2. NAFARROAKO TOKI ADMINISTRAZIOA
2.2. XEDAPEN ETA IRAGARKIAK, HERRIEN ARABERA ANTOLATUAK
OLTZA ZENDEA
Tokiko Gobernu Batzarreko kide baten izendapena
Oltza Zendeako Udaleko alkate udalburuak 88/2022 Ebazpena eman zuen 2022ko martxoaren 2an. Hona hemen haren testu osoa:
Oltza Zendeako Udalak 2019ko ekainaren 27ko osoko bilkuran hartutako erabakiaren bidez sortu zen Tokiko Gobernu Batzarra. Hartan oinarriturik, Oltza Zendeako Udaleko alkateak uztailaren 2ko 267/2019 Ebazpenaren bidez, legeak ematen dizkion eskudantziak erabiliz, batzarkideak izendatu zituen, honako xedapen hauetan aurreikusten denari jarraikiz: Toki Entitateen Antolaketaren, Funtzionamenduaren eta Araubide Juridikoaren gaineko Erregelamendua onesten duen azaroaren 26ko 2568/1986 Errege Dekretuaren 52. artikulua, eta Toki araubidearen oinarriak arautzen dituen apirilaren 2ko 7/1985 Legearen 23.1 artikulua.
2022ko martxoaren 2an / 2022-E-RC-310 zenbakiko sarrera, Fernando Hugalde Olagüe jaunak uko egin dio Tokiko Gobernu Batzordeko kide izateari, arrazoi pertsonalengatik.
Toki Araubidearen Oinarrial arautzen dituen Legearen 23. artikuluan eta Antolaketaren eta Funtzionamenduaren Erregelamenduaren 46. eta 52. artikuluetan ezarritakoari jarraituz.
EBAZTEN DUT:
Lehenbizikoa.–Pedro María Azparren Ocaña Tokiko Gobernu Batzarreko kide izendatzea.
Bigarrena.–Izendapenak indarra izan dezan, izendatutako zinegotziak onartu beharko du. Izendapen hori onartutzat joko da baldin eta hiru egun balioduneko epean, ebazpena jakinarazten denetik, izendatutako zinegotziak alkateari ez badio berariaz adierazten ez duela izendapena onartzen. Halaber, onarpena berariazkoa izan daiteke, horixe adieraziz ebazpen honen jakinarazpenaren kopian.
Hirugarrena.–Ebazpen hau interesdunei jakinaraztea eta Nafarroako Aldizkari Ofizialea argitaratzeko agintzea.
Laugarrena.–Ebazpen honetan aurreikusten ez den orotan Toki Araubidearen Oinarriei buruzko Legeak, Antolaketaren eta Funtzionamenduaren gaineko Erregelamenduak eta Herri Administrazioen Araubide Juridikoari eta Administrazio Prozedura Erkideari buruzko Legeak aginduko dute, arau horiek eskuordetze hauetarako ezartzen dituzten erregelen esparruan.
Bosgarrena.–Ebazpen honen berri ematea Udalbatzari, egiten duen hurrengo ohiko osoko bilkuran.
Aditzera ematen dut, jakin dadin eta ondorioak izan ditzan. Halaber, ohartarazten dut erabaki honen aurka errekurtso hauetako bat aurkez daitekeela, hautara: Berraztertzeko errekurtsoa, egintzaren órgano egileari zuzendua, hilabeteko epean, erabaki hau jakinarazi eta biharamunetik aurrera. Gora jotzeko errekurtsoa, Nafarroako Administrazio Auzitegiari zuzendua, hilabeteko epean, erabaki hau jakinarazten denetik aurrera. Administrazioarekiko auzi-errekurtsoa, Nafarroako Auzitegi Nagusiko Administrazioarekiko Auzien Epaitegiari edo Salari zuzendua, bi hilabeteko epean, ebazpen hau jakinarazi eta biharamunetik aintzina.
Oltza Zendean, 2022ko martxoaren 4an.–Alkatea, Moises Garjon Villanueva.
Iragarkiaren kodea: L2203295
