1. NAFARROAKO FORU KOMUNITATEA
1.2. AGINTARIAK ETA LANGILEAK
1.2.2. Oposizioak eta lehiaketak. Lan publikoaren eskaintza
104/2022 EBAZPENA, otsailaren 23koa, Osasunbidea-Nafarroako Osasun Zerbitzuko zuzendari kudeatzaileak emana, 484/2021 prozedura laburtuari dagokion administrazio-espedientea Iruñeko Administrazioarekiko Auzien 3. Epaitegira igortzen duena. Espedientea David Rodríguez Merchán jaunak jarritako administrazioarekiko auzi-errekurtsoari dagokio.
David Rodríguez Merchán jaunak administrazioarekiko auzi-errekurtsoa jarri du Iruñeko Administrazioarekiko Auzien 3. Epaitegian Osasunbidea-Nafarroako Osasun Zerbitzuko zuzendari kudeatzaileak urriaren 21ean emandako 1663E/2021 Ebazpenaren aurka, zeinaren bidez ebatzi baitzen David Rodríguez Merchán jaunak jarritako gora jotzeko errekurtsoa oposizio-lehiaketa honetako behin betiko emaitzen aurka: oposizio-lehiaketa, osasun mentaleko erizain espezialisten 9 lanpostu betetzeko Osasunbidea-Nafarroako Osasun Zerbitzuan.
Administrazioarekiko Auzien Jurisdikzioa arautzen duen uztailaren 13ko 29/1998 Legearen 48,4. artikuluarekin bat, epaitegiak eskatu du administrazio espedientea igor diezaiotela eta epatzeko deiak egin daitezela, lege horren 49. artikuluan ezarri bezala.
Erabiliz irailaren 3ko 171/2015 Foru Dekretuaren bidez onetsitako Osasunbidea-Nafarroako Osasun Zerbitzuaren Estatutuek ematen dizkidaten ahalmenak,
EBAZTEN DUT:
1. Iruñeko Administrazioarekiko Auzien 3. Epaitegira igortzea 484/2021 prozedura laburtuari dagokion administrazio-espedientea. Espedientea dagokio David Rodríguez Merchán jaunak jarritako administrazioarekiko auzi-errekurtsoari Osasunbidea-Nafarroako Osasun Zerbitzuko zuzendari kudeatzaileak urriaren 21ean emandako 1663E/2021 Ebazpenaren aurka, zeinaren bidez ebatzi baitzen David Rodríguez Merchán jaunak jarritako gora jotzeko errekurtsoa oposizio-lehiaketa honetako behin betiko emaitzen aurka: oposizio-lehiaketa, osasun mentaleko erizain espezialisten 9 lanpostu betetzeko Osasunbidea-Nafarroako Osasun Zerbitzuan.
2. Ebazpen hau balizko interesdunei jakinaraztea, Nafarroako Aldizkari Ofizialean argitaratuz, eta haiek epatzea autoetan demandatu gisa agertu ahal izan daitezen aipatutako epaitegian, honako hau argitaratu ondoko bederatzi eguneko epean.
3. Ebazpen hau igortzea Lehendakaritzako, Berdintasuneko, Funtzio Publikoko eta Barneko Departamentuko Aholkularitza Juridikoaren Zerbitzura eta Osasun Departamentuko Osasunbidea-Nafarroako Osasun Zerbitzuko Araubide Juridikoaren Zerbitzura, behar diren ondorioak izan ditzan.
Iruñean, 2022ko otsailaren 23an.–Osasunbidea-Nafarroako Osasun Zerbitzuko zuzendari kudeatzailea, Gregorio Achutegui Basagoiti.
Iragarkiaren kodea: F2202752
