2. NAFARROAKO TOKI ADMINISTRAZIOA
2.2. XEDAPEN ETA IRAGARKIAK, HERRIEN ARABERA ANTOLATUAK
ARELLANO
Lizarrako Jabetza Erregistroarekiko lankidetza-hitzarmena bukatzea
2010eko 16. Nafarroako Aldizkari Ofizialean argitaratu zen, otsailaren 5ean, Lizarrako 1. Jabetza Erregistroarekin sinatutako lankidetza-hitzarmena, hiri-lurren balio-gehikuntzaren gaineko zerga (gainbalioen gaineko zerga) kudeatu, likidatu eta biltzeko. Hori guztia, bat etorriz Nafarroako Toki Ogasunei buruzko martxoaren 10eko 2/1995 Foru Legearen 60. artikuluan xedatutakoarekin.
Arellanoko Udalak, 2021eko abenduaren 16an egin osoko bilkuran, erabaki zuen bukatutzat ematea hiri-lurren balio-gehikuntzaren gaineko zerga kudeatu, likidatu eta biltzeko Arellanoko Udalak eta Lizarrako Jabetza Erregistroak izenpetutako hitzarmena, 2022ko urtarrilaren 1etik aurrerako ondorioekin.
Aditzera ematen da, orok jakin dezan eta ondorioak izan ditzan.
Arellanon, 2022ko martxoaren 4an.–Alkatea, Iñaki Urriza Arrastia.
Iragarkiaren kodea: L2204256
