1. NAFARROAKO FORU KOMUNITATEA
1.7. BESTELAKOAK
JENDAURREKO INFORMAZIOA. 20kV-eko lurpeko linea, Electra Orbaizeta SLren 20kV-eko GTALaren 17.08 euskarriaren eta Irabiako urtegiko zentral hidroelektrikoaren artean, Orbaizetako udal-mugartean (SAT11247).
Ingurumen Ebaluazioari buruzko abenduaren 9ko 21/2013 Legearen 36. artikuluan, abenduaren 1eko 1955/2000 Errege Dekretuaren 125 eta 144. artikuluetan eta Sektore Elektrikoari buruzko abenduaren 26ko Legearen 54, 55 eta 56. artikuluetan xedatutako ondorioetarako, jendaurrean jartzen da honako espediente hau:
–Eskatzailea: Acciona Generación Renovable SA.
–Xedea: proiektua eta ingurumen inpaktuaren azterketa jendaurrean jartzea, honako helburu hauekin: ingurumen inpaktuaren ebaluazio arrunta tramitatzeko prozedura abiaraztea, aurretiazko administrazio baimena eta eraikitzeko administrazio baimena lortzea eta, zehazki, onura publikoa deklaratzea.
–Kokapena: Orbaizetako udal-mugartea.
–Helburua: Irabiako zentral hidroelektrikoaren instalazioetarako segurtasun teknikoa eta ingurumenekoa hobetzea.
–Proiektua baimentzeko eskumena duen organoa: Industriaren, Energiaren eta S3 Proiektu Estrategikoen Zuzendaritza Nagusia.
Onura publikoaren deklarazioak berekin du ondasunak okupatu beharra edo ukitutako eskubideak eskuratu beharra, eta presako okupaziora behartuko du, ondorioak izan ditzan Desjabetzeari buruzko Legearen 52. artikuluak. Enpresa eskatzailea onuradun bihurtuko da desjabetze espedientean, Nahitaezko Desjabetzeari buruzko Legearen 2.2 artikuluan ezarritakoari jarraikiz.
Espedientea jendaurrean jarriko da Industria Antolamenduaren, Azpiegitura Energetikoen eta Meatzeen Zerbitzuan (Tomás Caballero parkea 1, 5. solairua, Iruña), eta hura kontsultatu ahal izanen da, aldez aurretik hitzordua eskatuta helbide honetan: energia@navarra.es.
Era berean, informazioa esteka honetan eskuratzen ahal da:
https://gobiernoabierto.navarra.es/eu/partaidetza/prozesuak/espediente-sat11247
Alegazioak, iradokizunak edo oharrak 30 egun balioduneko epean aurkeztu behar dira, idatziz, iragarki hau Nafarroako Aldizkari Ofizialean argitaratu eta biharamunetik hasita.
Alegazioak edozein erregistro bulegotan aurkeztu beharko dira Nafarroako Gobernuaren Erregistro Orokor Elektronikoaren bidez, edo Administrazio Publikoen Administrazio Prozedura Erkideari buruzko urriaren 1eko 39/2015 Legearen 16. artikuluan ezarritako moduetako edozeinetan. Garapen Ekonomiko eta Enpresarialeko Departamentuko Industria Antolamenduaren, Azpiegitura Energetikoen eta Meatzeen Zerbitzuko Azpiegitura Energetikoen Atalera zuzendu behar dira, espediente zenbakia zein den esanda.
Iruñean, 2021eko abenduaren 23an.–Industria Antolamenduaren, Azpiegitura Energetikoen eta Meatzeen Zerbitzuko zuzendaria, Laura Larraya Irigoyen.
20KV-EKO LURPEKO LINEA ELECTRA ORBAIZETA SL-REN 17.08 EUSKARRIAREN ETA IRABIAKO ZH-AREN ARTEAN,
ORBAIZETAKO UDAL-MUGARTEAN (NAFARROA) Ukitutako ondasun eta eskubideen zerrenda |
20kV-EKO GTLL-A ELECTRA ORBAIZETA-IRABIAKO ZH. ORBAIZETAKO UM (NAFARROAKO FORU KOMUNITATEA) |
TITULARRA ETA HELBIDEA | KATASTROKO DATUAK | LURPEKO LINEAREN UKIPENAK |
Udalerria | Jabea | Herria | Probintzia | Pol. | Lurzatia | Katastroko erreferentzia | Izaera/Labore mota | Kutxatila kop. | Kutxatilen okupazioa (m²) | Kanalizazioen luzera (m²) | Kanalizazioen azalera (m²) |
Orbaizeta | Aezkoako Batzarre Nagusia | Orbaizeta | Nafarroa | 7 | 3 | 310000000001317269TG | Basoa-Larreak | 0 | 0 | 130 | 52 |
Orbaizeta | Aezkoako Batzarre Nagusia | Orbaizeta | Nafarroa | 7 | 2 | 310000000001490158IG | Basoa-Larreak | 3 | 3,00 | 337 | 135 |
Orbaizeta | Aezkoako Batzarre Nagusia | Orbaizeta | Nafarroa | 7 | 5 | 310000000002233149LA | Basoa-Larreak | 6 | 6,00 | 2930 | 1172 |
Orbaizeta | Mikel Garmendia Arruabarrena | Orbaizeta | Nafarroa | 1 | 272 | 310000000002357104QT | Lehorreko alorrak | 1 | 1,00 | 135 | 65 |
Iragarkiaren kodea: F2118111
