1. NAFARROAKO FORU KOMUNITATEA
1.7. BESTELAKOAK
1329/2022 EBAZPENA, otsailaren 23koa, Pertsonen Autonomiarako eta Garapenerako Nafarroako Agentziako zuzendari kudeatzaileak emana, zeinaren bidez ezartzen baitira Eskubide Sozialetako Departamentuaren menpeko haur eskoletako tarifak 2022-2023 ikasturterako.
Hezkuntzako kontseilariaren otsailaren 7ko 12/2022 Foru Aginduaren bidez ezarri ziren 2022-2023 ikasturtean familiei aplikatu beharreko tarifak, Haur Hezkuntzako lehen zikloko udal ikastetxeetan, Nafarroako Gobernuko Hezkuntza Departamentuarekin egindako hitzarmenen bitartez finantzatuetan.
Aurreko urteetan bezala, bidezkotzat jotzen da Eskubide Sozialetako Departamentuaren menpeko haur eskoletako tarifak egokitzea Nafarroako gainerako ikastetxe publikoetarako ezarritako tarifetara.
Ikusita Familiaren Atalaren txostena, Pertsonen Autonomiarako eta Garapenerako Nafarroako Agentziari atxikitako haur eskoletako tarifak proposatzen dituena.
Horrenbestez, Pertsonen Autonomiarako eta Garapenerako Nafarroako Agentziaren estatutuak onesten dituen azaroaren 6ko 301/2019 Foru Dekretuak ematen dizkidan ahalmenak erabiliz.
EBAZTEN DUT:
1. Ezartzea ezen 2022-2023 ikasturtean, eskola-egun osoaren kasuan, jantokia barne, hileko gehieneko tarifa 268 eurokoa izanen dela Pertsonen Autonomiarako eta Garapenerako Nafarroako Agentziaren menpeko haur eskoletan.
2. Ezartzea ezen 2022-2023 ikasturtean, eskola-egun erdiaren kasuan, jantokirik gabe, hileko gehieneko tarifa 117 eurokoa izanen dela Pertsonen Autonomiarako eta Garapenerako Nafarroako Agentziaren menpeko haur eskoletan.
3. Murriztapenak egiten ahalko dira, honela:
HILEKO TARIFA OROKORRA |
Familiaren per capita errenta
(euroak) | Eskola-egun osoa | Eskola-egun erdia | Eskola-egun osoa, 2. semea/alaba | Eskola-egun erdia, 2. semea/alaba |
15.000 eurotik gorakoa | 268 | 117 | 181,50 | 58,50 |
12.400,01 eurotik 15.000ra | 239 | 94 | 167,00 | 47,00 |
10.700,01 eurotik 12.400era | 203 | 65 | 149,00 | 32,50 |
9.300,01 eurotik 10.700era | 174 | 42 | 134,50 | 21,00 |
7.980,01 eurotik 9.300era | 141 | 27 | 112,50 | 13,50 |
6.650,01 eurotik 7.980ra | 119 | 9 | 101,50 | 4,50 |
5.500,01 eurotik 6.650era | 66 | 0 | 52 | 0 |
4.500,01 eurotik 5.500era | 58 | 0 | 52 | 0 |
3.350,01 eurotik 4.500era | 56 | 0 | 52 | 0 |
3.350 euro edo hortik behera | 52 | 0 | 52 | 0 |
HILEKO TARIFA GURASO BAKARREKO FAMILIENTZAT
(OTSAILAREN 7KO 5/2019 FORU LEGEAREN ARABERA) |
Familiaren per capita errenta
(euroak) | Eskola-egun osoa | Eskola-egun erdia | Eskola-egun osoa, 2. semea/alaba | Eskola-egun erdia, 2. semea/alaba |
15.000 baino gehiago | 238 | 82 | 161,00 | 41,00 |
12.400,01 eurotik 15.000ra | 211 | 66 | 147,50 | 33,00 |
10.700,01 eurotik 12.400era | 179 | 47 | 131,50 | 23,50 |
9.300,01 eurotik 10.700era | 153 | 31 | 118,50 | 15,50 |
7.980,01 eurotik 9.300era | 66 | 0 | 25 | 0 |
6.650,01 eurotik 7.980ra | 66 | 0 | 25 | 0 |
5.500,01 eurotik 6.650era | 52 | 0 | 25 | 0 |
4.500,01 eurotik 5.500era | 42 | 0 | 25 | 0 |
3.350,01 eurotik 4.500era | 32 | 0 | 25 | 0 |
3.350 euro edo hortik behera | 25 | 0 | 25 | 0 |
Hirugarren edo hortik aurrerako seme-alabengatik ezarritako tarifa bigarrenarengatik ezarritakoa izanen da.
4. Hurrengo egoera hauetan tarifa ez ordaintzea erabakitzen ahalko da:
–Garapeneko nahasmenduaren diagnostikoa duten haurrak, haien familiak gizartean bazterturik baldin badaude.
Salbuespena onesteko, Eskubide Sozialetako Departamentuko Arreta Goiztiarreko Zentroko arreta goiztiarreko balorazio taldearen balorazioa eta aldeko txostena beharko dira, bai eta Pertsonen Autonomiarako eta Garapenerako Nafarroako Agentziako Familien Atalarenak ere.
–Babesgabetasun moderatu edo larriko egoeran dauden haurrak, haur eskolan sartu beharra dutenak. Salbuespena onesteko, Pertsonen Autonomiarako eta Garapenerako Nafarroako Agentziako Babesgabetasun Egoeren Balorazio Atalaren eta Familien Atalaren balorazioa eta aldeko txostenak beharko dira.
–Familia-harrerako egoeran dauden haurrak, arrazoi ekonomikoak direla-eta haur eskolan sartzea bereziki garestia denean, Pertsonen Autonomiarako eta Garapenerako Nafarroako Agentziako Familien Atalak eta Zaintza Kudeatzeko eta Neurri Judizialak Betearazteko Atalak aldeko txostena egin ondotik.
5. Honako hauek hartuko dira familia-unitateko kide konputagarritzat, ebazpen honen ondorioetarako:
–Haurraren aita eta ama, legez bananduak ez badaude, edo zaintza eta jagoletza partekatua duten guraso dibortziatuak edo bananduak ez badira, edo adingabearen tutoreak edo legezko ordezkariak.
–26 urtetik beherako seme-alabak, familiaren etxean bizi direnak eta lan errentarik jasotzen ez dutenak, baldin eta egoera hori frogatzen bada lan bizitzaren ziurtagiri negatiboaren bidez edo hori frogatzen duen agiri ofizial baten bidez. Orobat, epai baten ondorioz ezinduriko seme-alabak, guraso ahal luzatu edo birgaituaren mende daudenak.
–Banandutako bikotekideek zaintza partekatua badute eta berriz ezkondu badira edo bikote egonkorra eratu badute, ezkontide edo bikotekide berria ez da familia-unitateko kidetzat hartuko ondorio hauetarako.
–Baldin alargunak berriz ezkondu badira edo bikote egonkorra eratu badute, ezkontide edo bikotekide berria familia-unitateko kidetzat hartuko da ondorio hauetarako.
–Gurasoak banantzen edo dibortziatzen baldin badira, gurasoetako batek edo legezko tutoreetako batek baldin badu zaintza eta jagoletza, ez da kide konputagarritzat joko adingabekoaren zaintza eta jagoletza ez dituen gurasoa.
–Gurasoetako batek beste seme-alaba batzuen zaintza eta jagoletza partekatua badu, horien erdiak ere familia-unitateko kidetzat hartuko dira.
–Aplikatu beharreko tarifa kalkulatzeko soilik, % 33ko edo hortik gorako desgaitasun aitortua duen seme edo alaba bakoitza bitan zenbatuko da familia-unitateko kideen kopurua zehazteko.
–Harreran dauden adingabeen kasuan, harrerako familiari aplikatuko zaio aurreko puntuetan xedatu dena.
–Aurreko puntuan aipatzen diren inguruabar guztiak behar bezala frogatu beharko dira erakunde ofizialek emandako dokumentuen bidez: familia-liburua, guraso bakarreko familiaren titulua, erroldaren eta bizikidetzaren ziurtagiriak (2022ko urtarrilaren 1a baino lehenagokoak), epai judizialak, errenta aitorpena edo inguruabar horiek frogatzen dituzten beste agiri ofizial batzuk.
–Baldin familia-liburuan ageri ez den seme-alabarik bada familia-unitatean, bestelako agiri ofizialen bidez frogatu beharko da; adibidez, jaiotza-agirien, banantze edo dibortzio epaien eta abarren bidez.
–Aplikatu beharreko tarifa kalkulatzeko, familia-unitateko kidetzat hartuko dira bakarrik halakotzat akreditatuak daudenak matrikula egiten denean.
–Matrikula egin eta gero, ez dira kontuan hartuko familia-unitatearen kideen kopuruan dauden aldaketak, ikasturtea hasten den egunera arte gertatzen ahal diren salbuespen hauekin: jaiotza, adopzioa, harrera, ezgaitze judiziala edo guraso bakarreko familiaren edo guraso bakarreko familiaren egoeraren akreditazioa. Edozein kasutan, egoera berria behar bezala frogatu beharko da.
6. Aintzat hartzea familia-unitatearen urteko errentaren eta per capita errentaren kalkulua:
Honako hau hartzen da PFEZaren aitorpena aurkeztu behar duen familia-unitateko kide bakoitzaren errenta indibidualtzat:
–Zerga-oinarriaren zati orokorra (507. laukia).
–Gehi kapital higigarriaren etekinen saldo positiboa (8810. laukia).
–Gehi ondare-eskualdaketen saldo positiboa (8808 laukia), salbu etxebizitza erosteko edo birgaitzeko jasotako dirulaguntzak (708. laukia).
–Gehi PFEZaren ondorioetarako salbuetsitzat jotzen diren gainerako errenta eskuratuak, hala nola ezintasun iraunkorreko pentsioak, baliaezintasun absolutukoak edo baliaezintasun handikoak, kalte-ordainak, loteria sariak, edo aitak edo amak seme-alaben mantenurako ematen dituen urteko sariak (529.a).
–Ken ezkontidearen aldeko konpentsazio pentsioagatik ordaindutako kopuruak eta elikagai-mantenurako urteko sariak, biak ere epailearen erabakiz ezarriak, eta bikotekide egonkorraren alde ordaindutako kopuru legez galdagarriak (511. eta 822. laukiak).
Familia-unitatearen urteko errenta izanen da aitaren eta amaren edo legezko tutoreen 2021eko diru-sarrera edo errenta indibidual justifikatuen batura. Batura horri aurretiazko kuota diferentziala kenduko zaio, familia-unitateko kide konputagarrien PFEZaren aitorpenetakoa (578. laukia).
Ondorio praktikoetarako, familia-unitatearen urteko errenta kalkulatzeko, eragiketa hauek eginen dira 2021eko ekitaldiko PFEZeko laukiekin:
507. laukia + 8810. laukia + 8808. laukia – 708. laukia + 529. laukia – 511. laukia – 822. laukia – 578. laukia edo horien baliokide direnak Estatuko gainerako aitorpenetan.
–Per capita errenta lortzeko, eragiketa hau eginen da: familia-unitatearen errenta zati familia-unitateko kide guztien kopurua.
Pertsona fisikoen errentaren gaineko 2021eko zergaren aitorpena aurkeztuta justifikatuko dira familia-unitatearen diru-sarrerak. Aitorpena egitera behartuta ez badaude, dagokion dokumentazio ofiziala aurkeztu beharko dute, edo, besterik ezean, errentei eta diru-sarrerei buruzko zinpeko aitorpena eta Familiaren Atalak familiaren 2021eko diru-sarrerak kalkulatzeko beharrezkotzat jotzen dituen agiriak.
–2021eko ekitaldiko errenta aitorpena edo, zein den kasua, 2021eko diru-sarreren frogagiriak haur eskolan aurkeztu beharko dira 2022ko ekainaren 29an beranduenez. Epe hori betetzen ez bada, gehieneko tarifa aplikatuko da.
–Ezarritako epearen barrenean 2021eko errenta aitorpena edo diru-sarreren frogagiriak aurkezten ez dituztenei, kasuan kasuko kuota altuena aplikatuko zaie ikasturte osoan.
–2021ean aitortutako diru-sarrerak nabarmenki murrizten direnean errenta jasotzen zuen familia-unitateko kideren bat hil delako, horren berri ematen ahalko da ikasturtea hasi baino lehenago, hala dela frogatzen duten agiriak erantsiz betiere. Egun horretatik aurrera gertatzen diren aldaketak ez dira kontuan hartuko 2022-2023 ikasturteko tarifa kalkulatzeko.
–Eskolatzea egiteko unean ezarriko dira tarifak, eta ikasturtean ezin izanen dira berrikusi edo aldatu.
–Ikastetxean matrikulaturiko haur guztiek ordaindu beharko dute tarifa, justifikatutako arrazoiak tarteko ikastetxera ez badoaz ere. Matrikula formalizatzeak berekin dakar eskolara joateko eta ikasturteko hamar hilabete eta erdiko tarifa pagatzeko konpromisoa, salbu borondatezko bajaren kasuetan.
–Matrikula ikasturtea hasita dela egiten bada, haurra ikastetxean hasten den unetik aitzina ordainduko dira tarifak. Haurra hilaren 15ean edo hortik aurrera hasten bada ikastetxean, lehenbiziko hilabetekoa dagokionaren erdia izanen da.
7. Haur eskola uzteko prozedura ezartzea, honela:
–Haurra adierazitako epean matrikulatzen duten gurasoek, gero haurra ez eskolatzea erabakitzen badute, eskola uzteko eskaera aurkeztu beharko dute, eskabide orokorraren bidez, Eskubide Sozialetako Departamentuaren Erregistroan (González Tablas z.g., Iruña), edo, bestela, Herri Administrazioen Araubide Juridikoari eta Administrazio Prozedura Erkideari buruzko azaroaren 26ko 30/1992 Legearen 38.4 artikuluan aipatzen diren tokietako edozeinetan, Familiaren eta Adingabeen Zuzendariordetzako Familiaren Atalari zuzenduta.
–Lehen hilabetekoa kobratu gabe baja aurkezteko azken eguna 2022ko uztailaren 20a izanen da.
–Ikasturtean eskola uzteko eskatu nahi izanez gero, idatziz egin beharko da, eskolako zuzendariak emandako inprimakiaren bidez. Ordainagiria ez igortzea nahi bada, eskola uzteko eskaera aurkezteko azken eguna aurreko hilabeteko azken eguna izanen da. Eskola hilabetea hasi ondoren uzten bada, ordainagiriaren zenbatekoa ez da itzuliko eta haren itzulketa ez da onartuko.
–Haurra arrazoi justifikaturik gabe hilabete baino gehiagoz ez agertzeak eskolako baja ekarriko du.
–Bi hilabeteko tarifa ez ordaintzeak eskolako baja ekarriko du.
8. Ebazpen hau Nafarroako Aldizkari Ofizialean argitaratzea.
9. Ebazpen honen aurka gora jotzeko errekurtsoa jartzen ahal da, Eskubide Sozialetako kontseilariari zuzendua, hilabeteko epean, jakinarazi edo argitaratu eta biharamunetik hasita.
10. Ebazpen hau Familiaren eta Adingabeen Zuzendariordetzara igortzea, behar diren ondorioak izan ditzan.
Iruñean, 2022ko otsailaren 23an.–Pertsonen Autonomiarako eta Garapenerako Nafarroako Agentziako zuzendari kudeatzailea, Inés Francés Román.
Iragarkiaren kodea: F2202814
