisoaldiaren hurrengo urteetan kobratzeko eskaerari aplikatzeko orduan.
23. artikulua. Ordaintzeko eskaerak eta urteroko ordainketak.
1. 2 urteko laguntzaren onuradunek urtero eskatu behar dute hura ordaintzeko laguntzaren eskaera bakarrean. Laguntza jasotzeko, 20. artikuluko baldintzak eta 21. artikuluko konpromisoak bete beharko dituzte.
2. Ordainketaren zenbatekoa kalkulatzeko, zenbateko unitarioa biderkatuko da kasuan kasuko kontrol administratibo eta landa kontrol guztiak egin ondoren ordaintzeko kalkulatzen den azalerarekin, 25. artikuluko penalizazioak aplikatuta.
24. artikulua. Bateraezintasunak eta hautaketa irizpideak.
1. Laguntza hau bateraezina da, oro har, Landa garapenari FEADERen eta hura garatzen duen araubidearen bidez laguntzeari buruzko Europako Parlamentuaren eta Kontseiluaren 1305/2013 (EB) Erregelamendutik sortzen direnekin.
2. Nolanahi ere, bateraezina da honako labore motetarako produkzio ekologikoaren laguntzan kontuan hartutako azalerekin: ebakitzeko belarki laboreak eta bazka-laboreak (lehorreko lurretan eta ureztalurretan), eta larratzeko belardiak.
3. Laguntza horretarako prima osagarria bateraezina da “galzorian dauden tokiko arrazak kontserbatu eta hobetzeko” laguntza jaso duten arrazetarako.
4. “Natura balio handiko zereal-agrosistemetan ardiak larratzeko laguntza” eragiketarekin bateraezina da.
5. Laguntzak emateko, hautaketa-irizpide hauen baremazioa aplikatuko da:
a) Naturaz mugatutako eskualdeetan dagoen ustiategiko azaleraren portzentajea:
- Mendialdeko eta goiko mendialdeko eskualdeak, %100: 4 puntu.
- Mendialdeko eta goi mendiko eskualdeak (≥ %50): 3 puntu.
- Mendialdeko eta goi mendialdeko eskualdeak, < %50 eta > = %70 (naturaz mugatutako eskualdeak): 2 puntu.
- Mendialdeko eta goi mendiko eskualdeak: < %50; eta naturaz mugatutako eskualdeak: > = %10 eta < %70: 1 puntu.
b) Natura 2000 sarearen barnean dagoen ustiategiko azaleraren portzentajea.
- > %50: 3 puntu.
- > = 20 eta < 50: 2 puntu.
- > 0 eta < 20: 1 puntu.
c) Ustiategiaren abeltzaintzako karga. Lehentasuna emanen zaie 0,8 eta 1,1 AzLU/ha bitarteko abere-zama duten ustiategiei, abere-zama handiagoa edo txikiagoa dutenen gainetik.
- ≥ 0,4 AzLU/ha eta < 0,6: 10 puntu.
- ≥ 0,6 AzLU/ha eta < 0,8: 20 puntu.
- ≥ 0,8 AzLU/ha eta < 1,1: 30 puntu.
- ≥ 1,1 AzLU/ha eta < 1,3: 20 puntu.
- ≥ 1,3 AzLU/ha eta < 1,5: 10 puntu.
Eskaera batek laguntza jaso ahal izateko gutxieneko puntuazioa 8 puntukoa da; guztira 37 puntu dira.
Espedienteen puntuazioan berdinketarik gertatzen bada, abere zama hartuko da kontuan berdinketa hausteko. Berdinketak jarraituz gero, eragiketa honi atxikitako azalera handiena duten espedienteei emanen zaie lehentasuna.
25. artikulua. Ez-betetzeen mailaketak.
1. 20. eta 21. artikuluetan zehaztatutako betebeharren eta konpromisoen ez-betetzeak honako taula honetan ezartzen dira, eta haiei dagokien zehapena, III. eranskinean.
EZ-BETETZE MOTA | |
Baztertzailea (B) | Onartua izateko baldintzak. 20 artikulua. a) Nekazaritza, ingurumen eta klimaren neurrian sartutako laguntzetatik baztertuta ez izatea. b) Ustiategian ugalketarako abereak izatea (honako espezie hauetakoak: behi-, ardi-, ahuntz-azienda, zerri-azienda estentsiboan, edo zaldi-azienda), abeltzaintza estentsiboko araubidean. c) Lehendabiziko urtean laguntzarako eskaera aurkeztea, ustiategiko bazka-azalera osatzen duten lurzatiak adieraztea eta zehaztea lurrari lotutako arrazen ugalketarako aberetatik zenbaterako eskatzen duen laguntza. Konpromisoak eta beste betebehar batzuk. 21. art. g) Urtero eskatzea kanpainako eskaera bakarrean laguntzaren urteko ordainketa. |
Oinarrizkoa (O) | Konpromisoak eta beste betebehar batzuk. 21. art. b) Abeltzaintzako dentsitatea izatea 0,4 AzLU/ha-koa edo handiagoa eta 1,5 AzLU/ha-koa edo txikiagoa. Badago penalizazio bat dentsitateak 0,3tik beherakoak eta 1,6tik gorakoak direnean. d) Laguntza jasotzen duen azaleraren %90 mantentzea. f) Landa Garapeneko eta Ingurumeneko Departamentuak egiten duen edozein egiaztatze-jarduera onartzea. |
Nagusia (N) | Konpromisoak eta beste betebehar batzuk. 21. art. c) Bazka-labore monofitoen proportzioa %20tik beherakoa izatea bazka-azalera garbian. b) Abeltzaintzako dentsitatea izatea 0,4 AzLU/ha-koa edo handiagoa eta 1,5 AzLU/ha-koa edo txikiagoa. Badago penalizazio bat dentsitateak 0,3 eta 0,4 AzLU/ha bitartekoak eta 1,5 eta 1,6 bitartekoak direnean |
Bigarren mailakoa (BI) | Konpromisoak eta beste betebehar batzuk. 21. art. e) Prestakuntza ekintzetan parte hartzea. |
Hirugarren mailakoa (H) | Konpromisoak eta beste betebehar batzuk. 21. art. a) Ustiategiko bazka-azalera osoaren urteko aprobetxamendua larratzearen bidez. |
2. Behar baino azalera gehiago deklaratzeari buruzko neurriak ez badira betetzen, murrizketak eta bazterketak aplikatuko dira, Batzordearen martxoaren 11ko 640/2014 (EB) Erregelamendu Delegatuaren 19. artikuluan ezarritakoarekin bat. Erregelamendu horren bidez, Europako Parlamentuaren eta Kontseiluaren 1306/2013 (EE) Erregelamenduaren aplikazio-xedapenak ezarri ziren. Batzordearen martxoaren 11ko 640/2014 (EB) Erregelamendu Delegatuaren 35. artikuluaren araberako beste konpromiso edo betebehar batzuk ez betetzeak penalizazioak ezartzea ekarriko du, zehazki, IV. eranskinean deskribatutakoak, baldin eta ez-betetzeak egiten diren lurren eremua, guztira, ordainketetarako deklaratutako guztizko eremuaren %20 baino handiagoa edo 0,1 ha baino handiagoa bada.
III. KAPITULUA
Nekazaritzako estepa habitatak hobetzea
26. artikulua. Laguntzaren deskripzioa.
Laguntza honen helburua da Nafarroako Erriberako lehorreko lur erdiaridoetako balio handiko nekazaritzako sisteman dauden intereseko hegaztien populazioak mantentzen laguntzea, haien ugalketa, elikadura eta babeserako habitatak hobetzen dituzten nekazaritzako jarduketak martxan jarriz.
27. artikulua. Laguntza mota.
1. Hektarea bakoitzeko ordainketa bat egiten zaie 28. eta 29. artikuluetako konpromisoak eta onargarritasun irizpideak konpromisoaldiko 2 urtean betetzen dituzten nekazariei.
2. Deialdi honen xedeko dirulaguntzak norgehiagokako araubidea erabiliz emanen dira.
28. artikulua. Onargarritasun baldintzak.
1. Laguntzak emanen dira, soil-soilik, laguntza eskatzeko epea bukatzen denean eta konpromisoak irauten duen bitartean ondoko baldintzak betetzen dituztenei:
a) SIGPACen lehorreko lur goldagarri gisa katalogatutako nekazaritza-azalera izan beharko du, eta honako hau eduki: zerealen belar-laboreak, lugorria, olio-landareak, lekadunak, bazkak eta landu gabeko lur goldagarriak.
b) Azalera hautagarria egonen da ondoko udal mugapeek (haiek barne) osatzen duten lerrotik hegoaldera dauden udalerri edo fazerietan: Viana, Bargota, Armañanzas, Santsol, Los Arcos, Barbarin, Arroitz, Arellano, Deikaztelu, Morentin, Aberin, Villatuerta, Larraga, Tafalla, Erriberri, Beire, Pitillas, Santacara, Murillo el Fruto eta Zarrakaztelu.
c) Nekazaritza, ingurumen eta klimaren laguntzen araubidetik baztertua ez izatea.
29. artikulua. Konpromisoak.
Neurri honi atxikitzen zaizkion titularrek ondoko konpromisoak bete beharko dituzte 2 urtez:
a) Ustiategiaren titularrak eskatu beharko du laguntza urtero pagatu diezaiotela, laguntza eskaera bakarrean, Batzordearen martxoaren 11ko 640/2014 (EB) Erregelamendu Delegatuan ezarri bezala eta laguntzen deialdian ezarritako tokian, moduan eta epean.
b) Urteko eskaeran, deklaratzea ustiategiko zer lurzati dauden neurriari atxikiak eta haietarako laguntza eskatzea.
c) Urtero eustea norberaren konpromisoko azaleraren %90eko azalera hautagarriari gutxienez.
d) Onartutako edo jasotako dirulaguntzei eta hartutako konpromisoei dagokienez, onartzea Landa Garapeneko eta Ingurumeneko Departamentuak egiten dituen egiaztatze-jarduerak oro.
e) Landa Garapeneko eta Ingurumeneko Departamentuak hala agintzen dienean, antolatutako prestakuntza-ekintzetan parte hartzea.
f) Gauez ez da uzta jasoko ez eta fardorik eginen ere.
g) Uztondo eta lugorrietan produktu fitosanitariorik ez aplikatzea, irailaren 15etik aurrera zuzenean ereiteko prestakuntza lanetan izan ezik.
h) Lugorriko azalerak, laguntzaren xedeko oinarrizko azalera osoarekin alderatuta, urtero izanen duen portzentajea aldatuko da ustiategiaren udalerriaren arabera. Hartara, %40koa izanen da 1,8 T/ha-ko erregionalizazio indizea dutenetan, %37koa 2 T/ha-koa denean, %34koa 2,2 T/ha-koa denean, %29koa 2,5 T/ha-koa denean, %26koa 2,7 T/ha-koa denean, %18koa 3,2 T/ha-koa denean, eta %10ekoa 3,7 T/ha-koa edo handiagoa denean. Ustiategi batek oinarrizko azalera udalerri batean baino gehiagotan duenean, erregionalizazio indizerik handiena daukan udalerriari dagokion lugorriaren portzentajea eskatuko zaio.
i) Faunarako zerrendak/uztondoak: urtero laguntzaren barnean sartzen den zerealen azaleraren %25ean, gutxienez, urte bateko edo gehiagoko zerrendak paratuko dira, 2 metroko zabalerakoak, lurzatiaren perimetroan. Haietan ez da nekazaritzako lanik eginen: ereitea, fitosanitariorik aplikatzea, biltzea eta abar. Urtero hautatzen diren lurzati horietan bertan, lastoa osorik utziko da, xehatu gabe, uztondoaren gainean, zabaldu edo bildu gabe. Azalera horietan larratzea baimentzen da abuztuaren 1etik aurrera, eta altxatzea irailaren 1etik aurrera.
j) Faunarentzako lugorriak: urtero laguntzaren barnean sartzen den lugorriko azaleraren %50ean, gutxienez, ez da inolako nekazaritzako lanik eginen (lantzea, nibelatzea, sakanak kentzea, harriak kentzea, ereitea, tratatzea, landare hondarrak erretzea eta abar), aurreko uzta biltzen denetik uzta horren ondoko urteko irailaren 1era arte. Handik aurrera baimentzen da hura altxatzea. Baimentzen da udazkenean azaleko lur-lantze bakarra egitea, irauli gabe, azaroaren 1etik abenduaren 15era bitarte. Ingurumeneko lugorri kodeen bitartez deklaratuko da.
k) Faunarentzako ereintzak: urtero, laguntzaren xedeko azaleraren %10ean , lekadunen estaldura bat erein eta aurkeztuko da, nekazaritzarako aprobetxamendurik izanen ez duena abuztuaren 1era arte. Baimentzen da abereen aprobetxamendua maiatzaren 1etik aurrera, lugorrian erein bada, edo abuztuaren 1etik aurrera, berriz, laboreak izan dituen lurzati batean. Irailaren 1etik aurrera altxatzea baimentzen da. Lekadunen laboreei dagozkien kodeekin edo ingurumeneko lugorri ereinari dagokionarekin deklaratuko da.
30. artikulua. Araubidean sartzea eta laguntzaren zenbatekoa.
1. Laguntzaren araubidean sartzeko eskaerak laguntzen eskaera bakarrean aurkeztuko dira. 2 urterako urteko laguntza ematen ahalko zaie 28. artikuluan ezarritako onargarritasun baldintzak betetzen dituzten eskatzaileei. Laguntzaren eskaerak ebaluatuko dira, eta organo eskudunak onartu edo ukatuko ditu 3 hilabeteko epean, ebazpen baten bidez. Epe hori igarota, administrazioaren isiltasunez ezetsitzat joko dira.
2. Emakidaren zenbatekoa kalkulatzeko, zenbateko unitarioa (34 euro/Tm) biderkatuko da hektarea bakoitzaren kokalekuko udalerriaren erregionalizazio indizea (foru agindu honen I. eranskinean jasotzen da), eta zehaztutako azaleraz, kontrol administratiboak eta tokian bertakoak egin ondoren eta penalizazioak aplikatu baino lehen.
3. Onuradun bakoitzari emaniko laguntzaren zenbateko osoa gehieneko muga izanen da, konpromisoaldiaren hurrengo urteetan kobratzeko eskaerari aplikatzeko orduan.
31. artikulua. Ordaintzeko eskaerak eta urteroko ordainketak.
1. 2 urteko laguntzaren onuradunek urtero eskatu behar dute hura ordaintzeko laguntzaren eskabide bakarraren bidez. Laguntza jasotzeko, 28. artikuluko baldintzak eta 29. artikuluko konpromisoak bete beharko dituzte.
2. Ordainketaren zenbatekoa kalkulatzeko, zenbateko unitarioa (34 euro/Tm) biderkatuko da hektarea bakoitzaren kokalekuko udalerriaren erregionalizazio indizearekin (foru agindu honen I. eranskinean jasotzen da), eta ordaindu beharreko azalerarekin, kontrol administratibo eta tokian bertako guztiak egin ondoren eta foru agindu honen 33. artikuluan zehaztutako penalizazioak aplikatu ondoren.
32. artikulua. Bateraezintasunak eta hautaketa irizpideak.
1. Ez dago bateraezintasunik laguntza honen eta zuzeneko laguntzen artean, ez eta Greening-en ordainketekin ere.
2. Eragiketa hori bateraezina da LGPko laguntza hauekin: Lehorreko lur erdiaridoetan karbonoa harrapatzea eta Estepako habitata basoiloarentzat eta basoilo handiarentzat hobetzea.
3. Onuradunek zuzeneko ordainketak jasotzen dituztenean eta greeninga betetzetik salbuetsita ez daudenean, baldin eta erabakitzen badute neurri horretarako konprometitutako eta faunarentzat ereindako azaleraren gainean egitea, Estepako nekazaritza habitatak hobetzea izeneko laguntzaren ordainketa murriztuko zaie, finantzaketa bikoitza saihesteko; izan ere, klimarako eta ingurumenerako onuragarriak diren nekazaritzako jardunbidetarako ordainketaren onuradunak dira.
4. Laguntzak emateko, hautaketa-irizpide hauen baremazioa aplikatuko da:
a) Nafarroako Foru Komunitatean estepako hegaztiak zaintzeko intereseko eremuen barnean (AICAENA) dagoen azalera hartuaren portzentajea, hartutako guztizko azalera kontuan hartuta. Deialdi honen ondorioetarako soilik, Nafarroako Foru Komunitatean estepako hegaztiak zaintzeko intereseko eremuen barnean egonen dira katastroko ondoko poligonoetan dauden lehorreko lur goldagarriak: Aberin (4), Ablitas (2, 6, 7, 9, 11, 12, 13 eta 14), Allo (5 eta 6), Andosilla (1, 6 eta 11), Arellano (4), Arguedas (8, 10 eta 11), Errege Bardeak (denak), Berbintzana (4 eta 5), Cabanillas (6, 7, 8 eta 9), Caparroso (1), Carcar (2, 4, 6, 7 eta 10), Zarrakaztelu (16, 17 eta 18), Cascante (14, 15 eta 1), Castejón (5), Corella (13, 14, 15 y 16), Deikaztelu (9), Faltzes (5, 11, 14, 15, 16, 20 eta 21), Funes (7 eta 8), Fustiñana (1, 4, 5, 6, 7, 8, 10, 11 eta 12), Larraga (4, 5 eta 6), Lerin (1, 5, 6, 7, 8, 9 eta 11), Lodosa (8 eta 9), Los Arcos (13 eta 18), Lukin (3), Martzilla (7 eta 9), Mendabia (10, 11 eta 15), Miranda Arga (1 eta 2), Morentin (2), Erriberri (1, 2, 6 eta 12), Oteiza (1, 3 eta 4), Azkoien (5, 12, 13 eta 14), Sartaguda (2), Sesma (1, 4, 5, 3, 7 eta 10), Tafalla (9, 10, 11, 12, 13, 14 eta 15), Tutera (10, 11, 13, 14, 25, 26, 39, 40, 41, 42, 43, 44, 45, 46, 47, 48 eta 49), Valtierra (12) eta Villatuerta (4).
I.–Hartutako azaleraren %10era arte: 20 puntu.
II.–Hartutako azaleraren %10 baino gehiago, %25era arte: 30 puntu.
III.–Hartutako azaleraren %25 baino gehiago, %50era arte: 40 puntu.
IV.–Hartutako azaleraren %50 baino gehiago, %100era arte: 50 puntu.
b) Neurriari atxikitako azalera handiena duen ustiategiaren azalera. Puntuazioa graduatuko da adierazten den moduan, gehienez ere 50 punturaino.
I.–Hartutako azaleraren 5 hektarea baino gehiago, 10era arte: 10 puntu.
II.–Hartutako azaleraren 10 hektarea baino gehiago, 15era arte: 20 puntu.
III.–Hartutako azaleraren 15 hektarea baino gehiago, 20ra arte: 30 puntu.
IV.–Hartutako azaleraren 20 hektarea baino gehiago: (30 + 0,1 × S) puntu.
S = Neurriari atxikitako azalera (hektareak)
c) Neurriari atxikitako azalera handiena duten ustiategiak lehenestea.
Eskaera batek laguntza jaso ahal izateko gutxieneko puntuazioa 30 puntukoa da; guztira 100 puntu dira.
Berdinketa gertatuz gero, berdinketa hausteko irizpidea hau izanen da: zerealen belar-laboreak, lugorria, olio-landareak, lekadunak, bazkak eta landu gabeko lur goldagarriak izanik, zer azalera den handiena neurriari atxikitakoen artetik.
33. artikulua. Ez-betetzeen mailaketak.
1. 28. eta 29. artikuluetan zehaztatutako betebeharren eta konpromisoen ez-betetzeak honako taula honetan ezartzen dira, eta haiei dagokien zehapena, III. eranskinean.
EZ-BETETZE MOTA | |
Baztertzailea (B) | Onartua izateko baldintzak. 28 artikulua. a) SIGPACen Nafarroako lehorreko lur goldagarritzat katalogatutako nekazaritzako azalera izatea. b) Azalera hautagarriak 28. artikuluaren b) puntuan zehaztutako udalerrien edo fazerien eremu geografikoan egon behar du. c) Nekazaritza, ingurumen eta klimaren laguntzen araubidetik baztertua ez izatea. Konpromisoak eta beste betebehar batzuk. 29. art. b) Urteko eskaeran, deklaratzea ustiategiko zer lurzati dauden neurriari atxikiak eta haietarako laguntza eskatzea. |
Oinarrizkoa (O) | Konpromisoak eta beste betebehar batzuk. 29. art. c) Urtero eustea norberaren konpromisoko azaleraren %90eko azalera hautagarriari gutxienez. d) Landa Garapeneko eta Ingurumeneko Departamentuak egiten duen edozein egiaztatze-jarduera onartzea. |
Nagusia (N) | Konpromisoak eta beste betebehar batzuk. 29. art. f) Gauez ez da uzta jasoko ez eta fardorik eginen ere. g) Uztondo eta lugorrietan produktu fitosanitariorik ez aplikatzea. h) Lugorriko azalerak portzentaje bat hartu beharko du urtero laguntzaren xedeko oinarrizko azalera osoarekiko, ustiategia zer udalerritan dagoen. i) Faunarako zerrendak/uztondoak: Zerealen azaleraren %25ean, gutxienez, urte bateko edo gehiagoko zerrendak jarriko dira, 2 metroko zabalerakoak, lurzatiaren perimetroan. Haietan ez da nekazaritzako lanik eginen. Lurzati horietan bertan, lastoa osorik utziko da, xehatu gabe, uztondoaren gainean, zabaldu edo bildu gabe. Azalera horietan larratzea baimentzen da abuztuaren 1etik aurrera, eta altxatzea irailaren 1etik aurrera. j) Faunarentzako lugorriak. k) Faunarentzako ereintzak. |
Bigarren mailakoa (BI) | Konpromisoak eta beste betebehar batzuk. 29. art. e) Antolatzen diren prestakuntza ekintzetan parte hartzea |
2. Behar baino azalera gehiago deklaratzeari buruzko neurriak ez badira betetzen, murrizketak eta bazterketak aplikatuko dira, Batzordearen martxoaren 11ko 640/2014 (EB) Erregelamendu Delegatuaren 19. artikuluan ezarritakoarekin bat. Erregelamendu horren bidez, Europako Parlamentuaren eta Kontseiluaren 1306/2013 (EE) Erregelamenduaren aplikazio-xedapenak ezarri ziren. Batzordearen martxoaren 11ko 640/2014 (EB) Erregelamendu Delegatuaren 35. artikuluaren araberako beste konpromiso edo betebehar batzuk ez betetzeak penalizazioak ezartzea ekarriko du, zehazki, IV. eranskinean deskribatutakoak, baldin eta ez-betetzeak egiten diren lurren eremua, guztira, ordainketetarako deklaratutako guztizko eremuaren %20 baino handiagoa edo 0,1 ha baino handiagoa bada.
IV. KAPITULUA
Nekazaritzako sistema mediterraneo jasangarriak zaintzea
34. artikulua. Laguntzaren deskripzioa.
Kapitulu honetako laguntzen bitartez sostengua eman gogo zaie ustiategietan mahatsondo zaharrak zein olibondo zaharrak mantendu eta zaintzen dituzten nekazariei, ulertzen baita paisaiaren oinarrizko osagaiak direla eta nekazaritzako sistema mediterraneoei lotuta daudela.
35. artikulua. Laguntza mota.
1. Laguntza urteroko prima bat da, I. tituluko 5. artikuluan definitutako mahatsondo zaharrak eta olibondo zaharrak dituzten azalera hautagarriaren hektarea bakoitzeko, 2 urteko konpromisoaldiarekin.
2. Titulu honen 36. artikuluan jasotzen diren onargarritasun baldintzak betetzen dituztenei emanen zaizkie laguntzak.
3. Laguntzak emateko prozedura norgehiagokako araubideari jarraikiz tramitatuko da.
36. artikulua. Onargarritasun baldintzak.
Laguntzak emanen dira, soil-soilik, laguntzaren epea bukatzen denean eta konpromisoak irauten duen bitartean ondoko baldintzak betetzen dituzten eskatzaileei edo ustiategiei:
–Onuradunak:
a) Nekazaritza, ingurumen eta klimaren neurrian sartutako laguntzen araubidetik baztertuta ez egotea.
–Ustiategiak:
b) Legez kontrako landaketei dagokienez, mahastizaintzari eta ardogintzari buruz indarra duen araudia betetzea, Mahastizaintza eta ardogintza arautzeari buruzko abenduaren 5eko 16/2005 Foru Legea garatzen duen abuztuaren 16ko 56/2006 Foru Dekretuarekin bat.
c) Nafarroako Foru Komunitateko lurzatietan labore hauetakoren bat izatea:
I.–Mahastiak (Vitis vinifera), Nafarroako Mahastien Erregistroan laguntzaren eskatzailearen izenarekin inskribatuak, 5.2. artikuluaren m) epigrafeko baldintzak betetzen badituzte.
II.–5.2 artikuluko n) epigrafeko baldintzak betetzen dituzten olibadiak (Olea europaea), sartuta daudenak olibondo zaharren SIGPAC erregistro grafikoan eta datu-basean, zeinak kudeatzen baititu Landa Garapeneko eta Ingurumeneko Departamentuko Nekazaritzako Informazio Sistemen Bulegoak.
d) Laguntzan zehaztutako azalera gutxienez 2.000 m²-koa izatea.
37. artikulua. Konpromisoak eta beste betebehar batzuk.
Eskatzaileek bi urtez konpromiso hauek borondatez hartu behar dituzte beren gain:
a) Mahasti eta olibadi zaharren landaketak laborantzarako baldintza egokietan mantentzea, laborantza tradizionalen sistemekin bat, eta beharrezko lan kulturalak egitea (inaustea, ongarritzea, izurriak eta landare espontaneoak kontrolatzea, bilketa egitea, eta abar).
b) Olibondoen neguko inausketaren hondarrak lurzatian edukitzea, xehatu gabe, eta maiatzaren 30a baino lehen suntsitzea, olibondoaren pipiaren (Phloeotribus scarabaeoides Bern) kontra zeharka borrokatzeko. Hori aplikatuko da hektarea batetik gorakoak direnean neurrira atxikitako olibadien azalerak.
c) Olibondoaren euliaren (Bactrocera oleae) kontra egiteko tratamenduak aplikatzen direnean, INTIAko abisu estazioaren zehaztapenei jarraituko zaie, eta ustiategiaren liburuan jaso beharko dira.
d) Urtero eskatzea laguntzaren urteko ordainketa, kanpainaren eskaera bakarrean (Batzordearen 2014ko martxoaren 11ko 640/2014 (EB) Erregelamendu Delegatuan xedatuarekin bat) eta laguntza aitortzea esparru bakoitzean, zeinek aldatu gabe iraun behar baitute konpromisoaldi osoan.
e) Konprometitutako mahasti eta olibadien azalera ez murriztea norberaren ustiategia laguntzaren araubidean sartu zen urtean zehaztutako azaleraren %90etik behera.
f) Parte hartzea erakunde publikoek ezartzen dituzten programetan olibondo eta mahatsondo zaharren barietateak identifikatzeko, laginak hartzeko, kontserbatzeko, errendimenduak kontrolatzeko eta hobetzeko.
g) Landa Garapeneko eta Ingurumeneko Departamentuak adierazitako prestakuntza jardueretan parte hartzea, norberak edo hark eskuordetzen duenaren bidez.
h) Nafarroan taldeka antola litezkeen babes fitosanitarioko programetan parte hartzea, baldin eta Landa Garapeneko eta Ingurumeneko Departamentuak berak edo horren entitate instrumentalek hala gomendatzen badute.
i) Onartutako edo jasotako dirulaguntzei eta hartutako konpromisoei dagokienez, onartzea Landa Garapeneko eta Ingurumeneko Departamentuak egiten dituen egiaztatze-jarduerak oro. Ondorio horietarako, Administrazioko ikuskatzaileei libre utzi beharko zaie lurzatietara sartzen, eta neurriaren xedeko jardueraren gainean eskatzen zaien informazio guztia emanen zaie.
38. artikulua. Araubidean sartzea eta laguntzaren zenbatekoa.
1. Laguntzaren araubidean sartzeko eskaerak laguntzen eskaera bakarrean aurkeztuko dira. 2 urterako urteko laguntza eman ahalko zaie 36. artikuluan ezarritako onargarritasun baldintzak betetzen dituzten eskatzaileei. Laguntzaren eskaerak ebaluatuko dira, eta organo eskudunak onartu edo ukatuko ditu 3 hilabeteko epean, ebazpen baten bidez. Epe hori igarota, administrazioaren isiltasunez ezetsitzat joko dira.
2. Ondoko zenbateko unitarioak aplikatuko dira laborearen arabera:
I.–400 euro hektarea bakoitzeko, olibondoaren kasuan.
II.–500 euro hektarea bakoitzeko, “Nafarroa” Jatorrizko Deiturako mahastiaren kasuan.
III.–300 euro hektarea bakoitzeko, “Errioxa” Jatorrizko Deiturako mahastiaren kasuan.
3. Emakidaren zenbatekoa eragiketa honen emaitza izanen da: zenbateko unitarioa bider zehazturiko azalerak, administrazio kontrolak eta tokian bertakoak egin ondoren eta jartzen diren penalizazioak aplikatu baino lehen.
4. Onuradun bakoitzari emaniko laguntzaren zenbateko osoa gehieneko muga izanen da, konpromisoaldiaren hurrengo urteetan kobratzeko eskaerari aplikatzeko orduan.
39. artikulua. Ordaintzeko eskaerak eta urteroko ordainketak.
1. 2 urteko laguntzaren onuradunek urtero eskatu behar dute hura ordaintzeko laguntzaren eskaera bakarrean. Laguntza jasotzeko, 36. artikuluko baldintzak eta 37. artikuluko konpromisoak eta beste baldintza batzuk bete beharko dituzte.
2. Ordainketaren zenbatekoa kalkulatzeko, zenbateko unitarioa biderkatuko da ordaintzeko kontuan hartutako azalerarekin, kasuan kasuko kontrol administratibo eta landa kontrol guztiak egin ondoren, legerian ezarritako penalizazioak aplikatuta.
40. artikulua. Bateraezintasunak eta hautaketa irizpideak.
Laguntzak emateko, hautaketa-irizpide hauen baremazioa aplikatuko da:
a) Laguntza zer ustiategitarako eskatzen den, haren esparruetako lehorreko azaleren ehunekoa. Ureztatzeko lurzatiak lehorreko lurtzat hartuko dira, baldin eta agintaritza hidrografiko eskudunak egiaztatzen badu ureztaketa aldizkakoa dela.
- %100: 5 puntu.
- > = 80 eta < 100: 4 puntu.
- > = 50 eta < 80: 3 puntu.
- > = 20 eta < 50: 2 puntu.
- > 0 eta < 20: 1 puntu.
b) Laguntza zer ustiategitarako eskatzen den, haren esparruetako batez besteko malden ehunekoa.
- > %20: 4 puntu.
- > = 15 eta < 20: 3 puntu.
- > = 10 eta < 15: 2 puntu.
- > 0 eta < 10: puntu bat.
c) Laguntza zer ustiategitarako eskatzen den, haren azaleraren zer ehuneko dagoen Natura 2000 Sarean sartuta.
- > %90: 3 puntu.
- > = 50 eta < 90: 2 puntu.
- > 0 eta < 50: 1 puntu.
d) Laguntza zer ustiategitarako eskatzen den, haren landaketen batez besteko adina.
- 70 urtetik goiti: 18 puntu.
- > = 60 eta < 70: 15 puntu.
- > = 40 eta < 60: 10 puntu.
- > = 30 eta < 40: 7 puntu.
Eskaera batek laguntza jaso ahal izateko gutxieneko puntuazioa 6 puntukoa da; guztira 30 puntu dira.
Espedienteen artean puntu-berdinketa badago, berdinketa hausteko irizpide hauek hartuko dira kontuan, adierazitako ordenan:
1. Eragiketa honi atxikitako azalera handieneko espedienteak.
2. Laguntza eskatzen duten lehorreko esparru gehien dituzten espedienteak.
3. Aldizka ureztatzen diren esparru egiaztatuen kopuru handiena duten espedienteak.
4. Laguntza eskatzen duten landaketen batez besteko adina.
41. artikulua. Ez-betetzeen mailaketak.
1. 36. eta 37. artikuluetan zehaztatutako betebeharren eta konpromisoen ez-betetzeak honako taula honetan ezartzen dira, eta haiei dagokien zehapena, III. eranskinean.
EZ-BETETZE MOTA | |
Baztertzailea (B) | Onartua izateko baldintzak. 36 artikulua. a) Nekazaritza, ingurumen eta klimaren laguntzen araubidetik baztertua ez izatea. b) Legez kontrako mahastiei dagokienez, indarra duen mahastizaintzako eta ardogintzako araudia betetzea. c) Nafarroan dauden lurzatietan labore hauetakoren bat izatea: –Mahatsondoak, Nafarroako Mahastien Erregistroan laguntzaren eskatzailearen izenarekin inskribatuak, 1985 baino lehen landatuak. |
–Olibondondoak, 1955 baino lehen landatuak. d) 2.000 m²-ko gutxieneko azalera. Konpromisoak eta beste betebehar batzuk. 37. art. d) Urtero eskatzea kanpainako eskaera bakarrean laguntzaren urteko ordainketa. | |
Oinarrizkoa (O) | Konpromisoak eta beste betebehar batzuk. 37. art. e) Mahasti eta olibadien azalera ez murriztea norberaren ustiategia laguntzaren araubidean sartu zen urtean zehaztutako azaleraren %90etik behera. i) Landa Garapeneko eta Ingurumeneko Departamentuak egiten duen edozein egiaztatze-jarduera onartzea. |
Nagusia (N) | Konpromisoak eta beste betebehar batzuk. 37. art. b) Olibondoen neguko inausketaren hondarren zati bat lurzatian edukitzea, xehatu gabe, eta maiatzaren 30a baino lehen suntsitzea, olibondoaren pipiaren (Phloeotribus scarabaeoides Bern) kontra zeharka borrokatzeko. Hori aplikatuko da hektarea batetik gorakoak direnean neurrira atxikitako olibadien azalerak. c) Olibondoaren euliaren (Bactrocera oleae) kontra egiteko tratamenduak aplikatzen direnean, INTIAko abisu estazioaren zehaztapenei jarraituko zaie. |
Bigarren mailakoa (BI) | Konpromisoak eta beste betebehar batzuk. 37. art. f) Parte hartzea olibondo eta mahatsondo zaharren barietateak identifikatzeko, laginak hartzeko, kontserbatzeko, errendimenduak kontrolatzeko eta hobetzeko programetan. g) Landa Garapeneko eta Ingurumeneko Departamentuak adierazitako prestakuntza ekintzetan parte hartzea. h) Nafarroan taldeka antola litezkeen babes fitosanitarioko programetan parte hartzea, baldin eta Landa Garapeneko eta Ingurumeneko Departamentuak hala gomendatzen badu. |
Hirugarren mailakoa (H) | Konpromisoak eta beste betebehar batzuk. 37. art. a) Mahasti eta olibadi zaharren landaketak laborantzarako baldintza egokietan mantentzea, laborantza tradizionalen sistemekin bat, eta beharrezko lan kulturalak egitea (inaustea, ongarritzea, izurriak eta landare espontaneoak kontrolatzea, bilketa egitea, eta abar). |
2. Behar baino azalera gehiago deklaratzeari buruzko neurriak ez badira betetzen, murrizketak eta bazterketak aplikatuko dira, Batzordearen martxoaren 11ko 640/2014 (EB) Erregelamendu Delegatuaren 19. artikuluan ezarritakoarekin bat. Erregelamendu horren bidez, Europako Parlamentuaren eta Kontseiluaren 1306/2013 (EE) Erregelamenduaren aplikazio-xedapenak ezarri ziren. Batzordearen martxoaren 11ko 640/2014 (EB) Erregelamendu Delegatuaren 35. artikuluaren araberako beste konpromiso edo betebehar batzuk ez betetzeak penalizazioak ezartzea ekarriko du, zehazki, IV. eranskinean deskribatutakoak, baldin eta ez-betetzeak egiten diren lurren eremua, guztira, ordainketetarako deklaratutako guztizko eremuaren %20 baino handiagoa edo 0,1 ha baino handiagoa bada.
V. KAPITULUA
Galzorian dauden tokiko arrazak kontserbatu eta sustatzea
42. artikulua. Laguntzaren deskripzioa.
1. Ekintzak helburu du nekazariak adoretzea desagertzeko arriskuan dauden tokiko abere arraza autoktonoak eta berezko ustiapen sistema tradizionalak manten ditzaten, galzorian dauden tokiko arrazen zentsua handi dadila sustatzea, eta haien produktibitatea eta errentagarritasuna hobetzea, aldi berean eusten zaiela larrekotasunari eta ingurumenarekiko egokitasunari eta gobernatzeko sistema tradizionalei.
2. Laguntzarekin ondoko onurak bultzatu gogo dira nekazaritzaren, ingurumenaren eta gizartearen arloetan:
a) Abere espezieen dibertsitate genetikoa zaintzea, Nafarroako arraza autoktonoak mantenduz, eta, batik bat, “galzorikotzat” katalogatu diren arrazak.
b) Laguntzea abeltzaintza ingurune hauskorren zaintzarekin bateragarria izan dadin higadura izateko arrisku handiko tokietan eta larratzeko azalerak era jasangarriak erabil daitezen, abere zama egokitasunez gobernatuz, behar baino gehiago edo gutxiago larratzea saihestuz.
c) Bazkatzeko azaleren kontrol naturala hobetzea, haien narriadura murriztu nahian, eta basoetan suteak sor ditzaketen zuhaixkak kontrolatzea, baita potentzial ekologikoari eustea ere abeltzaintzako bazka aprobetxamendu tradizionaleko eremuetan.
3. Nekazaritza, Abeltzaintza eta Elikadurako kontseilariaren 2003ko maiatzaren 26ko Foru Agindua aldatzeko Landa Garapeneko, Ingurumeneko eta Toki Administrazioko kontseilariak abuztuaren 29an eman 309/2014 Foru Aginduarekin bat, ondoko arraza autoktono hauek “galzorian diren arraza”-tzat jotzen dira, eta, hortaz, babes berezia merezi dute:
I.–Behi-aziendak: Betizua.
II.–Ardi-aziendak: Sasi Ardia.
III.–Zaldi-aziendak: Auritz, Nafarroako zaldikoa eta Pottoka.
IV.–Ahuntz-aziendak: Pirinioetako ahuntza.
V.–Zerri-aziendak: Euskal Txerria.
43. artikulua. Laguntza mota.
Dirulaguntza bat da, azienda larriko unitate eta urte bakoitzeko ordaintzen den prima. Laguntza urtero emanen da, eta desagertzeko arriskuan dauden tokiko arrazak mantentzeak eta haiek modu estentsibo tradizionalean gobernatzeak sortzen dituzten kostu gehigarriak eta diru-sarreren galerak estaliko ditu, konpromisoa 2 urtekoa delarik.
44. artikulua. Onargarritasun baldintzak.
Laguntzak emanen dira, soil-soilik, laguntzaren epea bukatzen denean eta konpromisoak irauten duen bitartean ondoko baldintzak betetzen dituzten eskatzaileei edo ustiategiei:
–Onuradunak:
a) Nekazaritza, ingurumen eta klimaren neurrian sartutako laguntzetatik baztertuta ez izatea.
–Ustiategiak:
b) 309/2014 Foru Aginduaren arabera galtzeko zorian dauden arraza autoktonoren bateko ugalketarako abereak –edo etorkizunean ugalketarako direnak– izatea ustiategian, eta dagokion liburu genealogikoan inskribatuta edukitzea eskatzailearen izenean.
c) Gutxienez abereen 3 AzLU izatea inskribatuta dagokion liburu genealogikoan eta abereak inskribatzea liburu genealogikoaren jaiotzen erregistroan.
d) Araubideari atxikitzea, arraza autoktonoa eta abeltzaintzako unitateak zehaztuta, eta konpromisoa hartzea arraza horretako abereen zentsuari eusteko edo hori handitzeko bere ustiategian, 2 kanpainako aldian zehar.
45. artikulua. Konpromisoak eta beste betebehar batzuk.
Neurri honi atxikitzen zaizkion titularrek ondoko konpromisoak bete beharko dituzte 2 urtez:
a) 2003ko maiatzaren 26ko Foru Aginduan zehaztutako galtzeko zorian dauden arraza autoktonoetakoren bateko abereen zentsuari eutsi eta, ahal izanez gero, handitzea, eta dagokion liburu genealogikoan inskribatuta egotea. Foru agindu horren bidez Nafarroako Abere Arrazen Katalogo Ofiziala onetsi zen, abuztuaren 29ko 309/2014 Foru Aginduak aldatu baitzuen.
b) Abeltzaintzako ustiapeneko sistema estentsiboa mantentzea, non azienda neurri handi batean larratuz elikatzen den, abereen dentsitatea 2 AzLU/ha-tik beherakoa izanda. Abere dentsitate hori kalkulatzeko, bazka-azalera eta ustiategiaren abeltzaintza estentsiboko AzLUak hartuko dira kontuan. Unitate horiek kalkulatzeko, SIMOGAN datu basean kontabilizatutako bost balioen batez bestekoa aterako da; balioak laguntzaren eskaerak aurkezteko epea bukatu eta hurrengo bost hilabeteetako bakoitzaren lehendabiziko lanegunean hartutakoak izanen dira.
Tokian berean egindako kontrolik bada, abere dentsitatea kalkulatzeko bazka-azalera eta bertatik bertarako ikuskapenean zehaztutako AzLUak bakarrik hartuko dira kontuan.
c) Ustiategiaren titularrak eskatu beharko du laguntza urtero pagatu diezaiotela, eskaera bakarrean, Batzordearen 640/2014 Erregelamenduan ezarri bezala eta laguntzen deialdian ezarritako tokian, moduan eta epean; ustiategiko bazka-azalera osatzen duten lurzatiak adierazi beharko ditu, eta arraza autoktonoen zenbat ugalketarako abererengatik eskatzen duen laguntza zehaztu.
d) Arraza zaindu, hobetu eta sustatzeko programan parte hartzea. Liburu genealogikoak kudeatzen dituen elkarteak ezartzen du programa hori, eta ofizialki onetsi behar da.
e) Landa Garapeneko eta Ingurumeneko Departamentuak adierazitako prestakuntza jardueretan parte hartzea, norberak edo hark eskuordetzen duenaren bidez.
f) Onartutako edo jasotako dirulaguntzei eta hartutako konpromisoei dagokienez, onartzea Landa Garapeneko eta Ingurumeneko Departamentuak egiten dituen egiaztatze-jarduerak oro. Hartarako, Administrazioko ikuskatzaileei eta ziurtapen eta kontrol agintaritzari libre utzi beharko zaie lurzatietara sartzen, eta eragiketa honi atxikitako jardueraren gainean eskatzen zaien informazio guztia emanen zaie.
46. artikulua. Laguntzaren zenbatekoa.
1. Laguntzaren araubidean sartzeko eskaerak laguntzen eskaera bakarrean aurkeztuko dira. 2 urterako urteko laguntza eman ahalko zaie 44. artikuluan ezarritako onargarritasun baldintzak betetzen dituzten eskatzaileei. Laguntzaren eskaerak ebaluatuko dira, eta organo eskudunak onartu edo ukatuko ditu 3 hilabeteko epean, ebazpen baten bidez. Epe hori igarota, administrazioaren isiltasunez ezetsitzat joko dira.
2. Galzorian dauden tokiko arraza bakoitzean ustiategian hautatzen ahal diren azienda larriko unitateei aplikatu beharreko zenbateko unitarioa:
GALZORIAN DAGOEN TOKIKO ARRAZA | GEHIENEKO ZENBATEKOA (euroak/AzLU) |
Zaldi-azienda: Nafarroako zaldikoa | 140 |
Behi-azienda: Betizua | 120 |
Ardi-azienda: Sasi Ardia | 120 |
Zaldi-azienda: Auritz | 100 |
Zaldi-azienda: Pottoka | 100 |
Ahuntz-azienda: Piriniarra | 120 |
Zerri-azienda: Euskal Txerria | 100 |
3. Konpromisoa eta ordainketa kalkulatzeko kontuan hartzen diren AzLUak hauetako batezbestekoa izanen da: AzLU onargarriak; dagokion liburu genealogikoetan inskribatuta eta SIMOGAN datu basean kontabilizatuak dauden AzLUak (laguntzaren eskaerak aurkezteko epea bukatu eta hurrengo bost hilabete bakoitzeko lehendabiziko lanegunean hartutakoak).
Tokian berean egindako kontrolik bada, bertatik bertarako ikuskapenean zehaztutako AzLUak bakarrik hartuko dira kontuan laguntza kalkulatzeko.
AzLUak zenbatzeko, kontuan hartuko dira ugalketarako diren eme guztiak eta gehienez ere ar bat 30 emeko edo zatikiko.
4. Emakidaren zenbatekoa eragiketa honen emaitza izanen da: zenbateko unitarioa bider zehazturiko AzLUak, administrazio kontrolak eta tokian bertakoak egin ondoren eta jartzen diren penalizazioak aplikatu baino lehen.
5. Onuradun bakoitzari emaniko laguntzaren zenbateko osoa gehieneko muga izanen da, konpromisoaldiaren hurrengo urteetan kobratzeko eskaerari aplikatzeko orduan.
47. artikulua. Ordaintzeko eskaerak eta urteroko ordainketak.
1. 2 urtez urteko ordainketa emanen zaie 44. eta 45. artikuluetan ezarritakoari jarraikiz onargarritasun baldintza eta konpromisoak betetzen dituzten abeltzainei, betiere dagokion kanpainaren eskaera bakarrean urteko ordainketa eskatu badute (46.3 artikuluaren arabera zehaztutako abereak kontuan hartuta).
2. Ordainketaren zenbatekoa kalkulatzeko, zenbateko unitarioa biderkatuko da kasuan kasuko kontrol administratibo eta landa kontrol guztiak egin ondoren ordaintzeko kalkulatzen diren AzLUekin, 48. artikuluko penalizazioak aplikatuta, hala behar denean.
48. artikulua. Bateraezintasunak eta hautaketa irizpideak.
1. Laguntza hau bateraezina da, oro har, Landa garapenari FEADERen eta hura garatzen duen araubidearen bidez laguntzeari buruzko Europako Parlamentuaren eta Kontseiluaren 1305/2013 (EB) Erregelamendutik sortzen direnekin.
2. Galzorian dauden tokiko arrazak kontserbatu eta hobetzeagatik prima jasotzen duten arrazek ez dute jasoko animaliak larratze eta sistema estentsiboa zabaltzearen bidezko abeltzaintzako sistema jasangarrien laguntza osagarria, bi laguntzak bateraezinak direla jotzen baita.
3. Laguntzak emateko, hautaketa-irizpide hauen baremazioa aplikatuko da:
a) Operaziorako definitutako arrazetako ugalketarako eme gutxien duen arraza: Euskal Txerria, Pirinioetako Ahuntza, Sasi Ardia, Pottoka, Betizua, Nafarroako zaldizkoa, Auritz.
- 1. arraza: 7 puntu.
- 2. arraza: 6 puntu.
- 3. arraza: 5 puntu.
- 4. arraza: 4 puntu.
- 5. arraza: 3 puntu.
- 6. arraza: 2 puntu.
- 7. arraza: 1 puntu.
b) Desagertzeko arriskuan dauden arrazetako 24 hilabetetik gorako animalien AzLUen portzentajea (ugalketarako emeak ardien eta ahuntzen kasuan), ustiategiko AzLU guztien gainean.
- > = %70: 2 puntu.
- > = %20 eta < %70: 1 puntu.
Eskaera batek laguntza jaso ahal izateko gutxieneko puntuazioa 2 puntukoa da; guztira 9 puntu dira.
Espedienteen puntuazioan berdinketarik gertatzen bada, kontuan hartuko da 24 hilabetetik gorako abereen portzentajea berdinketa hausteko. Berdinketak jarraituz gero, eragiketa honi atxikitako AzLU gehien dituztenei emanen zaie lehentasuna.
49. artikulua. Ez-betetzeen mailaketak.
1. 44. eta 45. artikuluetan zehaztatutako betebeharren eta konpromisoen ez-betetzeak honako taula honetan ezartzen dira, eta haiei dagokien zehapena, III. eranskinean.
EZ-BETETZE MOTA | |
Baztertzailea (B) | Onartua izateko baldintzak. 44 artikulua. a) Nekazaritza, ingurumen eta klimaren laguntzetatik baztertuta ez izatea. b) Galtzeko zorian dauden arraza autoktonoren bateko ugalketarako abereak –edo etorkizunean ugalketarako direnak– izatea ustiategian, eta dagokion liburu genealogikoan inskribatuta edukitzea. c) Gutxienez abereen 3 AzLU izatea inskribatuta dagokion liburu genealogikoan. d) Araubideari atxikitzea, arraza autoktonoa eta abeltzaintzako unitateak zehaztuta, eta konpromisoa hartzea arraza horretako abereen zentsuari eusteko, 2 kanpainako aldian zehar. Konpromisoak eta beste betebehar batzuk. 45. art. c) Ustiategiaren titularrak eskaera bakarrean eskatu beharko du laguntzaren urteko ordainketa. |
Oinarrizkoa (O) | Konpromisoak eta beste betebehar batzuk. 45. art. a) Galtzeko zorian dauden arraza autoktonoetakoren bateko abereen zentsuari eutsi eta, ahal izanez gero, handitzea, eta dagokion liburu genealogikoan inskribatuta egotea. f) Landa Garapeneko eta Ingurumeneko Departamentuak egiten duen edozein egiaztatze-jarduera onartzea. |
Nagusia (N) | Konpromisoak eta beste betebehar batzuk. 45. art. b) Abeltzaintzako ustiapeneko sistema estentsiboa mantentzea, abereen dentsitatea 2 AzLU/ha-tik beherakoa izanda. Badago penalizazio bat abere dentsitatea 2,1 AzLU/ha-tik gorakoa denean. |
Bigarren mailakoa (BI) | Konpromisoak eta beste betebehar batzuk. 45. art. e) Prestakuntza ekintzetan parte hartzea. d) Liburu genealogikoak kudeatzen dituen elkarteak arrazaren kontserbazio, errendimenduen kontrol eta hobekuntzaren inguruan ezartzen duen programan parte hartzea. b) Abeltzaintzako ustiapeneko sistema estentsiboa mantentzea, abereen dentsitatea 2 AzLU/ha-tik beherakoa izanda. Badago penalizazio bat abere dentsitatea 2 AzLU/ha-tik 2,1era artean dagoenean. |
2. Behar baino azalera gehiago deklaratzeari buruzko neurriak ez badira betetzen, murrizketak eta bazterketak aplikatuko dira, Batzordearen martxoaren 11ko 640/2014 (EB) Erregelamendu Delegatuaren 19. artikuluan ezarritakoarekin bat. Erregelamendu horren bidez, Europako Parlamentuaren eta Kontseiluaren 1306/2013 (EE) Erregelamenduaren aplikazio-xedapenak ezarri ziren. Beste konpromiso edo betebehar batzuk ez betetzeak, Batzordearen martxoaren 11ko 640/2014 (EB) Erregelamendu Delegatuaren 35. artikuluan ezarritakoarekin bat, ekarriko du IV. eranskinean deskribatutako zehapenak aplikatzea.
VI. KAPITULUA
Natura balio handiko zereal-agrosistemetan ardi-aziendaren larratze jasangarria
50. artikulua. Laguntzaren deskripzioa.
Laguntza honen helburua konpentsazio bat ematea da bazkalekuen edo barrutien larre aprobetxamendua esleitua duten ardi-aziendako abeltzaintza ustiategien titularrentzat, Nafarroako hegoaldeko estepako nekazaritza sistemetan larratzeko debekuek eta betebeharrek eragindako kostu gehigarriei eta diru-sarreren galerei aurre egiteko, bereziki Nafarroako estepako hegaztiak zaintzeko intereseko eremuetan (AICAENA).
51. artikulua. Laguntza mota.
1. Laguntza gisa, hektarea bakoitzeko prima bat ordaintzen zaie ustiategien titularrei, baldin eta konpromisoaldiko urteetan betetzen badituzte 52. eta 53. artikuluetako onargarritasun irizpideak, konpromisoak eta murriztapenak.
2. Deialdi honen xedeko dirulaguntzak norgehiagokako araubidea erabiliz emanen dira.
52. artikulua. Onargarritasun baldintzak.
Laguntzak emanen dira, soil-soilik, laguntza eskatzeko epea bukatzen denean eta konpromisoak irauten duen bitartean (bi urte) ondoko baldintzak betetzen dituzten eskatzaileei edo ustiategiei.
Onargarritasun baldintzak.
–Onuradunak.
a) Ardi-aziendako abeltzaintzako ustiategi baten titularra izatea.
b) Bazkaleku/barruti bateko larre aprobetxamendua esleitua izatea laguntza eskatzen den urtean.
c) Bazkaleku/barrutiaren esleipena/titulartasuna aurkeztea, agiri hori laguntza eskaera bakarrari erantsiz.
d) Nekazaritza, ingurumen eta klimaren laguntzen araubidetik baztertua ez izatea.
–Ustiategiari dagokionez.
e) Bazkalekua/barrutia kokatua izatea udalerri hauek eratzen duen lerrotik hegoaldera dauden udalerrietako batean (denak barne): Viana, Bargota, Armañanzas, Santsol, Los Arcos, Barbarin, Arroitz, Arellano, Deikaztelu, Morentin, Aberin, Villatuerta, Larraga, Tafalla, Erriberri, Beire, Pitillas, Santacara, Murillo el Fruto eta Zarrakaztelu.
f) Lurraren erabilera izatea “lur goldagarria”, lehorrekoa, edo “larreak”.
53. artikulua. Konpromisoak.
Neurri honi atxikitzen zaizkion titularrek ondoko konpromisoak bete beharko dituzte 2 urtez:
1. Ustiategiaren titularrak eskatu beharko du laguntza urtero pagatu diezaiotela, laguntza eskaera bakarrean, Batzordearen 2014ko martxoaren 11ko 640/2014 Erregelamendu Delegatuan ezarri bezala eta laguntzen deialdian ezarritako tokian, moduan eta epean.
2. Urteko eskaeran, deklaratzea ustiategiko zer lurzati dauden neurriari atxikiak eta haietarako laguntza eskatzea.
3. Urtero eustea norberaren konpromisoko azaleraren %90eko azalera hautagarriari gutxienez.
4. Onartutako edo jasotako dirulaguntzei eta hartutako konpromisoei dagokienez, onartzea Landa Garapeneko eta Ingurumeneko Departamentuak egiten dituen egiaztatze-jarduerak oro.
5. Landa Garapeneko eta Ingurumeneko Departamentuak hala agintzen dienean, antolatutako prestakuntza-ekintzetan parte hartzea.
6. Abeltzaintzako aprobetxamenduari dagokionez.
–Neguko debekua errespetatzea: eskaera egiten den urteko azaroaren 1etik hurrengo urteko urtarrilaren 31ra ezin izanen da abeltzaintzako aprobetxamendurik egin neurriaren xedeko larreetan eta lehorreko lurren eremuetan.
–Udako debekua errespetatzea: eskaera egiten den urteko ekainaren 1etik abuztuaren 31ra ezin izanen da abeltzaintzako aprobetxamendurik egin neurriaren xedeko larreetan eta lehorreko lurren eremuetan.
–Nahitaezko larratzea, 20 egunez gutxienez, eskaera egiten den urteko irailaren 1etik urriaren 31ra egin beharrekoa.
Neguko nahiz udako debekuak eta nahitaezko larratzeak “abereen jatorri eta osasun gidak” erabiliz eta bertatik bertarako ikuskapenak eginez kontrolatuko dira.
54. artikulua. Araubidean sartzea eta laguntzaren zenbatekoa.
1. Laguntzaren araubidean sartzeko eskaerak laguntzen eskaera bakarrean aurkeztuko dira. 2 urterako urteko laguntza eman ahalko zaie 52. artikuluan ezarritako onargarritasun baldintzak betetzen dituzten eskatzaileei.
2. Kontzesioaren zenbatekoa eragiketa honen emaitza izanen da: zenbateko unitarioa, 7,65 euro hektareako, bider zehazturiko azalerak, administrazio kontrolak eta tokian bertakoak egin ondoren eta behar baino azalera gehiago deklaratzeagatik jartzen diren penalizazioak aplikatu baino lehen. Larreen kasuan, azalera hautagarria zehazteko larreen onargarritasunaren koefizientea erabiliko da.
3. Onuradun bakoitzari emaniko laguntzaren zenbateko osoa gehieneko muga izanen da, konpromisoaldiaren hurrengo urteetan kobratzeko eskaerari aplikatzeko orduan.
55. artikulua. Ordaintzeko eskaerak eta urteroko ordainketak.
1. 2 urteko laguntzaren onuradunek urtero eskatu behar dute hura ordaintzeko laguntzaren eskabide bakarraren bidez. Laguntza jasotzeko, 52. artikuluko baldintzak eta 53. artikuluko konpromisoak eta murrizketak bete beharko dituzte.
2. Ordainketaren zenbatekoa eragiketa honen emaitza izanen da: 7,65 euro/ha (zenbateko unitarioa), bider ordaintzeko kontuan hartutako azalera, kasuan kasuko kontrol administratibo eta landa kontrol guztiak egin ondoren, eta foru agindu honen III. eranskinean aurreikusitako penalizazioak aplikatu ondoren, urte bakoitzerako emandako zenbatekoa urte horretan gainditu gabe.
56. artikulua. Bateraezintasunak eta hautaketa irizpideak.
1. Ez dago bateraezintasunik laguntza honen eta zuzeneko laguntzen artean, ez eta Greening-en ordainketekin ere.
2. Eragiketa hori bateraezina da LGPko laguntza hauekin: “Abeltzaintzako sistema jasangarriak, animaliak larratuz eta sistema estentsiboa zabalduz” eta “Lehorreko lur erdiaridoetan karbonoa harrapatzea”.
3. Eskaerek aurrekontuko gehieneko zenbatekoa gaindituz gero, lehentasun irizpide hauek erabiliko dira:
HAUTAKETA IRIZPIDEAK | BAREMAZIOA | |||
Izenburua | Deskribapena | Puntuazioa, gehienez ere | Kalkulua | Justifikazioa |
Nafarroako Foru Komunitatean estepako hegaztiak zaintzeko intereseko eremuen barnean (AICAENA), 1. mailako lehentasunezkoetan, dagoen azalera hartuaren portzentajea | Nafarroako Foru Komunitatean estepako hegaztiak zaintzeko intereseko eremuen barnean (AICAENA) dagoen azalera hartuaren portzentajea, hartutako guztizko azalera zenbatekoa den, 1. mailako lehentasuna duten eremuak soilik kontuan hartuta Ondorio horietarako, 1. mailako lehentasuneko eremu horiek hauek dira: AE 5, AE 6, AE 8 a 1, AE 8 c, AE 21 eta AE 23 | 150 | %0, 0 puntu %0-%10, 50 puntu >%10, 150 puntu | Eremu horietan daude hegazti-espezie mehatxatu gehien |
Nafarroako Foru Komunitatean estepako hegaztiak zaintzeko intereseko eremuen barnean (AICAENA), 2. mailako lehentasunezkoetan, dagoen azalera hartuaren portzentajea | Nafarroako Foru Komunitatean estepako hegaztiak zaintzeko intereseko eremuen barnean (AICAENA) dagoen azalera hartuaren portzentajea, hartutako guztizko azalera zenbatekoa den, 2. mailako lehentasuna duten eremuak soilik kontuan hartuta Ondorio horietarako, 2. mailako lehentasuneko eremu horiek hauek dira: AE 3, AE 4, AE 8 b1, AE 8 d, AE 11, AE 12 1, AE 12 2, AE 14, AE 15, AE 17, AE 18 1, AE 19 1 eta AE 20 | 100 | %0, 0 puntu %0-%10, 40 puntu >%10, 100 puntu | Eremu horiek bigarrenak dira hegazti-espezie mehatxatuen kopuruetan |
Nafarroako Foru Komunitatean estepako hegaztiak zaintzeko intereseko eremuen barnean (AICAENA), 3. mailako lehentasunezkoetan, dagoen azalera hartuaren portzentajea | Nafarroako Foru Komunitatean estepako hegaztiak zaintzeko intereseko eremuen barnean (AICAENA) dagoen azalera hartuaren portzentajea, hartutako guztizko azalera zenbatekoa den, 3. mailako lehentasuna duten eremuak soilik kontuan hartuta Ondorio horietarako, 3. mailako lehentasuneko eremu horiek hauek dira: AE 1, AE 2, AE 7, AE 8 e 2, AE 13 1, AE 16, AE 18-2, AE 19-2 eta AE 19-3 | 50 | %0, 0 puntu %0-%10, 20 puntu >%10, 50 puntu | Eremu horiek hirugarrenak dira hegazti-espezie mehatxatuen kopuruetan |
Neurriari atxikitako azalera handiena duten ustiategiak | Laguntzan eskatutako azalera onargarria zenbat eta handiagoa izan, orduan eta handiagoa izanen da lehentasuna | 50 | 50 × azalera hartua / 2000 | Ustiategiaren tamaina zenbat eta handiagoa izan, orduan eta eraginkorragoa da hegazti-faunaren gaineko eragina |
Udalerritik mugitzen diren abere taldeak | Laguntza ustiategia kokatua dagoen udalerriaz beste bateko bazkaleku/barruti batean deklaratzen duten ustiategiei lehentasuna emanen zaie | 50 | Ustiategia kokatuta dagoen udalerritik kanpora mugitzen bada | Udalerritik kanpora joan behar izateak esan nahi du ustiapena estentsiboagoa dela, eta gainera, altxonbideen erabilera sustatzen du |
Eskaera batek LGENFen laguntza jaso ahal izateko, 60 puntu lortu beharko ditu gutxienez |
57. artikulua. Ez-betetzeen mailaketak.
52. eta 53. artikuluetan zehaztutako ez-betetzeak honako taula honetan jasotzen dira, eta haiei dagokien zehapena, foru agindu honen III. eranskinean.
Baztertzailea (Baz) | Onargarritasun baldintzak. 52. artikulua. –Onuradunari dagokionez: a) Ardi-aziendako abeltzaintzako ustiategi baten titularra izatea. b) Bazkaleku/barruti bateko larre aprobetxamendua esleitua izatea laguntza eskatzen den urtean. c) Bazkaleku/barrutiaren esleipena/titulartasuna aurkeztea, agiri hori laguntza eskaera bakarrari erantsiz. d) Nekazaritza, ingurumen eta klimaren laguntzen araubidetik baztertua ez izatea. –Ustiategiari dagokionez. e) Bazkalekua/barrutia kokatua izatea udalerri hauek eratzen duen lerrotik hegoaldera dauden udalerrietako batean (denak barne): Viana, Bargota, Armañanzas, Santsol, Los Arcos, Barbarin, Arroitz, Arellano, Deikaztelu, Morentin, Aberin, Villatuerta, Larraga, Tafalla, Erriberri, Beire, Pitillas, Santacara, Murillo el Fruto eta Zarrakaztelu. f) Lurraren erabilera izatea “lur goldagarria”, lehorrekoa, edo larreak. Konpromisoak eta beste betebehar batzuk. 53 artikulua. 2. Urteko eskaeran, deklaratzea ustiategiko zer lurzati dauden neurriari atxikiak eta haietarako laguntza eskatzea. |
Oinarrizkoa (O) | Konpromisoak eta beste betebehar batzuk. 53 artikulua. 1. Ustiategiaren titularrak eskatu beharko du laguntza urtero pagatu diezaiotela, laguntza eskaera bakarrean, Batzordearen martxoaren 11ko 640/2014 (EB) Erregelamendu Delegatuan ezarri bezala eta laguntzen deialdian ezarritako tokian, moduan eta epean. 2. Urtero eustea norberaren konpromisoko azaleraren %90eko azalera hautagarriari gutxienez. 3. Onartutako edo jasotako dirulaguntzei eta hartutako konpromisoei dagokienez, onartzea Landa Garapeneko eta Ingurumeneko Departamentuak egiten dituen egiaztatze-jarduerak oro. Landa Garapeneko eta Ingurumeneko Departamentuak hala agintzen dienean, antolatutako prestakuntza-ekintzetan parte hartzea. 4. Abeltzaintzako aprobetxamenduari dagokionez: –Neguko debekua: eskaera egiten den urteko azaroaren 1etik hurrengo urteko urtarrilaren 31ra ezin izanen da abeltzaintzako aprobetxamendurik egin larreen eta lehorreko lurren eremuetan. –Udako debekua: eskaera egiten den urteko ekainaren 1etik abuztuaren 31ra ezin izanen da abeltzaintzako aprobetxamendurik egin larreen eta lehorreko lurren eremuetan. –Nahitaezko larratzea: 20 egunez gutxienez, eskaera egiten den urteko irailaren 1etik urriaren 31ra. |
Behar baino azalera gehiago deklaratzeari buruzko neurriak ez badira betetzen, murrizketak eta bazterketak aplikatuko dira, Batzordearen martxoaren 11ko 640/2014 (EB) Erregelamendu Delegatuaren 19. artikuluan ezarritakoarekin bat. Erregelamendu horren bidez, Europako Parlamentuaren eta Kontseiluaren 1306/2013 (EE) Erregelamenduaren aplikazio-xedapenak ezarri ziren. Batzordearen martxoaren 11ko 640/2014 (EB) Erregelamendu Delegatuaren 35. artikuluaren araberako beste konpromiso edo betebehar batzuk ez betetzeak penalizazioak ezartzea ekarriko du, zehazki, IV. eranskinean deskribatutakoak, baldin eta ez-betetzeak egiten diren lurren eremua, guztira, ordainketetarako deklaratutako guztizko eremuaren %20 baino handiagoa edo 0,1 ha baino handiagoa bada.
VII. KAPITULUA
Estepako habitata hobetzea basoiloarentzat eta basoilo handiarentzat
58. artikulua. Laguntzaren deskripzioa.
Laguntza honen helburua da Nafarroako Erriberako lehorreko lur erdiaridoetako balio handiko nekazaritzako sisteman dauden intereseko hegaztien populazioak mantentzen laguntzea, basoiloa eta basoilo handiaren ugalketa, elikadura eta babeserako habitatak hobetzen dituzten nekazaritzako jarduketak martxan jarriz Nafarroako Goi Erriberan.
59. artikulua. Jarduketa eremua.
Laguntzen araubidea lurzatiak honako udalerrietan dituzten lehorreko nekazaritzako ustiategi estentsiboei aplikatuko zaie:
UDAL ID | UDALERRIA | IR | UDAL ID | UDALERRIA | IR |
15 | Andosilla | 1,8 | 224 | Sesma | 2,5 |
42 | Azagra | 1,8 | 231 | Torres del Río | 2,5 |
66 | Cárcar | 1,8 | 251 | Viana | 2,5 |
107 | *Funes | 1,8 | 152 | Lerin | 2,7 |
157 | Lodosa | 1,8 | 171 | Miranda Arga | 2,7 |
165 | Mendabia | 1,8 | 12 | Allo | 3,2 |
169 | Milagro | 1,8 | 29 | Los Arcos | 3,2 |
215 | San Adrián | 1,8 | 30 | Arellano | 3,2 |
223 | Sartaguda | 1,8 | 36 | Arroitz | 3,2 |
65 | *Caparroso | 2,2 | 46 | Barbarin | 3,2 |
163 | *Martzilla | 2,2 | 51 | Beire | 3,2 |
178 | *Murillo el Cuende | 2,2 | 53 | Berbintzana | 3,2 |
179 | Murillo el Fruto | 2,2 | 80 | Deikaztelu | 3,2 |
202 | Azkoien | 2,2 | 142 | Larraga | 3,2 |
220 | *Santakara | 2,2 | 160 | Lukin | 3,2 |
35 | Armañantzas | 2,5 | 227 | Tafalla | 3,2 |
47 | Bargota | 2,5 | 532 | 32 fazeria | 3,2 |
61 | El Busto | 2,5 | 5 | Aberin | 3,7 |
104 | Faltzes | 2,5 | 174 | Morentin | 3,7 |
145 | Elizagorria | 2,5 | 200 | Oteitza | 3,7 |
191 | Erriberri | 2,5 | 257 | Villatuerta | 4,1 |
205 | Pitillas | 2,5 | 204 | Piedramillera | 4,4 |
219 | Santsol | 2,5 | 531 | 31 fazeria | 4,4 |
Izartxoarekin markatutako udalerrietan Aragoi ibaiaren iparraldean kokatutako lurzatiak bakarrik onartuko dira. |
60. artikulua. Definizioak.
Laguntza hauen ondorioetarako soil-soilik, honako definizio hauek hartuko dira kontuan:
a) Zerealen laboreak: landu gabeko lur-zerrendak uzten diren lurzatietan, lehorreko zerealak bakarrik ereinen dira, lur goldagarrietan, urtero txandakatuak. Haiekin, tokian tokiko baldintza arruntetan egiten da nekazaritzako jarduera.
b) Intereseko lekadunak: talde honetan sartzen dira aprobetxamendu ekonomikorik ez duten alpalpa, zalke, astorki, zalke arrunt edo eru laboreak.
c) Bazkatzeko aprobetxamendua: modu estentsiboan dabiltzan abereek egindakoa, belardi naturalak (espontaneoak) erabilita edo lehorreko lur goldagarrietan landutako (ereindako) belardiak larratzeko erabilita.
d) AICAENA: Nafarroako estepako hegaztiak zaintzeko intereseko eremua. Laguntza hauen jarduketa esparruan “AICAENA” horiek hiru mailatan sailkatuak daude, estepako faunarentzat duten interesaren arabera.
61. artikulua. Laguntza mota.
1. Hektarea bakoitzeko ordainketa bat egiten zaie 62. eta 63. artikuluetako konpromisoak eta onargarritasun irizpideak konpromisoaldiko 2 urtean betetzen dituzten nekazariei.
2. Titularrak bi erabilera mota egin ditzake lurzati horietan.
2.1. Zereal laboreak dauden lurzatietan (urtero zehaztuak), zerrendak paratuko dira, 2 metroko zabalerakoak, lurzatiaren perimetroan; haietan ezin da deus erein, ez lurra landu, eta ez inolako tratamendurik eman. Lurzati horietan lastoa bildu gabe utziko da eta lurraren gainean ilaratan geldituko da.
2.2. Zenbait lurzatitan hegaztien intereseko honako lekadunen bat ereinen da: alpalpa, zalkea, astorkia, zalke arrunta edo erua. Abuztuaren 1a arte ez dute nekazaritzarako aprobetxamendurik izanen; garai zehatz batzuetan aziendak sartzen utziko da, estepako hegaztien ziklo biologikoei gutxien eragiten dienean.
3. Deialdi honen xedeko dirulaguntzak norgehiagokako araubidearen bidez emanen dira eta eskaerak 66. artikuluan (hautapen irizpideak) adierazitako moduan lehenetsiko dira.
4. Laguntza hauetarako aurrekontuan erabilgarri dagoen kredituarekin ezin balitz eskatutako azalera guztia finantzatu, lehentasuna emanen zaio ustiategiek Nafarroako estepako hegaztiak zaintzeko intereseko eremuetan (AICAENA) duten zatiari. Azalera horietan aurrerago zehazten diren hautapen irizpideak aplikatuko dira; eta eransten joanen dira AICAENA eremuetan ez dauden azalerak, horietan konpromisoetan definitutako erabilera motak egiten badira.
62. artikulua. Onargarritasun baldintzak.
1. Laguntzak emanen dira, soil-soilik, laguntza eskatzeko epea bukatzen denean eta konpromisoak irauten duen bitartean ondoko baldintzak betetzen dituztenei:
a) SIGPACen lehorreko lur goldagarritzat katalogatutako nekazaritzako azalera izan behar du.
b) Azalera hautagarriak 59. artikuluan zehaztatutako udalerrietan egon behar du.
c) Nekazaritza, ingurumen eta klimaren laguntzen araubidetik baztertua ez izatea.
63. artikulua. Konpromisoak.
Neurri honi atxikitzen zaizkion titularrek ondoko konpromisoak bete beharko dituzte 2 urtez:
a) Ustiategiaren titularrak eskatu beharko du laguntza urtero pagatu diezaiotela, laguntza eskaera bakarrean, Batzordearen martxoaren 11ko 640/2014 (EB) Erregelamendu Delegatuan ezarri bezala eta laguntzen deialdian ezarritako tokian, moduan eta epean.
b) Urteko eskaeran, deklaratzea ustiategiko zer lurzati dauden neurriari atxikiak eta haietarako laguntza eskatzea.
c) Urtero azalera hautagarri jakin bat mantentzea, gutxienez %90ekoa, erabilera mota horretarako.
d) Urtero, laguntzak emandako AICAENA eremuetan edo lehentasunaren aldetik horien pareko direnetan, azalera hautagarri jakin bat mantentzea, gutxienez %90ekoa, AICAENA bakoizteko.
e) Onartutako edo jasotako dirulaguntzei eta hartutako konpromisoei dagokienez, onartzea Landa Garapeneko eta Ingurumeneko Departamentuak egiten dituen egiaztatze-arduerak oro.
f) Landa Garapeneko eta Ingurumeneko Departamentuak hala agintzen dienean, antolatutako prestakuntza-ekintzetan parte hartzea.
g) Faunarako zerrendak/uztondoak: urtero laguntzaren barnean sartzen den zerealen lurzati guztietan, urte bateko edo gehiagoko zerrendak paratuko dira, 2 metroko zabalerakoak, lurzatiaren perimetroan. Haietan ez da nekazaritzako lanik eginen: ereitea, fitosanitariorik aplikatzea, biltzea eta abar. Lastoa ere osorik utziko da, xehatu gabe, uztondoaren gainean ilaratan, zabaldu edo bildu gabe. Azalera horietan larratzea baimentzen da abuztuaren 1etik aurrera, eta altxatzea irailaren 1etik aurrera.
h) Faunarentzako ereintzak: Titularrak zehazten dituen lurzatietan, 61. artikuluan adierazitako intereseko lekadunak ereiten ahal ditu. Abuztuaren 1a arte ez dute nekazaritzarako aprobetxamendurik izanen. Baimentzen da abereen aprobetxamendua ekainaren 15etik aurrera, lugorrian erein bada, edo abuztuaren 1etik aurrera, berriz, landuta dagoen lurzati batean. Baimentzen da irailaren 1etik aurrera altxatzea edo urriaren 20ra arte larratzea. Lekadunen laboreei dagozkien kodeekin edo ingurumeneko lugorri ereinari dagokionarekin deklaratuko da.
64. artikulua. Araubidean sartzea eta laguntzaren zenbatekoa.
1. Laguntzaren araubidean sartzeko eskaerak laguntzen eskaera bakarrean aurkeztuko dira. 2 urterako urteko laguntza eman ahalko zaie 62. artikuluan ezarritako onargarritasun baldintzak betetzen dituzten eskatzaileei. Laguntzaren eskaerak ebaluatuko dira, eta organo eskudunak onartu edo ukatuko ditu 3 hilabeteko epean, ebazpen baten bidez. Epe hori igarota, administrazioaren isiltasunez ezetsitzat joko dira.
2. Emakidaren zenbatekoa:
–Zerrenda periferikoen eta lastoaren konpromisoa. Prima:
Euro/hektarea = 27 (euro/t) × IR (t/hektarea).
–Faunarentzat ereiteen gaineko konpromisoa. Prima:
Euro/hektarea = 220 (euro/t) × IR (t/hektarea).
3. Onuradun bakoitzari emaniko laguntzaren zenbateko osoa gehieneko muga izanen da, konpromisoaldiaren hurrengo urteetan kobratzeko eskaerari aplikatzeko orduan.
65. artikulua. Ordaintzeko eskaerak eta urteroko ordainketak.
1. 2 urteko laguntzaren onuradunek urtero eskatu behar dute hura ordaintzeko laguntzaren eskaera bakarraren bidez. Laguntza jasotzeko, 62. eta 63. artikuluetako baldintzak eta konpromisoak bete beharko dituzte.
2. Ordainketaren zenbatekoa urtero konpromisoak betetzen dituen azaleraren determinazioaren emaitza izanen da eta kontzesioaren zenbatekora mugatuko da.
3. Ez da aurreikusten konpromisoak zabaltzea laguntzak onetsi diren hasierako kanpainaren ondoren egiten diren hurrengo kanpainetan. Konpromisoak osorik edo partez eskualdatzea, ordea, posible izanen da, 7. artikuluan adierazi bezala.
66. artikulua. Bateraezintasunak eta hautaketa irizpideak.
1. Ez dago bateraezintasunik laguntza honen eta zuzeneko laguntzen artean, ez eta Greening-en ordainketekin ere.
2. Eragiketa hau bateraezina da LGPko laguntza honekin: Estepako nekazaritza habitatak hobetzea.
3. Onuradunek zuzeneko ordainketak jasotzen dituztenean eta greeninga betetzetik salbuetsita ez daudenean, baldin eta erabakitzen badute neurri horretarako konprometitutako eta faunarentzat ereindako azaleraren gainean egitea, Estepako habitata basoiloarentzat eta basoilo handiarentzat hobetzea izeneko laguntzaren ordainketa murriztuko zaie, finantzaketa bikoitza saihesteko; izan ere, klimarako eta ingurumenerako onuragarriak diren nekazaritzako jardunbidetarako ordainketaren onuradunak dira.
4. Eskaerek aurrekontuko gehieneko zenbatekoa gaindituz gero, lehentasun irizpide hauek erabiliko dira:
IZENA | DESKRIBAPENA | GEHIENEKO PUNTUAZIOA | KALKULUA EDO GRADUAZIOA |
1.–1. mailako lehentasuneko eremuetan (garrantzia oso handikoa) dagoen azalera hartua | Nafarroako Foru Komunitatean estepako hegaztiak zaintzeko intereseko eremuen barnean (AICAENA) dagoen azalera hartua, hartutako guztizko azalera kontuan hartuta, 1. mailako lehentasuna duten eremuak soilik kontuan hartuta. Ondorio horietarako, 1. mailako lehentasuneko eremu horiek hauek dira: AE 5, AE 6, AE 8 a 1, AE 8 c | 150 | Formula honen arabera kalkulatuko da: (150 × 1. mailako kategoriaren azalera)/neurriari atxikitako azalera |
2.–2. mailako lehentasuneko eremuetan (garrantzia handikoa) dagoen azalera hartua | Nafarroako Foru Komunitatean estepako hegaztiak zaintzeko intereseko eremuen barnean (AICAENA) dagoen azalera hartua, hartutako guztizko azalera kontuan hartuta, 2. mailako lehentasuna duten eremuak soilik kontuan hartuta. Ondorio horietarako, 2. mailako lehentasuneko eremu horiek hauek dira: AE 3, AE 4, AE 8 b1, AE 8 d | 100 | Formula honen arabera kalkulatuko da: (100 × 2. mailako kategoriaren azalera)/neurriari atxikitako azalera |
3.–3. mailako lehentasuneko eremuetan (garrantzia ertainekoa) dagoen azalera hartua | Nafarroako Foru Komunitatean estepako hegaztiak zaintzeko intereseko eremuen barnean (AICAENA) dagoen azalera hartua, hartutako guztizko azalera kontuan hartuta, 3. mailako lehentasuna duten eremuak soilik kontuan hartuta. Ondorio horietarako, 2. mailako lehentasuneko eremu horiek hauek dira: AE 1, AE 2, AE 7, AE 8 a2, AE 8 e2 | 50 | Formula honen arabera kalkulatuko da: (50 × 3. mailako kategoriaren azalera)/neurriari atxikitako azalera |
4.–AICAENA eremuetatik kanpoko azalera hartua | Azalera hartua, kokatuta dagoena laguntzaren eremu geografikoaren barnean baina Nafarroako Foru Komunitatean estepako hegaztiak zaintzeko intereseko eremuetatik kanpo, hartutako guztizko azalera kontuan hartuta | 40 | Formula honen arabera kalkulatuko da: (40 × AICAENA eremuetatik kanpoko azalera)/neurriari atxikitako azalera |
5.–Erabilera mota honetara bideratutako azalera: lurzatiaren inguruan 2 metroko zabalerako zerrendak paratzea, haietan deus ere erein gabe, tratamendurik eman gabe, eta lurra landu gabe | Lehentasuna emanen zaie zerrendak sortzeari azalera gehien eskaintzen dieten eskaerei, lekadun lurzatiak ereitera bideratutako azaleren aurretik. | 100 | 100*zerrendetan hartutako azalera*AICAENAk hierarkizatzeko koef. (1. maila 4, 2. maila 3, 3. maila 2 eta AICAENA eremuetatik kanpo 1) / 100 Gainerako puntuen batura gehieneko mugara iristen ez bada soilik gehituko da puntuazio hori |
6.–Neurriaren babesean dagoen azalera handiena duten ustiategiak | Laguntzan eskatutako azalera onargarria zenbat eta handiagoa izan, orduan eta handiagoa izanen da lehentasuna | 50 | 50 * azalera hartua / 100 |
Eskaera batek LGENFen laguntza jaso ahal izateko, 60 puntu lortu beharko ditu gutxienez. Gehienez ere 200 puntu emanen dira. AICAENA eremuak hierarkizatzeko koefizientea: 1. mailako AICAENA: 4; 2. mailako AICAENA: 3; 3. mailako AICAENA: 2; AICAENA eremuetatik kanpoko azalera: 1 |
67. artikulua. Ez-betetzeen mailaketak.
1. 62. eta 63. artikuluetan zehaztatutako betebeharren eta konpromisoen ez-betetzeak honako taula honetan ezartzen dira.
Behar baino azalera gehiago deklaratzeari buruzko neurriak ez badira betetzen, murrizketak eta bazterketak aplikatuko dira, Batzordearen martxoaren 11ko 640/2014 (EB) Erregelamendu Delegatuaren 19. artikuluan ezarritakoarekin bat. Erregelamendu horren bidez, Europako Parlamentuaren eta Kontseiluaren 1306/2013 (EE) Erregelamenduaren aplikazio-xedapenak ezarri ziren. Batzordearen martxoaren 11ko 640/2014 (EB) Erregelamendu Delegatuaren 35. artikuluaren araberako beste konpromiso edo betebehar batzuk ez betetzeak penalizazioak ezartzea ekarriko du, zehazki, IV. eranskinean deskribatutakoak, baldin eta ez-betetzeak egiten diren lurren eremua, guztira, ordainketetarako deklaratutako guztizko eremuaren %20 baino handiagoa edo 0,1 ha baino handiagoa bada.
VIII. KAPITULUA
Lehorreko lur erdiaridoetan karbonoa harrapatzeko laguntza
68. artikulua. Laguntzaren deskripzioa.
Laguntzaren helburua da karbonoaren hustubide diren eta lehen sektoreko berotegi efektuko gasen emisioak murriztea ahalbidetzen duten laborantzak agertzearen alde egitea.
69. artikulua. Jarduketa eremua.
Laguntzen araubidea Natura 2000 Sareko lehorreko lur goldagarriko lurzatietan aplikatuko da, Nafarroako Errege Bardean “Aragoi” barietateko alpapa hazteko, konpromisoaldiko bi urtetik bost urtera bitarte landare estalki hori mantenduz. Laguntza honetarako onar daitezkeen lurzatiak IDENA datu bisorean kontsulta daitezke.
70. artikulua. Definizioak.
Laguntza hauen ondorioetarako soilik, hazi ziurtatua duen Aragoi barietateko alpaparen laborantza baizik ez da kontuan hartuko.
Alpapa haziaren barietate horren erosketaren egiaztagiria erantsiko da eskaera bakarrean.
71. artikulua. Laguntza mota.
Hektarea bakoitzeko ordainketa bat egiten zaie 72. eta 73. artikuluetako konpromisoak eta onargarritasun irizpideak konpromisoaldiko 5 urtean betetzen dituzten nekazariei.
72. artikulua. Onargarritasun baldintzak.
1. Laguntzak soil-soilik emanen zaizkie laguntza eskatzeko epea bukatzen denean eta konpromisoak irauten duen bitartean ondoko baldintzak betetzen dituztenei:
a) Lehorreko lur goldagarriko lurzatiak aitortzea Natura 2000 Sareko lurzatietan, Nafarroako Errege Bardean “Aragoi” barietateko alpaparen laborantzarako.
b) Nekazaritza, ingurumen eta klimaren laguntzen araubidetik baztertua ez izatea.
73. artikulua. Konpromisoak.
Neurri honi atxikitzen zaizkion titularrek ondoko konpromisoak bete beharko dituzte 5 urtez:
c) Ustiategiaren titularrak eskatu beharko du laguntza urtero paga diezaiotela, laguntza eskaera bakarrean, Batzordearen martxoaren 11ko 640/2014 (EB) Erregelamendu Delegatuan ezarririko moduan eta laguntzen deialdian ezarritako tokian, moduan eta epean, neurriari heltzen dioten ustiategiko lurzatiak zein diren adieraziz eta haietarako laguntza eskatuz.
d) Urtero azalera hautagarri jakin bat mantentzea, lehen urtean laguntza ematen zaion azaleraren %90ekoa gutxienez.
e) Aragoi barietateko alpapazko landare estalkia mantentzea kontzesioaren xede diren lurzatietan, konpromisoaldiko bost urtean, estalki hori egoki mantentzeko behar denaz bestelako laborantza lanik gabe. Behar izanez gero, berriz ereinen da. Irailaren 1etik urriaren 31ra bitarte, azienda igarotzen ahalko da.
f) Onartutako edo jasotako dirulaguntzei eta hartutako konpromisoei dagokienez, onartzea Landa Garapeneko eta Ingurumeneko Departamentuak egiten dituen egiaztatze-jarduerak oro.
g) Landa Garapeneko eta Ingurumeneko Departamentuak hala agintzen dienean, antolatutako prestakuntza-ekintzetan parte hartzea.
74. artikulua. Araubidean sartzea eta laguntzaren zenbatekoa.
1. Laguntzaren araubidean sartzeko eskaerak laguntzen eskaera bakarrean aurkeztuko dira. 5 urterako urteko laguntza eman ahalko zaie 72. artikuluan ezarritako onargarritasun baldintzak betetzen dituzten eskatzaileei. Laguntzaren eskaerak ebaluatuko dira, eta organo eskudunak onartu edo ukatuko ditu 3 hilabeteko epean, ebazpen baten bidez. Epe hori igarota, administrazioaren isiltasunez ezetsitzat joko dira.
2. Laguntza hektareako 208 euro izanen da.
3. Onuradun bakoitzari emaniko laguntzaren zenbateko osoa gehieneko muga izanen da, konpromisoaldiaren hurrengo urteetan kobratzeko eskaerari aplikatzeko orduan. Diruz lagungarria den gehieneko azalera ustiategiko 10 hektarea izanen dira.
75. artikulua. Ordaintzeko eskaerak eta urteroko ordainketak.
1. 5 urteko aldirako laguntzaren onuradunek urtero eskatu beharko dute ordainketa, eskaera bakarraren bidez. Hura jasotzeko, 72. eta 73. artikuluetako baldintzak eta konpromisoak bete beharko dituzte.
2. Ordainketaren zenbatekoa urtero konpromisoak betetzen dituen azaleraren determinazioaren emaitza izanen da eta kontzesioaren zenbatekora mugatuko da.
3. Ez da aurreikusten konpromisoak zabaltzea laguntzak onetsi diren hasierako kanpainaren ondoren egiten diren hurrengo kanpainetan. Konpromisoak osorik edo partez eskualdatzea, ordea, posible izanen da, 7. artikuluan adierazi bezala.
76. artikulua. Bateraezintasunak eta hautaketa irizpideak.
1. Ez dago bateraezintasunik laguntza honen eta zuzeneko laguntzen artean, ez eta Greening-en ordainketekin ere.
2. Eragiketa hori bateraezina da LGPko laguntza hauekin: “Animaliak larratzearen eta sistema estentsiboaren bidezko abeltzaintzako sistema jasangarrietarako laguntza”, “Estepako nekazaritzako habitatak hobetzeko laguntza”, “Natura balio handiko zereal-agrosistemetan ardiak larratzeko laguntza” eta nekazaritza ekologikoaren 11. neurria (LGP aldatzeari buruzko txostena).
3. Onuradunek zuzeneko ordainketak jasotzen dituztenean eta greeninga betetzetik salbuetsita ez daudenean, murriztuta jasoko dute Lehorreko lur erdiaridoetan karbonoa harrapatzeko laguntzaren ordainketa, finantzaketa bikoitza saihesteko; izan ere, klimarako eta ingurumenerako onuragarriak diren nekazaritzako jardunbidetarako ordainketaren onuradunak dira.
4. Eskaerek aurrekontuko gehieneko zenbatekoa gaindituz gero, lehentasun irizpide hauek erabiliko dira:
TITULUA | GEHIENEKO PUNTUAZIOA | KALKULUA EDO GRADUAZIOA |
Puntuazioa kalkulatzeko, formula hau erabiliko da | ||
10 ha-tik gora, Aragoi barietateko alpaparekin ereindako azalera, ehunekotan | 50 | (50 × [Aragoi barietateko alpaparekin ereindako azalera -10]) / 100 |
Lekadunak ezartzeko, neurrira kategorizazio oso onarekin biltzen ahal den azalera, gehienez ere 10 ha dela kontuan hartuta | 150 | (150 × 4. kategoriarekin bildutako azalera) / Neurriari atxikitako azalera |
Lekadunak ezartzeko, neurrira kategorizazio onarekin biltzen ahal den azalera, gehienez ere 10 ha dela kontuan hartuta | 125 | (125 × 3. kategoriarekin bildutako azalera) / Neurriari atxikitako azalera |
Lekadunak ezartzeko, neurrira kategorizazio ertainarekin biltzen ahal den azalera, gehienez ere 10 ha dela kontuan hartuta | 50 | (50 × 2. kategoriarekin bildutako azalera) / Neurriari atxikitako azalera |
Lekadunak ezartzeko, neurrira kategorizazio eskasarekin biltzen ahal den azalera, gehienez ere 10 ha dela kontuan hartuta | 20 | (20 × 1. kategoriako azalera) / Neurriari atxikitako azalera |
5. Eskaera batek LGENFen laguntza jaso ahal izateko, 50 puntu lortu beharko ditu gutxienez.
77. artikulua. Ez-betetzeen mailaketak.
1. 72. eta 73. artikuluetan zehaztatutako betebeharren eta konpromisoen ez-betetzeak honako taula honetan ezartzen dira, eta haiei dagokien zehapena, III. eranskinean.
EZ-BETETZE MOTA | |
Baztertzailea (Baz) | Onargarritasun baldintzak. 72 a) artikulua: Lehorreko lur goldagarriko lurzatiak aitortzea Natura 2000 Sareko lurzatietan, Nafarroako Errege Bardean “Aragoi” barietateko alpaparen laborantzarako; b): Nekazaritza, ingurumen eta klimaren laguntzen araubidetik baztertua ez izatea. Konpromisoak eta beste betebehar batzuk. 73 c) artikulua: Ustiategiaren titularrak eskatu beharko du laguntza urtero paga diezaiotela, laguntza eskaera bakarrean, Batzordearen martxoaren 11ko 640/2014 (EB) Erregelamendu Delegatuan ezarri bezala eta laguntzen deialdian ezarritako tokian, moduan eta epean, neurriari atxikitako ustiategiko lurzatiak zein diren adieraziz eta haietarako laguntza eskatuz |
Oinarrizkoa (O) | Konpromisoak eta beste betebehar batzuk. 73. d) artikulua: Urtero azalera hautagarri jakin bat mantentzea, lehen urtean laguntza ematen zaion azaleraren %90ekoa gutxienez; e): Aragoi barietateko alpapazko landare estalkia mantentzea kontzesioaren xede diren lurzatietan, konpromisoaldiko bost urtean, estalki hori egoki mantentzeko behar denaz bestelako laborantza lanik gabe. Behar izanez gero, berriz ereinen da. Irailaren 1etik urriaren 31ra bitarte, azienda igarotzen ahalko da; f): Onartutako edo jasotako dirulaguntzei eta hartutako konpromisoei dagokienez, onartzea Landa Garapeneko eta Ingurumeneko Departamentuak egiten dituen egiaztatze-jarduerak oro |
Bigarren mailakoa (BI) | Konpromisoak eta beste betebehar batzuk. 73 g) artikulua: Landa Garapeneko eta Ingurumeneko Departamentuak agintzen dizkien prestakuntza-ekintzetan parte hartzea |
2. Behar baino azalera gehiago deklaratzeari buruzko neurriak ez badira betetzen, murrizketak eta bazterketak aplikatuko dira, Batzordearen martxoaren 11ko 640/2014 (EB) Erregelamendu Delegatuaren 19. artikuluan ezarritakoarekin bat. Erregelamendu horren bidez, Europako Parlamentuaren eta Kontseiluaren 1306/2013 (EE) Erregelamenduaren aplikazio-xedapenak ezarri ziren. Batzordearen martxoaren 11ko 640/2014 (EB) Erregelamendu Delegatuaren 35. artikuluaren araberako beste konpromiso edo betebehar batzuk ez betetzeak penalizazioak ezartzea ekarriko du, zehazki, IV. eranskinean deskribatutakoak, baldin eta ez-betetzeak egiten diren lurren eremua, guztira, ordainketetarako deklaratutako guztizko eremuaren %20 baino handiagoa edo 0,1 ha baino handiagoa bada.
III. TITULUA
11. neurria.–Nekazaritza ekologikoa
78. artikulua. Laguntzaren deskripzioa.
1. Produkzio ekologikoa nekazaritzako kudeaketarako eta elikagaien produkziorako sistema orokor bat da, ondokoak biltzen dituena: jardunbide egokienak ingurumenaren arloan, biodibertsitate maila altua, baliabide naturalen babesa eta animalien ongizateari buruzko arau zorrotzen aplikazioa. Halaber, nekazaritza ekologikoak oinarri ditu tokiko nekazaritza sistemetan integratutako baliabide berriztagarriak.
2. Produktu ekologikoen merkatua handitzen ari da; hala ere, azken kontsumitzaileek, ordaintzen duten prezioaren bidez, ez dute erabat konpentsatzen haien kostu handiagoak eta produkzio txikiagoa. Horrenbestez, sektorearen aurrerapena ekarriko duten baldintzak sustatu behar dira, produkzioaren eta merkatuaren bilakaerarekin bat.
3. Nafarroako Landa Garapenerako 2014-2020 Programaren proposamenean, nekazaritza ekologikoari buruzko neurria dago, bi azpineurri hauekin:
a) Nekazaritza ekologikoaren metodo eta jarduketetara aldatzea.
b) Nekazaritza ekologikoaren metodo eta jarduketak mantentzea.
4. Titulu honen ondorioetarako, 5. artikuluko definizioak aplikatuko dira.
79. artikulua. Laguntza mota.
1. Laguntza, hektarea bakoitzeko urteko prima bat da, produkzio ekologikorako lurzatien azalera hautagarriaren eta 80. artikuluan definitutako labore moten arabera emandakoa eskaeraren urtean, 2 urteko konpromisoaldiarekin.
2. Titulu honen 80. artikuluan jasotzen diren onargarritasun baldintzak betetzen dituztenei emanen zaizkie laguntzak.
3. Laguntzak emateko prozedura norgehiagokako araubideari jarraikiz tramitatuko da.
80. artikulua. Onargarritasun baldintzak.
1. Laguntzak emanen dira, soil-soilik, laguntza eskatzeko epea bukatzen denean eta konpromisoak irauten duen bitartean ondoko baldintzak betetzen dituzten eskatzaileei edo ustiategiei:
–Onuradunak:
a) Jarduneko nekazaria izatea, 307/2013 (EB) Erregelamenduaren 9. artikuluaren arabera.
b) Baztertuta ez egotea nekazaritza eta ingurumenaren neurrietarako edo ekoizpen ekologikorako laguntzetatik.
c) Nafarroako Nekazal Produkzio Ekologikoaren Kontseiluaren (NNPEK) lizentzia izatea eskaera aurkezteko epea bukatzen denean, eta produkzio unitateak (azalerak eta abereak) eskatzailearen izenean inskribatuak izatea.
d) Laguntzaren araubideari atxikitzeko eskatzea, ustiategi ekologikoko lurzatiak zehaztuta, eta nekazaritza ekologikoa egiteko konpromisoa hartzea, bat etorriz Produktu ekologikoak ekoizteari eta etiketatzeari buruzko Europako Parlamentuaren eta Kontseiluaren 2018ko maiatzaren 30eko 2018/848 (EB) Erregelamenduan eta 617/1999 Foru Dekretuan xedatutakoarekin, 2 urteko epean, eraldatze prozesuari dagozkionak barne.
–Ustiategiak.
e) Nafarroako Foru Komunitateko lurzatiak produkzio ekologikorako erabiltzea, labore mota hauekin:
–Ebakitzeko belar-laboreak eta bazka-laboreak lehorreko lurretan. Hektarea bakoitzeko 2,2 tonakoa edo gutxiagoko errendimendua duten udalerriak, Produkzioa eskualdekatzeko indarrean den Planaren arabera.
–Ebakitzeko belar-laboreak eta bazka-laboreak lehorreko lurretan. Hektarea bakoitzeko 2,2 tonakoa baino gehiagoko eta 3,7 tonakoa edo gutxiagoko lehorreko errendimendua duten udalerriak.
–Ebakitzeko belar-laboreak eta bazka-laboreak lehorreko lurretan. Hektarea bakoitzeko 3,7 tonakoa baino gehiagoko lehorreko errendimendua duten udalerriak.
–Ebakitzeko belar-laboreak eta bazka-laboreak ureztalurretan.
–Arroza.
–Ardotarako mahatsa.
–Fruitu oskoldunak.
–Olibondoak.
–Fruta-arbolak.
–Landare usaintsuak, sendabelarrak eta tindatzekoak.
–Aire zabaleko barazkiak eta berotegietakoak.
–Nekazaritza ekologikoaren ustiategi baten larreak, ondoko espezietarako:
I.–Behi-azienda, zezenketakoa izan ezik.
II.–Ardi-azienda.
III.–Ahuntz-azienda.
IV.–Zaldi-azienda, haragitarako gaitasunarekin.
2. “Nekazaritza ekologikora aldatzeko” laguntzetatik bazterturik daude aurreko aldian “nekazaritza ekologikoa” eta/edo “abeltzaintza ekologikoa” neurrietan laguntzak jaso eta Nafarroako ziurtapen ekologikorako erakunde ofizialean zuten inskripzioa deuseztatu zituzten lurzatiak. Emakida kalkulatuko zaie lurzati horiei eta, aldatzeko aldia gainditu ondoren, nekazaritza ekologikoaren metodo eta jarduketak kontserbatzeagatik ematen den ordainketa onartuko zaie. Bazterketa hori ez da izango lurzatien zati bat edo ustiategi osoa salerosi, eskualdatu edo errentan hartzen direnean.
3. Neurri horretatik kanpo gelditzen dira emankortasuna kontserbatu, mantendu edo hobetzeko lanik jasotzen ez duten azalerak, baita herrilurretako larreen bazka-azalerak ere.
4. Lugorriak ez du laguntza zenbatekorik sortzen; hala ere, hori kontuan hartuko da gutxienez konpromisoko azaleraren %90 mantentzea betetzearren.
81. artikulua. Konpromisoak eta beste betebehar batzuk.
Neurri honi atxikitzen zaizkion titularrek ondoko konpromiso eta baldintzak bete beharko dituzte 2 urtez:
a) 2018/848 (EB) Erregelamenduan produkzio ekologikorako ezarritako metodoak aplikatzea neurri honen xedeko produkzio unitateetan (azaleretan eta abereetan), eta Nafarroako ziurtapen erakundearen (NPPEK) ziurtagiria lortzea.
b) Ziurtapen erakundearen gomendioei jarraitzea, arau ekologikoak betetzen ez badira. Egindako gomendioak betetzen direla egiaztatuko da.
c) Ustiategiaren titularrak eskatu beharko du laguntza urtero pagatu diezaiotela, kanpaina bakoitzeko eskabide bakarrean, Batzordearen 640/2014 Erregelamenduan ezarririko moduan eta laguntzen deialdian ezarritako tokian, moduan eta epean. Urtero ustiategiko lurzatiak adieraziko dira, produkzio ekologikorako erabiltzen direnak eta laguntzaren urteko ordainketaren xede direnak azalduz.
d) Laguntza jaso duen azaleraren %90 edo gehiago produkzio ekologikoan mantentzea.
e) Landa Garapeneko eta Ingurumeneko Departamentuak agintzen dizkien prestakuntza-ekintzetan parte hartzea. Horri dagokionez, konpromisoa betetzat joko da baldin eta onuradunaren ordez hark eskuordetutako pertsona bat joaten bada. Pertsona horrek, edonola ere, konpromisoaren xede diren lurzatietako laborantza eragiketak egin eta kontrolatzeko ardura izan beharko du.
f) Ustiategiko koadernoa eguneraturik edukitzea, non laborantza-lan guztiak adieraziko baitira.
g) Onartutako edo jasotako dirulaguntzei eta hartutako konpromisoei dagokienez, onartzea Landa Garapeneko eta Ingurumeneko Departamentuak egiten dituen egiaztatze-jarduerak oro. Horretarako, baimena eman beharko zaie ikuskatzaileei eta ziurtatu eta kontrolatzeko agintariei lurzatietan eta ustiategiei loturiko instalazioetan askatasun osoz sartzeko.
h) Ustiategiko azienda ekologikoak aprobetxatuko ditu larre iraunkorrak eta larratzeko bazka-azalera ekologikoak.
i) Bazka-azaleren aprobetxamendu estentsiboa mantentzea urteko abere zama egoki baten bidez (1,5 AzLUren eta 0,4 AzLUren arteko karga hektareako). Abere dentsitate hori kalkulatzeko, kontuan hartuko dira bazka ekologikoaren azalera, NNPEK-k larreetarako baimendutako azalera eta ustiategiaren abeltzaintza ekologiko estentsiboko AzLUak. Unitate horiek kalkulatzeko, SIMOGAN datu basean kontabilizatutako AzLUen batez bestekoa aterako da, eta horretarako, laguntza-eskaerak aurkezteko epea bukatu eta hurrengo bost hilabeteetako bakoitzaren lehendabiziko lanegunean dauden AzLUak kontabilizatuko dira.
Tokian berean egindako kontrolik bada, abere zama kalkulatzeko azalera eta bertatik bertarako ikuskapenean zehaztutako AzLUak bakarrik hartuko dira kontuan.
j) Ustiategiaren produktoreek metodo ekologikoak erabili behar dituzte nekazaritzako produkzioaren prozesu osoan, azken kontsumitzailearentzako edo industria eraldatzailearentzako produktu egokia lortu arte.
Nekazaritzako lurzatien kasuan, eskatzen da nekazaritzako jarduera eremuko baldintza arruntetan egitea eta landatutako lurzatietan uzta biltzea.
Hazteko abeltzaintza ekologikoaren kasuan, aldatzeko aldia gainditu ondoren, eskatzen da hiltzeko edo gizentzeko azken ekoizle ekologiko bati saltzea ondoko proportzioan:
–Haragitarako behi eta zaldien produkzioan, 0,25 abere 36 hilabetetik gorako eme bakoitzeko eta urteko. Betizu behi arrazarako, koefiziente hori 0,20ra murrizten da.
–Haragitarako ardi eta ahuntzen produkzioan, 0,40 abere ugalketarako den eme bakoitzeko eta urteko.
–Esnetarako behi-aziendaren kasuan, gutxieneko produkzioa eta salmenta eskatzen da: 3.000 kg esne 24 hilabetetik gorako eme bakoitzeko eta urteko.
–Esnetarako ardi- eta ahuntz-aziendaren kasuan, 60 eta 100 litro ugalketarako den eme bakoitzeko eta urteko, hurrenez hurren.
–Gizentzeko abeltzaintza ekologikoaren kasuan, eskatzen da hiltzeko saltzea urtean saldutako abereen %50 edo gehiago.
Azken bi urteetako ekoizpenaren edo merkaturatzearen batez bestekoa kontuan hartuta bete daiteke konpromisoa.
k) Oinarrizko lerroko konpromisoak betetzea, laguntza horri buruz foru agindu honen II. eranskinean jasoak.
l) Aldatzeko aldia gainditu ondoren, neurri honen xede diren produkzio unitateak mantentzea ustiategiaren barnean, bertan produkzio ekologikoaren metodoak erabiliz.
82. artikulua. Araubidean sartzea eta laguntzaren zenbatekoa.
1. Laguntzaren araubidean sartzeko eskaera laguntzen esakaera bakarraren bidez eginen da. 2 urterako urteko laguntza eman ahalko zaie 80. artikuluan ezarritako onargarritasun baldintzak betetzen dituzten eta 81. artikuluan ezarritako konpromisoei atxikitzen zaizkien eskatzaileei. Laguntzaren eskaerak ebaluatuko dira, eta organo eskudunak onartu edo ukatuko ditu 3 hilabeteko epean, ebazpen baten bidez. Epe hori igarota, eskaera ezetsitzat joko da.
2. Laguntza kalkulatuko da azalerari honako modulazio hau aplikatuta:
a) Laborantza mota guztien azalera bateratzeko eta azalera baliokideak lortzeko, ondoko baliokidetasun koefizienteak aplikatzen zaizkie laborantza mota bakoitzean zehaztutako azalerei:
LABORANTZA MOTA | APLIKATUTAKO KOEFIZIENTEAK. MANTENTZEA | APLIKATUTAKO KOEFIZIENTEAK. ALDATZEA |
Ebakitzeko belar-laboreak eta bazka-laboreak lehorreko lurretan. Hektarea bakoitzeko 2,2 tonakoa edo gutxiagoko errendimendua duten udalerriak | 0,100 | 0,150 |
Ebakitzeko belar-laboreak eta bazka-laboreak lehorreko lurretan. Hektarea bakoitzeko 2,2 tonakoa baino gehiagoko eta 3,7 tonakoa edo gutxiagoko errendimendua duten udalerriak | 0,213 | 0,249 |
Ebakitzeko belar-laboreak eta bazka-laboreak lehorreko lurretan. Hektarea bakoitzeko 3,7 tonakoa baino gehiagoko errendimendua duten udalerriak | 0,283 | 0,327 |
Ebakitzeko belarkiak eta bazka-laboreak ureztalurretan | 0,333 | 0,401 |
Landare usaintsuak, sendabelarrak eta tindatzekoak. | 0,375 | 0,435 |
Arroza | 0,416 | 0,483 |
Aire zabaleko barazkiak eta berotegietakoak | 1,000 | 1,000 |
Fruitu oskoldunak | 0,375 | 0,432 |
Ardotarako mahatsa | 0,583 | 0,696 |
Olibondoak | 0,566 | 0,664 |
Fruta-arbolak | 0,875 | 1,150 |
Ustiategi bateko larratzeak nekazaritza ekologikoan | 0,270 | 0,291 |
Baratzeko landareetarako mintegiak | 2,000 | 2,000 |
b) Lehenbiziko 16,66 unitate baliokideei, labore mota bakoitzean zehaztutako azaleraren arabera banatuak, zenbateko unitario osoa aplikatzen zaie. Hurrengo unitate baliokideei, zenbateko unitarioaren %50 aplikatzen zaie. Bi zenbatekoen baturak bat egiten du emandako laguntzaren zenbatekoarekin.
c) Sozietateen kasuan, osotara ordaindu beharreko 16,66 unitate baliokideen kopurua handituko da bazkideen kopuruaz biderkatuz (3 gehienez).
3. 2022ko deialdian emandako laguntzei zenbateko unitario hauek aplikatuko zaizkie.
LABORANTZA MOTA | ZENBATEKO UNITARIOAK. MANTENTZEA (euroak/ha) | ZENBATEKO UNITARIOAK. ALDATZEA (euroak/ha) |
Ebakitzeko belar-laboreak eta bazka-laboreak lehorreko lurretan. Hektarea bakoitzeko 2,2 tonakoa edo gutxiagoko errendimendua duten udalerriak | 95,32 | 112,26 |
Ebakitzeko belar-laboreak eta bazka-laboreak lehorreko lurretan. Hektarea bakoitzeko 2,2 tonakoa baino gehiagoko eta 3,7 tonakoa edo gutxiagoko errendimendua duten udalerriak | 160,93 | 177,22 |
Ebakitzeko belar-laboreak eta bazka-laboreak lehorreko lurretan. Hektarea bakoitzeko 3,7 tonakoa baino gehiagoko errendimendua duten udalerriak | 213,53 | 224,91 |
Ebakitzeko belarkiak eta bazka-laboreak ureztalurretan | 246,46 | 272,43 |
Landare usaintsuak, sendabelarrak eta tindatzekoak | 236,74 | 260,84 |
Arroza | 310,47 | 332,85 |
Aire zabaleko barazkiak eta berotegietakoak | 600,00 | 600,00 |
Fruitu oskoldunak | 236,25 | 259,09 |
Ardotarako mahatsa | 429,30 | 503,16 |
Olibondoak | 428,91 | 481,72 |
Fruta-arbolak | 695,50 | 831,34 |
Ustiategi bateko larratzeak nekazaritza ekologikoan | 205,50 | 208,86 |
Baratzeko landareetarako mintegiak | 1.200,00 | 1.200.00 |
4. Ustiategiak aldatzen ari diren lurzatiak baditu, ulertuko da labore bat labore mota batzuetan dagoela aldatzen edo mantentzen ari bada. Titular bakoitzaren laguntza kalkulatuko da “aldatzen” ari diren azaleretarako, ziurtapen erakundeak izendatutako lurzatiak kontuan hartuta, eta lurzatiek aldatze egoeran egon behar duten kanpainetarako. Halaber, “mantentzen” ari diren azaleretarako, kanpaina bakoitzerako kalkulatuko da, egoeran horretan dauden lurzatiak kontuan hartuta, baita aldatzeko aldia gainditu dutenak ere.
5. Onuradun bakoitzari emaniko laguntzaren zenbateko osoa gehieneko muga izanen da, konpromisoaldiaren hurrengo urteetan kobratzeko eskaerari aplikatzeko orduan.
6. Ustiategiko azienda ekologikoak aprobetxatuko ditu larre iraunkorren azalera eta larratzeko bazka-azalera, eta dirulaguntza jaso dezaketen hektareek ezin dute ustiategiko AzLU ekologikoen balioa gainditu. AzLU horiek SIMOGAN datu-basean zenbatutako AzLU onargarrien batez bestekoa izanen dira, laguntzaren eskaerak aurkezteko epea amaitu ondorengo lehen bost hilabete bakoitzetako lehendabiziko lanegunean.
Tokian berean egindako kontrolik bada, bertatik bertarako ikuskapenean zehaztutako AzLUak bakarrik hartuko dira kontuan laguntza kalkulatzeko.
7. Lugorria emakidaren urteko lehorreko belarkietarako deklaratutako azaleraren erdia baino gehiago bada, hori kontuan hartuko da konpromisoaren azalera eta urteko gehieneko zenbatekoa zehazteko, betiere laguntzaren azalerak labore mota horretako lur azalera osoaren %50 gainditu gabe.
8. Eskaeraren urtean lurzatiak berrantolatzeko prozesuan dauden eta landatzea ezinezko duten udalerrien kasuan, berrantolatze prozesuaren hasieraren aurreko urteko laborantzen aitorpena hartuko da laguntzaren zenbatekoa kalkulatzeko erreferentzia gisa.
9. Ez da emanen 100 eurotik beherako emakidarik.
83. artikulua. Ordaintzeko eskaerak eta urteroko ordainketak.
1. Urteko ordainketa laguntzen eskaera bakarraren bidez eskatuko da, non aitortuko diren 81. artikuluan adierazitako konpromisoak mantenduko dituzten lurzatiak edo SIGPAC barrutiak, nekazaritza ekologikoaren laguntza zein laboretarako eskatzen den adierazita.
2. Urte bateko laboreen kasuan, urtero pagatzeko eskaera aurkeztu beharko da laborea ezartzen den urte berean.
3. Urteko ordainketa kanpaina horretan adierazitako laboreen arabera (egokitzapena aplikatuta) eta foru agindu honen 82. artikuluan ezarritako labore moten zenbatekoaren arabera kalkulatuko da, kanpaina horretarako emandako laguntzaren mugaraino.
84. artikulua. Bateraezintasunak eta hautaketa irizpideak.
1. Laguntza hau bateraezina da, oro har, Landa garapenari FEADERen eta hura garatzen duen araubidearen bidez laguntzeari buruzko Europako Parlamentuaren eta Kontseiluaren 1305/2013 (EB) Erregelamendutik sortzen direnekin.
2. Nolanahi ere, ondoko hauekin bateraezina da:
a) 10. neurriaren laguntzarekin (“Abeltzaintzako sistema jasangarriak sustatzea, animaliak larratze eta sistema estentsiboa zabaltzearen bidez”), labore mota hauetarako: ebakitzeko belarki laboreak eta bazka-laboreak (lehorreko lurretan eta ureztalurretan), eta larratzeko belardiak.
b) 10. neurriaren laguntzarekin (Hazitarako patataren nekazaritza eta ingurumeneko produkzioa), labore horretarako.
c) Lehorreko lur erdiaridoetan karbonoa harrapatzeko laguntzarekin.
d) Ekintza planetan, programa operatiboetan eta berariazko neurrietan konpromiso berak edo antzekoak biltzen dituzten laguntzekin.
3. Produkzio ekologikoa neurriaren onuradunek, ordainketa zuzenak jaso eta, greening-a betetzetik salbuetsita ez daudenez, neurri horretarako konprometitutako azaleran egitea erabakitzen badute, produkzio ekologikoaren ordainketa murriztuko zaie finantzaketa ez bikoizteko, klimarako eta ingurumenerako onuragarriak diren nekazaritzako jarduketetarako ordainketaren onuradunak baitira.
4. Laguntzak emateko, hautaketa-irizpide hauen baremazioa aplikatuko da:
a) Nekazaritzan erabilitako nitratoek ura kutsatzeko arriskua duten eremuen barnean dagoen ustiategiko azaleraren portzentajea:
- > %50: 3 puntu.
- > = 20 eta < 50: 2 puntu.
- > 0 eta < 20: 1 puntu.
b) Natura 2000 Sarearen barnean dagoen ustiategiko azalaren portzentajea:
- > %50: 3 puntu.
- > = 20 eta < 50: 2 puntu.
- > 0 eta < 20: 1 puntu.
c) Ustiategiak hektareako dituen nekazaritzako lan unitateen (NLU) batura, kontuan hartuta V. eranskinean ageri den sail landatu bakoitzeko esleitutako NLUa, eta honako puntuazioen arabera:
- > = 2 NLU/ha: 7 puntu.
- > = 0,2 eta < 2: 6 puntu.
- > = 0,05 eta < 0,2: 5 puntu.
- > = 0,02 eta < 0,05: 4 puntu.
- ≥ 0,01 eta < 0,02: 3 puntu.
- > = 0,005 eta < 0,001: 2 puntu.
- < 0,0051 puntu.
Eskaera batek laguntza jaso ahal izateko gutxieneko puntuazioa 3 puntukoa da; guztira 13 puntu dira.
Espedienteen puntuazioan berdinketarik gertatzen bada, kontuan hartuko da c) irizpidea “Oso landaketa intentsiboak dituzten azalerak”. Berdinketak jarraituz gero, lehentasuna neurriaren xedeko azalera handienei emanen zaie.
85. artikulua. Ez-betetzeen mailaketak.
1. 80. eta 81. artikuluetan zehaztatutako betebeharren eta konpromisoen ez-betetzeak honako taula honetan ezartzen dira, eta haiei dagokien zehapena, III. eranskinean.
EZ-BETETZE MOTA | |
Baztertzailea (B) | Onartua izateko baldintzak. 80. artikulua. a) Nekazari aktiboa. b) Nekazaritza ekologikorako laguntzatik kanpo ez gelditzea. c) NNPEKen lizentzia. d) Laguntzen araubideari atxikitzeko eskatzea, eta nekazaritza ekologikoa 2 kanpainako aldian praktikatzeko konpromisoa hartzea. e) Nafarroako Foru Komunitateko lurzatiak produkzio ekologikorako erabiltzea, 80. artikuluaren e) puntuan definitutako taldeekin. Konpromisoak eta beste betebehar batzuk. 81. art. c) Ustiategiaren titularrak kanpaina bakoitzeko eskaera bakarrean eskatu beharko du laguntzaren urteko ordainketa. |
Oinarrizkoa (O) | Konpromisoak eta beste betebehar batzuk. 81. art. a) Produkzio ekologikorako ezarritako metodoak aplikatzea xedeko unitateetan (azalerak eta abereak) eta NNPEKen ziurtagiria lortzea. b) Ziurtapen erakundearen gomendioei jarraitzea, arau ekologikoak betetzen ez badira. d) Laguntza jasotzen duen azaleraren %90 mantentzea. g) Landa Garapeneko eta Ingurumeneko Departamentuak egiten duen edozein egiaztatze-jarduera onartzea. k) Oinarrizko lerroko konpromisoak betetzea, laguntza horri buruz foru agindu honen II. eranskinean jasoak. l) Aldatzeko aldia gainditu ondoren, neurri honen xede diren produkzio unitateak mantentzea ustiategiaren barnean. |
Nagusia (N) | Konpromisoak eta beste betebehar batzuk. 81. art. h) Ustiategiko azienda ekologikoak aprobetxatuko ditu larre iraunkorrak eta larratzeko bazka-azalerak. i) Bazka-azaleren aprobetxamendu estentsiboa mantentzea urteko abere zama egoki baten bidez (1,5 AzLUren eta 0,2 AzLUren arteko karga hektareako). j) Abeltzain ekologikoen kasuan. Ustiategiaren produktoreek metodo ekologikoak erabili behar dituzte nekazaritzako produkzioaren prozesu osoan, azken kontsumitzailearentzako edo industria eraldatzailearentzako produktu egokia lortu arte. |
Bigarren mailakoa (BI) | Konpromisoak eta beste betebehar batzuk. 81. art. e) Prestakuntza ekintzetan parte hartzea. f) Ustiapen koadernoa eguneratuta mantentzea. |
Hirugarren mailakoa (H) | Konpromisoak eta beste betebehar batzuk. 81. art. j) Nekazaritzako lurzatien kasuan. Ustiategiaren produktoreek metodo ekologikoak erabili behar dituzte nekazaritzako produkzioaren prozesu osoan, azken kontsumitzailearentzako edo industria eraldatzailearentzako produktu egokia lortu arte. |
2. Behar baino azalera gehiago deklaratzeari buruzko neurriak ez badira betetzen, murrizketak eta bazterketak aplikatuko dira, Batzordearen martxoaren 11ko 640/2014 (EB) Erregelamendu Delegatuaren 19. artikuluan ezarritakoarekin bat. Erregelamendu horren bidez, Europako Parlamentuaren eta Kontseiluaren 1306/2013 (EE) Erregelamenduaren aplikazio-xedapenak ezarri ziren. Batzordearen martxoaren 11ko 640/2014 (EB) Erregelamendu Delegatuaren 35. artikuluaren araberako beste konpromiso edo betebehar batzuk ez betetzeak penalizazioak ezartzea ekarriko du, zehazki, IV. eranskinean deskribatutakoak, baldin eta ez-betetzeak egiten diren lurren eremua, guztira, ordainketetarako deklaratutako guztizko eremuaren %20 baino handiagoa edo 0,1 ha baino handiagoa bada.
IV. TITULUA
Xedapen komunak
86. artikulua. Ebaluazioa, jarraipena eta kontrola.
Eskaeren ebaluazioa, kontrol administratiboa eta ordainketaren ebazpen proposamena Nekazaritza Zerbitzuak eginen ditu; tokian berean egin beharreko kontrola, berriz, Ikuskapenen Atalak eginen du; horretarako, behar diren egiaztapenak eginen dira, eta eskatzaileak eskatzen zaion informazio osagarri osoa eman beharko du.
87. artikulua. Deialdiaren antolamendua, instrukzioa eta ebazpena.
1. Eskaera jaso ondoren, egiaztatuko da interesdunek onuraduna eta hautatua izateko baldintzak betetzen dituztela, baita Dirulaguntzei buruzko azaroaren 9ko 11/2005 Foru Legearen 9. artikuluan ezarritako betebeharrak ere. Eskaerak zerbait falta badu, gehienez hogeita hamar eguneko epean zuzendu dezala eskatuko zaio interesdunari, eta adieraziko zaio, hori egin ezean, eskaerari uko egiten diola ondorioztatuko dela eta artxibatzeko ebazpena eginen dela, eta, jakinaraziko zaiola.
2. Zerbitzu kudeatzaileak eskaera ebaluatu ondoren, ebazpen proposamena eginen da.
3. Foru agindu honetan aipatzen diren laguntzak ematea, ordaintzea eta ukatzea, arrazoibidez betiere, Nekazaritza eta Abeltzaintzako zuzendari nagusiari dagokio.
4. Prozeduraren gainean ebazteko epea 3 hilabetekoa izanen da, eskaerak aurkezteko epea bukatzen den egunetik hasita. Epea espresuki ebazpenik gabe bukatzen bada, ezetsitzat joko da eskaera.
88. artikulua. Laguntzak ukatzea eta zehapenak.
1. Konpromisoaldiko kanpaina batean laguntza eskatzen ez bada eta epe luzerako konpromisoak betetzen ez direla egiaztatzen bada, eskaera zer kanpainatan egin ez den, horren aurreko urteetan jasotako zenbatekoak itzuli beharko dira.
2. Onargarritasun baldintzak bete ezik, laguntzak ukatuko dira.
3. Ezarritako kontrol administratiboen edo landa kontrolen ondorioz egiaztatzen bada alde bat dagoela eskatutako hektarea edo AzLUen eta egiaztatutakoen artean, dagozkion zehapenak jarriko dira, Batzordearen 640/2014 (EB) Erregelamendu Delegatuaren 19., 31. eta 35. artikuluekin bat.
4. Ustiategiko azalerak erabat ez deklaratzeak Batzordearen 640/2014 (EB) Erregelamendu Delegatuaren 16. artikuluan aurreikusitako zehapena ekarriko du.
5. Laguntzaren xedeko azalerek baldintzazkotasun arauak ezartzen dituen abenduaren 19ko 1078/2014 Errege Dekretuan ezarritakoa bete beharko dute. Arau horiek bete ezik, dagozkion zehapenak jarriko dira.
6. Aurrekoez gain, aplikatuko da Dirulaguntzei buruzko azaroaren 9ko 11/2005 Foru Legean xedatutako arau-hausteen eta zehapenen araubidea.
89. artikulua. Oker jasotako ordainketen itzulketa.
1. Ordainketa bat oker jasotzen denean, horren zenbatekoa eta interesak, jasotzaileari itzulketa egiteko jakinarazten zaionetik itzulketa edo kenkaria egin arteko denborari dagozkionak, pagatu beharko ditu jasotzaileak, Batzordearen 2014ko uztailaren 17ko 809/2014 (EB) Exekuzio Erregelamenduaren 7. artikuluan xedatuarekin bat.
90. artikulua. Laguntzen publizitatea.
Onuradunen zerrenda argitaratuko da 1306/2013 (EB) Erregelamenduaren IV. kapituluan ezartzen den bezala. Onuradunei jakinaraziko zaie haien datuak aipatu erregelamenduaren 111. artikuluaren arabera argitaratuko direla, eta auditoretzak eta azterketak egiteko erakundeek har ditzaketela datuak, Batasunaren finantza interesak babestuak gelditzeko. Datuak pertsonalak direnean, onuradunei haien eskubideen berri emanen zaie, datuak babesteko arauekin eta eskubide horiek baliatzeko prozedura aplikagarriekin bat.
Xedapen indargabetzaile bakarra.–Arauak indargabetzea.
Indarrik gabe uzten da Landa Garapeneko eta Ingurumeneko kontseilariaren otsailaren 27ko 61/2016 Foru Agindua, araubide orokorra ezarri zuena nekazaritza, ingurumen eta klimaren laguntzak (10. neurria) eta nekazaritza ekologikoarenak (11. neurria) eman, kudeatu eta kontrolatzeko. Laguntza horiek Nafarroako Foru Komunitateko Landa Garapenerako 2014-2020 Programaren barrenean daude.
Azken xedapen bakarra.–Indarra hartzea.
Foru agindu honek Nafarroako Aldizkari Ofizialean argitaratu eta biharamunean hartuko du indarra. Arau hau 2022ko otsailaren 1etik aurrera aurkeztu diren laguntza-eskaerei aplikatuko zaie.
Iruñean, 2022ko martxoaren 11n.–Landa Garapeneko eta Ingurumeneko kontseilaria, Itziar Gómez López.
ERANSKINAK
ERANSKINAREN KODEA | IZENA |
I. eranskina | Erregionalizazio indizeak |
II. eranskina | Oinarrizko lerroko baldintzak |
III. eranskina | Penalizazioak eta konpromisoak ez betetzearen portzentajeak, Batzordearen 640/2014 erregelamenduaren 35. artikuluaren arabera |
IV. eranskina | AzLU edo hektarea kopuruari loturiko konpromisoak edo beste betebehar batzuk ez betetzearen portzentajeak eta penalizazioen mailaketa, tipifikatuak ez badaude bete ez den portzentajearen arabera, Batzordearen 640/2014 Erregelamenduaren 35. artikuluari jarraituz. |
V. eranskina | Labore mota bakoitzari esleitutako NLU kopurua, 220/2007 Foru Aginduaren arabera |
I. ERANSKINA
Erregionalizazio indizeak
ESKU | UDAL | UDALERRIAREN IZENA | LEH - ERR |
4 | 1 | ABAIGAR | 4,4 |
4 | 2 | ABARTZUZA | 4,4 |
2 | 3 | ABAURREGAINA | 2,5 |
2 | 4 | ABAURREPEA | 2,5 |
4 | 5 | ABERIN | 3,7 |
7 | 6 | ABLITAS | 1,8 |
3 | 7 | ADIOS | 4,1 |
4 | 8 | AGUILAR KODES | 3,2 |
5 | 9 | OIBAR | 3,7 |
4 | 11 | ALLIN | 4,1 |
4 | 12 | ALLO | 3,2 |
1 | 10 | ALTSASU | 2,5 |
4 | 13 | AMESKOABARRENA | 3,2 |
4 | 14 | ANTZIN | 4,1 |
6 | 15 | ANDOSILLA | 1,8 |
3 | 16 | ANTSOAIN | 4,4 |
1 | 17 | ANUE | 2,5 |
3 | 18 | AÑORBE | 4,1 |
2 | 19 | AGOITZ | 4,1 |
1 | 20 | ARAITZ | 2,5 |
4 | 21 | ARANARATXE | 3,2 |
1 | 22 | ARANTZA | 2,5 |
3 | 23 | ARANGUREN | 4,1 |
1 | 24 | ARANO | 2,5 |
1 | 25 | ARAKIL | 2,5 |
4 | 26 | ARAS | 3,2 |
1 | 27 | ARBIZU | 2,5 |
2 | 28 | ARTZIBAR | 2,5 |
4 | 29 | LOS ARCOS | 3,2 |
4 | 30 | ARELLANO | 3,2 |
1 | 31 | ARESO | 2,5 |
7 | 32 | ARGUEDAS | 1,8 |
2 | 33 | ARIA | 2,5 |
2 | 34 | ARIBE | 2,5 |
4 | 35 | ARMAÑANTZAS | 2,5 |
4 | 36 | ARROITZ | 3,2 |
1 | 37 | ARRUAZU | 2,5 |
5 | 38 | ARTAXOA | 3,2 |
3 | 39 | ARTAZU | 3,7 |
1 | 40 | ATETZ | 2,5 |
4 | 41 | AIEGI | 3,7 |
6 | 42 | AZAGRA | 1,8 |
4 | 43 | AZUELO | 3,2 |
1 | 44 | BAKAIKU | 2,5 |
3 | 901 | BARAÑAIN | 4,4 |
5 | 45 | BARASOAIN | 4,1 |
4 | 46 | BARBARIN | 3,2 |
7 | 690 | ERREGE BARDEA | 2,0 |
4 | 47 | BARGOTA | 2,5 |
7 | 48 | BARILLAS | 1,8 |
1 | 49 | BASABURUA | 2,5 |
1 | 50 | BAZTAN | 2,5 |
5 | 51 | BEIRE | 3,2 |
3 | 52 | BERASKOAIN | 3,7 |
5 | 53 | BERBINTZANA | 3,2 |
3 | 905 | BERIAIN | 4,4 |
3 | 902 | BERRIOBEITI | 4,4 |
3 | 903 | BERRIOZAR | 4,4 |
1 | 54 | BERTIZARANA | 2,5 |
1 | 55 | BETELU | 2,5 |
3 | 56 | BIURRUN-OLKOTZ | 4,1 |
7 | 57 | BUÑUEL | 1,8 |
2 | 58 | AURITZ | 2,5 |
2 | 59 | BURGI | 2,5 |
3 | 60 | BURLATA | 4,4 |
4 | 61 | EL BUSTO | 2,5 |
7 | 62 | CABANILLAS | 1,8 |
4 | 63 | CABREDO | 4,1 |
6 | 64 | CADREITA | 1,8 |
6 | 65 | CAPARROSO | 2,2 |
6 | 66 | CÁRCAR | 1,8 |
6 | 67 | ZARRAKAZTELU | 2,2 |
7 | 68 | CASCANTE | 1,8 |
5 | 69 | KASEDA | 3,2 |
7 | 70 | CASTEJÓN | 1,8 |
2 | 71 | GAZTELUBERRI | 2,5 |
7 | 72 | CINTRUÉNIGO | 1,8 |
1 | 73 | ZIORDIA | 2,5 |
4 | 74 | ZIRAUKI | 3,7 |
3 | 75 | ZIRITZA | 4,1 |
3 | 76 | ZIZUR | 4,4 |
7 | 77 | CORELLA | 1,8 |
7 | 78 | CORTES | 1,8 |
4 | 79 | DESOIO | 3,2 |
4 | 80 | DEIKAZTELU | 3,2 |
1 | 81 | DONAMARIA | 2,5 |
1 | 82 | ETXALAR | 2,5 |
3 | 83 | ETXARRI | 4,1 |
1 | 84 | ETXARRI ARANATZ | 2,5 |
3 | 85 | ETXAURI | 4,1 |
3 | 86 | EGUESIBAR | 4,4 |
1 | 87 | ELGORRIAGA | 2,5 |
3 | 88 | NOAIN (ELORTZIBAR) | 4,4 |
3 | 89 | ENERITZ | 4,1 |
1 | 90 | ERATSUN | 2,5 |
1 | 91 | ERGOIENA | 2,5 |
2 | 92 | ERROIBAR | 2,5 |
2 | 93 | EZKAROZE | 2,5 |
5 | 94 | ESLABA | 3,7 |
2 | 95 | ESPARTZA ZARAITZU | 2,5 |
4 | 96 | ESPRONTZEDA | 3,2 |
4 | 97 | LIZARRA | 3,7 |
2 | 98 | ESTERIBAR | 2,5 |
4 | 99 | ETAIU | 4,4 |
4 | 100 | EULATE | 3,2 |
1 | 101 | EZKABARTE | 4,1 |
1 | 102 | EZKURRA | 2,5 |
5 | 103 | EZPOROGI | 3,7 |
2 | 502 | 02 FAZERIA | 2,5 |
5 | 505 | 05 FAZERIA | 3,2 |
5 | 508 | 08 FAZERIA | 3,7 |
2 | 509 | 09 FAZERIA | 2,5 |
2 | 510 | 10 FAZERIA | 2,5 |
4 | 603 | 103 FAZERIA | 3,7 |
4 | 604 | 104 FAZERIA | 4,4 |
3 | 605 | 105 FAZERIA | 4,1 |
5 | 606 | 106 FAZERIA | 4,1 |
5 | 607 | 107 FAZERIA | 4,1 |
6 | 608 | 108 FAZERIA. MÉLIDA-MURILLO C | 2,2 |
5 | 511 | 11 FAZERIA | 3,7 |
2 | 514 | 14 FAZERIA | 4,1 |
2 | 515 | 15 FAZERIA | 4,1 |
2 | 516 | 16 FAZERIA | 2,5 |
2 | 517 | 17 FAZERIA | 3,7 |
2 | 518 | 18 FAZERIA | 2,5 |
4 | 521 | 21 FAZERIA | 4,1 |
4 | 522 | 22 FAZERIA | 4,4 |
4 | 523 | 23 FAZERIA | 3,2 |
4 | 524 | 24 FAZERIA | 3,2 |
4 | 526 | 26 FAZERIA | 3,2 |
4 | 527 | 27 FAZERIA | 3,2 |
4 | 528 | 28 FAZERIA | 3,2 |
4 | 529 | 29 FAZERIA | 3,2 |
4 | 530 | 30 FAZERIA | 3,2 |
4 | 531 | 31 FAZERIA | 4,4 |
4 | 532 | 32 FAZERIA | 3,2 |
3 | 535 | 35 FAZERIA | 3,7 |
4 | 536 | 36 FAZERIA | 3,2 |
4 | 537 | 37 FAZERIA | 3,2 |
4 | 538 | 38 FAZERIA | 4,1 |
4 | 539 | 39 FAZERIA | 3,2 |
4 | 540 | 40 FAZERIA | 3,2 |
4 | 541 | 41 FAZERIA | 3,2 |
4 | 542 | 42 FAZERIA | 3,2 |
4 | 543 | 43 FAZERIA | 4,1 |
4 | 544 | 44 FAZERIA | 4,1 |
4 | 545 | 45 FAZERIA | 3,2 |
1 | 546 | 46 FAZERIA | 2,5 |
3 | 549 | 49 FAZERIA | 4,1 |
3 | 550 | 50 FAZERIA | 4,4 |
3 | 552 | 52 FAZERIA | 4,1 |
1 | 553 | 53 FAZERIA | 2,5 |
3 | 555 | 55 FAZERIA | 4,1 |
3 | 556 | 56 FAZERIA | 4,1 |
3 | 561 | 61 FAZERIA | 4,4 |
3 | 562 | 62 FAZERIA | 4,4 |
1 | 563 | 63 FAZERIA | 2,5 |
4 | 565 | 65 FAZERIA | 3,2 |
4 | 567 | 67 FAZERIA | 3,7 |
4 | 570 | 70 FAZERIA | 3,2 |
4 | 571 | 71 FAZERIA | 4,4 |
4 | 574 | 74 FAZERIA | 4,1 |
4 | 575 | 75 FAZERIA | 4,4 |
4 | 576 | 76 FAZERIA | 4,1 |
4 | 579 | 79 FAZERIA | 3,7 |
4 | 581 | 81 FAZERIA | 4,1 |
4 | 582 | 82 FAZERIA | 4,1 |
4 | 583 | 83 FAZERIA | 4,1 |
4 | 584 | 84 FAZERIA | 4,1 |
4 | 585 | 85 FAZERIA | 3,2 |
1 | 586 | 86 FAZERIA | 2,5 |
1 | 587 | 87 FAZERIA | 2,5 |
1 | 588 | 88 FAZERIA | 2,5 |
1 | 591 | 91 FAZERIA | 2,5 |
5 | 592 | 92 FAZERIA | 3,2 |
6 | 104 | FALTZES | 2,5 |
7 | 105 | FITERO | 1,8 |
7 | 106 | FONTELLAS | 1,8 |
6 | 107 | FUNES | 1,8 |
7 | 108 | FUSTIÑANA | 1,8 |
3 | 109 | GALAR | 4,4 |
5 | 110 | GALIPENTZU | 3,2 |
2 | 112 | GARAIOA | 2,5 |
2 | 113 | GARDE | 2,5 |
5 | 114 | GARINOAIN | 4,1 |
2 | 115 | GARRALDA | 2,5 |
2 | 111 | GALOZE | 2,5 |
4 | 116 | GENEVILLA | 4,1 |
1 | 117 | GOIZUETA | 2,5 |
3 | 118 | GOÑERRI | 3,7 |
2 | 119 | GORZA | 2,5 |
4 | 120 | GESALATZ | 4,1 |
3 | 121 | GIRGILLAO | 3,7 |
3 | 122 | UHARTE | 4,4 |
1 | 123 | UHARTE ARAKIL | 2,5 |
2 | 124 | IBARGOITI | 4,1 |
4 | 125 | IGUZKITZA | 3,7 |
1 | 126 | IMOTZ | 2,5 |
1 | 127 | IRAÑETA | 2,5 |
1 | 904 | IRURTZUN | 2,5 |
2 | 128 | IZABA | 2,5 |
1 | 129 | ITUREN | 2,5 |
1 | 130 | ITURMENDI | 2,5 |
3 | 131 | ITZA ZENDEA | 4,1 |
2 | 132 | ITZAGAONDOA | 4,1 |
2 | 133 | ITZALTZU | 2,5 |
2 | 134 | JAURRIETA | 2,5 |
5 | 135 | XABIER | 3,2 |
3 | 136 | TXULAPAIN | 4,1 |
1 | 137 | BEINTZA-LABAIEN | 2,5 |
1 | 138 | LAKUNTZA | 2,5 |
4 | 139 | LANA | 3,2 |
1 | 140 | LANTZ | 2,5 |
4 | 141 | LAPOBLACIÓN | 3,2 |
5 | 142 | LARRAGA | 3,2 |
4 | 143 | LARRAGOA | 3,2 |
1 | 144 | LARRAUN | 2,5 |
4 | 145 | ELIZAGORRIA | 2,5 |
5 | 146 | LEATXE | 3,7 |
1 | 908 | LEKUNBERRI | 2,5 |
3 | 147 | LEGARDA | 4,1 |
4 | 148 | LEGARIA | 4,4 |
1 | 149 | LEITZA | 2,5 |
5 | 150 | LEOTZ | 3,7 |
5 | 151 | LERGA | 3,7 |
6 | 152 | LERIN | 2,7 |
1 | 153 | LESAKA | 2,5 |
4 | 154 | LEZAUN | 4,1 |
5 | 155 | LEDEA | 3,7 |
2 | 156 | LIZOAINIBAR-ARRIASGOITI | 4,1 |
6 | 157 | LODOSA | 1,8 |
2 | 158 | LONGIDA | 4,1 |
2 | 159 | IRUNBERRI | 4,1 |
4 | 160 | LUKIN | 3,2 |
4 | 161 | MAÑERU | 3,7 |
4 | 162 | MARAÑÓN | 4,1 |
6 | 163 | MARTZILLA | 2,2 |
6 | 164 | MÉLIDA | 2,2 |
6 | 165 | MENDABIA | 1,8 |
4 | 166 | MENDAZA | 4,4 |
5 | 167 | MENDIGORRIA | 3,7 |
4 | 168 | METAUTEN | 4,1 |
6 | 169 | MILAGRO | 1,8 |
4 | 170 | MIRAFUENTES | 4,1 |
6 | 171 | MIRANDA ARGA | 2,7 |
2 | 172 | ELO | 4,4 |
7 | 173 | MONTEAGUDO | 1,8 |
4 | 174 | MORENTIN | 3,7 |
4 | 175 | MUES | 3,2 |
7 | 176 | MURCHANTE | 1,8 |
4 | 177 | MURIETA | 4,1 |
6 | 178 | MURILLO EL CUENDE | 2,2 |
6 | 179 | MURILLO EL FRUTO | 2,2 |
3 | 180 | MURUZABAL | 4,1 |
2 | 181 | NABASKOZE | 2,5 |
4 | 182 | NAZAR | 4,1 |
3 | 183 | OBANOS | 4,1 |
2 | 185 | OTSAGABIA | 2,5 |
4 | 184 | OKO | 4,4 |
1 | 186 | ODIETA | 2,5 |
1 | 187 | OITZ | 2,5 |
1 | 188 | OLAIBAR | 2,5 |
1 | 189 | OLAZTI | 2,5 |
4 | 190 | OLEXOA | 4,4 |
5 | 191 | ERRIBERRI | 2,5 |
3 | 194 | OLLARAN | 3,7 |
5 | 192 | OLORITZ | 4,1 |
3 | 193 | OLTZA ZENDEA | 4,4 |
2 | 195 | ORBAIZETA | 2,5 |
2 | 196 | ORBARA | 2,5 |
3 | 906 | ORKOIEN | 4,4 |
5 | 197 | ORISOAIN | 3,7 |
2 | 198 | ORONTZE | 2,5 |
2 | 199 | OROTZ-BETELU | 2,5 |
4 | 200 | OTEITZA | 3,7 |
3 | 201 | IRUÑA | 4,4 |
6 | 202 | AZKOIEN | 2,2 |
5 | 203 | PETILLA ARAGOI | 3,2 |
4 | 204 | PIEDRAMILLERA | 4,4 |
5 | 205 | PITILLAS | 2,5 |
3 | 206 | GARES | 4,1 |
5 | 207 | PUIU | 3,7 |
7 | 208 | RIBAFORADA | 1,8 |
2 | 209 | ERROMANTZATUA | 3,7 |
2 | 210 | ERRONKARI | 2,5 |
2 | 211 | ORREAGA | 2,5 |
4 | 691 | ANDIA MENDIA | 4,1 |
1 | 692 | ARALAR | 2,5 |
4 | 693 | LOKITZ | 3,2 |
4 | 694 | URBASA | 3,2 |
5 | 212 | ZARE | 3,7 |
1 | 213 | SALDIAS | 2,5 |
4 | 214 | JAITZ | 3,7 |
6 | 215 | SAN ADRIAN | 1,8 |
5 | 217 | SAN MARTIN UNX | 3,2 |
5 | 216 | ZANGOZA | 3,2 |
4 | 219 | SANTSOL | 2,5 |
6 | 220 | SANTAKARA | 2,2 |
1 | 221 | DONEZTEBE | 2,5 |
2 | 222 | SARTZE | 2,5 |
6 | 223 | SARTAGUDA | 1,8 |
6 | 224 | SESMA | 2,5 |
4 | 225 | SORLADA | 4,4 |
1 | 226 | SUNBILLA | 2,5 |
5 | 227 | TAFALLA | 3,2 |
3 | 228 | TEBAS-MURU ARTEDERRETA | 4,1 |
3 | 229 | TIRAPU | 4,1 |
4 | 230 | TORRALBA DEL RÍO | 3,2 |
4 | 231 | TORRES DEL RÍO | 2,5 |
7 | 232 | TUTERA | 1,8 |
7 | 233 | TULEBRAS | 1,8 |
3 | 234 | UKAR | 4,1 |
5 | 235 | UXUE | 3,2 |
1 | 236 | ULTZAMA | 2,5 |
2 | 237 | UNTZITIBAR | 4,4 |
5 | 238 | UNTZUE | 4,1 |
1 | 239 | URDAZUBI | 2,5 |
1 | 240 | URDIAIN | 2,5 |
2 | 241 | URRAULGOITI | 3,7 |
2 | 242 | URRAULBEITI | 4,1 |
2 | 243 | URROTZ-HIRIA | 4,1 |
1 | 244 | URROTZ | 2,5 |
2 | 245 | URZAINKI | 2,5 |
3 | 246 | UTERGA | 4,1 |
2 | 247 | UZTARROZE | 2,5 |
2 | 248 | LUZAIDE | 2,5 |
7 | 249 | VALTIERRA | 2,0 |
1 | 250 | BERA | 2,5 |
4 | 251 | VIANA | 2,5 |
2 | 252 | BIDANKOZE | 2,5 |
3 | 253 | BIDAURRETA | 4,1 |
6 | 254 | ALESBES | 1,8 |
4 | 255 | VILLAMAYOR DE MONJARDIN | 3,7 |
2 | 256 | HIRIBERRI AEZKOA | 2,5 |
4 | 257 | VILLATUERTA | 4,1 |
3 | 258 | ATARRABIA | 4,4 |
1 | 259 | IGANTZI | 2,5 |
4 | 260 | DEIERRI | 4,4 |
5 | 261 | ESA | 3,7 |
3 | 262 | ZABALTZA | 4,1 |
3 | 907 | ZIZUR NAGUSIA | 4,4 |
1 | 263 | ZUBIETA | 2,5 |
1 | 264 | ZUGARRAMURDI | 2,5 |
4 | 265 | ZUÑIGA | 3,7 |
ESKU: Eskualdea UDAL: Udalerria. LEH - ERR: Lehorreko lurren errendimendua. |
II. ERANSKINA Oinarrizko lerroko baldintzak |
OINARRIZKO LERROA EZ BETETZEAREN KODEA | PRODUKZIO EKOLOGIKOARI BURUZKO ARAUDIA 2018/848 (EB) Erregelamendua | PRODUKZIO EKOLOGIKOAREN NEURRIAREN OINARRIZKO LERROA |
AE-1 | GEOak baztertzea (genetikoki eraldatutako organismoa). Produkzio ekologikoan ezin da GEOrik erabili, edota GEOtik edo GEOren bidez lortutako produkturik, albaitaritzako sendagaiak izan ezik | 1829/2003 (EE) Erregelamendua (I. atala). Genetikoki eraldatutako haziak erabil daitezke, baimendurik badaude |
AE-2 | Tratamendu fitosanitarioak. Soil-soilik erabil daitezke produkzio ekologikoan erabiltzeko baimena duten produktu fitosanitarioak eta haien beharraren frogagiria gorde behar da | (Europako Parlamentuaren eta Kontseiluaren 2009ko urriaren 21eko 1107/2009 (EE) Erregelamendua, produktu fitosanitarioak merkaturatzeari buruzkoa): MAGRAMAren Produktu Fitosanitarioen Erregistroan inskribaturik dauden produktu fitosanitario baimenduak baizik ez dira erabiliko. Produktuaren etiketaren edo segurtasun fitxaren jarraibideei kasu eginez erabiliko dira produktu fitosanitarioak |
AE-3 | Animalien ongizatea. Debeku da animaliak lotu edo bakarturik edukitzea, salbu eta animalia bakarra eta aldi baterako bada. Abereek denbora osoan izanen dute aire zabalera ateratzea, eta lehentasunez belardietara | Kontseiluaren 2008ko abenduaren 18ko 200/119 (EE) Zuzentarauaren I. eranskina eta Kontseiluaren 1998ko uztailaren 20ko 98/58 (EE) Zuzentarauaren eranskina, mugimenduen askatasunari buruz, non ezartzen baita zer baldintzatan lotzen ahal diren animaliak eta nolako babesa izanen duten aire zabalean edukitzen diren animaliek |
AE-4 | Aziendaren elikadura. Abereen elikadurarako pentsu (elikagai) ekologikoak erabiliko dira, nekazaritza ekologikoko osagaiez eta nekazaritzakoak ez diren substantzia naturalez osatuak. Jatorri ekologikoa ez duten landare lehengaiak, animaliak edo mineralak jatorri dituzten lehengaiak, pentsuen gehigarriak eta animalien elikaduran edo lagungarri teknologiko gisa erabiltzen diren zenbait produktu pentsuetan erabiltzeko, beharrezkoa izanen da baimena izatea produkzio ekologikorako | Elikadurari, urari eta beste substantzia batzuei buruz Kontseiluak 1998ko uztailaren 20an onetsitako 98/58 (EE) Zuzentarauaren eranskina. Baimendutako gehigarriak erabil daitezke pentsuetan, etiketatzea errespetatuta |
AE-5 | Ongarriak. Produkzio ekologikoan erabiltzeko baimenduta dauden ongarriak baino ezin dira erabili | Produktu ongarriei buruzko ekainaren 28ko 506/2013 Errege Dekretuak nekazaritzan erabil daitezkeen produktu ongarriak zehazten ditu |
OINARRIZKO LERROA EZ BETETZEAREN KODEA | HAZITARAKO PATATAREN NEKAZARITZAKO ETA INGURUMENEKO EKOIZPENA | OINARRIZKO LERROA (Nekazaritzako zein ingurumeneko baldintza egokiak, kudeaketako legezko beharkizunak, beste lege batzuk eta gutxieneko jarduera) |
PI-1 | Ongarritzea. Ongarritzeak ez ditu dosi hauek gaindituko: 100 OU N/ha, 100 OU (P2O5)/ha eta 200 OU (K2O)/ha. Soilik limoa edo limo hareatsua duten lurzoruen kasuan %20 handitzen ahalko dira muga horiek | Eremu kalteberetan sartutako Izarbeibarko zenbait udalerritan aplikagarria izanen da (abenduaren 19ko 501/2013 Foru Agindua, eremu kalteberetarako jarduketa programa): Ongarri nitrogenatuak laboreek bizi-zikloan dituzten beharren arabera zabalduko dira. Gehienez 170 OU N/ha/urtea |
PI-2 | Laborea babestea Zipriztingailuek urteko ikuskapen teknikoa gainditua izan behar dute | Nafarroan produktu fitosanitarioak aplikatzeko ekipamenduen aldian aldiko ikuskapenen sistema ezartzen duen 79/2012 Foru Aginduaren 14. artikulua: 2011ko abenduaren 10a baino lehenagoko ekipoak, ikuskapenen programazioan egonen dira sartuta 2016ko azaroaren 26ra arte, eta gainerakoak, berriz, 5 urte bete arte |
III. ERANSKINA Penalizazioak eta konpromisoak ez betetzearen portzentajeak, Batzordearen 640/2014 erregelamenduaren 35. artikuluaren arabera Onartua izateko baldintzak/irizpideak. |
SAILKAPENA | DEFINIZIOA | BAZTERKETA |
Baztertzailea (B) | Laguntza ematean eta, kasua bada, laguntza mantentzean onartuak izateko ezarritako irizpideak/baldintzak betetzen ez dituen ez-betetzea | Bai, eta urte anitzeko neurrietan bidezkoa denean, aurreko urteetako zenbatekoak itzultzeko eskatuko da. Ez-betetze larria, faltsutzea, intentzionalitatea edo zabarkeria izan den kasuetan, onuraduna laguntza-lerro edo neurri beretik kanpo geldituko da ez-betetzea atzematen den urte naturalean eta hurrengo urte naturalean |
Konpromisoak edo beste betebehar batzuk. |
SAILKAPENA | DEFINIZIOA | URTEA | Zk. | ZEHAPENA | BAZTERKETA |
Oinarrizkoa (O) | Betetzen ez bada, bilatzen diren helburuetarako ondorio larriak dituena; ondorio horiek urtebetetik gora irauten dute edo zail da haiek bukatzea onargarriak diren baliabideekin | 1 | 1 edo gehiago | Laguntzaren %50 | Ez-betetze larria, faltsutzea, intentzionalitatea eta zabarkeria izan den kasuetan bakarrik, aurreko urteetako zenbatekoak itzultzeko eskatuko da. |
2 edo gehiago | 1 edo gehiago | Laguntzaren %100 | |||
Nagusia (N) | Betetzen ez bada bilatzen diren helburuetarako ondorio garrantzitsuak dituena; ondorio horiek urtebetetik behera irauten dute edo zail da bukatzeko modukoak izatea onargarriak diren baliabideekin | 1 | 1 | Laguntzaren %20 | Gainera, onuraduna laguntza-lerro edo neurri beretik kanpo geldituko da ez-betetzea atzematen den urte naturalean eta hurrengo urte naturalean |
2 edo gehiago | Laguntzaren %40 | ||||
2 edo gehiago | 1 edo gehiago | Laguntzaren %40 | |||
Bigarren mailakoa (BI) | Ez-betetzeak eragin txikia du laguntza-lerroaren helburuan | 1 | 1 | Laguntzaren %5 | |
2 edo gehiago | Laguntzaren %10 | ||||
2 edo gehiago | 1 edo gehiago | Laguntzaren %10 | |||
Hirugarren mailakoa (H) | Ez-betetzeak eragin urria du laguntza-lerroaren helburuan | 1 | 1 | Laguntzaren %1 | |
2 edo gehiago | Laguntzaren %2 | ||||
2 edo gehiago | 1 edo gehiago | Laguntzaren %2 |
IV. ERANSKINA AzLU edo hektarea kopuruari loturiko konpromisoak edo beste betebehar batzuk ez betetzearen portzentajeak eta penalizazioen mailaketa, tipifikatuak ez badaude bete ez den portzentajearen arabera, Batzordearen 640/2014 Erregelamenduaren 35. artikuluari jarraituz |
MOTA | ELEMENTUAREN DESKRIPZIOA | EZ-BETETZEAREN PORTZENTAJEA | SAILKAPENA (OIN./NAG./BIG./HIR.) | PENALIZAZIOA | ||
Bakuna | Horrelako batzuk ez ditu betetzen | |||||
Beste betebehar batzuk | 1 | Esparru abandonatua | %0-2 | Hir. | %1 | %2 |
%2-5 | Big. | %5 | %10 | |||
%5-20 | Nag. | %20 | %40 | |||
%20-100 | Oin. | %50 | %100 | |||
Beste betebehar batzuk | 2 | Eskatutako laguntza lerroa ez dagokio esparruko SIGPAC erabilerari | %0-2 | Hir. | %1 | %2 |
%2-5 | Big. | %5 | %10 | |||
%5-20 | Nag. | %20 | %40 | |||
%20-100 | Oin. | %50 | %100 | |||
Beste betebehar batzuk | 3 | Deklaratutako produktua ez da bateragarria esparruko SIGPAC erabilerarekin | %0-2 | Hir. | %1 | %2 |
%2-5 | Big. | %5 | %10 | |||
%5-20 | Nag. | %20 | %40 | |||
%20-100 | Oin. | %50 | %100 | |||
Beste betebehar batzuk | 4 | Esparruan deklaratutako produktuak ez du balio eskatutako laguntza lerrorako | %0-2 | Hir. | %1 | %2 |
%2-5 | Big. | %5 | %10 | |||
%5-20 | Nag. | %20 | %40 | |||
%20-100 | Oin. | %50 | %100 | |||
Beste betebehar batzuk | 5 | Produktu ikuskatua laguntza-lerroan onargarria da, baina deklaratutakoaz bestelakoa da, eta beste produktu talde batekoa | %0-2 | Hir. | %1 | %2 |
%2-5 | Big. | %5 | %10 | |||
%5-20 | Nag. | %20 | %40 | |||
%20-100 | Oin. | %50 | %100 | |||
Beste betebehar batzuk | 6 | Ustiategiko bazka-azalera osoaren urteko aprobetxamendua larratzearen bidez. | %0-2 | Hir. | %1 | %2 |
%2-5 | Big. | %5 | %10 | |||
%5-20 | Nag. | % 20 | %40 | |||
%20-100 | Oin. | %50 | %100 | |||
Beste betebehar batzuk | 7 | Mahasti eta olibadi zaharren landaketak laborantzarako baldintza egokietan mantentzea | %0-2 | Hir. | %1 | %2 |
%2-5 | Big. | %5 | %10 | |||
%5-20 | Nag. | %20 | %40 | |||
%20-100 | Oin. | %50 | %100 | |||
Beste betebehar batzuk | 8 | Uzta biltzea nekazaritza ekologikoan landatutako lurzatietan | %0-2 | Hir. | %1 | %2 |
%2-5 | Big. | %5 | %10 | |||
%5-20 | Nag. | %20 | %40 | |||
%20-100 | Oin. | %50 | %100 | |||
Beste betebehar batzuk | 9 | Nekazaritzako jarduerarik gabeko esparrua | %0-2 | Hir. | %1 | %2 |
%2-5 | Big. | %5 | %10 | |||
%5-20 | Nag. | %20 | %40 | |||
%20-100 | Oin. | %50 | %100 |
V. ERANSKINA
Labore mota bakoitzari esleitutako NLU kopurua, 220/2007 Foru Aginduaren arabera
LABORE MOTAK | NLU kop./ha |
Larreak | 0,01300 |
Belar-laboreak, lehorrekoak | 0,01000 |
Belarki-laboreak, ureztalurrekoak | 0,02000 |
Fruitu oskoldunak, lehorrekoak | 0,05000 |
Fruitu oskoldunak, ureztalurrekoak | 0,06667 |
Mahastia, lehorrekoa | 0,08300 |
Mahastia, ureztalurrekoa | 0,10000 |
Barazkiak aire zabalean | 0,20000 |
Olibondoa, lehorrekoa | 0,05882 |
Olibondoa, ureztalurrekoa | 0,06667 |
Fruta-arbolak | 0,20000 |
Berotegiak | 2,94000 |
Arroza | 0,02000 |
Landare usaintsuak, sendabelarrak eta tindatzekoak | 0,01250 |
Lugorria, lehorrekoa | 0,00100 |
Ereindako lugorria, lehorrekoa | 0,00100 |
Lugorria, ureztalurrekoa | 0,00100 |
Iragarkiaren kodea: F2203881
Sarbidea
Nafarroako Aldizkari Ofiziala
Paseo Pablo Sarasate, 38, 2.º izda.
31001 - Iruña
848 42 12 50