2. NAFARROAKO TOKI ADMINISTRAZIOA
2.2. XEDAPEN ETA IRAGARKIAK, HERRIEN ARABERA ANTOLATUAK
JURRAMENDIKO MANKOMUNITATEA
Egoitza elektronikoa sortzea
Bete dadin ezarrita dagoena urriaren 1eko 39/2015 Legean (lege horrek hizpide du Administrazio Publikoen Administrazio Prozedura Erkidea) eta urriaren 1eko 40/2015 Legean (lege horrek hizpide du Sektore Publikoaren Araubide Juridikoa), eta herritarrek sistema telematiko bat izan dezaten gure erakundearekin komunikatzeko, Jurramendiko Mankomunitateko buruak,
EBAZTEN DU:
1. Jurramendiko Mankomunitatearen egoitza elektronikoa sortzea https://sedeelectronica.montejurra.com helbide elektronikoan. Interneteko domeinu hori Jurramendiko Mankomunitatearena baita. Jurramendiko Mankomunitatea da egoitza horren titularra.
2. Egoitza elektronikoa indarrean jarriko da ebazpen hau Nafarroako Aldizkari Ofizialean argitaratu eta biharamunetik aurrera.
3. Agintzea ebazpen hau Nafarroako Aldizkari Ofizialean argitara dadila.
4. Ebazpen hau erakundearen alor guztiei jakinaraztea, eta Jurramendiko Mankomunitatearen web-atarian eta egoitza elektronikoan argitaratzea, Nafarroako Aldizkari Ofizialean argitaratzen den egun beretik aurrera.
5. Mankomunitateko Idazkaritza Orokorrari esleitzea egoitza elektronikoa zuzendu eta koordinatzeko eginkizunak.
Ebazpen honen aurka, hautara, errekurtso hauetako bat aurkez daiteke:
1. Berraztertzeko errekurtsoa, egintza eman duen organo berari zuzendua, hilabeteko epean, hura jakinarazi eta biharamunetik hasita.
2. Administrazioarekiko auzi-errekurtsoa, Nafarroako Auzitegi Nagusiko arlo bereko salari zuzendua, bi hilabeteko epean, ebazpen hau jakinarazi eta biharamunetik hasita.
3. Gora jotzeko errekurtsoa, Nafarroako Administrazio Auzitegiari zuzendua, hilabeteko epean, ebazpen hau jakinarazten denetik hasita.
Lizarran, 2022ko otsailaren 8an.–Mankomunitateko burua, Emilio Cigudosa García.
Iragarkiaren kodea: L2202165
