1. NAFARROAKO FORU KOMUNITATEA
1.5. ESTATUTUAK ETA LAN HITZARMEN KOLEKTIBOAK
33C/2022 EBAZPENA, otsailaren 17koa, Enpresa Politikaren, Nazioarteko Proiekzioaren eta Lanaren zuzendari nagusiak emana, Nafarroako “Gozoki, opil eta pastel prestaleku eta fabrikak” Sektorearen Hitzarmen Kolektiboa erregistratu, gorde eta Nafarroako Aldizkari Ofizialean argitaratzea erabakitzen duena.
Nafarroako “Gozoki, opil eta pastel prestaleku eta fabrikak” sektorearen Hitzarmen Kolektiboaren testua aztertu da (kode zenbakia: 31002705011981), erregistro honetan sartu zena 2022ko urtarrilaren 10ean, enpresaren eta sindikatuen ordezkaritzaren zati batek (ELA, UGT eta CCOO) sinatua 2021eko azaroaren 20an, Langileen Estatutuari buruzko Legearen testu bategina onesten duen urriaren 23ko 2/2015 Legegintzako Errege Dekretuaren 90. artikuluaren 2. eta 3. apartatuetan eta Hitzarmen kolektiboen, lan akordioen eta berdintasun planen erregistro eta gordailuari buruzko maiatzaren 28ko 713/2010 Errege Dekretuan ezarritakoaren arabera. Horrenbestez,
EBAZTEN DUT:
1. Nafarroako Hitzarmen Kolektiboen, Lan Akordio Kolektiboen eta Berdintasun Planen Erregistroan inskribatzeko agintzea.
2. Nafarroako Aldizkari Ofizialean argitaratzeko agintzea, orok jakin dezan.
Iruñean, 2022ko otsailaren 17an.–Enpresa Politikaren, Nazioarteko Proiekzioaren eta Lanaren zuzendari nagusia, Izaskun Goñi Razquin.
Nafarroako “Gozoki, opil eta pastel prestaleku eta fabrikak” sektorearen lan hitzarmen kolektiboa (PDFa).
Iragarkiaren kodea: F2202670
