2. NAFARROAKO TOKI ADMINISTRAZIOA
2.2. XEDAPEN ETA IRAGARKIAK, HERRIEN ARABERA ANTOLATUAK
ANTSOAINGO, BERRIOBEITIKO, BERRIOZARKO, ITZAKO ETA TXULAPAINGO OINARRIZKO GIZARTE ZERBITZUEN MANKOMUNITATEA
Aldaketa, 2021eko plantilla organikoan. Hasierako onespena
Mankomunitatearen Batzar Orokorrak, 2022ko martxoaren 11ko bilkura berezian, hasiera batez onetsi zuen 2021eko plantilla organikoaren aldaketa, bat etorriz Nafarroako Toki Administrazioari buruzko uztailaren 2ko 6/1990 Foru Legearen 235. artikuluak ezarritakoarekin.
Jendaurrean egonen da hamabost egun baliodunean, iragarki hau Nafarroako Aldizkari Ofizialean argitaratu eta biharamunetik hasita, herritarrek eta gainerako interesdunek espedientea azter dezaten eta erreklamazio, kexa eta oharrak egin ditzaten. Nafarroako Toki Ogasunei buruzko martxoaren 10eko 2/1995 Foru Legearen 202.1 artikuluan ezarritakoaren arabera, erreklamaziorik aurkeztu ezean, behin betiko onetsitzat joko da, jendaurreko epea iragandakoan.
Berriozarren, 2022ko martxoaren 14an.–Mankomunitateko burua, Javier Vílchez López.
Iragarkiaren kodea: L2203772