1. NAFARROAKO FORU KOMUNITATEA
1.7. BESTELAKOAK
8/2022 EBAZPENA, otsailaren 3koa, Lehendakaritza eta Gobernu Irekiko zuzendari nagusiak emana, Estatuko Administrazio Orokorraren eta Nafarroako Foru Komunitatearen arteko Lankidetza Batzordearen Erabakia, Kontratu Publikoei buruzko apirilaren 13ko 2/2018 Foru Legea aldatzen duen urriaren 21eko 17/2021 Foru Legearen gainekoa, Nafarroako Aldizkari Ofizialean argitaratzea xedatzen duena.
Aintzat hartuz Konstituzio Auzitegiari buruzko urriaren 3ko 2/1979 Lege Organikoaren 33. artikulua, urtarrilaren 7ko 1/2000 Lege Organikoak aldatu zuena,
EBAZTEN DUT:
Estatuko Administrazio Orokorraren eta Nafarroako Foru Komunitatearen arteko Lankidetza Batzordearen Erabakia, ebazpen honi eranskin gisa gehitu zaiona, Nafarroako Aldizkari Ofizialean argitara dadila xedatzea.
Iruñean, 2022ko otsailaren 3an.–Lehendakaritzako eta Gobernu Irekiko zuzendari nagusia, Joseba Asiain Albisu.
ERANSKINA
Estatuko Administrazio Orokorraren eta Nafarroako Foru Komunitatearen arteko Lankidetza Batzordearen Erabakia, Kontratu Publikoei buruzko apirilaren 13ko 2/2018 Foru Legea aldatzen duen urriaren 21eko 17/2021 Foru Legearen gainekoa
Estatuko Administrazio Orokorraren eta Nafarroako Foru Komunitatearen arteko Lankidetza Batzordeak hartu du honako
ERABAKIA:
1. Negoziazioei ekitea, Kontratu Publikoei buruzko apirilaren 13ko 2/2018 Foru Legea aldatzen duen urriaren 21eko 17/2021 Foru Legearen artikulu bakarraren lehen, bigarren, hogeita bigarren, hogeita hamahirugarren, hogeita hamalaugarren, hogeita hamazazpigarren, hogeita hemeretzigarren, berrogeita bosgarren, berrogeita zortzigarren, berrogeita hamargarren, berrogeita hamabigarren, berrogeita hamaseigarren, hirurogeita hirugarren eta hirurogeita bosgarren apartatuen inguruan adierazitako desadostasunak ebazteko.
2. Lantalde bat izendatzea Lankidetza Batzordeari bidezko den konponbidea proposatzeko.
3. Erabaki hau Konstituzio Auzitegiari jakinaraztea, Konstituzio Auzitegiari buruzko Lege Organikoaren 33.2 artikuluan aipatzen den edozein organoren bidez, manu horretan berean aipatzen diren ondorioetarako, eta erabaki hau Estatuko Aldizkari Ofizialean eta Nafarroako Aldizkari Ofizialean argitaratzea.
Iragarkiaren kodea: F2201779
